శకుంతల (1966 సినిమా)
| శకుంతల (1966 తెలుగు సినిమా) | |
.jpg) | |
|---|---|
| దర్శకత్వం | కమలాకర కామేశ్వరరావు |
| నిర్మాణం | శ్రీధరరావు, లక్ష్మీరాజ్యం |
| తారాగణం | నందమూరి తారక రామారావు (దుష్యంతుడు), బి.సరోజాదేవి (శకుంతల), నాగయ్య (కణ్వుడు), పద్మనాభం (మాదవ్వ), రేలంగి (బెస్తవాడు), రమణారెడ్డి (బెస్తవాడు), గీతాంజలి (అనసూయ), శారద (ప్రియంవద), బేబి పద్మిని (భరతుడు), ముక్కామల (విశ్వామిత్రుడు) |
| సంగీతం | ఘంటసాల |
| గీతరచన | సముద్రాల రాఘవాచార్య, ఆరుద్ర, సి.నారాయణరెడ్డి, శ్రీశ్రీ, దాశరథి, కొసరాజు |
| సంభాషణలు | సముద్రాల రాఘవాచార్య |
| ఛాయాగ్రహణం | ఎం.ఎ.రహ్మాన్ |
| నిర్మాణ సంస్థ | రాజ్యం పిక్చర్స్ |
| భాష | తెలుగు |
శకుంతల, మార్చి, 23,1966లో విడుదలైన ఒక తెలుగు సినిమా.[1]పౌరాణిక బ్రహ్మ కమలాకర కామేశ్వరరావు దర్శకత్వంలో నందమూరి తారకరామారావు, బి. సరోజా దేవి, నాగయ్య ముఖ్య తారాగణం. ఈ చిత్రానికి సంగీతం ఘంటసాల వెంకటేశ్వరరావు సమకూర్చారు.
ప్రసిద్ధమైన కాళిదాసు సంస్కృత నాటకం అభిజ్ఞాన శాకుంతలం కథ ఆధారంగా ఈ సినిమా తీశారు. నర్తనశాల, హరిశ్చంద్ర సినిమాలు ఘన విజయం సాధించిన వెంటనే రాజ్యం పిక్చర్స్ వారు ఎన్.టి.ఆర్.తో మరొక సినిమా నిర్మాణానికి పూనుకొన్నారు. ముందుగా "నల దమయంతి" సినిమా తీద్దామని అనుకొన్నారు కాని ఆ కథలో "శని ప్రభావం" అధికంగా ఉన్నదని భావించి ఆ ప్రయత్నం విరమించుకొన్నారట. సినిమా భారీ తారాగణంతో, అన్ని హంగులతో తీశారు. విమర్శకులు మెచ్చుకొన్నారు. భరతునిగా బేబీ పద్మిని అభినయం, వన్యమృగాలతో నిర్భీతిగా నటించిన తీరు అందరినీ ఆకట్టుకొంది. కాని సామాన్య ప్రేక్షకులను అంతగా ఆకట్టుకోలేకపోయింది.
పాటలు
[మార్చు]- అనాఘ్రాతం పుష్పం సిసలైమనోనం (కాళీదాసు శ్లోకం) - ఘంటసాల
- అమ్మా శరణమ్మా ఇకనైన కరుణ గనవమ్మా ఓ అమ్మా - సుశీల , రచన: సముద్రాల సీనియర్
- అమ్మా శకుంతలా ఎందుకీ శోకము - పి.లీల , రచన: శ్రీరంగం శ్రీనివాసరావు
- ఆనందమౌనమ్మా అపరంజి బొమ్మ అత్తవారింటికి - ఘంటసాల,సుశీల బృందం - రచన: సముద్రాల
- కనరా మునిశేఖరా నినుకోరి దరిచేరినానురా కనరా మునిశేఖరా - సుశీల, రచన: సముద్రాల సీనియర్
- చల్లనివై శ్రమంబుడుపజాలిన తామర (పద్యం) - ఘంటసాల - రచన: కందుకూరి వీరేశలింగం
- చెలియ నీమేను తపియింపజేయుగాను పంచబాణుడు (పద్యం) - ఘంటసాల - రచన: సముద్రాల
- చెలులారా శకుంతల శ్రీమంతము సేయరే - పి. లీల బృందం , రచన: సముద్రాల సీనియర్
- తరతమ భేదంబు తలపక ధర్మము ముద్గాటించు (పద్యం) - ఘంటసాల - రచన: సముద్రాల
- నమ్మి నీమాట తన మనమ్మున - ఘంటసాల - రచన: సముద్రాల
- నాకంటి పాపవైనా నా ఇంటిదీపమైనా నీవే సుకుమార రారా ఓ వీరా - సుశీల, రచన: దాశరథి
- నిర్దయా నిదయా నీమనంబేమో నేనెరుంగ (పద్యం) - సుశీల , రచన: సముద్రాల సీనియర్
- నీవు నేనూ కలసిననాడే నింగి నేల కలిసెనులే - ఘంటసాల,సుశీల - రచన: డా॥ సినారె
- పాతకాలపు నాటి బ్రహ్మదేవుడు మా జాతకాలు - పిఠాపురం,మాధవపెద్ది బృందం , రచన:కొసరాజు
- మధుర మధుర సుమసీమ సుధలు కురియ వనసీమ - సుశీల బృందం, రచన: ఆరుద్ర
- మదిలో మౌనముగా కదలె మధుర వీణా మదిలో - ఘంటసాల - రచన: డా॥ సినారె
- యశ్శివోనామరూపాభ్యాం (శ్లోకం) ఘంటసాల , రచన:కాళిదాస కృతం
- యా స్సత్సద్వే శకుంతలేసి హృదయం ( కాళీదాసు శ్లోకం) - ఘంటసాల
- శెంగాయి కట్టిన సిన్నది చారడేసి కళ్ళు ఉన్నది మనసు - ఘంటసాల బృందం - రచన: కొసరాజు
- సదా శివ శిరోరత్నం శ్వేతవర్ణం నిశాకరం ( కాళీదాసు శ్లోకం) - ఘంటసాల
- సరసన నీవుంటే జాబిలి నాకేల మనసున నీవుంటే - ఘంటసాల,సుశీల - రచన: డా॥ సినారె
ఈ చిత్రంలో కాళిదాసు శ్లోకాలతో పాటు కందుకూరి వీరేశలింగం వ్రాసిన "చల్లనివై శ్రమింపుడు" అన్న పద్యాన్ని వాడారు.
మూలాలు
[మార్చు]- ↑ మద్రాసు ఫిలిం డైరీ. 1966లో విడుదలైన చిత్రాలు. గోటేటి బుక్స్. p. 18.
- ఘంటసాల గళామృతము బ్లాగు - కొల్లూరి భాస్కరరావు, ఘంటసాల సంగీత కళాశాల, హైదరాబాద్ - (చల్లా సుబ్బారాయుడు సంకలనం ఆధారంగా)
- సూర్య దినపత్రిక - 28 డిసెంబరు 2007లో "సూర్య చిత్ర" అనుబంధం వ్యాసం - వినాయకరావు రచన
- సి.హెచ్.రామారావు: ఘంటసాల 'పాట'శాల అను పాటల సంకలనం నుంచి.