శివ బాలాజీ
శివ బాలాజీ | |
|---|---|
 | |
| జననం | శివబాలాజీ మనోహరన్ 1980 అక్టోబరు 14 |
| వృత్తి | నటుడు, వ్యాపారవేత్త |
| క్రియాశీలక సంవత్సరాలు | 2003–ప్రస్తుతం |
| భాగస్వామి | మధుమిత |
| తల్లిదండ్రులు |
|
శివ బాలాజీ (జ. అక్టోబరు 14, 1980) ఒక ప్రముఖ నటుడు, వ్యాపారవేత్త. తెలుగు, తమిళ చిత్రాల్లో ఎక్కువగా నటించాడు. 2003 లో విడుదలైన ఇది మా అశోగ్గాడి లవ్ స్టోరీ అనే సినిమా ద్వారా చిత్ర పరిశ్రమకు పరిచయమయ్యాడు. మొదట్లో తండ్రి వ్యాపార వ్యవహారాలు చూసుకుంటున్న శివ బాలాజీ సినీ రంగంపై ఆసక్తితో అందులో ప్రవేశించాడు. మాటీవీలో జరిగిన బిగ్ బాస్ కార్యక్రమంలో పాల్గొని విజేతగా నిలిచాడు.[1][2]
వ్యక్తిగత వివరాలు
[మార్చు]శివ బాలాజీ చెన్నైలో పుట్టి పెరిగాడు. అతని తల్లిదండ్రులు మనోహరన్ రామస్వామి, శివకుమారి. తండ్రి వ్యాపారవేత్త. కార్తికేయన్ మెట్రిక్యులేషన్ హైయర్ సెకండరీ స్కూల్లో చదువుకున్నాడు. అతని చెల్లెలు పేరు గాయత్రి. అతని తమ్ముళ్ళు ప్రశాంత్ బాలాజీ, కృష్ణ సాయి. 17 ఏళ్ళ వయసు నుంచే శివ తన తండ్రి వ్యాపారాలను చూసుకోవడం మొదలు పెట్టాడు.
వివాహం
[మార్చు]శివ బాలాజీ, మధుమిత 2005లో తమిళ సినిమా ''ఇంగ్లీష్ కారణ్'' సినిమాలో వీరిద్దరు కలిసి నటించగా వీరి పరిచయం ప్రేమగా మరి 2009లో పెళ్లి చేసుకున్నారు.[3][4] వీరికి ఇద్దరు కుమారులు ధన్విన్, గగన్ ఉన్నారు.[5][6]
కెరీర్
[మార్చు]శివబాలాజీ 17 ఏళ్ళ వయసు నుంచే తనతండ్రి నుంచి సంక్రమించిన బాలాజీ గ్రూప్ ఆఫ్ కంపెనీస్ వ్యవహారాలు చూసుకోవడం మొదలు పెట్టాడు. 20 సంవత్సరాల వయసుకే తన సొంత కంపెనీలు స్థాపించాడు. తరువాత వ్యాపారం లేదా సినిమాలలో ఏదో ఒక రంగాన్ని ఎంచుకోమని తండ్రి సలహా ఇచ్చినపుడు 22 ఏళ్ళ వయసులో సినీ పరిశ్రమలో ప్రవేశించాడు. అతని తొలి చిత్రం ఇది మా అశోగ్గాడి లవ్ స్టోరీ. తరువాత ఎలా చెప్పను అనే సినిమాలో అతిథి పాత్ర పోషించాడు. దోస్త్ అనే సినిమాలో కథానాయకుడి పాత్ర పోషించాడు. ఆర్య సినిమాలో పోషించిన అజయ్ పాత్ర అతనికి నటుడిగా మంచి పేరు తెచ్చి పెట్టింది. తెలుగులో స్టార్ హోదా వచ్చింది. తరువాత సంక్రాంతి అనే సినిమాలో వెంకటేష్, శ్రీకాంత్ లకు తమ్ముడిగా నటించాడు.
ఫిల్మోగ్రఫీ
[మార్చు]- ఇంగ్లీష్ కారణ్ తప్ప మిగతా సినిమాలన్నీ తెలుగులోనే ఉన్నాయి.
| సంవత్సరం | సినిమా | పాత్ర | గమనికలు |
|---|---|---|---|
| 2003 | ఇది మా అశోగ్గాడి లవ్ స్టోరీ | అశోక్ | సినిమా అరంగేట్రం |
| 2003 | ఎలా చెప్పను | అమర్ వర్మ | |
| 2004 | దోస్త్ | శివ | |
| 2004 | ఆర్య | అజయ్ | [7] |
| 2005 | సంక్రాంతి | చిన్నా | |
| 2005 | కుంకుమ | కార్తీక్ | |
| 2005 | ఇంగ్లీష్కరన్ | బాలా | తమిళ సినిమా |
| 2006 | పోతే పోనీ | చైతన్య | |
| కోకిల | అభి | ||
| సరదా సరదాగా | ప్రేమ్ | ||
| ఆగంతకుడు | అనిల్ | ||
| అన్నవరం | వరం భర్త | అతిథి పాత్ర | |
| 2007 | పగలే వెన్నెల | బాలు | |
| పొదరిల్లు | |||
| చందమామ | దొరబాబు | ||
| 2008 | లక్ష్యం | ACP బోస్ | |
| 2009 | మాస్ట్ | బాలాజీ | |
| 2010 | శంభో శివ శంభో | చంద్రు | |
| 2015 | జెండాపై కపిరాజు | గోపి | [8] |
| లయన్ | అతిధి పాత్ర | ||
| 2017 | కాటమరాయుడు | శివరాయుడు | |
| స్నేహమేరా జీవితం | మోహన్ | నిర్మాత కూడా | |
| 2022 | టెన్త్ క్లాస్ డైరీస్ | ||
| శాకుంతలం | మాధవ్యం | ||
| 2023 | సిందూరం | సింగన్న | |
| కాలింగ్ సహస్త్ర | రవి | ||
| 2025 | కన్నప్ప | కుమార దేవ శాస్త్రి | అతిధి పాత్ర |
- ఇంగ్లీష్ కారణ్ తప్ప మిగతా సినిమాలన్నీ తెలుగులోనే ఉన్నాయి.
టెలివిజన్
[మార్చు]| సంవత్సరం | పేరు | పాత్ర | ఛానల్ | గమనికలు |
|---|---|---|---|---|
| 2017 | బిగ్ బాస్ 1 | పోటీదారు | స్టార్ మా | విజేత- 70వ రోజున |
| నీతోనే డాన్స్ | అతిథి | స్టార్ మా | ||
| 2022 | తిరిగి పొందండి | చలపతి | జీ5 | |
| 2022 | రెక్కీ | జీ5 | [9] |
మూలాలు
[మార్చు]- ↑ "'బిగ్బాస్' సీజన్-1 విజేత శివబాలాజీ". eenadu.net. ఈనాడు. Archived from the original on 24 September 2017. Retrieved 24 September 2017.
- ↑ "ఆ విషయంలో నేను లక్కీ". Andhrajyothy. 1 June 2025. Archived from the original on 1 June 2025. Retrieved 1 June 2025.
- ↑ "మధుమిత నిశ్చితార్థం". indiaglitz.com. Archived from the original on 26 ఆగస్టు 2008. Retrieved 19 July 2009.
- ↑ "జాతకాలు కుదరలేదని బ్రేకప్ చెప్పేసుకున్నాం..: శివ బాలాజీ". Eenadu. 8 June 2023. Archived from the original on 1 June 2025. Retrieved 1 June 2025.
- ↑ "శివబాలాజీ కుటుంబం".
- ↑ "శివబాలాజీకి సంబంధించిన వార్త". Archived from the original on 2015-04-03. Retrieved 2016-05-20.
- ↑ "'ఆర్య'లో చేయకూడదనుకున్నా.. ఎందుకంటే..: శివ బాలాజీ". Eenadu. 7 May 2023. Archived from the original on 1 June 2025. Retrieved 1 June 2025.
- ↑ "Nani-Amala Paul movie is Janda Pai Kapiraju". Times of India. 30 July 2012. Retrieved 10 January 2020.
- ↑ "'రెక్కీ' వెబ్ సిరీస్ రివ్యూ: కామకోరిక ఎంత దూరం తీసుకువెళుతుంది? ఏయే పనులు చేయిస్తుందంటే?". ABP Desham. 16 June 2022. Archived from the original on 1 June 2025. Retrieved 1 June 2025.