రావణుడే రాముడైతే

వికీపీడియా నుండి
Jump to navigation Jump to search
రావణుడే రాముడైతే
(1979 తెలుగు సినిమా)
దర్శకత్వం దాసరి నారాయణ రావు
నిర్మాణం ఎన్. ఆర్. అనూరాధాదేవి
తారాగణం అక్కినేని నాగేశ్వరరావు,
లత
సంగీతం జి.కె. వెంకటేష్
నిర్మాణ సంస్థ లక్ష్మి ఫిల్మ్స్ కంబైన్స్
భాష తెలుగు

చిత్రకథ[మార్చు]

రౌడీగా పెరిగిన నాగరాజు దుర్మార్గులకు దుర్మార్గుడు, సన్మార్గులకు సన్మార్గుడు. అతడు తాయారును ప్రేమిస్తాడు. కానీ తాయారు తనని ప్రేమిస్తుందో లేదో తెలుసుకొనాలని ప్రయత్నించలేదు. రత్తాలు అనే యువతి నాగరాజుపై ఎన్నో ఆశలు పెంచుకుంది.

ఉద్యోగం దొరకక మురళి అనే యువకుడు ఆత్మహత్యకు పూనుకుంటే అతడిని నాగరాజు రక్షించి అతనికి జీవనోపాధి కల్పిస్తాడు. తాను ప్రేమించిన తాయారు మురళికి దగ్గరకావడం చూసి అతడిని తన్ని తరిమేస్తాడు నాగరాజు. తరువాత ఆవేశం చల్లారుతుంది. రత్తాలు మనసును అర్థం చేసుకుంటాడు.

ఒక జమీందారీ కుటుంబం వెంకటేశ్ అనే మాయావి మూలంగా చల్లాచదురవుతుంది. జమీందారు బలవన్మరణం చెందుతాడు. అతని భార్య చిన్న కొడుకు మురళిని తీసుకుని వెంకటేశ్ బారి నుండి తప్పించుకుని ఎక్కడో దూరంగా దారిద్ర్యంలో బతకాల్సి వస్తుంది. నాగరాజు నుండి గెంటివేయబడిన మురళి అనుకోకుండా వెంకటేశ్‌ను కలుస్తాడు. మురళి జమీందారు చిన్నకొడుకని తెలుసుకుని అతని ఆస్తిని పొందాలని పన్నాగాలు పన్నుతుంటాడు. తాయారు మనసు తెలుసుకున్న నాగరాజు మురళి, తాయారులను ఒకటి చేయాలని ఎంతో సౌమ్యంతో ప్రయత్నిస్తాడు. అయితే చెప్పుడు మాటలను విన్న మురళి తాయారును చేరదీయడానికి నిరాకరిస్తాడు. తాను జమీందారు పెద్దకొడుకని తెలుసుకున్న నాగరాజు వెంకటేశ్‌పై పగ తీర్చుకునేందుకు, మంచిగా చెబితే వినని మురళిని తన దారిలోకి తెచ్చుకునేందుకు తన పూర్వపు రౌడీతనాన్ని ప్రదర్శించి కథను సుఖాంతం చేస్తాడు[1].

నటీనటులు[మార్చు]

  • అక్కినేని నాగేశ్వరరావు
  • మురళీమోహన్
  • జయచిత్ర
  • లత
  • ప్రభాకరరెడ్డి
  • మాడా వెంకటేశ్వరరావు
  • కె.వి.చలం
  • మోహన్‌బాబు
  • జయమాలిని
  • అల్లు రామలింగయ్య
  • షావుకారు జానకి

సాంకేతికవర్గం[మార్చు]

  • ఛాయాగ్రహణం : కె.ఎస్.మణి
  • సంగీతం : జి.కె.వెంకటేష్
  • దర్శకత్వం: దాసరి నారాయణరావు

గీతాలు[మార్చు]

  1. అహ ఉస్కో ఉస్కో పిల్లా చూస్కో చూస్కో మల్లా - ఎస్.పి.బాలసుబ్రహ్మణ్యం, పి.సుశీల - రచన: దాసం గోపాలకృష్ణ
  2. ఆకలెంతో దాహమెంతో అంతే అంతే మోహము వ్యామోహము - ఎస్.జానకి - రచన: ఆత్రేయ
  3. ఉప్పుచేప పప్పుచారు కలిపి కలిపి కొట్టాలి తాయారమ్మ -ఎస్.పి.బాలసుబ్రహ్మణ్యం- రచన: దాసం గోపాలకృష్ణ
  4. కనులలో నీ రూపం మనసులో నీ గీతం కదలాడే నేడే -ఎస్.పి.బాలసుబ్రహ్మణ్యం, పి.సుశీల - రచన: సినారె
  5. ప్రేమంటే తెలుసా నీకు తెలియందే ప్రేమించకు - ఎస్.పి.బాలసుబ్రహ్మణ్యం - రచన: ఆత్రేయ
  6. రవివర్మకే అందని ఒకే ఒక అందానివొ రవి చూడని - ఎస్.జానకి, ఎస్.పి.బాలసుబ్రహ్మణ్యం- రచన: వేటూరి సుందరరామమూర్తి

మూలాలు[మార్చు]

  1. పి.ఎస్. (24 February 1979). "చిత్ర సమీక్ష - రావణుడే రాముడైతే". ఆంధ్రపత్రిక దినపత్రిక. Retrieved 10 December 2017.

బయటి లింకులు[మార్చు]