వేటపాలెం

గుంటూరు జిల్లాలోని ఇదేపేరుగల గ్రామం కొరకు, వేటపాలెం (చుండూరు మండలం) చూడండి.

వేటపాలెం
—  రెవిన్యూ గ్రామం  —
వేటపాలెం
అక్షాంశరేఖాంశాలు: 15.78°N 80.32°E / 15.78; 80.32
రాష్ట్రం	ఆంధ్ర ప్రదేశ్
జిల్లా	ప్రకాశం జిల్లా
మండలం	వేటపాలెం
ప్రభుత్వము
- సర్పంచి
పిన్ కోడ్	523 187
ఎస్.టి.డి కోడ్	08594

వేటపాలెం, ఆంధ్ర ప్రదేశ్ రాష్ట్రములోని ప్రకాశం జిల్లాకు చెందిన జనగణన పట్టణం..పిన్ కోడ్: 523 187., ఎస్.ట్.డి.కోడ్ = 08594.

గ్రామం పేరు వెనుక చరిత్ర

"వేటపాలెం" పేరును సంస్కృతీకరించి "మృగయాపురి" అని కొన్నిచోట్ల వ్రాస్తారు.

గ్రామ భౌగోళికం

• ఈ గ్రామం సముద్ర తీరం నుండి 4.5 కి.మీ. దూరంలో ఉంది.
• వేటపాలెం గ్రామం తెనాలి - మద్రాసు రైల్వే లైనులో ఉంది. చీరాల నుండి వేటపాలెంకు బస్సు ప్రయాణం అరగంట పడుతుంది.
• వేటపాలెం గ్రామం చీరాల పట్టణానికి 9 కి.మీ దూరంలో ఉంది. ఈ వేటపాలెం మండలంలో ఆరు గ్రామాలు ఉన్నాయి.
• Latitude 15.7833 Longitude 80.3167 Altitude (feet) 19
• Lat (DMS) 15° 46' 60N Long (DMS) 80° 19' 0E Altitude (meters)

గ్రామంలో విద్యా సౌకర్యాలు

తెలుగు పుస్తకాల అమూల్య నిలయమైన సారస్వత నికేతనం వేటపాలెంలోని ఒక గ్రంథాలయం.

సారస్వత నికేతనం

ప్రధాన వ్యాసము: సారస్వత నికేతనం

* సారస్వత నికేతనం - వేటపాలెంలోని ఒక ప్రముఖ గ్రంథాలయం.

"సారస్వత నికేతనం" అనే గ్రంథాలయం ప్రపంచ ప్రసిద్ధమైనది. ఇది తెలుగు భాషకు 80 సంవత్సరాలుగా మహోన్నత సేవలు చేసింది. దీన్ని 1918లో వూటుకూరి వేంకట శ్రేష్టి స్థాపించాడు. స్వాతంత్ర్యము రాక ముందు స్థాపించబడిన ఈ గ్రంథాలయము మొదటి నుండి ప్రైవేటు కుటుంబము నిర్వహించే గ్రంథాలయముగానే ఉంది. ఆంధ్ర ప్రదేశ్ లో కెల్ల ఇటువంటి అరుదైన ఏకైక గ్రంథాలయము సారస్వత నికేతనం.

• ఈ గ్రంథాలయానికి 1929లో జాతిపిత మహాత్మా గాంధీ శంకుస్థాపన చేశాడు. 1935లో బాబూ రాజేంద్ర ప్రసాద్ దీన్ని సందర్శించి ఆశీర్వదించారు. కట్టడము పూర్తైన భవనాలను సేఠ్ జమ్నాలాల్ బజాజ్ మరియు టంగుటూరి ప్రకాశం పంతులు ప్రారంభించారు.తరువాతి రోజుల్లో గాంధీగారు ఆ గ్రంథాలయాన్ని సందర్శించారు.ఆ సందర్భమున వారి చేతి కర్ర అక్కడ విరిగిపోతే దానిని జాగ్రత్తగా భద్రపరిచారు.
• ఈ గ్రంథాలయములో పాత పుస్తకాలు, వార్తా పత్రికలు, మేగజిన్లు, పత్రికల విస్తారమైన సేకరణ ఉంది. కొన్ని వార్తాపత్రికలు 1909వ సంవత్సరమునుండి ఉన్నాయి. 70,000కు పైగా సేకరణలు ఉన్న ఈ గ్రంథాలయములో చాలా మటుకు సేకరణలు అరుదైనవి. దేశము నలుమూలల నుండి, అమెరికా, జపాన్, ఆస్ట్రేలియా మొదలైన విదేశాలనుండి పలువురు పరిశోధకులు తమ పరిశోధనా ప్రాజెక్టుల కొరకు ఇక్కడ బస చేసి గ్రంథాలయ వనరులను ఉపయోగించుకొన్నారు. తెలుగులో తొలి యాత్రాచరిత్రగా పేరొందిన ఏనుగుల వీరాస్వామయ్య కాశీయాత్రచరిత్ర గ్రంథాన్ని 1950 ప్రాంతాల్లో పునర్ముద్రించేందుకు ప్రముఖ చరిత్ర పరిశోధకుడు, పుస్తకప్రియుడు దిగవల్లి వేంకటశివరావు ప్రయత్నించగా వేటపాలెం గ్రంథాలయంలోనే మంచి ప్రతి దొరికి పునర్ముద్రణ సాధ్యమైంది.

కళాశాలలు

1. బండ్ల బాపయ్య హిందూ జూనియర్ మరియు డిగ్రీ కాలేజి ఉంది. ఇక్కడ ఎందరో విద్యార్థులు చదువుకొని ఉన్నత స్థానాలకు ఎదిగారు. ఇది 1921లో స్థాపించబడింది.ఇక్కడి గొల్లపూడి సీతారామయ్య వసతి గృహములో పేద విద్యార్థులకు ఉచిత భోజన సౌకర్యము కల్పిస్తారు.
2. నాయునిపల్లి గ్రామంలో సెయింటాన్స్ ఇంజినీరింగ్ కాలేజి మరియు చీరాల ఇంజినీరింగ్ కాలేజిలు ఉన్నాయి. * సారస్వత నికేతనం - వేటపాలెంలోని ఒక ప్రముఖ గ్రంథాలయం

• సెయింట్ ఆన్స్ ఇంజినీరింగ్ కాలేజి - చల్లారెడ్డిపాలెం లోని ఒక ఇంజినీరింగ్ కళాశాల

1. సెయింట్ యాన్స్ పాలిటెక్నిక్:- ఈ కళాశాలలో చదువుచున్న మచ్చా గోపి అను విద్యార్థి, రాష్ట్రపతి స్కౌట్ అవార్డ్ టెస్టింగ్ శిబిరానికి ఎంపికైనాడు. ఈ క్యాంపుకు మన రాష్ట్రం నుండి ఎంపికైన 10 మంది విద్యార్థులలో ఇతడు ఒకరు. []

ఉన్నత పాఠశాలలు

బండ్ల బాపయ్య హిందు ఉన్నత పాఠశాల ఉంది. ఇందులో ఓపెన్ థియేటర్ (పాతది) కూడా ఉంది. ఇందులో రెండు మంచి నీటి బావులు ఉన్నాయి. చుట్టు ప్రక్కల ప్రజలు వీటిని ఉపయోగించెదరు. జిల్ల పరిషత్ బలికొన్నత పాఠశాల ఉంది.

పాఠశాలలు

అనేక ప్రభుత్వ పాఠశాలలు, ప్రైవేట్ కాన్వెంట్లు ఉన్నాయి. ప్రైవేట్ పాఠశాలలు జ్యోతి కాన్వెంట్, సిద్ధార్థ పబ్లిక్ స్కూల్ ఉన్నాయి.

గ్రామంలో మౌలిక వసతులు

మార్కెట్లు

రెండు పెద్ద మార్కెట్లు ప్రక్క ప్రక్కనే ఉన్నాయి. చుట్టుప్రక్కల గ్రామాల ప్రజలు ఈ మార్కెట్లకి కొనుగోలుకి వస్తూంటారు.

1. కూరగాయల మార్కెట్ - అన్ని రకాల కూరగాయలు ఇచ్చట లభించును.
2. చేపల మార్కెట్ - ఇందులో అన్ని రకాల సముద్రపు చేపలు, మంచి నీటి చేపలు, రొయ్యలు, ఎండు చేపలు, ఎండు రొయ్యలు, పీతలు, ఎండ్రకాయలు, కోడి మాంసము, వేట (మేక /గొర్రె /పొట్టేలు)మాంసము అమ్మెదరు.

ఆశ్రమములు

నిత్యావతార దత్తక్షేత్రమ్.

సినిమా థియేటర్లు

జయలక్ష్మి థియేటర్, రామకృష్ణ థియేటర్, విజయభాస్కర థియేటర్ (పాత పేరు=సరస్వతి థియేటర్). వేటపాలెం సెంటర్లో కళ్యాణ మండపాలు కూడా ఉన్నాయి.

గ్రామ పంచాయతీ

వేటపాలెం గ్రామ పంచాయతీ 1886, ఏప్రిల్-9న ఆవిర్భవించింది. ఆ రోజులలో గ్రామ విస్తీర్ణం 3,178 ఎకరాలు. అప్పట్లోనే మేజర్ పంచాయతీగా, కుటీరపరిశ్రమల కేంద్రంగా విరాజిల్లినది. 17 వార్డులలో, 16,000 జనాభా ఉండేవారు. తరువాత 1987,డిసెంబరు-19న, పురపాలకసంఘంగా గూడా ఎదిగినది. 1988లో ఎన్నికలు నిర్వహించారు. అప్పటివరకూ రు. 3 లక్షలు ఉన్న పన్నులు, రు. 10 లక్షలు అయినవి. దీనితో పౌరసమితిని ఏర్పాటుచేసి, ప్రజలు మునిసిపాలిటీని రద్దు చేయాలని ఉద్యమాలు చేశారు. ఈ నేపథ్యంలో 1992లో చీరాల శాసనసభ్యులుగా పోటీచేసిని శ్రీ కొణిజేటి రోశయ్య మునిసిపాలిటీని రద్దు చేసి, పంచాయతీగా మారుస్తానని ఎన్నికలలో వాగ్దానం చేశారు. ఆ రకంగా, ఇది వేటపాలెం, రామన్నపేట, దేశాయిపేట గ్రామాలతో. కలిసి, మరలా పంచాయతీగా మారిపోయినది,. ఇప్పటికీ కేంద్ర ప్రభుత్వం నుండి వచ్చే ఉత్తర ప్రత్యుత్తరాలు, వేటపాలెం మునిసిపాలిటీ పేరిటే జరుగుచున్నవి. [5]

గ్రామములోని దర్శనీయ ప్రదేశములు/దేవాలయములు

1. శ్రీ వేంకటేశ్వర స్వామివారి ఆలయం;- ఇక్కడ గడియార స్తంభం సెంటర్ లో ఉన్న ఈ ఆలయం ప్రసిద్ధమైనది. ఇచ్చట ఎందరో భక్తులు నమ్మకంతో ఈ ఆలయాన్ని సందర్శిస్తారు. ఇందులోనే కళ్యాణ మండపం కూడా ఉంది. ప్రతి దసరా పండగకి నవరాత్రి ఉత్సవాలను ప్రజలందరి సహకారంతో ఘనంగా జరుపుతారు.
2. శ్రీ భోగ లింగేశ్వరస్వామివారి ఆలయo:- ఈ గ్రామంలోని నాయునిపల్లిలో ఉన్న ఈ ప్రసిద్ధ శివాలయంలో, పూజారిగా శ్రీ కారంచేటి సాంబశివరావు గారు (రిటైర్డ్ హెడ్ మాస్టరు) ఉన్నారు.
3. శ్రీ ఆంజనేయస్వామివారి ఆలయం.
4. శ్రీ కన్యకా పరమేశ్వరీ అమ్మవారి ఆలయం:- ఈ ఆలయంలో ప్రతి రోజూ సహస్ర దీపాలంకరణసేవ నిర్వహించెదరు.
5. శ్రీ నాగవరపమ్మ తల్లి ఆలయం.

తిరునాళ్ళ-సంబరాలు-పండుగలు

1. శ్రీ పోలేరమ్మ తిరునాళ్ళ.
2. శ్రీ కనక నాగవరపమ్మ తిరునాళ్ళ. (రావూరిపేట)
3. హిందువులు అన్ని పెద్ద పండుగలను దేవాలయాలలో మరియు వారి ఇళ్ళల్లో ఘనంగా జరుపుతారు.
4. ముస్లింలు రంజాన్, బక్రీద్ మరియు పీర్ల పండుగలను ఘనంగా జరుపుతారు.
5. క్రైస్తవులు క్రిస్టమస్ పండుగను ఘనంగా జరుపుతారు.
6. ఇక్కడ సర్వమత సౌభ్రాతృత్వం ఉంది.

గ్రామంలో ప్రధాన పంటలు

కోస్తా ప్రాంతంలోనే జీడిపప్పు వ్యాపారానికి ఎంతో పేరు గాంచింది.

గ్రామంలో ప్రధాన వృత్తులు

వ్యవసాయం, జీడి తోటల పెంపకం, మామిడి తోటల పెంపకం, రొయ్యల పెంపకం, చేపల పెంపకం.

పరిశ్రమలు

చేనేత పరిశ్రమలు, జీడి పప్పు పరిశ్రమలు, అగరబత్తి పరిశ్రమలు, తాటి కల్లు పరిశ్రమలు, బీడి పరిశ్రమలు వేటపాలెంలో ముఖ్యమైనని. ఈ పరిశ్రమలు ఎంతోమంది కార్మికులకు జీవనోపాధిని కలిగిస్తున్నాయి.

గ్రామ ప్రముఖులు

• రావిపాటి శ్రీరామచంద్రమూర్తి - ప్రముఖ రంగస్థల నటుడు.

గ్రామ విశేషాలు

ఈఊరి మీద సామెతలు

ఎచ్చులకు వేటపాలెం పోతే తన్ని తల గుడ్డ తీసుకున్నారట.

ఈ గ్రామానికి చెందిన శ్రీ టంగుటూరి ప్రభాకరరావు, నాగలక్ష్మి దంపతులకు ప్రింటింగు ప్రెవ్స్సే జీవనాధారం. వీరి కుమార్తె కళ్యాణి, బి.టెక్. (ఇ.సి.ఇ.) పూర్తి చేసి, జె.ఎన్.టి.యు. పరిధిలోనే ప్రథమురాలిగా ఉత్తీర్ణురాలయినది. [2]

గ్రామ స్వరూపం

2001 జనాభా లెక్కల ప్రకారం వేటపాలెం జనాభా 37,037. ఇందులో మగవారు 49%, మరియు ఆడవారు 51%. అక్షరాస్యత 59%. జాతీయ సగటు అక్షరాస్యత 68%కి ఇది తక్కువ. జనాభాలో 6 సంవత్సరాలలోపు పిల్లలు 11% ఉన్నారు.

• Approximate population for 7 km radius from this point: 27320
• ఈ గ్రామము.

మూలాలు

• సారస్వత నికేతనం వెబ్‌సైటు
• "తెలుపు" వెబ్‌సైటులో సారస్వత నికేతనం గురించి
• జిల్లాలో జూనియర్ కాలేజీలు
• రాష్ట్రంలో డిగ్రీ కాలేజీలు

బయటి లింకులు

[1] ఈనాడు ప్రకాశం; 2013,జులై-14; 8వపేజీ. [2] ఈనాడు ప్రకాశం; 2014,మే-29; 7వపేజీ.