తిమ్మనపాలెం

తిమ్మనపాలెం
రెవెన్యూ గ్రామం
తిమ్మనపాలెం
అక్షాంశ రేఖాంశాలు: 15°41′42.000″N 80°1′4.800″E
దేశం	భారతదేశం
రాష్ట్రం	ఆంధ్రప్రదేశ్
జిల్లా	బాపట్ల
మండలం	కొరిశపాడు
విస్తీర్ణం	7.25 కి.మీ2 (2.80 చ. మై)
జనాభా  (2011)	0
• జనసాంద్రత	0.0/కి.మీ2 (0.0/చ. మై.)
అదనపు జనాభాగణాంకాలు
• పురుషులు	0
• స్త్రీలు	0
• లింగ నిష్పత్తి	స్త్రీ పురుష జనాభా వివరాలు లేవు
• నివాసాలు	0
ప్రాంతపు కోడ్	+91 ( 08593  )
పిన్‌కోడ్	523326
2011 జనగణన కోడ్	590578

తిమ్మనపాలెం బాపట్ల జిల్లా కొరిశపాడు మండలానికి చెందిన రెవెన్యూ గ్రామం.

గ్రామంలో విద్యా సౌకర్యాలు

ఆరెవారి జిల్లా పరిషత్తు ఉన్నత పాఠశాల

ఈ పాఠశాలలో చదువుచున్న ఐదుగురు విద్యార్థులు, ఇటీవల ఒంగోలులో నిర్వహించిన జిల్లా స్థాయి యోగా పోటీలలో తమ ప్రతిభ ప్రదర్శించి, రాష్ట్రస్థాయి పోటీలకు ఎంపికైనారు. అనంతరం వీరు 2015, సెప్టెంబరు-19 నుండి 21 వరకు విజయవాడలో నిర్వహించిన రాష్ట్రస్థాయి పోటీలలో గూడా పాల్గొని అక్కడ గూడా రాణించారు.ఈ పాఠశాలలో 2016, డిసెంబరు-1, గురువారంనాడు, చదువులతల్లి సరస్వతీదేవి విగ్రహాన్ని ఆవిష్కరించారు. గ్రామానికి చెందిన దాత శ్రీ తూమాటి ఆంజనేయులు దంపతులు, 70 వేల రూపాయల వ్యయంతో ఈ విగ్రహాన్ని వితరణగా అందజేసినారు. ఈ పాఠశాల మరికొద్ది రోజులలో స్వర్ణోత్సవం జరుపుకొనబోవుచున్నది.

గ్రామంలోని మౌలిక సదుపాయాలు

ప్రాథమిక వ్యవసాయ సహకార పరపతి సంఘం

రైతుల, ఖాతదారుల సౌకర్యార్ధం, ఈ సంఘం కార్యాలయంలో 2016, జనవరి-7న నూతనంగా ఒక క్యాష్ కౌంటరును ఏర్పాటు చేసారు.

గ్రామానికి సాగు/త్రాగునీటి సౌకర్యం

ఊరచెరువు

గ్రామంలోని ఈ చెరువు 29.20 ఎకరాలలో విస్తరించియుండగా, కొంత భాగం జాతీయ రహదారి విస్తరణకు కేటాయించగా, మిగిలిన 25 ఎకరాలలో ఉన్న ఈ చెరువులో, ఇటీవల ప్రభుత్వం చేపట్టిన నీరు-చెట్టు పథకంలో భాగంగా 9.9 లక్షల రూపాయల నిధులతో పూడికతీత కార్యక్రమం చేపట్టి అభివృద్ధి చేసారు. చెరువులో తీసిన సారవంతమైన పూడిక మట్టిని రైతులు తమ పొలాలకు ఎరువుగా తరలించుకొని పోయినారు. ఈ విధంగా చేయుట వలన చెరువులో నీటి నిలువ సామర్ధ్యం పెరుగుటయేగాక, తమ పొలాలకు ఎరువుల ఖర్చు గూడా తగ్గినదని రైతులు సంతోషం వ్యక్తం చేస్తున్నారు. పూడికతీత అనంతరం చెరువుకట్టలపై ఉపాధి హామీ పథకంలో భాగంగా ప్రభుత్వం మొక్కలు నాటే కార్యక్రమం చేపట్టినారు. ఎప్పుడూ దట్టంగా పెరిగిన చిల్లచెట్లూ, రబ్బరుకంపతో నిండిపోయిన ఈ చెరువును, అభివృద్ధి చేసిన అనంతరం చూచుచుంటే, ఆశ్చర్యం కలుగక మానదు. ఇంకనూ చెరువుకట్ట ఉపరితలంలో గ్రావెలుతో చదునుచేసి, రివెట్ మెంటును ఏర్పాటుచేసి, కట్ట కోతకు గురికాకుండా చూడవలసియున్నది. [7]

గ్రామ పంచాయతీ

2013 జూలైలో ఈ గ్రామ పంచాయతీకి జరిగిన ఎన్నికలలో అన్నంగి మేరమ్మ, సర్పంచిగా ఎన్నికైనారు.

గ్రామంలోని దర్శనీయ ప్రదేశములు/ దేవాలయాలు

శ్రీ గోవిందమాంబ సమేత శ్రీ పోతులూరి వీరబ్రహ్మేద్ర స్వామి గాయత్రీమాతా పూజాపీఠం

ఈ పీఠంలో, 25 సెప్టెంబరు-25 గురువారం నాడు, దేవీశరన్నవరాత్రి మహోత్సవాలు, కలశపూజతో ప్రారంభమగును.

గ్రామంలో ప్రధాన పంటలు

వరి, అపరాలు, కాయగూరలు

గ్రామంలో ప్రధాన వృత్తులు

వ్యవసాయం, వ్యవసాయాధారిత వృత్తులు

గ్రామంలోని ప్రముఖులు (నాడు/నేడు)

ఆరి సీతారామయ్య

ఈ గ్రామానికి చెంది ఆరి మాంధాతయ్య, తులశమ్మ వ్యవసాయ కుటుంబీకులు. ఇతని కుమారుడు ఆరి సీతారామయ్య, లక్నోలో 1965-67లో, జీవరసాయనశాస్త్రం అభ్యసించి, అక్కడే పి.హెచ్.డి, చేసారు. అనంతరం అమెరికాలోని మిచిగన్ రాష్ట్రం ఓక్ ల్యాండ్ విశ్వవిద్యాలయంలో జీవవైద్యవిఙానశస్త్రంలో ఆచార్యులుగా సేవలందించుచున్నారు. వీరు తెలుగుభాషా ప్రేమికులు. ఆయన ఉద్దేశంలో తెలుగుభాష ఒక్కటే మనలను కలిపి ఉంచుతోంది. దానిని పోగొట్టుకుంటే మనం, తెలుగు సంస్కృతిని పోగొట్టుకున్నట్లేనని చెప్పుచున్నారు. అందుకే ఆయన కథాసంపుటాల రూపంలో తెలుగును బ్రతికించుకుంటున్నారు. వీరు డెట్రాయిట్లో 100మంది ఔత్సాహికులైన తెలుగువారితో కలిసి, "డెట్రాయిట్ తెలుగు సాహిత్య సంఘం" అను సంస్థను ఏర్పాటు చేసుకున్నారు. వీరు ప్రతినెలా ఒక తెలుగు పుస్తకం చదివి దానిపై విస్తృత చర్చ జరుపుచున్నారు. శ్రీశ్రీ. గోపీచంద్ లాంటిమహానుభావుల శతజయంతి ఉత్సవాలను నిర్వహించారు. సీతారామయ్య 2005 లో గట్టుతెగిన చెరువు, 2015లో కెన్యా టు కెన్యా అను కథల సంకలనాలను వ్రాసినారు. ఓల్గా పుస్తకాలను కొన్ని అంగ్లంలోనికి అనువాదం చేసారు. అమెరికాలోని తెలుగు బాలబాలికలకు తెలుగు వ్రాయడం, చదవడం నేర్పించుచున్నారు.

గ్రామ విశేషాలు

2017, మే-15న విడుదలైన ఐసెట్-2017 పరీక్షా ఫలితాలలో, తిమ్మనపాలెం గ్రామానికి చెందిన సాదినేని వెంకటేష్, జిల్లాలోనే ప్రథమస్థానం పొందినాడు. ఈ విద్యార్థి, రాష్ట్రస్థాయిలో 48వ స్థానంలో నిలిచాడు. ఇతని తల్లిదండ్రులు లక్ష్మి, శ్రీనివాసరావు.

• 2023, జూన్ 15న విడుదలైన ఆంధ్రప్రదేశ్ పిజీఈసెట్-2023 పరీక్షా ఫలితాలలో, తిమ్మనపాలెం గ్రామానికి చెందిన అన్నంగి మనోజ్ కుమార్,జిల్లాలోనే ప్రథమస్థానం పొందినాడు. ఈ విద్యార్థి రాష్ట్రస్థాయిలో 750వ స్థానంలో నిలిచాడు,ఈ విద్యార్థి తిమ్మనపాలెం ఆరివారి జిల్లాపరిషత్ ఉన్నత పాఠశాలలో పదో తరగతి వరకు తెలుగు మీడియంలో విద్యను అభ్యసించడం విశేషం.