ఆలప్పుళా

వికీపీడియా నుండి
(ఆలప్పుఴ నుండి దారిమార్పు చెందింది)
ఇక్కడికి గెంతు: మార్గసూచీ, వెతుకు
Alappuzha district
ആലപ്പുഴ ജില്ല
District
India Kerala Alappuzha district.svg
భౌగోళికాంశాలు: 9°29′N 76°29′E / 9.49°N 76.49°E / 9.49; 76.49Coordinates: 9°29′N 76°29′E / 9.49°N 76.49°E / 9.49; 76.49
దేశం భారతదేశం
రాష్ట్రం కేరళ
Headquarters Alappuzha
ప్రభుత్వ
 • కలక్టరు N Padmakumar
Area
 • Total 1
Population (2011)
 • Total 2
 • సాంద్రత 1
Languages
 • Official Malayalam, English
సమయప్రాంతం IST (UTC+5:30)
ISO 3166 code IN-KL
Website alappuzha.nic.in

ఆలప్పుళా మధ్య కేరళ లోని ఒక ముఖ్య పట్టణం. ఇదే పేరుతో గల జిల్లాకు జిల్లా కేంద్రం. అల్లెప్పి అని కూడా ఈ పట్టణానికి పేరు ఉంది. ఇది కేరళ లో పూర్తి స్థాయిలో ప్రణాళికా బద్ధంగా రూపొందించబడిన పట్టణం. ఇక్కడి లైట్ హౌస్ కూడా ఎంతో ప్రత్యేకమయినది. 2001 జనాభా లెక్కల ప్రకారం ఇది కేరళలో ఆరవ అతిపెద్ద పట్టణం, దీని జనాభా లక్షా డెబ్బైఏడు వేల ఇరవై తొమ్మిది. ఈ పట్టణంలో అందమయిన కాలువ లు, ఉప్పుటేఱు, సముద్ర తీర ప్రాంతం, బీచ్, మరియు ఉప్పునీటి సరస్సులు ఉన్నాయి. లార్డ్ కర్జన్ ఈ ప్రాంతాన్ని వెనిస్ ఆఫ్ ది ఈస్ట్ అని కొనియాడాడు. మలయాళం ఇక్కడి ముఖ్య భాష. హిందీ, ఆంగ్లం మరియు అరవం కూడా విస్తృతంగా మాట్లాడతారు.

ఆలెప్పీ భారతదేశం లోని పర్యాటక కేంద్రాల్లో ముఖ్యమయినది. ఇక్కడి ఉప్పుటేరులు ఒక రమణీయ అనుభూతిని కలిగిస్తాయి, ఇవే ఇక్కడి ముఖ్య ఆకర్షణ. హౌస్ బోట్ మరో ఆకర్షణ. కేరళ ఉత్తరాన కుమరకోం మరియు కొచ్చిన్ ను దక్షిణాన ఉన్న క్విలాన్ కి కలిపే కయ్య కు ఆలెప్పీ కేంద్రంగా ఉంది. ప్రతీ సంవత్సరం జరిగే నెహ్రూ ట్రాఫీ బోట్ రేస్ కు ఆలప్పుళా లోని పున్నమాడ చెరువు వేదిక అవుతుంది. ఈ పడవల పందెం ప్రతీ సంవత్సరం ఆగస్టు రెండో శనివారం జరుగుతుంది. డిసెంబర్ లో పది రోజులపాటూ జరిగే ములక్కల్ చిరప్ కూడా మరో ప్రత్యేక ఆకర్షణ.

ఇతర ఆకర్షణలు ఆలెప్పీ బీచ్, అంబాలప్పుళా శ్రీకృష్ణాలయం, మన్నరసాల దేవాలయం, చెట్టికులంగార దేవీ ఆలయం, హరీపాద సుబ్రహ్మణ్య స్వామి ఆలయం, ములక్కల్ దేవాలయం, ఎడాతువ చర్చ్, ఆలెప్పీ సీఎస్ఐక్రైస్ట్ చర్చ్ (కేరళలోనే అతి ప్రాచీనమయిన ఆంగ్ల చర్చ్) మరియు చంపాకులం వాళియపల్లి. అంబాలప్పుళా పాయసం ఇక్కడి ప్రసిద్ధ తీపివంటకం.

ఆలెప్పీలో కొబ్బరిపీచు ఉత్పాదనలు ముఖ్యమయిన పరిశ్రమ. కాయిర్ ఇండస్ట్రీ ఆక్ట్, 1955ను అనుసరించి కేంద్ర ప్రభుత్వం కాయిర్ బోర్డ్ ను ఇక్కడ స్థాపించింది. కలవూరులో మరొక కాయిర్ రీసెర్చ్ సంస్థానం ఉంది.

కేరళ రాష్ట్రంలోని 14 జిల్లాలలో అళపుళా ఒకటి. (మళయాళం: ആലപ്പുഴ). 1957 ఆగస్ట్ 17న ఇది అలెప్పి జిల్లాగా అవతరించింది. 1990 లో జిల్లా పేరు అధికారికంగా ఆళపుళాగా మార్చబడింది. ఈ జిల్లా కోయిర్ సంస్థలకు పేరొందింది. కేరళాలోని కోయిర్ సంస్థలన్నీ ఆళపుళా లోనూ మరియు పరిసర ప్రాంతాలలోనూ ఉన్నాయి. ఈ జిల్లా రాష్ట్రంలోని ప్రముఖ పర్యాటక గమ్యాలలో ఒకటిగా గుర్తింపు పొందింది. జిల్లాలో కమ్యూనిస్టు పార్టీకి ఆదరణ అధికంగా ఉంది. ఈ జిల్లా బ్రిటిష్ ప్రభుత్వానికి వ్యతిరేకంగానూ మరియు ఫ్యూడలిజానికి వ్యతిరేకంగానూ పోరాడిన పున్నప్ర-వయలార్ పుట్టినిల్లు. కేరళ రాష్ట్రంలోని పలు ప్రాంతాలకు ఆళపుళా జలమార్గాల ద్వారా అనుసంధానమై ఉంది. ప్రముఖ పర్యాటక గమ్యాలలో ఒకటైన కుమరహోం కు కూడా ఆళ్పుళా నుండి జలమార్గం ఉంది.

చరిత్ర[మార్చు]

అళపుళా పట్టణం 18వ శతాబ్ధంలో రాజా కేశవదాస్ చేత నిర్మించబడిందని భావిస్తున్నారు. "History".  సంగకాలం నుండి కుట్టనాడు కేరళ రాష్ట్రానికి ఆహారప్రదాత (బ్రెడ్ బౌల్) అని గుర్తింపు పొందింది. అలపుళాకు రోమ్ మరియు గ్రీకు దేశాలతో క్రీ.పూ నుండి మద్యయుగం వరకు వ్యాపార సంబంధాలు ఉన్నాయని భావిస్తున్నారు.[1]

చేరసామ్రాజ్యం[మార్చు]

చేర సామ్రాజ్య రాజకుటింబీకులు పలువురు కుట్టనాడుకు చెందిన వారని అందుకనే వారిని కుట్టువన్ అని పేర్కొనేవారని భావిస్తున్నారు. ప్రద్థుతం ఈ ప్రాంతంలో ఉన్న చేర సంప్రదాయపు నిర్మాణాలు, శిలాశాసనాలు మరియు స్మారకచిహ్నాలు, ఆలయాలు మరియు గుహలు అందుకు సాక్ష్యంగా నిలిచాయి. అంతేకాక ఉన్నునీలి సందేశం సాహిత్యంలో కూడా దీని ప్రస్తావన ఉంది. ఆ కాలంలో ప్రఖ్యాతి చెందిన సాహిత్యంలో చెంగనూరు వ్యాకరణ పండితుడు వ్రాసిన " ఆశ్చర్యచూడామణి " గ్రంథం ఒకటని భావిస్తున్నారు. చంపాకేశరి సామ్రాజ్యం ఉన్నతస్థితిలో ఉన్న సమయంలో ఈ ప్రాంతవాసి కవి మరియు పండితుడైన పూరాడం తిరునాళ్ దేవనారాయణ " వేదాంత రత్నమాల " అనే పేరుతో మొదటిసారిగా భగవద్గీతకు భాష్యం రాశాడు. అదే సమయంలో అంబలపుళా క్రిష్ణా ఆలయం నిర్మితమైనదని ఆ ఆలయంలో ప్రధాన దైవందా శ్రీకృషుడు కొలువై ఉన్నాడని భావిస్తున్నారు. మేలదూరు నారయణ భట్టాతిరి, నీలకాంత దీక్షితర్ మరియు కుమరన్ నంబూతిరి చెంపాకేసరి దర్భారులోని ప్రముఖ కవులుగానూ మరియు రాజవిశ్వాసులుగా ఖ్యాతికెక్కారు.[1][ఆధారం కోరబడింది]

యూరోపియన్ కాలనీ పాలన[మార్చు]

17వ శతాబ్దంలో పోర్చుగీసు వారి ప్రభావం తగ్గి డచ్చి వారి ఆధిక్యం అధికమైంది. కొక్కమంగళంలో చర్చి స్థాపించబడింది. సెయింట్ థామస్ స్థాపించిన 7 చర్చిలలో ఇది ఒకటి. 18వ శతబ్ధంలో చర్చి మిషనరీ సొసైటీ 1818 లో అలపుళా ప్రాంతంలో నిర్మించిన సుందరమైన సి.ఎస్.ఐ చర్చి ఈ కోవకు చెందిన చర్చిలలో మొదటిదని భావిస్తున్నారు. మునుపటి ట్రివెంకోర్ సంస్థానంలో నిర్మించిన మొదటి ఆంగ్లికన్ చర్చిగా దీనికి ప్రత్యేక గుర్తింపు ఉంది.

మార్తాండవర్మ[మార్చు]

మహారాజా మార్తాండవర్మ ఆధునిక ట్రావంకోర్ రూపకర్తగా భావిస్తున్నారు. మహారాజా మార్తాండవర్మ జిల్లా భూభాగంలో అభివృద్ధిని సాధించడంలో ప్రముఖపాత్ర వహించాడు. మార్తాండవర్మ రాష్ట్రంలో సంరక్షిత స్మారకచిహ్నాలలో ఒకటైన క్రిష్ణరాయపురం రాజ భవనం నిర్మించబడిందని భావిస్తున్నారు. ఈ సమయంలో రాజసభలో స్థానం పొందిన గొప్పకవి కుంజన్ నంబియార్ ఆధునిక అలెప్పిని రూపొందించడంలో ప్రముఖపాత్ర వహించాడని విశ్వసిస్తున్నారు. ట్రావంకోర్ సంస్థానంలో అలపుళా నౌకాశ్రయ పట్టణంగా రూపొందించబడింది.

బలరామవర్మ[మార్చు]

బలరామవర్మ పాలనాకాలంలో వేలు తంపి దేవల పట్టణం మరియు నౌకాశ్రయం అభివృద్ధి కొరకు కృషిచేసాడు. ఆయన పతిరమనల్ ద్వీపం అంతటా కొబ్బరి చెట్ల పెంపకం మరియు విశాలమైన ప్రదేశంలో వరిపంట సాగు చేపట్టాడు. అలంపుళా అభివృద్ధిలో వేలుతంపి దేలవ కృషి చరిత్రలో నిలిచింది. 19వ శతాబ్ధంలో జిల్లాలోని అన్ని రంగాలలో అభివృద్ధి కొనసాగుంది.

ఆధునిక కాలం[మార్చు]

1859 లో అలపుళాలో మొదటి ఆధునిక తరహ " కోయిర్ మాట్స్ అండ్ మాటింగ్స్ " (కొబ్బరి పీచు చాపలు) సంస్థ స్థాపినబడింది. 1894 లో పట్టణాభివృద్ధి కమిటీ ఏర్పాటు చేయబడింది. దేశస్వాతంత్ర సనరంలో అలపుళా ప్రముఖపాత్ర వహించింది. 1925 లో టి.కె మహాదేవన్ నాయకత్వంలో అంటరానితనం (ముఖ్యంగా ఆలయ ప్రవేశం) నిర్మూలన కొరకు మొదటిసారిగా ఉద్యమం జరిగింది. ఫలితంగా ప్రత్యేకంగా శ్రీ క్రిష్ణ స్వామి ఆలయంలోకి హిందూ మతంలోని అన్ని కులాలవారికి ప్రవేశం లభించింది. 1932లో ఈ జిల్లాలో "నివార్తన " ఉద్యమం జరిగింది.1938 లో అలంపుళాలో జరిగిన రాజకీయపరమైన సమ్మె కేరళ రాష్ట్రంలో మొదటిదని గుర్తింపు పొందింది.

భౌగోళికం[మార్చు]

Aroor byepass
A beautiful sunrise from Aroor bridge
ఆలపుళా జిల్లాలోని పంచాయతీలు
  1. ఆలా
  2. అరూకుట్టి
  3. అరోర్
  4. అర్యద్
  5. చెన్నం పళ్ళిపురం
  6. చెన్నితాల
  7. దక్షిణ చెర్తాల
  8. ఎళుప్పున్న
  9. కడక్కరపళ్ళి
  10. కుంజిక్కుళి
  11. మన్నంచెర్రి
  12. ఉత్తర మరారికులం
  13. దక్షిణ మరారికులం
  14. కొడంతురుత్
  15. కుతియతోడ్
  16. ముహమ్మా
  17. తలికట్టుస్సేరి
  18. తణ్ణీర్ముక్కం
  19. తురవూర్
  20. పానావలీ
  21. పట్టానక్కాడు
  22. పెరుబలం
  23. పురక్కాడ్
  24. రాక్
  25. వెన్మొని
  26. వాయలార్
  27. మన్నార్
  28. వళ్ళికున్నం
  29. నూరనాద్
  30. భరణిక్కవు
  31. చేట్టికులంగర
  32. తామరక్కుళం
  33. చునక్కర
  34. ముత్తుకులంలో
పురపాలక సంఘాలు

జిల్లాలో మున్సిపాలిటీలు అలప్పుళా, చెర్తలా, చెంగన్నూర్, కయంకుళం మరియు మవెలిక్కర.

విభాగాలు[మార్చు]

ఆళపుళా డివిషన్ లోని తాలూకాలు:

  • అంబలపుళా
  • కుట్టనాడ్
  • చెర్తల

చంగనూర్ డివిషన్ లోని తాకూకాలు :

  • కార్తికపళ్ళి
  • చెంగనూర్
  • మవెలికర

వెనిస్‌ అఫ్‌ ది ఈస్ట్[మార్చు]

సల్లాపమొనర్చు సరస్సులతో...విశ్రాంతిని అందించే ప్రశాంతమైన ప్రదేశం కావడం వల్ల అలెప్పికి 'వెనిస్‌ అఫ్‌ ది ఈస్ట్' అనే పేరు సరిగ్గా సరిపోతుంది. పర్యాటకులను మంత్రముగ్ధుల్ని చేసే బ్యాక్‌ వాటర్‌‌స అందాలు, ఆకుపచ్చని తివాచీలా కనిపించే ప్రకృతిలోని పచ్చదనం, తాటి చెట్ల మధ్యలో వంపులు తిరిగే కాలువలు పర్యాటకులలో ఉన్న „సృజనాత్మకతని బయటకి తీసి వారి ఉహాశక్తి లోని విభిన్న కోణాలను ఉత్తేజపరుస్తాయి. కేరళ ప్రణాళికలో మొదటి పట్టణమైన అలిప్పి జలమార్గాలలో పర్యాటకుల ప్రయాణించే సౌకర్యాలతో అందంగా ఆశ్చర్యచకితుల్ని చేసే విధంగా రూపుదిద్దుకుంది. అద్భుతమైన బ్యాక్‌ వాటర్‌‌స సౌందర్యాన్ని, ఆశ్చర్యచకితుల్ని చేసే ప్రకృతి వైభవాన్ని పర్యాటకులు మనస్పూర్తిగా అభినందిస్తారు. బీచ్‌లు, సరస్సులు మరియు ఎన్నో గొప్ప ప్రశంసలు అందుకున్న హౌస్‌ బోటులు పర్యాటకులని విశేషంగా అలరిస్తాయి.

వాహన నమోదు[మార్చు]

అలప్పుజ జిల్లాలో వాహన రిజిస్ట్రేషన్లు ఉన్నాయి.

  • 'కె.ఎల్-04': అలప్పుళ ఆర్.టి.ఒ (అంబలపుళా తాలూకా),
  • 'కె.ఎల్ -29': చెన్నై సమీపంలోని వెల్లూరు ఆర్.టి.ఒ (కార్తికపళ్ళి తాలూకా),
  • 'కె.ఎల్ -30': చెంగన్నూర్ ఆర్.టి.ఒ ఆర్.టి.ఒ (చెంగన్నూర్ తాలూకా),
  • 'కె.ఎల్ -31': మవెలిక్కర ఆర్.టి.ఒ (మవెలిక్కర తాలూకా),
  • 'కె.ఎల్ -32': చెర్తాల ఆర్.టి.ఒ (చెర్తాలా తాలూకా),
  • 'కె.ఎల్ -66': కుట్టనాడు ఆర్.టి.ఒ (కుట్టనాడు తాలూకా).

పాత నిర్మాణం: - అలప్పుజ జిల్లాలో పాత నమోదు సంఖ్యలు ఉన్నాయి: -

  • కె.ఎల్.ఎ
  • కె.ఎ.వై
  • కె.ఆర్.ఎవ్
  • కె.ఆర్.వై

2001 లో గణాంకాలు[మార్చు]

విషయాలు వివరణలు
జిల్లా జనసంఖ్య 2,121,943,[2]
ఇది దాదాపు నమీబియా దేశ జనసంఖ్యకు సమానం.[3]
అమెరికాలోని న్యూమెక్సికో నగర జనసంఖ్యకు సమం.[4]
640 భారతదేశ జిల్లాలలో 216వ స్థానంలో ఉంది.[2]
1చ.కి.మీ జనసాంద్రత 1501 [2]
2001-11 కుటుంబనియంత్రణ శాతం
స్త్రీ పురుష నిష్పత్తి 1100:1000 0.61%.[2]
జాతియ సరాసరి (928) కంటే
అక్షరాశ్యత శాతం 96.26%.[2]
జాతియ సరాసరి (72%) కంటే

2001 గణాంలాను అనుసరించి జిల్లాలో హిందువులు 69.08%, క్రైస్తవులు 20.94% మరియు ముస్లిములు 9.86.కేరళ రాష్ట్రంలోని జిల్లాలలో ఇది అత్యంత జనసాంధ్రత కలిగిన జిల్లాగా గుర్తింపు పొందింది. జిల్లాలో 29.46% ప్రజలు నగరాంతంలో నివసిస్తున్నారు. ,[5] ఈ జిల్లా రాష్ట్రంలో అత్యంత స్వల్పవైశాల్యం కలిగిన జిల్లాగా గుర్తింపు పొందింది.

వైశాల్యం 1414 km² - 3.64% of area of the state
జనసంఖ్య 2,109,160 - 6.61% of the population of the state (2001)
జనసాంధ్రత 1492/km² (2001)
అక్షరాశ్యత 83%-94% (2001)
స్త్రీ పురుష నిష్పత్తి 1050 స్త్రీలు/1000 పురుషులు
నగరీకరణ 29.46%

సంస్కృతి[మార్చు]

అలెపిలో నిర్వహించబడే " స్నేక్ బోట్ రేస్ " గుర్తింపు పొందిన సప్రదాయం సంఘటనలలో ఒకటి. అద్భుతమైన ఈ సంప్రదాయ క్రీడలు ఆగస్ట్ మరియు అక్టోబర్ మాసాలలో నిర్వహించబడుతుంది. ఈ క్రీడలకొరకు 120 అశ్వశక్తి కలిగిన పొడవైన పలుచని సన్నని బోట్లను ఉపయోగిస్తారు. స్నేక్ బోట్ రేస్‌లలో ప్రఖ్యాతి చెందినది " నెహ్రూ ట్రాఫీ బోట్ రేస్ ".చిమ్మీన్ చలనచిత్రం ఆలంపళాలోని 2 గ్రామాలలో జరిగింది. చిత్రం ప్రారంభంలో ఈ రెండు గ్రామాలకు ధన్యవాదాలు తెలిపారు. .

పర్యాటకం[మార్చు]

అలంపుళా అంటే నదీసముద్రసంగమం అని అర్ధం. పట్టణంలో అత్యధికంగా ఉన్న కాలువలు ఈ పట్టణానికి ఉపవెనిస్ నగరం అని పేరు తీసుకువచ్చింది. పొడవైన జలమార్గాలు అలెప్పికి కొత్తజీవం ఇచ్చింది. అలెప్పి పురాతన కాలంలో వాణిజ్యకేంద్రంగా ప్రసిద్ధి చెందినది. మలబార్ తీరంలో ఉన్న మూడు నౌకాశ్రయాలలో ఇది ఒకటిగా గుర్తింపు పొందొంది. ఇప్పటికీ ఈ ప్రాంతం కోయిర్ సంస్థలకు మరియు పోకచెట్ల పెంపకానికి ప్రసిద్ధిచెందింది. బ్యాక్‌వాటర్ టూరిజానికి అలంపుళా గుర్తింపు పొందింది. కొల్లం మరియు అలంపుళా పట్టణం చర్చిలకు ప్రసిద్ధి చెందింది. ఇవి స్నేక్ బోట్ రేసులకు కూడా గుర్తింపొ పొంది ఉన్నాయి. అలంపుళాలోని చెంగన్నూర్ రైల్వేస్టేషన్ శబరిమలకు సమీపంలో ఉంది. కాయంకుళంలో క్రిష్ణరాయపురం రాజభవనం ఉంది. మేవేలిక్కరలో శారదామందిరం మరియు బుద్ధవిగ్రహం ఉన్నాయి. బుద్ధుడు పద్మాసనంలో కూర్చుని ఉంటాడు. అయినప్పటికీ బుద్ధుని విగ్రహం మీద వెంట్రుకల శిఖ ఉండదు. సాధారణంగా గాంధార మరియు మథుర శాఇలిలో బుద్ధినికి ఉండే శిఖ లేకపోవడానికి పురాతత్వ పరిశీధకులు సమాధానం చెప్పలేక పోతున్నారు. తలమీద ఒక వలయం ఉంటుంది. అందువలన పగోడా వంటి శిల అని అభిప్రాయపడుతున్నారు. అయినప్పట్జికీ పర్యాటకులకు ఈ విషయంలో సరైన వివరణ లభించదు. ఇక్కడి ప్రజలు ఈ విగ్రహం ముందు దీపాలను వెలిగిస్తుంటారు. మావెలిక్కర బుద్ధుడు 4 అడుగుల ఎత్తు ఉంటాడు. ఈ విగ్రహంలో జంధ్యం మరియు కండువా ఉంటాయి. కేరళాపనినికి శారదామందిరం నివాసమని మందిరంలో ఉన్న బోర్డులో వ్రాసింది.

బోటు రేస్[మార్చు]

అలంపుళా జిల్లాలో ఆగస్ట్ రెండవ శనివారం నాడు స్నేక్ బోట్ రేస్ నిర్వహించబడుతుంటాయి. 1952 లో నెహ్రూ ట్రోఫీ పేతుతో ఈ క్రీడలు ప్రారంభం అయ్యాయి. ఒక్కోబోటులో 100 మంది వరకు క్రీడాకారులు వేగంగా తెడ్లు వేస్తూ బోట్లను గాలిలో దూసుకువెళ్ళేలా నడుపితుంటారు. ఈ క్రీడలు పర్యాటకులు మరియు ప్రాంతీయ వాసులలో ఆదరణ పొందాయి. అలంపుళా బ్యాక్ వాటర్‌లో బోటు క్రూసీలో ప్రయాణిస్తున్న సమయంలో పర్యాటకులు అద్భుతమైన అనుభూతిని పొందుతుంటారు. మార్గమద్యంలో టాడీ టాపింగ్, చేపలు పట్టడం, కోయిర్ తయారీ, పోక తోటలు చూస్తూ ప్రయాణం చెయ్యడం చక్కని అనుభూతిని ఇస్తుంది. పలు సంవత్సరాలుగా ఈ వాతావరణంలో మార్పు రాకపోవడం ప్రత్యేకత. అలప్పుళా ఆధునిక ఆకర్షణలలో ప్రధానమైనది [6] ఇక్కడ అనేక కళాఖాండాలు ప్రదర్శినబడుతున్నాయి. ఆధునిక కోయిర్ సస్థ నిర్మాణశిల్పి రెవి కరుణాకరన్ నిర్వహిస్తున్న ఈ మ్యూజియంలో మూడుతరాల నుండి సేకరించిన అద్భుత కళాఖండాలు చోటు చేసుకున్నాయి. ఆయన ప్రస్తుతం రాష్ట్రంలో 5,00,000 మందికి ఉపాధి కల్పిచాడు. అలపుళా జిల్లా కేంద్రం పలు కాలువలతో ఉండి సౌందర్యంతో అలరారుతుంటుంది. బ్యాక్వాటర్ మరియు పలు మడుగులతో నిండి ఉన్న ఈ పట్టణం " వెనిస్ ఆఫ్ ది ఈస్ట్ " గా లార్డ్ కర్జన్ వర్ణించాడు.[7]


అలెప్పిలో ప్రతి సంవత్సరం నిర్వహించబడే నెహ్రు ట్రోఫీ బోట్‌ రేస్‌కి వివిధ ప్రాంతాలలో ఉన్న ఎన్నో బోటు క్లబ్‌‌స నుండి పాల్గొనడానికి ఉత్సాహం చూపిస్తారు. భారత తొలి ప్రధాని జవహర్‌ లాల్‌ నెహ్రు ఈ ప్రాంతాన్ని సందర్శించినప్పుడు గెలుపొందిన జట్టుకి రోలింగ్‌ ట్రోఫీని బహుకరించే పద్దతిని ప్రారంభించారు. బోటు ప్రయాణంలో అమితమైన ఆనందాన్ని పొందిన నె్ర„హూ, వారి కృషిని గుర్తించేందుకు ఈ పోటీలని ప్రారంభించారు. మొదటగా నిలిచిన జట్టు శక్తి యుక్తులని ప్రోత్సహిస్తూ ఈ ట్రోఫీని అందచేస్తారు. ఈ పోటీలు ప్రారంభమై అరవై సంవత్సరాలు కావస్తున్నా ఇప్పటికీ అదే ఉత్సాహం కొనసాగుతోంది. ప్రశాంతమైన నీళ్ళని ఉత్తేజపరిచి, ఆనందోత్సాహాలతో నగరాన్ని చుట్టుముట్టే ఈ పోటీలు ప్రతి సంవత్సరం ఆగష్టు నెలలో రెండో శనివారం జరుగుతాయి. జూన్‌ జూలైల లో నమోదయ్యే భారీ వర్ష పాతాలు ముగియడం వల్ల ఈ సమయంలోనే కేరళలోని అలెప్పీని సందర్శించేందుకు ఉత్తమం.

కుట్టనాడు[మార్చు]

అలంపుళా జిల్లాలోని కుట్టనాడులో విస్తారంగా జలమార్గాలు ఉన్నాయి. కుట్టనాడు వరిపొలాలకు ప్రసిద్ధి చెందినది. ఇక్కడి వ్యవసాయి వరిపండించడానికి ముఖ్యత్వం ఇస్తుంటారు. ఇది ఒకప్పుడు " కేరళత్తిన్ నెల్లర " (రైస్ బౌల్ ఆఫ్ కేరళ) అని అంటారు. వ్యవసాయ ఖర్చులు అధికం ఔతున్న కారణంగా వ్యవసాయం తీవ్రంగా బాధించబడుతుంది. వరిపొలాలు ప్రద్తుతం తక్కువ పెట్టుబడితో పండే ఇతర పంటలను పండిస్తున్నారు. కుట్టనాడు కవి సార్వభౌముడు " తకళి శివశంకర పిళ్ళై " స్వస్థలం.

ఆధ్యాత్మిక ఆనందం[మార్చు]

ఈ ప్రాంతం లోకి అడుగిడడం ద్వారా ప్రకృతి అందాలని ఆస్వాదించేందుకు, లౌకిక అలౌకిక అనుభవాలని సొంతం చేసుకునేందుకు ఆహ్వానం అందుకున్నట్టు చెప్పుకోవచ్చు. దేవుని సందర్శన ద్వారా ఆధ్యాత్మిక అనుభవాలని విస్తరింపచేసే ఆలోచన కలిగిన పర్యాటకులకు ఈ ప్రాంతం ఎంతమాత్రం నిరుత్సాహపరచదు. అమ్బలపుజ్హ , శ్రీ కృష్ణ టెంపుల్‌, ముల్లక్కల్‌ రాజేశ్వరి ఆలయం, చేట్టికులంగర భగవతి టెంపుల్‌, మన్నరసల శ్రీ నాగరాజా టెంపుల్‌ మరియు ఎదతు చర్‌‌చ, సెయింట్‌ ఆండ్రూస్‌ చర్‌‌చ, సెయింట్‌ సెబాస్టియన్‌‌స చర్‌‌చ, చంపకులం చర్‌‌చ వంటి ప్రాచుర్యం పొందిన వివిధ ఆధ్యాత్మిక కేంద్రాలు ఈ ప్రాంతంలో ఉన్నాయి. దక్షిణ భారత దేశంలో క్రైస్తవమత విస్తరణ కై సెయింట్‌ థామస్‌ సందర్శించిన ప్రదేశాలలో అలెప్పి ఒకటి. బౌద్దమతం రాకతో మిగిలిన వాటిని సంరక్షించే కేరళ ప్రయత్నాన్ని మెచ్చుకొనక ఆగలేము. బుద్దుడి కాలం నుండే ఈ మతం కేరళలో తన ప్రభావాన్ని వ్యాప్తి చేయడం ప్రారంభించింది. ఈ మతం యొక్క గత వైభావాలకి సంబంధించినవి ఏమీ కనుపడక పోయినా అలెప్పి నగరంలో జాగ్రత్తగా సంరక్షింపబడుతున్న బుద్ధుడి విగ్రహం( కరుమది కుట్టాన్‌) నుండి కొంత మేరకు సంగ్రహావలోకనం చేసుకోవచ్చు.

పండుగలు[మార్చు]

అలంపుళా జిల్లాలో ప్రధాన పండుగలలో చెట్టికులంగర భరణి ఒకటి. కేరళా ప్రధానాలయాలలో ఒకటైన చెట్టికులంగర భగవతి ఆలయం మేవెలిక్కరకు 4 కి.మీ దూరంలో ఉంది. ఈ మందిరంలో ప్రధానదైవం భగవతి. ఈ పండుగ ఫిబ్రవరి/మార్చ్ మాసంలో భరణి నక్షత్రం రోజున జరుపుకుంటారు. ఈ పండుగలో " కుదియాట్టం " మరియు " కెట్టుకళచ" అనే కార్యక్రమాలు నిర్వహించబడతాయి. పండుగ సందర్భంగా యువకులు ఉపాసన స్వీకరించడమే కుదియాట్టం అంటారు. ఈ సమయంలో యువకులు ఆనందపారవశ్యంతో సంగీతం పాడుతూ డ్రమ్ములను వాయిస్తూ అలంకృత గొడుగులతో నృత్యాలు చేస్తుంటారు.

చిరప్పు మహోత్సవం[మార్చు]

ముల్లచ్కల్ ఆలయంలో " చిరప్పు మహోత్సవం " వైభవోపేతంగా నిర్వహించబడుతుంది. ఈ ఉత్సవసమయంలో క్రిస్మస్ పండుగ కూడా వస్తుంది. ఈ సమయంలో అలంపుళా పట్టణం మరింతశోభాయమానం ఔతుంది. వీధులంతా చిన్న చిన్న వ్యాపారాలు మరియు వినోదాలు మరియు ప్రదర్శనలు మరియు గారడీవిన్యాసాలతో నిండి ఉత్సాహభరితంగా ఉంట్జుంది. ఈ మాసమంతా వీధులు జనసమ్మర్ధం అధికంగా ఉంటుంది. ఈ ఉత్సవంలో శివేలి పేరుతో చండ మరియు పనచవాద్యాం సంగీతంతో అలకరించిన 9 ఏనుగు దంతాలను ప్రదర్శిస్తారు.

పండనిలం శివరాత్రి[మార్చు]

అలపుళా జిల్లాలలో మతపరమైన ఉత్సవాలలో పండనిలం శివరాత్రి ఒకటి. పండనిలం పరబ్రహ్మ ఆలయంలో ఈ ఉత్సవం నిర్వహించబడుతుంది. ఈ ఆలయం మావెలిక్కరకు 16 కి.మీ దూరంలో ఉన్న పండనిలం గ్రామంలో ఉంది. ఈ ప్రదేశం ఉత్సవగ్రామంగా గుర్తింపు పొందింది. ఈ గ్రామంలో వృశ్చిక మహోత్సవం మరియు ఇరుపదియేట్టమోణం వంటి పలు ఉత్సవాలను సంవత్సరమంతా నిర్వహించబడుతుంటాయి. మతసమైఖ్యతకు పండనిలం నిదర్శనంగా ఉంది.

నాగారాజాలయం[మార్చు]

నాగారాజాలయంలో అక్టోబర్/నవంబర్ మాసాలలో బ్రహ్మాండమైన ఉత్సవం నిర్వహించబడుతుంది. ఈ ఆలయంలో నిర్వహించబడే మరొక ఉత్సవం తైపూయన్ కావడి ఉత్సవం. డిసెంబర్ మాసంలో కిడంగం - పరంపు ఆలయంలో ప్రఖ్యాత చందనకుడం ఉత్సవం నిర్వహించబడుతుంది. అలంపుళాలోని కోట్టంకులంగర ఆలయంలో ఉన్న ప్రధాన దైవాలకు ఫిబ్రవరి మరియు మార్చ్ మాసంలో రెండు ఉత్సవాలు నిర్వహించబడతాయి.

కండమంగళం రాజమహేశ్వరి[మార్చు]

కడక్కరపళ్ళిలో ఉన్న ప్రఖ్యాత కండమంగళం రాజమహేశ్వరి ఆలయంలో మార్చి/ఏప్రెల్ మాసాలలో ఉత్సవం నిర్వహిస్తారు. మాతకు చిక్కారను సమర్పించడం ఈ ఉత్సవంలో ప్రత్యేకత. జండాసమర్పణ రోజున తలప్పొలి ఉత్సవం నిర్వహిస్తారు. 10వ రోజు అమ్మవారికి కోనేటిలో పవిత్రస్నానం జరుగుతుంది. ఎనుగులు, టపాసులు కాల్చడం మరియు రంగస్థల ప్రదర్శనలు ఈ ఉత్సవంలో చోటుచేసుకుంటాయి. ఈ ఉత్సవం చూడడానికి వేలాది భక్తులు వస్తుంటారు.

చర్చీలు[మార్చు]

ఇక్కడి చర్చీలలో సంవత్సర ఉత్సవాలు ఘనంగా నిర్వహిస్తింటారు. ఆర్థంకల్ చర్చిలో " ఆర్థంకల్ పెరున్నల్ ఫీస్ట్ " జరుగుతుంది. ఇక్కడ నిర్వహించబడే పలు ఉత్సవాలలో ప్రఖ్యాత రెగట్టా భాగమై ఉంటుంది. ప్రఖ్యాత వల్లంకాలి (నెహ్రూ ట్రోఫీ బోట్ రేస్) సెప్టెంబర్ మాసంలో ఓణం పండుగ సందర్భంలో కేరళా బ్యాక్‌వాటర్ కాలువలలో నిర్వహిస్తుంటారు. చుండన్ వల్లం (స్నేక్ బోట్ రేస్) ప్రైమినిస్టర్ ట్రోఫీ కొరకు అనేక మంది పాల్గొంటారు. ఈ ట్రూఫీని భారతదేశ మొదటి ప్రధానమంత్రి జవహరలాల్ నెహ్రూ పేరుతో బహూకరించబడుతుంది. అలంపుళాలో నిర్వహించబడే మరొక ఉత్సవం " బీచ్ ఫెస్టివల్ " డిసెంబర్ 30 నుండి జనవరి 2 వరకు నిర్వహించబడుతుంది. చంపకుళంలో నిర్వహించే " విజయవ్పళ్ళి " ఉత్సవం అలంపుళా జిల్లాలోని బ్రహ్మాండమైన ఉత్సవాలలో ఒకటిగా భావించవచ్చు.

ప్రకృతి సౌందర్యంతో మమేకం[మార్చు]

అల్లెప్పిలో పతిరమన్నాల్‌ తప్పక సందర్శించవలసిన ప్రాంతం. ఈ ద్వీపం గురించి వర్ణించలేనంత అందం ఈ ప్రాంతం సొంతం. విభిన్న జాతుల అరుదైన వలస పక్షులకి స్థావరం పతిరమన్నాల్‌. కేరళలోని మిగతా ప్రాంత సందర్శనలని మించిన అనుభూతి ఈ పతిరమన్నాల్‌ పర్యటన అందిస్తుంది. వెంబనాడ్‌ సరస్సుపైన ఉన్న మనితప్పుర ద్వీపం నుండి కనిపించే అలెప్పి లోని అద్బుతమైన ప్రకృతి దృశ్యాలు పర్యాటకులని అమితంగా ఆకర్షిస్తాయి. ఆశ్చర్యానుభుతులలో చిక్కుకుపోయి `రైస్‌ బౌల్‌ అఫ్‌ కేరళ' ని సందర్శించడం పర్యాటకులు మర్చిపోకూడదు. ఈ గ్రామీణ ప్రాంతంలో ఉండే ఆకుపచ్చని పంట పొలాలు, విస్తారంగా పండే వరి పొలాలు వంటివి సందర్శించడం ద్వారా దేవుని సొంత ప్రదేశంగా పిలువబడే కేరళ ప్రకృతి సౌందర్యాన్ని ఆస్వాదించవలసిందే...

విద్య[మార్చు]

  • రాష్ట్ర 5 ప్రీమియర్ ప్రభుత్వం వైద్య కళాశాలలు ఒకటి, టి.డి మెడికల్ కాలేజ్ వందనం వద్ద ఉంది, అలప్పుళా.
  • అతిపెద్ద ఆర్ట్స్, అలప్పుజ లో సైన్స్ మరియు కామర్స్ కళాశాల సనాతన ధర్మాన్ని కాలేజ్.
  • బిషప్ మూర్ విద్యాపీట్ చెర్తాల, చెర్తాల (సెంట్రల్ బోర్డ్ ఆఫ్ సెకండరీ ఎడ్యుకేషన్ స్కూల్) చెర్తాలా తాలూకాలోని ఉంది.
  • మాతా సీనియర్ సెకండరీ స్కూల్, తుంపోలి, అలప్పుజ అలప్పుజ లో ప్రముఖ సీబీఎస్ఈ పాఠశాల.
  • ఎస్.డివి బాయ్స్ హయ్యర్, ఎస్.డివి హయ్యర్ సెకండరీ సెంట్రల్ స్కూల్ మరియు ఎస్.డి.వి గర్ల్స్ హయ్యర్ సెకండరీ పాఠశాల జిల్లా ప్రధాన ప్రముఖ పాఠశాలలు అప్రధానం.
  • సెయింట్ జోసెఫ్స్ కళాశాల (అలప్పుజ) బాలికలకు ప్రత్యేక కళాశాల; ఇది కనోసియన్ సిస్టర్స్ నడుపుతుంది.
  • సెయింట్ మైఖేల్ యొక్క కాలేజ్, చెర్తాల ఎస్ఎన్ కాలేజ్ &ఎన్.ఎస్.ఎస్ కాలేజ్ పళ్ళిపురం, చెర్తాల తాలూకాలోని ఉన్నాయి
  • హోలీ ఫ్యామిలీ హెచ్.ఎస్.ఎస్, కట్టూర్ కంటే ఎక్కువ 2000 విద్యార్థులు తో మరారికులం సౌత్ పంచాయుతి కలదు. ఇది అలెప్పి డియోసెస్ ఆఫ్ కార్పొరేట్ మేనేజ్మెంట్ ద్వారా నిర్వహించబడుతుంది.
  • సెయింట్ థామస్ హై స్కూల్, కార్తికపళ్ళి తాలూకాలోని పాఠశాల ఉంది
  • ఎం.జి.ఎం సెంట్రల్ స్కూల్ కరువట్ట కార్యికపళ్ళి తాలూకాలోని సిబిఎస్ఇ స్కూల్ ఉంది.
  • పున్నప్ర వద్ద కార్మెల్ పాలిటెక్నిక్ కాలేజ్ గత 50 సంవత్సరాల కాలంలో సాంకేతిక వేల ఏర్పాటు సాధనంగా ఉంది.
  • పున్నప్ర వద్ద కార్మెల్ అంతర్జాతీయ స్కూల్ అలప్పుజ విద్యా కు ఒక ఇటీవల చేరిక.
  • చండిరూర్ (అలప్పుజ జిల్లా నార్త్ ఎండ్) వద్ద అల్ అమీన్ పబ్లిక్ స్కూల్ అల్ అమీన్ ఎడ్యుకేషనల్ ట్రస్ట్ ఒక భాగం.
  • కలవూర్ గవర్నమెంట్ హై స్కూల్ జిల్లాలో ఉత్తమ ఉన్నత పాఠశాల ఒకటి.
  • గాయత్రి జూనియర్ స్కూల్, మన్నంచెర్రి.
  • అరవుక్కాడు హయ్యర్ సెకండరీ స్కూల్, పున్నప్ర
  • ఎస్.ఎన్.ఎల్.పి స్కూల్,అంబాల.
  • 8 ఇంజినీరింగ్ కళాశాలలు అవి, ఉన్నాయి;
    • ఇంజినీరింగ్, కుట్టనాడ్ , పులింకన్నూ, అలప్పుజ కొచిన్ యూనివర్సిటీ కాలేజ్.
    • ఇంజినీరింగ్, చెర్తాలా , పళ్ళిపురం, అలప్పుజ కాలేజ్.
    • ఇంజినీరింగ్, చెంగన్నూర్, అలప్పుజ కాలేజ్.
    • ఇంజనీరింగ్ & మేనేజ్మెంట్, పున్నప్ర, అలప్పుజ యొక్క కాలేజ్
    • ఇంజినీరింగ్, పనమెల్, అలప్పుళా యొక్క అర్చన కాలేజ్.
    • మహిళలు, చెర్తాలా, అలప్పుళా కోసం ఇంజనీరింగ్ కె,ఆర్, గౌరీ అమ్మ కాలేజ్.
    • ఇంజినీరింగ్, మవెలిక్కర, అలప్పుజ శ్రీ వెళ్ళపళ్ళి నటేశన్ కాలేజ్.
    • ఇంజినీరింగ్, నూరనాడు, పట్టూర్, పి.ఒ., పదనిలం, అలప్పుజ శ్రీ బుద్ధ కాలేజ్.
    • ఇంజనీరింగ్ ఆఫ్ సీయోను కాలేజ్. మహిళలకు, కొళువల్లూరు, చెంగన్నూర్, అలప్పుజ.

సందర్శించే సమయం[మార్చు]

నవంబర్‌ నుండి ఫిబ్రవరి వరకు అలెప్పిని సందర్శించేందుకు ఉత్తమ సమయం. అలెప్పి కి రైలు, బస్సు లేదా వాయు మార్గం ద్వారా చేరే సదుపాయం కలదు. ఈ నగరంలో విమానాశ్రయం లేనందువల్ల సమీపంలో ఉన్న కొచ్చి విమానాశ్రయాన్ని ఆశ్రయించవలసి వస్తుంది. దేశంలోని ఎన్నో ప్రధాన నగరాల నుండి ఈ ప్రాంతానికి రైళ్ళు, బస్సులు అందుబాటులో కలవు. ఈ ప్రాంతానికి తగిలే జాతీయ రహదారి ద్వారా రాష్ట్రం లోని వివిధ నగరాలకి రాకపోకలు సులువుగా జరుగుతాయి.

ఇతిహాస గాథలు[మార్చు]

రాజులు రాణుల కాలానికి సంబంధించిన చారిత్రక ఇతిహాసాలు, అందమైన కథలు తెలుసుకోవాలనే ఉత్సుకత కలిగిన పర్యాటకులు ఖచ్చితంగా పాండవన్‌ రాక్‌ మరియు కృష్ణాపురం ప్యాలెస్‌ని సందర్శించవచ్చు. `పాండవులు' నుండి పాండవన్‌ రాక్‌ అనే పేరు వచ్చింది. రాజ్యం నుండి పాండవులు బహిష్కరింపబడిన తర్వాత పాండవులు ఒక గుహలో ఆశ్రయం పొందారని నమ్మకం. ఈ విషయాలపై ఆసక్తి కలిగిన వారు తప్పక సందర్శించవలసిన ప్రాంతం ఇది. పురాణ వృత్తాంతాలకి ఈ కృష్ణాపురం ప్యాలెస్‌ ఒక వేదిక. ఈ ప్యాలెస్‌లో త్రావనోర్‌ని పాలించిన అనిజ్హం తిరునల్‌ మార్తాండ వర్మ నివసించేవారు. 18 వ శతాబ్దంలో నిర్మింపబడిన ఈ ప్యాలెస్‌ని ఆ తరువాత ఎన్నో సార్లు పునర్నిర్మించారు. ప్రస్తుతం ఈ ప్యాలెస్‌ సంరక్షణ బాధ్యతను కేరళ పురావస్తు శాఖ తీసుకుంది.

చిత్రమాలిక[మార్చు]

మూలాలు[మార్చు]

  1. 1.0 1.1 "Official Web site of Alappuzha District, Kerala State, India - A Quick Tour". Collectorate, Alappuzha District, Kerala State, India. Retrieved 12 October 2013. 
  2. 2.0 2.1 2.2 2.3 2.4 "District Census 2011". Census2011.co.in. 2011. Retrieved 2011-09-30. 
  3. US Directorate of Intelligence. "Country Comparison:Population". Retrieved 2011-10-01. Namibia 2,147,585 
  4. "2010 Resident Population Data". U. S. Census Bureau. Retrieved 2011-09-30. New Mexico - 2,059,179 
  5. Census GIS India
  6. Revi Karunakaran Memorial Museum
  7. Official Web Site of Alappuzha, Kerala, India

వెలుపలి లింకులు[మార్చు]

"https://te.wikipedia.org/w/index.php?title=ఆలప్పుళా&oldid=1894764" నుండి వెలికితీశారు