మైమ్ మధు
మైమ్ మధు | |
|---|---|
 | |
| జననం | అర్సం మధుసూదన్ అక్టోబర్ 6, 1977 |
| విద్య | రంగస్థల కళల్లో పి. జి |
| విద్యాసంస్థ | హైదరాబాదు కేంద్రీయ విశ్వవిద్యాలయం |
| వృత్తి | మైమ్ కళాకారుడు, నటుడు |
| జీవిత భాగస్వామి | మహాలక్ష్మి (సబ్రినా) |
| పిల్లలు | లలిత రోజ్ |
| తల్లిదండ్రులు | ఓదేలు - వినోద |
| వెబ్‌సైటు | ఇండియన్ మైమ్ అకాడమీ |
మైమ్ మధు గా పేరు గాంచిన అరుసమ్ మధుసూదన్ తెలంగాణ రాష్ట్రానికి చెందిన మైమ్ (మూకాభినయం) కళాకారుడు, రంగస్థల-టివి-సినిమా నటుడు.[1][2] వరంగల్లుకు చెందిన మధు అంతర్జాతీయ స్థాయి కళాకారుడిగా పేరుగాంచాడు.[3] 2021లో వచ్చిన ఆకాశవాణి సినిమాలోని రంగడు పాత్రలో నటించి గుర్తింపు పొందాడు.[4]
జననం
[మార్చు]మధు 1977, అక్టోబరు 6న ఓదేలు -వినోద దంపతులకు తెలంగాణ రాష్ట్రం, హన్మకొండ జిల్లా, హసన్ పర్తి మండలంలోని భీమారం గ్రామంలో జన్మించాడు.[5] మధుకు ఒక చెల్లి, ఒక తమ్ముడు ఉన్నారు. తండ్రి ఓ ప్రైవేట్‌ సంస్ధలో అటెండర్‌గా పనిచేసేవాడు.
జీవిత విశేషాలు
[మార్చు]వరంగల్ జిల్లాలోని హన్మకొండ మండలానికి చెందిన భీమారం గ్రామంలో వినాయకచవితి ఉత్సవాలప్పుడు పదిహేడేళ్ల వయసులో ఏకపాత్రాభినయం చేశాడు మధు. అదే మధు మొదటి ప్రదర్శన. ఈ కళనే మైమ్ అంటారనీ అందులో శిక్షణ పొందే ఉద్దేశంతో మైమ్ కళలో పేరున్న ఓ వ్యక్తి దగ్గరికెళ్లాడు. శిష్యుడిగా చేరడానికి వెళ్ళాడు. కానీ ఆయన ఇతన్ని తిరస్కరించాడు. ఎలాగైనా మైం లో నైపుణ్యం సంపాదించుకోవాలనే పట్టుదలతో మైమ్ గురించి ఆరా తీశాడు. తమ ప్రాంతంలోనే పి. నాగభూషణం, కళాధర్‌ అనే కళాకారులున్నారనే విషయం తెలిసింది. నాగభూషణాన్ని ఒప్పించి ఆయన దగ్గర శిష్యుడిగా చేరాడు. మధుకు ఈయనే తొలి గురువు. మెళకువలు ఒంట పట్టించుకుంటూనే ఆయనతో కలిసి వందల ప్రదర్శనలిచ్చాడు.[6]
డిగ్రీలో ఉన్నపుడు అతడి కాలేజీలోని ప్రేక్షక సభ అనే ఓ సాంస్కృతిక సంస్థ రాష్ట్రస్థాయిలో నిర్వహించిన పోటీల్లో ఉత్తమ కళాకారుడిగా ఎంపికయ్యాడు. సరిగ్గా అదే సమయంలో భారత ప్రభుత్వం కోల్‌కతాలో జరిగే జాతీయ ఐక్యతా సమ్మేళనానికి ఇద్దరు కళాకారులను పంపమని ప్రేక్షకసభను కోరింది. ఆ ఇద్దరిలో ఒకడిగా వెళ్లాడు మధు. కోల్‌కతా లో పేరొందిన మైమ్ కళాకారుడు నిరంజన్‌ గోస్వామిని కలిసి ఆయన శిష్యుడిగా చేరాడు.[7] ఆయనతో కలిసి దేశవ్యాప్తంగా ప్రదర్శనలిచ్చాడు.[8]
.jpg)
తర్వాతి ప్రపంచమంతటా పేరున్న మైమ్ ఆర్టిస్ట్‌ టోనీ మోంటనారోతో కలిసి పని చేశాడు. యు.ఎస్‌. మైమ్ థియేటర్‌ మోంటనారో పేరు మీద ఏటా ఒక్కరికి స్కాలర్‌షిప్‌ ఇస్తుండేవాళ్లు. 2000లో ఆ స్కాలర్‌షిప్‌ ఎంపికయ్యాడు మధు. కానీ వెళ్ళడానికి అతని ఆర్థిక స్థోమత సరిపోలేదు. చినజీయర్ స్వామి ఇతని ప్రదర్శన చూసి లక్ష రూపాయలు ఆర్థిక సహాయం చేశాడు. ఈ సహాయంతో అమెరికాలో నెలరోజుల పాటు శిక్షణ పొందాడు. శిక్షణ పూర్తయ్యాక అమెరికాలోని అన్ని నగరాల్లో ప్రదర్శనలిచ్చాడు. మైమ్‌లో పరిపూర్ణత సాధించాలనే ఉద్దేశంతో ఇండియా తిరిగొచ్చాక యోగా నేర్చుకున్నాడు. హైదరాబాదు కేంద్రీయ విశ్వవిద్యాలయం నుంచి రంగస్థల కళల్లో స్నాతకోత్తర విద్యను అభ్యసించాడు. కేరళ యుద్ధవిద్యయైన కలరిపయట్టు నేర్చుకున్నాడు. అప్పట్నుంచి ప్రపంచవ్యాప్తంగా ప్రదర్శనలిస్తూ ఉన్నాడు. ఇప్పటికి ఆ సంఖ్య వెయ్యి దాటింది.[9]
ఇండియన్ మైమ్ అకాడెమీ స్థాపన
[మార్చు]మధు హైదరాబాద్‌లో స్థిరపడ్డాక 2002లో ఇండియన్ మైమ్ అకాడెమీ అనే సంస్థను ప్రారంభించాడు. సామాన్య ప్రజల నుంచి తెరపై హావభావాలు పలికించే నటులందరికీ ఉపయోగపడేలా ఓ కోర్సు రూపొందించాడు. అంతేకాదు ఒకనాటి తన అనుభవాన్ని మనసులో పెట్టుకొని కళపై అభిమానంతో తన దగ్గరికొచ్చే పేద పిల్లలకు ఉచితంగా మైమ్‌లో శిక్షణనిస్తున్నాడు. ప్రభుత్వ పాఠశాలలకు వెళ్లి మైమ్ కళతో వ్యక్తిత్వ వికాస తరగతులు నిర్వహిస్తున్నాడు.[10]
టివిరంగం
[మార్చు]మొగలిరేకులు, చక్రవాకం సీరియళ్ళలో నటించాడు.[11]
సినిమారంగం
[మార్చు]- గాలి సంపత్ (2021)[12]
- ఆకాశవాణి (2021)[13]
- చోర్ బజార్
- బలగం (2023)
- ఊరు పేరు భైరవకోన (2023)
- నింద (2024)
- సరిపోదా శనివారం (2024)
- బాలు గాని టాకీస్ (2024)
- కేసీఆర్ (2024)
అందుకున్న అవార్డులు, సత్కారాలు
[మార్చు]- 2003లో థియేటర్‌ ఆర్ట్‌ విభాగంలో నంది అవార్డు.[14]
- 2009లో కేంద్రప్రభుత్వ ఉస్తాద్‌ బిస్మిల్లాఖాన్‌ సంగీత నాటక అకాడెమీ అవార్డు.
- ప్రపంచంలోనే అతి కొద్దిమంది మైమ్ కళాకారులకిచ్చే 'టోనీ మాంటెనారో' స్కాలర్‌షిప్‌.
- జపాన్‌ 'మిన్‌ తనక' స్కాలర్‌షిప్‌.
- నేరేళ్ళ వేణుమాధవ్‌ జన్మదినం సందర్భంగా ‘మూఖాభినయ రత్న’ బిరుదు.
వ్యక్తిగత జీవితం
[మార్చు]2016, అక్టోబరు 6న ఫ్రాన్స్‌కు చెందిన పప్పెట్రి (బొమ్మల) కళాకారిణి సబ్రిన (మహాలక్ష్మీ)తో మధు వివాహం జరిగింది. వారికి ఒక కుమార్తె (లలిత రోజ్).[11]
మూలాలు
[మార్చు]- ↑ నమస్తే తెలంగాణ (25 June 2017). "వావ్.. మైమ్". Retrieved 6 October 2017.[permanent dead link]
- ↑ ఆంధ్రజ్యోతి (26 July 2017). "అంతర్జాతీయ మైమ్ ఫెస్టివల్‌కు 'మైమ్' మధు". Retrieved 6 October 2017.[permanent dead link]
- ↑ "తెలుగు వెలుగు: మాటలుండవు కానీ". Ramoji Foundation. రామోజీ ఫౌండేషన్. 1 February 2019. Archived from the original on 7 మార్చి 2019. Retrieved 9 March 2019.
- ↑ ఎన్.టివి, సినిమా (23 September 2021). "రివ్యూ: ఆకాశవాణి". NTV. Archived from the original on 24 September 2021. Retrieved 24 September 2021.
- ↑ "మైమ్ మరిపించే నటుడు!". Namasthe Telangana (in అమెరికన్ ఇంగ్లీష్). 2021-10-30. Archived from the original on 2021-10-31. Retrieved 2021-10-31.
- ↑ ఆంధ్రజ్యోతి, తెలంగాణ (16 May 2015). "మౌనమే నా భాష." andhrajyothy. Archived from the original on 24 September 2021. Retrieved 24 September 2021.
- ↑ Deccan Chronicle, Telangana (19 February 2018). "All in good mime" (in ఇంగ్లీష్). Jaywant Naidu. Archived from the original on 13 May 2019. Retrieved 24 September 2021.
- ↑ తెలుగు వెలుగు (రామోజీ ఫౌండేషన్), ముఖాముఖి. "మాటలుండవు కానీ...!". www.teluguvelugu.in. దండవేణి సతీష్‌. Archived from the original on 24 September 2021. Retrieved 24 September 2021.
- ↑ Telangana Today, Telangana (13 September 2021). "Mime in the time of memes". Priyanka Pasupuleti. Archived from the original on 24 September 2021. Retrieved 24 September 2021.
- ↑ సాక్షి, తెలంగాణ (4 July 2017). "కళాకారులకు మైమ్ కళ ఉండాలి". Sakshi. Archived from the original on 9 September 2017. Retrieved 24 September 2021.
- ↑ 11.0 11.1 ఆంధ్రజ్యోతి, తెలుగు వార్తలు (6 October 2016). "వరంగల్ అబ్బాయి పెళ్లికి హాజరు కానున్న సినీ ప్రముఖులు". andhrajyothy.com. Archived from the original on 21 June 2020. Retrieved 21 June 2020.
- ↑ ఈనాడు, సినిమా (13 March 2021). "ఇది గొప్ప చిత్రమని నమ్మాం - రాజేంద్ర ప్రసాద్‌". www.eenadu.net. Archived from the original on 24 September 2021. Retrieved 24 September 2021.
- ↑ The Hindu, Movies (18 July 2019). "Art is eternal, says Arusam Madhusudhan aka 'Mime Madhu'" (in Indian English). Y. Sunita Chowdhary. Archived from the original on 19 July 2019. Retrieved 24 September 2021.
- ↑ The Times of India, Hyderabad (12 June 2017). "This Warangal artiste vows to turn Telangana into the hub of mime art | Hyderabad News - Times of India" (in ఇంగ్లీష్). Jayakrishnan. Archived from the original on 8 April 2021. Retrieved 24 September 2021.
ఇతర లింకులు
[మార్చు]- All articles with dead external links
- CS1 అమెరికన్ ఇంగ్లీష్-language sources (en-us)
- CS1 Indian English-language sources (en-in)
- Pages using infobox person with unknown parameters
- Infobox person using residence
- తెలంగాణ మైమ్ కళాకారులు
- 1977 జననాలు
- జీవిస్తున్న ప్రజలు
- వరంగల్లు పట్టణ జిల్లా రంగస్థల నటులు
- వరంగల్లు పట్టణ జిల్లా వ్యక్తులు
- తెలుగు సినిమా నటులు
- టెలివిజన్ నటులు