మిట్టపల్లి సురేందర్

మిట్టపల్లి సురేందర్
జననం	జనవరి 9,1985 వెలంపల్లి గ్రామం, చిట్యాల మండలం,టేకుమట్ల వరంగల్ జిల్లా
వృత్తి	కవి, గీతరచయిత, గాయకుడు
మతం	హిందూ
భాగస్వాములు	సుజిత
తండ్రి	నర్సయ్య,
తల్లి	మధునమ్మ

మిట్టపల్లి సురేందర్ వరంగల్ జిల్లాకు చెందిన తెలుగు జానపద, సినీ గీతరచయిత.తెలంగాణ ఉద్యమానికి పాటలకు ఊపిరి పోసిన పల్లెకవి సురేందర్. తలరాతను మార్చే బతుకుకోసం ఎదిరించి పోరాడమని తన పాటల ద్వారా బోధించినోడు మిట్టపల్లి సురేందర్. తెలంగాణ కోసం అమరులైన యువకుల బలిదానాల మీద ఆయన రాసిన "రాతిబొమ్మల్లోన కొలువైన శివుడా పాట" బహుళ ప్రజాదారణ పొందింది. ప్రముఖ దర్శకులు ఆర్.నారాయణమూర్తి ఆ పాటను తన పోరుతెలంగాణ (2011) చిత్రంకోసం వాడుకున్నారు. అదే పాటకుగానూ 2011లో సురేందర్ నంది అవార్డును అందుకున్నారు. సురేందర్ ఇప్పటివరకు దాదాపు 300ల ప్రైవేట్ సాంగ్స్ రాశారు, తొమ్మిది సినిమాలకు 20దాకా పాటలు రాశారు.

జీవిత విశేషాలు

మధురమైన పాటలు రాసిన మిట్టపల్లి సురేందర్ పుట్టింది వరంగల్ జిల్లా, చిట్యాల మండలం],టేకుమట్లవెల్లంపల్లి గ్రామం. తండ్రి నర్సయ్య, తల్లి మధునమ్మ. తాను రాసిన గేయాలన్నీ బడుగు జీవుల మనసు గాయాలను మాన్పేవేనని సగర్వంగా చెప్పుకుంటాడు సురేందర్. గోరటి వెంకన్న, చంద్రబోస్, అందెశ్రీ, వేటూరి వంటి కవులు రాసిన సాహిత్యం తన పాటలకు స్ఫూర్తని అంటాడు. సురేందర్ గుభాళించిన సాహితీ సౌరభాలు తెలంగాణ పల్లెల్లో ప్రతి ఇంటా గుప్పుమంటున్నాయి. సురేందర్ ప్రైవేట్ సాంగ్స్ మాత్రమే కాకుండా సినిమాల్లో కూడా పాటలు రాసాడు. నాన్స్టాప్, ధైర్యం, రాజన్న, సత్యాగ్రహి వంటి చిత్రాల్లో సినీగీతాలు రాసి సినీ ప్రముఖుల చేత శబాష్ అనిపించుకున్నాడు.

మూలాలు

• నమస్తే తెలంగాణ లో ఇంటర్వ్యూ