ముదునూరు (వుయ్యూరు)

వికీపీడియా నుండి
Jump to navigation Jump to search
ముదునూరు (వుయ్యూరు)
—  రెవిన్యూ గ్రామం  —
రాష్ట్రం ఆంధ్ర ప్రదేశ్
జిల్లా కృష్ణా జిల్లా
మండలం వుయ్యూరు
ప్రభుత్వము
 - సర్పంచి శ్రీ పల్లపోతు శ్రీనివాసరావు
జనాభా (2011)
 - మొత్తం 3,859
 - పురుషుల సంఖ్య 1,903
 - స్త్రీల సంఖ్య 1,956
 - గృహాల సంఖ్య 1,171
పిన్ కోడ్ 521261
ఎస్.టి.డి కోడ్ 08676

ముదునూరు (ఆంగ్లం: Mudunuru), కృష్ణా జిల్లా, వుయ్యూరు మండలానికి చెందిన గ్రామము. పిన్ కోడ్ నం. 521 261., ఎస్.టీ.డీ.కోడ్ = 08676.

విషయ సూచిక

గ్రామ చరిత్ర[మార్చు]

స్వాతంత్ర్యోద్యమంలో ప్రముఖ పాత్ర వహించి గాంధీజీ అడుగులో అడుగువేసిన మహనీయులెందరో పుట్టిన గడ్డగా ఈ గ్రామం పేరుగాంచింది. ఆ రోజులలో ఈ గ్రామం తెల్లవారి గుండెల్లో నిద్దురపోయింది. ఎన్నో చారిత్రిక సంఘటనలకు, ఉదంతాలకూ వేదికైనది. ఎంతోమంది సమరయోధులు ఉద్యమంలో కీలక పాత్ర వహించారు. ఆ సమయంలో ఉత్తేజిత రచనలతో ఈ వూరునుంచే నాడు రహస్య పోరాటపత్రిక, స్వాతంత్ర్యోద్యమ వెలుగుల కరదీపిక "రెడి" రహస్య పత్రిక 1930లో ఇక్కడ ముద్రి తమయ్యేది. గుత్తా వెంకటగిరిరావు, కొల్లి వెంకటదాసు, మొవ్వ రామయ్యల నేతృత్వంలో ఇది వెలువడేది. రోజుకోప్రాంతంలో పెట్టి ముద్రించే సైక్లో స్టైల్ మిషనుని చేతనైతే స్వాధీనం చేసుకోమని బ్రిటిష్ బలగాలకు సవాలు విసిరిన ఘనులు, ఈ వూరి యోధులు. నాడు దానిని పట్టుకోవడం ఎవరివల్లా కాలేదు.

మహాత్మునికి తొలి విరాళం[మార్చు]

ముదునూరుకు డిసెంబరు 1933 లో గాంధీజీ విచ్చేశారు. నాటి స్వాతంత్ర్యసమరయోధులు అన్నే అంజయ్య సతీమణి ప్రథమంగా ఉద్యమం కోసం ఆయన చేతికి తన నగల్ని తొలి విరాళంగా అందించారు. దాంతో స్పందించిన గ్రామ మహిళలు వారి నగల్నీ, నగదునూ గాంధీజీకి విరాళంగా ఇచ్చారు. ఈ సందర్భంలో గాంధీజీ ప్రసంగం ఉద్వేగభరితంగా సాగిందని చరిత్రకారుల మాట. నిన్న మొన్నటి వరకూ, పలువురు స్వాతంత్ర్యసమరయోధులు గ్రామాభ్యుదయానికీ, విద్యాభివృద్ధికీ బాటలు వేశారు. 1976 లో ఇక్కడ స్వాతంత్ర్యసమరయోధుల సంస్మరణార్ధం స్థూపం నిర్మించారు. [2]

గ్రామం పేరు వెనుక చరిత్ర[మార్చు]

గ్రామ భౌగోళికం[మార్చు]

[1] సముద్రమట్టానికి 11 మీటర్ల ఎత్తు

సమీప గ్రామాలు[మార్చు]

ఈ గ్రామానికి సమీపంలో చినపారుపూడి, బొల్లపాడు, ఏదులమద్దాలి, తాడంకి, పెదపారుపూడి గ్రామాలు ఉన్నాయి.

సమీప మండలాలు[మార్చు]

వుయ్యూరు, గుడివాడ, పామర్రు, ఉంగుటూరు

గ్రామానికి రవాణా సౌకర్యం[మార్చు]

వెంట్రప్రగడ, వుయ్యూరు,అప్పికట్ల, సాయపురము, జబర్లపూడీ నుండి రోడ్డురవాణా సౌకర్యం ఉంది. రైల్వేస్టేషన్: విజయవాడ 36 కి.మీ, గుడివాడ-14 కి.మీ

గ్రామంలోని విద్యా సౌకర్యాలు[మార్చు]

  1. జిల్లా పరిషత్తు ఉన్నత పాఠశాల:- ఈ పాఠశాలలో 8వ తరగతి చదువుచున్న విద్యార్థులను, ప్రతి సంవత్సరం నవంబరులో నిర్వహించే జాతీయ ప్రతిభ ఉపకార వేతనాల పోటీలకు, పాఠశాలలోనే ఉచిత శిక్షణ ఇచ్చుచూ విద్యార్థులను ప్రోత్సహించ్చుచున్నారు. దీనిలో ప్రతిభ ప్రదర్శించిన విద్యార్థులకు, 9వ తరగతి నుండి ఇంటరు వరకు ప్రతి సంవత్సరం ఆరువేల రూపాయలు ఉపకారవేతనం అందించుచున్నారు. ఈ పాఠశాలనుండి ప్రతి సంవత్సరం ఒకరిద్దరు విద్యార్థులు ఈ విధంగా లబ్ధిపొందుచున్నారు. [9]
  2. మండల పరిషత్తు ప్రాథమిక పాఠశాల.

గ్రామంలోని మౌలిక సదుపాయాలు[మార్చు]

గ్రామానికి సాగు/త్రాగునీటి సౌకర్యం[మార్చు]

గ్రామ పంచాయతీ[మార్చు]

2013 జూలైలో ఈ గ్రామ పంచాయతీకి జరిగిన ఎన్నికలలో శ్రీ పల్లపోతు శ్రీనివాసరావు, సర్పంచిగా ఎన్నికైనారు. [3]

గ్రామంలోని దర్శనీయ ప్రదేశములు/దేవాలయాలు[మార్చు]

శ్రీ రామలింగేశ్వరస్వామివారి ఆలయం[మార్చు]

గ్రామదేవత శ్రీ శ్రీ శ్రీ బుసెమ్మ తల్లి ఆలయo[మార్చు]

ముదునూరు గ్రామంలో నెలకొనియున్న గ్రామదేవత శ్రీ శ్రీ శ్రీ బుసెమ్మ తల్లి పేరంటాలు, తిరునాళ్ళ మహోత్సవాలు 2014,మార్చ్-21,శుక్రవారం నాడు శిడిబండి కార్యక్రమంతో మొదలై, 23 ఆదివారం, అన్నదానం కార్యక్రమంతో పూర్తి అగును. [4]

శ్రీ షిర్డీ సాయిబాబా ఆలయం[మార్చు]

ఇక్కడ ఒక కళ్యాణమంటపం గూడా ఉంది.

ఈ ఆలయ 13వ వార్షికోత్సవం, 2016,మే-1వతేదీ ఆదివారంనాడు వైభవంగా నిర్వహించారు. [10]

శ్రీ గంగమ్మదేవరతల్లి ఆలయం[మార్చు]

గ్రామములోని ఈ అమ్మవారు కుందేరు మరియు కుందేటి వంశస్తుల ఇంటి వేలుపుగా పూజలందుకొనుచున్నారు. అమ్మవారి వార్షిక జాతర మహోత్సవం 2016,అక్టోబరు-8వతేదీ శనివారంనాడు అత్యంత వైభవంగా నిర్వహించారు. [11]

గ్రామములోని దర్శనీయ ప్రదేశములు/దేవాలయాలు[మార్చు]

గ్రామంలో ప్రధాన పంటలు[మార్చు]

గ్రామంలో ప్రధాన వృత్తులు[మార్చు]

ప్రముఖులు[మార్చు]

గ్రామ విశేషాలు[మార్చు]

  1. ముదునూరు గ్రామములోని విశ్రాంత హిందీ ఉపాధ్యాయులు శ్రీ కె.రామలింగేశ్వరరావు, తనకు వచ్చే పింఛనులో మూడోభాగం, సేవాకార్యక్రమాలకు వెచ్చించుచున్నారు. 2004లో పదవీ విరమణ పొందిన వీరు, గ్రామాభివృద్ధితో పాటు, విద్యాప్రగతికి పాటు పడుచున్నారు. కష్టాలలో ఉన్నవారిని ఆదుకోవాలనే లక్ష్యంతో సేవాకార్యక్రమాలను కొనసాగించుచున్నారు. [5]
  2. ముదునూరుకు చెందిన స్వాతంత్ర్య సమరయోధులు మరియూ విశ్రాంత ఉపాధ్యాయులు శ్రీ నాగులపల్లి సీతారామయ్య కుమారుడు భాస్కరరావు, ఎస్.ఎస్.ఎల్.సి వరకు, ఈ గ్రామంలోని జిల్లా పరిషత్తు ఉన్నత పాఠశాలలోనే విద్యనభ్యసించారు. ఉన్నత విద్యను వేరే ప్రాంతాలలో చదివి, 40 సంవత్సరాలక్రితం, వ్యాపార రీత్యా ఢిల్లీలో స్థిరపడినారు. కానీ ఆయన తన స్వగ్రామాన్ని మరచిపోలేదు. గ్రామానికి ఏదో ఒక మంచిపని చేయాలనే సదుద్దేశంతో, గ్రామానికి లక్షల రూపాయల వ్యయంతో తనవంతు సాయం అందించుచున్నారు. ప్రతి సంవత్సరం వీరు తన తల్లి సోమదేవమ్మ వర్ధంతి అయిన జూన్-19వ తేదీన గ్రామానికి వచ్చి, వివిధ సేవాకార్యక్రమాలలో పాలు పంచుకుంటున్నారు. వీరు ప్రస్తుతం ఢిల్లీలో సెంటర్ ఫర్ మీడియా స్టడీస్ అను సంస్థకు ఛైరమనుగా ఉన్నారు. వీరు "బ్రెడ్" అను స్వచ్ఛంద సేవా సంస్థలో సభ్యులుగా గూడా ఉన్నారు. [7]
  3. ఈ గ్రామానికి చెందిన శ్రీ ముక్తినేని రవిబాబు, ఈ గ్రామాన్ని ఆకర్షణీయ గ్రామం (స్మార్ట్ విలేజ్) గా తీర్చిదిద్దటానికై, గ్రామాన్ని దత్తత తీసుకున్నారు. [8]

గణాంకాలు[మార్చు]

2001 వ.సంవత్సరం జనాభా లెక్కల ప్రకారం గ్రామ జనాభా 4125.[2] ఇందులో పురుషుల సంఖ్య 2070, స్త్రీల సంఖ్య 2055, గ్రామంలో నివాస గృహాలు 1164 ఉన్నాయి. గ్రామ విస్తీర్ణం 1220 హెక్టారులు.

జనాభా (2011) - మొత్తం 3,859 - పురుషుల సంఖ్య 1,903 - స్త్రీల సంఖ్య 1,956 - గృహాల సంఖ్య 1,171

మూలాలు[మార్చు]

  1. "ముదునూరు". Retrieved 23 June 2016.
  2. భారత ప్రభుత్వం నిర్వహించిన 2011 గణాంకాల జాలగూడు

వెలుపలి లింకులు[మార్చు]

[2] ఈనాడు విజయవాడ; 2013,జులై-10; 9వపేజీ. [3] ఈనాడు విజయవాడ; 2013,జులై-25; 6వపేజీ. [4] ఈనాడు కృష్ణా/పెనమలూరు; 2014,మార్చ్-20; 2వపేజీ. [5] [6] ఈనాడు విజయవాడ/పెనమలూరు; 2014,సెప్టెంబరు-24; 1వపేజీ. [7] ఈనాడు విజయవాడ/పెనమలూరు; 2014,సెప్టెంబరు-29; 2వపేజీ. [8] ఈనాడు అమరావతి; 2015,జూన్-22; 22వపేజీ. [9] ఈనాడు అమరావతి; 2015,సెప్టెంబరు-29; 33వపేజీ. [10] ఈనాడు అమరావతి/కంకిపాడు; 2016,మే-2; 2వపేజీ. [11] ఈనాడు అమరావతి/పెనమలూరు; 2016,అక్టోబరు-9; 2వపేజీ.