ఎస్.పి.పరశురాం

ఎస్.పి.పరశురాం
దర్శకత్వం	రవిరాజా పినిశెట్టి
నిర్మాత	అల్లు అరవింద్
తారాగణం	చిరంజీవి, శ్రీదేవి
ఛాయాగ్రహణం	కె. ఎస్. ప్రకాష్
కూర్పు	వేమూరి రవి
సంగీతం	ఎం. ఎం. కీరవాణి
నిర్మాణ సంస్థ	సాయిచరణ్ కంబైన్స్
విడుదల తేదీ	మార్చి 4, 1994 (1994-03-04)
భాష	తెలుగు

ఎస్. పి. పరశురాం రవిరాజా పినిశెట్టి దర్శకత్వంలో 1994 లో విడుదలైన చిత్రం. ఇందులో చిరంజీవి, శ్రీదేవి ముఖ్యపాత్రలు పోషించారు. ఈ సినిమాను అల్లు అరవింద్, జి. కె రెడ్డి, ముకేష్ ఉదేషి నిర్మించారు. ఈ చిత్రానికి ఎం. ఎం. కీరవాణి సంగీతం అందించారు. తెలుగులో కథానాయికగా శ్రీదేవికిది చివరి సినిమా.

కథ

పరశురాం విధినిర్వహణ పట్ల కఠినంగా వ్యవహరించే ఒక పోలీసు అధికారి. అతని తమ్ముడు నీలి చిత్రాల కేసులో పట్టు పడితే అతన్ని అరెస్టు చేయడానికి వెనుకాడడు. ఈ నేరంలో రాణి అనే చిన్న దొంగ కూడా బాధితురాలు అవుతుంది. ఆమె తప్పించుకుంటుంది కానీ సాక్షిగా ఉండటానికి ఒప్పుకుంటుంది. ఆమె సాక్షిగా ఉండటం వలన గూండాలు ఆమె మీద దాడి చేస్తారు. ఆ దాడిలో ఆమె చూపు కోల్పోతుంది. పరశురాం ఆమెను పెళ్ళి చేసుకుంటాడు. కానీ ఆమెను, కుటుంబాన్ని నాశనం చేయాలని ప్రయత్నిస్తుంటారు. వాళ్ళ నుంచి తన కుటుంబాన్ని ఎలా కాపాడుకున్నాడన్నది మిగతా కథ.

తారాగణం

• పరశురాంగా చిరంజీవి
• రాణిగా శ్రీదేవి
• శరత్ సక్సేనా
• హరీష్
• బ్రహ్మానందం
• సూర్యకాంతం
• అల్లు రామలింగయ్య
• రంగనాథ్
• సుధాకర్
• రాయప్పగా దేవరాజ్
• మ‌హేష్ ఆనంద్

సాంకేతిక వర్గం

• దర్శకుడు: రవిరాజా పినిశెట్టి
• సంగీతం: యం.యం.కీరవాణి
• నేపథ్య గాయకులు: శ్రీపతి పండితారాధ్యుల బాలసుబ్రహ్మణ్యం, కె ఎస్ చిత్ర
• ఛాయ గ్రహణం: కె.ఎస్.ప్రకాష్
• కూర్పు: వేమూరి రవి
• నిర్మాతలు: అల్లు అరవింద్, జి.కె.రెడ్డి, ముకేష్ ఉదేపి
• నిర్మాణ సంస్థ: సాయి చరణ్ కంబైన్స్
• విడుదల:04:03:1994.

సంగీతం

ఈ చిత్రానికి రాజ్ - కోటి సంగీతం అందించారు.

• ఆరింటదాక అత్తకొడకా - ఎస్. పి. బాలసుబ్రహ్మణ్యం, కె. ఎస్. చిత్ర
• ఏమి స్ట్రోకురో - ఎస్. పి. బాలసుబ్రహ్మణ్యం, కె. ఎస్. చిత్ర
• చంపేయి గురు - ఎస్. పి. బాలసుబ్రహ్మణ్యం, కె. ఎస్. చిత్ర
• ఓ బాబా కిస్ మి - ఎస్. పి. బాలసుబ్రహ్మణ్యం, కె. ఎస్. చిత్ర
• ఏడవ కేడవ కేడవకమ్మా - కె. ఎస్. చిత్ర
• ముద్దబంతి - ఎస్. పి. బాలసుబ్రహ్మణ్యం, కె. ఎస్. చిత్ర