ఆత్రేయపురం
ఆత్రేయపురం | |
|---|---|
 ధర్మపీఠంగ పిలువబడుతున్న రావిచెట్టు పరిసరాలు, ఆత్రేయపురం | |
 | |
.svg)  ఆత్రేయపురం | |
| అక్షాంశ రేఖాంశాలు: 16°50′3″N 81°47′13″E / 16.83417°N 81.78694°E | |
| దేశం | భారతదేశం |
| రాష్ట్రం | ఆంధ్రప్రదేశ్ |
| జిల్లా | కోనసీమ |
| మండలం | ఆత్రేయపురం |
| విస్తీర్ణం | 5.67 కి.మీ2 (2.19 చ. మై) |
| జనాభా (2011)[2] | 6,022 |
| • జనసాంద్రత | 1,100/కి.మీ2 (2,800/చ. మై.) |
| అదనపు జనాభాగణాంకాలు | |
| • పురుషులు | 2,976 |
| • స్త్రీలు | 3,046 |
| • లింగ నిష్పత్తి | 1,024 |
| • నివాసాలు | 1,813 |
| ప్రాంతపు కోడ్ | +91 ( 08855  ) |
| పిన్‌కోడ్ | 533235 |
| 2011 జనగణన కోడ్ | 587563 |
ఆత్రేయపురం, ఆంధ్రప్రదేశ్ రాష్ట్రములోని డాక్టర్ బి.ఆర్. అంబేద్కర్ కోనసీమ జిల్లాకు చెందిన గ్రామం.[3] ఈ గ్రామం బొబ్బర్లంక రావులపాలెం మార్గ మధ్యలో వస్తుంది. ఇది సమీప పట్టణమైన రాజమండ్రి నుండి 21 కి. మీ. దూరంలో ఉంది. 2011 భారత జనగణన గణాంకాల ప్రకారం ఈ గ్రామం 1813 ఇళ్లతో, 6022 జనాభాతో 567 హెక్టార్లలో విస్తరించి ఉంది. గ్రామంలో మగవారి సంఖ్య 2976, ఆడవారి సంఖ్య 3046. షెడ్యూల్డ్ కులాల సంఖ్య 1696 కాగా షెడ్యూల్డ్ తెగల సంఖ్య 53. గ్రామం జనగణన లొకేషన్ కోడ్ 587563.[4]
గ్రామ చరిత్ర
[మార్చు]అత్రి మహాముని పేరుమీద ఆత్రేయపురమయింది. సీతారాములు ఇక్కడ వనవాస సమయంలో నివసించారు. ధర్మపీఠంగ పిలువబడుతున్న రావిచెట్టు క్రింద సీతారాములు ముచ్చట్లు చెప్పుకునేవారని భావించేవారు. అసత్య ప్రమాణము చేసినవారు ఈ చెట్టువద్ద క్షమాపణవేడుకుంటారు. చెట్టు వెనుక భాగంలో శివకేశవులు ఆలయాలు ఉన్నాయి.
విద్యా సౌకర్యాలు
[మార్చు]గ్రామంలో ఒక ప్రైవేటు బాలబడి ఉంది. ప్రభుత్వ ప్రాథమిక పాఠశాలలు నాలుగు, ప్రైవేటు ప్రాథమిక పాఠశాల ఒకటి, ప్రభుత్వ ప్రాథమికోన్నత పాఠశాల ఒకటి, ప్రైవేటు ప్రాథమికోన్నత పాఠశాల ఒకటి, ప్రభుత్వ మాధ్యమిక పాఠశాల ఒకటి, ప్రైవేటు మాధ్యమిక పాఠశాల ఒకటి ఉన్నాయి. ఒక ప్రభుత్వ జూనియర్ కళాశాల, ఒక ప్రైవేటు జూనియర్ కళాశాల ఒక ప్రైవేటు ఆర్ట్స్ / సైన్స్ డిగ్రీ కళాశాల ఉన్నాయి. సమీప ఇంజనీరింగ్ కళాశాల రాజమండ్రిలో ఉంది. సమీప వైద్య కళాశాల, మేనేజిమెంటు కళాశాల, పాలీటెక్నిక్ రాజమండ్రిలో ఉన్నాయి. సమీప వృత్తి విద్యా శిక్షణ పాఠశాల, అనియత విద్యా కేంద్రం, దివ్యాంగుల ప్రత్యేక పాఠశాల రాజమండ్రిలో ఉన్నాయి.
వైద్య సౌకర్యం
[మార్చు]ప్రభుత్వ వైద్య సౌకర్యం
[మార్చు]ఆత్రేయపురంలో ఉన్న ఒకప్రాథమిక ఆరోగ్య కేంద్రంలో ఒక డాక్టరు, ముగ్గురు పారామెడికల్ సిబ్బందీ ఉన్నారు. రెండు ప్రాథమిక ఆరోగ్య ఉప కేంద్రాల్లో డాక్టర్లు లేరు. నలుగురు పారామెడికల్ సిబ్బంది ఉన్నారు. ఒక పశు వైద్యశాలలో ఒక డాక్టరు, ఇద్దరు పారామెడికల్ సిబ్బందీ ఉన్నారు. సమీప సామాజిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, సంచార వైద్య శాల, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.
ప్రైవేటు వైద్య సౌకర్యం
[మార్చు]గ్రామంలో2 ప్రైవేటు వైద్య సౌకర్యాలున్నాయి. డిగ్రీ లేని డాక్టర్లు ఇద్దరు ఉన్నారు. రెండు మందుల దుకాణాలు ఉన్నాయి.
తాగు నీరు
[మార్చు]గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. కుళాయిల ద్వారా శుద్ధి చేయని నీరు కూడా సరఫరా అవుతోంది. బావుల నీరు కూడా అందుబాటులో ఉంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది.
బోరుబావుల ద్వారా కూడా ఏడాది పొడుగునా నీరు అందుతుంది.
కాలువ/వాగు/నది ద్వారా గ్రామానికి తాగునీరు లభిస్తుంది.
పారిశుధ్యం
[మార్చు]మురుగునీరు బహిరంగ కాలువల ద్వారా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా కూడా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు.
చెత్తను వీధుల పక్కనే పారబోస్తారు.
సమాచార, రవాణా సౌకర్యాలు
[మార్చు]ఆత్రేయపురంలో పోస్టాఫీసు సౌకర్యం, సబ్ పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్, ఇంటర్నెట్ కెఫె / సామాన్య సేవా కేంద్రం మొదలైన సౌకర్యాలు ఉన్నాయి. ప్రైవేటు కొరియర్ గ్రామానికి 5 నుండి 10 కి.మీ. దూరంలో ఉంది. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులుప్రైవేటు బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. రైల్వే స్టేషన్ గ్రామం నుండి 10 కి.మీ.కి పైబడిన దూరంలో ఉంది.
రాష్ట్ర రహదారి, ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. జాతీయ రహదారి గ్రామం నుండి 5 నుండి 10 కి.మీ. దూరంలో ఉంది.
గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.
మార్కెటింగు, బ్యాంకింగు
[మార్చు]గ్రామంలో ఏటీఎమ్, వాణిజ్య బ్యాంకు, సహకార బ్యాంకు, వ్యవసాయ పరపతి సంఘం ఉన్నాయి. గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. రోజువారీ మార్కెట్, వారం వారం సంత, వ్యవసాయ మార్కెటింగ్ సొసైటీ గ్రామం నుండి 5 నుండి 10 కి.మీ. దూరంలో ఉన్నాయి.
ఆరోగ్యం, పోషణ, వినోద సౌకర్యాలు
[మార్చు]గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో ఆటల మైదానం, సినిమా హాలు, గ్రంథాలయం, పబ్లిక్ రీడింగ్ రూం ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి.
విద్యుత్తు
[మార్చు]గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 14 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.
భూమి వినియోగం
[మార్చు]ఆత్రేయపురంలో భూ వినియోగం కింది విధంగా ఉంది:
- వ్యవసాయేతర వినియోగంలో ఉన్న భూమి: 138 హెక్టార్లు
- నికరంగా విత్తిన భూమి: 428 హెక్టార్లు
- నీటి సౌకర్యం లేని భూమి: 44 హెక్టార్లు
- వివిధ వనరుల నుండి సాగునీరు లభిస్తున్న భూమి: 384 హెక్టార్లు
నీటిపారుదల సౌకర్యాలు
[మార్చు]ఆత్రేయపురంలో వ్యవసాయానికి నీటి సరఫరా కింది వనరుల ద్వారా జరుగుతోంది.
- బావులు/బోరు బావులు: 174 హెక్టార్లు
- చెరువులు: 210 హెక్టార్లు
ఉత్పత్తి
[మార్చు]ఆత్రేయపురంలో ఈ కింది వస్తువులు ఉత్పత్తి అవుతున్నాయి.
ప్రధాన పంటలు
[మార్చు]సౌకర్యాలు
[మార్చు]- ప్రతి గంటకు రాజమండ్రి నుండి రావులపాలెం నుండి బస్సు సౌకర్యం ఉంది.
- గ్రామంలో ఒక జూనియర్ కళాశాల, ఉన్నత పాఠశాలలు ఉన్నాయి.
- టెలిఫోన్ ఎక్స్‌చేంజి, బస్సు స్టేషను కూడా ఉన్నాయి.
- పోస్టాఫీసు, డిగ్రీ కళాశాల. డి.ఇ.డి ఉపాధ్యాయ, హిందీ ఉపాధ్యాయ శిక్షణ కళాశాలలు జూనియర్ కళాశాల ప్రాంగణంలో ఉన్నాయి.
గ్రామ విశేషాలు
[మార్చు]- అతి పెద్ద ఆంజనేయ విగ్రహం ఉంది. స్వాతంత్ర్యయోధులు విద్వాంసులు అధికంగా కలరు. ఈ ప్రాంతం ప్రకృతి అందాలకు నెలవు. తరచుగా సినిమా చిత్రీకరణలు జరుగుతుంటాయి.
పూతరేకుల విశిష్టత
[మార్చు]ఇక్కడ పూత రేకు అనే స్వీట్ భహు ప్రత్యేకం పూతరేకులు ఆంధ్ర ప్రాంతానికి చెందినా అత్యంత ప్రసిద్ధ మిటాయులు.కొన్నిప్రాంతాలలో వీటిని పోరచుట్టలు అని కూడా పిలుస్తారు.ఇది కేవలం కొన్ని ప్రాంతాలలో మాత్రమే పరిమితం.
పుట్టుపూర్వోతరాలు; పూతరేకుల పుట్టుక బహు విచిత్రం .ఒక వృద్ధురాలు వంట చేసే సమయంలో ఆమెకు కలిగిన ఊహకు రూపం పూతరేకు.తదనంతరం ఇది మరింత అభివృద్ధి చెంది ఎన్నో విదములైన పూతరేకులను సృస్టించారు.
పూతరేకుల తయారీ;
పూతరేకుల తయారీకి కాల్చిన పెద్ద మట్టి కుండను వాడుతారు. కుండ నున్నగా గుండ్రంగానూ ఉండేలా చూసుకొంటారు. దాని మూతి వైపుగా కట్టెలు పెట్టేంత వెడల్పుగా కుండకు రంధ్రం చేస్తారు. ఇడ్లీకి వాడే విధంగా మినప, వరిపిండి మిశ్రమాన్ని పల్చగా జాలుగా వచ్చేలా చేసుకొని ఒకరోజు పాటు నిల్వ ఉంచుతారు. మరుసటి రోజు కుండకు ఉన్న రంధ్రం ద్వారా కట్టెలు పెట్టి, మంట పెట్టి కుండను వేడెక్కిస్తాఅరు. జాలుగా తయారుచేసుకుని సిద్ధంగా ఉంచుకున్న పిండిలో పల్చని గుడ్డను ముంచి, దానిని విప్పి వెడల్పుగా కుండపై ఒకవైపు నుండి మరొక వైపుగా లాగుతారు. వేడెక్కిన కుండపై పిండి పల్చని పొరలా ఒక పేపర్ మందంతో ఊడి వస్తుంది దానిని రేకుగా పిలుస్తారు.
ఈ రేకులో తీపిపదార్థాలను వేసి పొరలుపొరలుగా మడిచిపెట్టి పూతరేకులను తయారుచేస్తారు. ఈ తీపి పదార్థాలు రకరకాలుగా ఉంటాయి. నెయ్యి, బెల్లం వేసి వేసి తయారుచెయ్యడం సంప్రదాయికంగా వస్తున్న పద్ధతి. అలాగే పంచదార పొడి వేసి కూడా తయారుచేస్తారు. జీడిపప్పు, బాదం పప్పు వేసి తయారుచెయ్యడం ఒక పద్ధతి. మధుమేహవ్యాధి ఉన్నవారికోసం సుగర్‌ఫ్రీ పూతరేకులను కూడా తయారుచేస్తున్నారు.[1] సినిమాల్లో పూతరేకులు బెండు అప్పారావు ఆరెంపీ సినిమాలో పూతరేకుల తయారీని క్లుప్తంగా చూపించారు ఛత్రపతి సినిమాలో మన్నేల తింటివిరా కృష్ణా అనే పాటలో ఆత్రేయపురం పూతరేకుల ప్రస్తావన వస్తుంది.
గణాంకాలు
[మార్చు]2001 వ.సంవత్సరం జనాభా లెక్కల ప్రకారం గ్రామ జనాభా 6,326.[5] ఇందులో పురుషుల సంఖ్య 3,229, మహిళల సంఖ్య 3,097, గ్రామంలో నివాసగృహాలు 1,675 ఉన్నాయి
మూలాలు
[మార్చు]- ↑ 2011 ఆంధ్ర ప్రదేశ్ జనగణన డేటా - గ్రామాలు దత్తాంశ సమితి (in ఇంగ్లీష్), భారత రిజిస్ట్రార్ జనరల్, జనగణన కమిషనరు కార్యాలయం, Wikidata Q42501043, archived from the original on 11 July 2017
- ↑ https://villageinfo.in/andhra-pradesh/east-godavari/atreyapuram/atreyapuram.html.
{{cite web}}: Missing or empty|title=(help) - ↑ "Mandal wise list of villages in East Godavari district" (PDF). Chief Commissioner of Land Administration. National Informatics Centre. Archived from the original (PDF) on 21 జనవరి 2015. Retrieved 31 మార్చి 2017.
- ↑ "Office of the Registrar General & Census Commissioner, India - Village amenities of 2011".
- ↑ "ఆర్కైవ్ నకలు". Archived from the original on 2014-07-19. Retrieved 2013-12-08.