శ్రీదేవి (నటి)

శ్రీదేవి(sri devi)
జననం	శీ అమ్మ అయ్యంగార్ అయ్యప్పన్ (1963-08-13)1963 ఆగస్టు 13 శివకాశి, తమిళనాడు, భారతదేశం.
మరణం	2018 February 24(2018-02-24) (వయసు: 54) దుబాయ్, యునైటెడ్ అరబ్ ఎమిరేట్స్.
మరణ కారణం	ప్రమాదవశాత్తూ నీటిలో మునగడం
జాతీయత	భారతీయురాలు
పౌరసత్వం	భారతదేశం
వృత్తి	నటి
క్రియాశీలక సంవత్సరాలు	1967–1997, 2012–2018.
భాగస్వామి	బోనీ కపూర్
పిల్లలు	ఝాన్వి కపూర్ (1997), ఖుషి కపూర్ (2000)
Parent(s)	అయ్యప్పన్, రాజేశ్వరి
పురస్కారాలు	పద్మ శ్రీ (2013)

శ్రీదేవి (ఆగస్టు 13, 1963-24 ఫిబ్రవరి 2018) భారతీయ సినీ నటి. తెలుగు, హిందీ, తమిళం, మలయాళం భాషలలో వందలాది సినిమాలలో కథానాయికగా నటించింది. అందము,అభినయం,నటన మున్నగువాటిలో శ్రీదేవి అగ్రశ్రేణి కథానాయకగా గుర్తింపు సంపాదించింది. ఈమె తమిళనాడు లోని శివకాశిలో జన్మించింది. 2018 ఫిబ్రవరి 24 న దుబాయ్ లో తాను బసచేసిన హోటల్ గది స్నానపు తొట్టెలో ప్రమాదవశాత్తూ మునిగి మరణించింది.

వ్యక్తిగత జీవితం

ఆమె తండ్రి పేరు అయ్యప్పన్, ఆయన ఒక న్యాయవాది. తల్లి పేరు రాజేశ్వరి. శ్రీదేవికి శ్రీలత అను ఒక సోదరి, సతీష్ అను సోదరుడు ఉన్నారు. ఆమె లమ్హే అను చిత్ర నిర్మాణంలో ఉండగా తండ్రిగారు, జుదాయీ అను చిత్ర నిర్మాణంలో ఉండగా తల్లిగారు మరణించారు. హిందు సాంప్రదాయ ప్రకారం కుమారుడు తల్లి చితికి నిప్పు అంటించాలి. కాని శ్రీదేవి కూతురు అయినప్పటికి, తన తల్లి అంత్య క్రియలకు తానే చితికి నిప్పు అంటించింది.

కొన్ని కథనాలు శ్రీదేవి కొంతకాలం హిందీ కథానాయకుడు మిథున్ చక్రవర్తితో కలసి ఉన్నదని, వారిద్దరకూ రహస్యంగా వివాహం చేసుకొన్నారని, అతడు తన మొదటి భార్య అయిన గీతాబాలికి విడాకులు ఇవ్వని కారణంగా అతడికి దూరమైందని చెపుతాయి.[1], [2] , [3], [4] Archived 2007-09-27 at the Wayback Machine ఇది ఎంతవరకూ నిజం అనేదానికి తగిన ఆధారాలు మాత్రం లేవు. తరువాతి కాలంలో ఆమె హిందీ సినీ నిర్మాత, ఆమెతో కలసి ఎన్నో సినిమాలలో నటించిన హీరో అనిల్ కపూర్ సోదరుడు అయిన బోనీకపూర్ ను 1996 జూన్ 2న వివాహం చేసుకొన్నది. వారిరువురికి ఝాన్వి, ఖుషి అనే ఇద్దరు కుమార్తెలు ఉన్నారు.

నట జీవితం

శ్రీదేవి ఒక అగ్ర కథానాయక. ఆమె తన నట జీవితాన్ని బాల నటిగా కన్దన్ కరుణై (1967) అనే తమిళ చిత్రంతో మొదలు పెట్టినది.ఐతే 1975 లో విజయచిత్ర అని ఒక తెలుగు పత్రికకు ఇంటర్వ్యూ ఇస్తూ తుణైవన్ అనే చిత్రం తన మొదటి తమిళ చిత్రం అని చెప్పింది. అంతకు ముందే తాను కులవిళక్కు అనే తమిళ సినిమాలో బుక్ అయ్యానని, కానీ ముందుగా తుణైవన్ విడుదల అయ్యిందని చెప్పింది. నటిగా తొలుత ఎక్కువగా తమిళం,, మలయాళం చిత్రాలలో నటించారు. ఆమె నటించిన మలయాళం చిత్రాలకు ఎక్కువగా ఐ.వి. శశి గారు దర్శకత్వం వహించారు. ఆమె నటించిన మలయాళ చిత్రములలో చెప్పుకోదగినవి : ఆద్యపాదం, ఆలింగనము, కుట్టవుమ్ శిక్షయుమ్, ఆ నిమిషం. 1976 లో బాలచందర్ చిత్రం "మూండ్రు ముడిచ్చు"లో కమల్ హాసన్, రజనీ కాంత్ లతో కలిసి నటించి మంచి పేరు తెచ్చుకున్నారు. చాలా కోణాలలో నుంచి పరిశీలిస్తే ఆ చిత్రం తమిళ చలన చిత్ర సీమకి పెద్ద గుర్తింపు తెచ్చింది. ఇంకా చెప్పాలంటే, ఈ చిత్రం రజనీకాంత్ సినీ జీవితంలో ఒక మైలురాయి. మూండ్రు ముడిచ్చు తరువాత, శ్రీదేవి మరిన్ని విజయవంతమైన చిత్రాలలో వీరితో (కమల్ హాసన్, రజనీ కాంత్) కలిసి నటించారు. కమల్ హాసన్ గారితో, ఆమె గురు, శంకర్ లాల్, సిగప్పు రోజాక్కల్. తాయిళ్లామాల్ నానిల్లై, మీండుం కోకిల, వాయ్వే మాయం, వరుమైయిన్ నిరం సిగప్పు, నీలా మలార్గల్, మూండ్రాం పిరై, 16 వయదినిలే మొదలగు చిత్రాలలో నటించారు. రజనీ కాంత్ గారితో, ఆమె ధర్మయుద్ధం, ప్రియ, పొక్కిరి రాజా, టక్కర్ రాజా, అడుతా వారిసు, నాన్ అడిమై ఇల్లై మొదలగు చిత్రాలలో కలిసి నటించారు. 1975-85 సమయంలో ఆమె తమిళ చిత్రసీమలో అగ్ర కథానాయిక.

అదే సమయంలో, శ్రీదేవి తెలుగు సినిమా రంగంలో కూడా అగ్రశ్రేణి కథానాయకిగా కొనసాగింది. దాదాపు అందరు అగ్ర కథానాయకులతో కలసి నటించింది. ఆమె నటించిన తెలుగు చిత్రాలకు ఎక్కువగా కె. రాఘవేంద్ర రావు గారు దర్శకత్వం వహించారు. ఎన్.టి.రామారావు గారితో, ఆమె కొండవీటి సింహం, వేటగాడు, సర్దార్ పాపారాయుడు, బొబ్బిలిపులి మొదలగు చిత్రాలలో నటించారు. ఎ.నాగేశ్వరరావు గారితో, ఆమె ముద్దుల కొడుకు, ప్రేమాభిషేకం, బంగారు కానుక, ప్రేమకానుక మొదలగు చిత్రాలలో నటించారు. కృష్ణతో కలిసి ఆమె కంచుకాగడా, కలవారి సంసారం, కృష్ణావతారం, బుర్రిపాలెం బుల్లోడు మొదలగు చిత్రాలలో నటించారు. కమల్ హాసన్ తరువాత, శ్రీదేవి కృష్ణ గారితో ఎక్కువ చిత్రాలలో నటించారు. ఆమె తెలుగులో చిత్రాలు చేస్తూనే, హిందీ సినీ రంగంలో అడుగుపెట్టారు. ఆదిలో, ఆమె ఎక్కువ చిత్రాలు జితేంద్ర గారితో నటించారు, వాటిలో అధిక శాతం తెలుగు నుండి అనువదించబడినవి, ముఖ్యంగా కె. రాఘవేంద్ర రావు గారు, కె.బాపయ్య గారు దర్శకత్వం వహించినవి.

1978 లో, శ్రీదేవి మొదటి హింది చిత్రం "సోల్వా సావన్" అమోల్ పాలేకర్ తో కలిసి నటించారు, ఆ చిత్రం విజయవంతం కాలేదు. కాని, ఆమె జితేంద్ర గారితో కలిసి నటించిన తదుపరి చిత్రం "హిమ్మత్ వాల" మంచి విజయం సాధించింది. ఆ చిత్రంతో ఆమెను ఉత్తర భారతదేశంలో "Thunder Thighs" అని పిలవసాగారు. ఆ ఒక్క చిత్రంతో ఆమె హిందీ చిత్రరంగంలో (star) అయిపొయారు. ఆమె తదుపరి చిత్రం "సద్మ" ఆమెకు మంచి నటిగా గుర్తింపు తెచ్చింది. హిందీ చిత్రసీమలో ఆమెకు ఈ చిత్రం ఒక మైలురాయి. 1980 లలో ఆమె ఎన్నో విజయవంతమైన చిత్రాలలో నటించారు. వాటిలో కొన్ని, "నగీన", "మిస్టర్ ఇండియా", "చాందిని", "చాల్ బాజ్" మొదలగు చిత్రాలు. చాల్ బాజ్ చిత్రానికి హగానూ ఆమెకి మొదటి ఫిల్మ్ ఫేర్ పురస్కారం లభించింది. మిస్టర్ ఇండియా చిత్రానికి ఆమె పలు ప్రశంసలు అందుకున్నారు. ఆ చిత్రంతో ఆమెకు "మిస్ హవ హవాయి" (Miss Hawa Hawai) అని పేరు వచ్చింది. ఆమె ఆ చిత్రంలో చార్లీ చాప్లిన్గా మరువలేని నటనా ప్రతిభ కనబరిచారు. "చాందిని" చిత్రం ఆమె సినీ జీవితంలో మరో మైలురాయిగా చెప్పుకోవచ్చు. హిందీ చిత్ర పరిశ్రమలో తిరుగులేని కథానాయిక. ఆ సమయంలో ఆమె అధిక పారితోషికం అందుకునేవారు.

యాష్ చోప్రా ఆమెతో "చాందిని" చిత్రం తరువాత "లమ్హే" (1991) చిత్రాన్ని రూపొందించారు. ఈ చిత్రానికి గానూ ఆమె రెండవ ఫిల్మ్ ఫేర్ పురస్కారాన్ని అందుకున్నారు, ఇంకా అంతర్జాతీయ ఉత్తమ నటి (International Best Actress Award) పురస్కారాన్ని కూడా అందుకున్నారు. "ఖుదా గవా", "గుమ్రా" చిత్రాలలో ఆమె నటనతో ఎంతో మంది హృదయాలను దోచుకున్నారు. "హాలీవుడ్"లో ప్రఖాతి గాంచిన ఆంగ్ల చిత్ర దర్శకుడు స్టీవెన్ స్పీల్బర్గ్ (Steven Spielberg), ఆమెతో సినిమా తీయదలచి, ఆమెను సంప్రదించారు. కాని సమయం లేని వలన ఆమె ఆ చిత్రాన్ని తిరస్కరించవలసి వచ్చింది. ఎన్నో కోట్లు పెట్టి తీసిన చిత్రం "రూప్ కీ రాణి చోరోంకా రాజా" అపజయం పాలైంది. విజయవంతమైన చిత్రం "జుదాయి" (1997) తరువాత ఆమె వెండితెరకు దూరం అయ్యారు. తరువాత ఆమె, "బోనీ కపూర్"ని వివాహమాడారు.పెళ్ళి తర్వాత ఆమె సినిమా రంగానికి కొన్నాళ్ళు పాటు దూరమయ్యారు.కొన్నాళ్ళకు ఇద్దరు ఆడపిల్లలకు తల్లైయ్యారు. ఆమె కూతుళ్ళ పేర్లు "జాన్వి", "ఖుషి".

ఆరేళ్ళ విరామం తరువాత ఆమె సహార ఛానల్ లో ప్రసారమైన "మాలినీ అయ్యర్ (2004 - 05)" అను సీరీయల్ లో నటించారు. అంతే కాకుండా, కరిష్మా కపూర్ నిర్వహించే "జీనా ఇసికే నామ్ (2004)" అనే కార్ర్యక్రమంలో కూడా అతిధిగా కనిపించారు. "కాబూమ్ (2005) అనే నృత్య పోటీలకు ఒక రోజు న్యాయనిర్ణేతగా వ్యవహరించారు. ఆమె ఏసియన్ ఎకాడమి ఆఫ్ ఫిల్మ్ అండ్ టెలివిజన్, బోర్డ్ ఆఫ్ డైరెక్టర్స్ లో ఒక సభ్యురాలిగా పనిచేశారు.

2007 ఫిబ్రవరి 24 న, 52 వ ఫిల్మ్ ఫేర్ పురస్కారాల ప్రధానం రోజున, ఆమె నర్తించి మెప్పించిన 80 లలోని కొన్ని పాటలకు, మరల నర్తించి అభిమానులను, తోటి కళాకారులను వినోదపరిచారు. అలా ఆమె మరోసారి అందరి నుండి ప్రశంసలు అందుకున్నారు.

మరణం

2018 ఫిబ్రవరి 24 న దుబాయ్ లో తాను బసచేసిన హోటల్ గది బాత్‌టబ్‌లో ప్రమాదవశాత్తూ మునిగి శ్రీదేవి మరణించింది. ఈమె మరణవార్త విని ఆసేతుహిమాచలం దిగ్భ్రాంతికి గురి అయింది. ఈమెను కడసారి చూడటం కోసం దక్షిణాది నుండి ఎందరో సినీప్రముఖులు, అభిమానులు, బంధువులు ముంబై తరలి వచ్చారు. అశేషమైన అభిమాన జనసందోహం వెంట నడువగా ఫిబ్రవరి 28న ముంబైలో ఈమె అంతిమయాత్ర చిరస్మరణీయంగా జరిగింది. చిత్రసీమలో మూడు దశాబ్దాలపాటు అగ్రనాయికగా వెలుగొంది అప్సరసను తలపించే అందం, అంతకుమించిన అభినయంతో భారతీయుల హృదయాలలో చెరగని ముద్రవేసిన శ్రీదేవి అంత్యక్రియలు మహారాష్ట్ర ప్రభుత్వ లాంఛనాలతో జరగడంతో ఆమె ఘనతకు తగిన వీడ్కోలు లభించినట్లయింది.

పురస్కారాలు - గౌరవాలు

ఫిల్మ్ ఫేర్ పురస్కారాలు

• 1981 ఫిల్మ్ ఫేర్ ఉత్తమ నటి పురస్కారం, తమిళ చిత్రం "మీండుం కోకిల"
• 1983 "సద్మ" ఛిత్రానికి గాను ఫిల్మ్ ఫేర్ పురస్కారానికి ఎంపిక అయ్యారు. కాని "అర్ధ్" చిత్రంలో నటించిన షబానా అజ్మి, ఆ పురస్కారం అందుకున్నారు.
• 1989 "చాందిని" ఛిత్రానికి గాను ఫిల్మ్ ఫేర్ పురస్కారానికి ఎంపిక అయ్యారు. కాని, ఆమెకే "చాల్ బాజ్" చిత్రంలో నటించినందుకు గానూ ఆ పురస్కారం దక్కింది.
• 1989 ఫిల్మ్ ఫేర్ ఉత్తమ నటి పురస్కారం, హింది చిత్రం "చాల్ బాజ్"
• 1991 ఫిల్మ్ ఫేర్ ఉత్తమ నటి పురస్కారం, హింది చిత్రం "లమ్హే"
• 1992 ఫిల్మ్ ఫేర్ ఉత్తమ నటి పురస్కారం, తెలుగు చిత్రం "క్షణక్షణం"
• 1992 "ఖుదా గవా" చిత్రానికి గాను ఫిల్మ్ ఫేర్ పురస్కారానికి ఎంపిక అయ్యారు. కాని, "బేటా" చిత్రంలో నటిచిన మాధురీ దీక్షిత్, ఆ పురస్కారం అందుకున్నారు.
• 1993 "గుమ్రా" చిత్రానికి గానూ ఫిల్మ్ ఫేర్ పురస్కారానికి ఎంపిక అయ్యారు. కాని, "హమ్ హై రహి ప్యార్ కె" చిత్రంలో నటించిన జూహీ చావ్లా, ఆ పురస్కారం అందుకున్నారు.
• 1994 "లాడ్లా" చిత్రానికి గానూ ఫిల్మ్ ఫేర్ పురస్కారానికి ఎంపిక అయ్యారు. కానీ, "హమ్ ఆప్కే హైన్ కౌన్" చిత్రంలో నటించిన మాధురీ దీక్షిత్, ఆ పురస్కారం అందుకున్నారు.
• 1997 "జుదాయి" చిత్రానికి గానూ ఫిల్మ్ ఫేర్ పురస్కారానికి ఎంపిక అయ్యారు. కానీ, "దిల్ తో పాగల్ హై" చిత్రంలో నటించిన మాధురీ దీక్షిత్, ఆ పురస్కారం అందుకున్నారు.

ఇతర పురస్కారాలు

• 1993 నంది పురస్కారం, తెలుగు చిత్రం క్షణక్షణం
• 1994 హిందీ సినిమా రంగంలో కృషికి గాను జైంట్ అవార్డు
• 1998 జుదాయి చిత్రానికై స్క్రీన్ అవార్డుల నామినేషన్
• 2003 హిందీ సినిమా రంగానికి చేసిన సేవలకు గాను ఎం.ఏ.ఎం.ఐ అవార్డు
• 2005 వంశీ ఆర్ట్ ధియేటర్స్ ఇంటర్నేషనల్ వారి జీవితకాలపు కృషి పురస్కారం
• 1996 టొరొంటో చిత్రోత్సవ ఉత్తమ నటి పురస్కారం, మలయాళ చిత్రం దేవరాగం

చిత్ర సమాహారం

కన్నడ

• భక్త కుమ్బార (1974) "(మొదటి కన్నడ చిత్రం)"
• హెన్ను సంసారద కన్ను (1976)
• బాలభారత
• సంపూర్ణ రామాయణ
• యశోద కృష్ణ
• ప్రియా

మళయాలం

• కుమార సంభవం (1969) (మొదటి మళయాళ చిత్రం)
• స్వప్నంగళ్ (1970)
• పూంబాట్ట (1971)
• తీర్ధయాత్ర (1972)
• అభినందనం (1976)
• ఆలింగనం (1976)
• ఆశీర్వాదం (1976)

• కుట్టవుం శిక్షయుం (1976)
• ఆధ్యపాదం (1976)
• ఆ నిమిషం sex

(1977)

• అమ్మె అనుపమె (1977)
• అంగీకారం (1977)
• అంతర్ధానం (1977)
• నలుమని పూక్కల్ (1977)

• నిరకుడం (1977)
• ఊంజల్ (1977)
• సత్యవాన్ సావిత్రి (1977)
• వేళంబాల్ (1977)
• అవలుదే రావుకాల్ (1978)
• అమ్మే నారాయణ (1984)
• దేవరాగం (1996)

తమిళం

• కందన్ కరుణై (1967) " (బాల నటిగా మొదటి చిత్రం, ఈ చిత్రంలో శివకుమార్గా బాలుడి పాత్ర పోషించారు)
• నం నాడు (1969)
• కుమార సంబవం (1969)
• మూండ్రు ముడిచ్చు (1976) (కథానాయికగా మొదటి చిత్రం)
• గాయత్రి (1977)
• కవిక్కుయిల్ (1977)
• 16 వయద్దినిలె (1977) (175 రోజులు నిర్విరామంగా ప్రదర్శింపబడింది, (మూలం: పాపులర్ తమిళ్ ఫిల్మ్స్)
• సయంధదమ్మా సయంధాడు (1977)
• అయిరాం జెన్మాంగళ్ (1978)
• వావక్కత్తుకురియ కాధలియె (1978)
• ఇలయ రాణి రాజలక్ష్మి (1978)
• గంగ యమున కావేరి (1978)
• ఇథు ఎప్పాడి ఇరుక్కు (1978)
• మణిథరిల్ ఇత్తనై నిరంగల (1978)
• ముడిసూడ మన్నన్ (1978)
• పైలట్ ప్రేమ్ నాధ్ (1978)

• సిగప్పు రొజక్కల్ (1978) (175 రోజులు ప్రదర్శింపబడింది)
• టాక్సీ డ్రైవర్ (1978)
• ప్రియ (1978) (175 రోజులు ప్రదర్శింపబడింది)
• రధైకేత్ర కన్నన్ (1978)
• రాజావూకేత్త రాణి (1978)
• సక్కా పొడు పోడు రాజా (1978)
• అరుంబుగళ్ (1979)
• ధర్మయుద్ధం (1979)
• కల్యాణరామన్ (1979) (140 రోజులు ప్రదర్శింపబడింది)
• పగళిళ్ ఒర్ ఇరవు (1979)
• కవరిమన్ (1979)
• నీలా మరగల్ (1979)
• సిగప్పుక్కల్ మూక్కుఠి (1979)
• థాయిళ్ళామల్ నానిల్లై (1979)
• గురు (1980)
• జానీ (1980)

• వరుమైయిన్ నిరం సిగప్పు (1980)
• విశ్వరూపం (1980)
• శంకర్ లాల్ (1981)
• దైవ తిరుమనంగల్ (1981)
• మీండుం కోకిల (1981) (175 రోజులు ప్రదర్శింపబడింది)
• రానువ వీరన్ (1981)
• మూండ్రం పిరై (1982) (329 రోజులు ప్రదర్శింపబడింది)
• దేవియిన్ తిరివిలైయదాల్ (1982)
• థనికట్టు రాజా (1982)
• పొక్కిరి రాజా (1982) (148 రోజులు ప్రదర్శింప బడింది)
• వాజ్వే మాయం (1982) (200 రోజులు ప్రదర్శింపబడింది)
• ఆడుత వారిసు (1983)
• సంతిప్పు (1983) (175 రోజులు ప్రదర్శింపబడింది)
• నాన్ ఆడిమై ఇల్లై (1986)
• టక్కర్ రాజా

తెలుగు

• మేన కోడలు (1972) (బాలనటిగా)
• బంగారక్క (1977) (హీరోయిన్ గా తెలుగులో తొలి చిత్రం)
• పదహారేళ్ళ వయసు (1978)
• ఎర్ర గులాబీలు(1978) (సిగప్పు రోజక్కల్ - అను చిత్ర అనువాదం)
• బుర్రిపాలెం బుల్లోడు (1979)
• కార్తీక దీపం (1979)
• వేటగాడు (1979)
• కళ్యాణ రాముడు (1979)
• ముద్దుల కొడుకు (1979)
• గురు (1980)
• ఆటగాడు (1980)
• చుట్టాలున్నారు జాగ్రత్త (1980)
• దేవుడు ఇచ్చిన కొడుకు (1980)
• ఘరానా దొంగ (1980)
• కక్ష (1980)
• మామా అల్లుళ్ళ సవాల్ (1980)
• ప్రేమ కానుక (1980)
• రౌడీ రాముడు కొంటె కృష్ణుడు (1980)
• సర్దార్ పాపారాయుడు (1980)
• గజ దొంగ (1980)
• సిఐడి (1980)
• మోసగాడు (1980)
• పాటగాడు (1980)
• ఆకలి రాజ్యం (1981)
• బాల నాగమ్మ (1981)

• భోగభాగ్యాలు (1981)
• ఘరానా గంగులు (1981)
• గడసరి అత్త-సొగసరి కోడలు (1981)
• కొండవీటి సింహం (1981)
• ప్రేమాభిషేకం (1981) (హైదరాబాద్ లో 500 రోజులకి పైగా ఆడింది)
• రాణికాసుల రంగమ్మ (1981)
• ఇల్లాలు (1981)
• సత్యం శివం(1981)
• గురుశిష్యులు (1981)
• అందగాడు (1982 సినిమా) (1982)
• ఆదివిష్ణులు (1982)
• అనురాగ దేవత (1982)
• బంగారు భూమి (1982)
• బంగారు కానుక(1982)
• బంగారు కొడుకు (1982)
• బొబ్బిలి పులి (1982)
• దేవత (1982)
• జస్టిస్ చౌదరి(1982)
• కలవారి సంసారం (1982)
• కృష్ణార్జునులు(1982)
• కృష్ణావతారమ్ (1982)
• షంషేర్ శంకర్ (1982)
• వయ్యారి భామలు వగలమారి భర్తలు(1982)

• అడవి సింహాలు (1983)
• కిరాయి కోటిగాడు (1983)
• ముందడుగు (1983)
• రామరాజ్యంలో భీమరాజు (1983)
• సింహం నవ్వింది (1983)
• శ్రీరంగ నీతులు (1983)
• ఊరంతా సంక్రాంతి (1983)
• కంచు కాగడ(1984)
• కోడెత్రాచు (1984)
• బాబులుగాడి దెబ్బ (1984)
• వజ్రాయుధం (1985)
• పచ్చని కాపురం (1985)
• త్రిశూలం (1985)
• ఒక రాధ – ఇద్దరు కృష్ణులు (1986)
• జయం మనదే (1986)
• ఖైది రుద్రయ్య (1986)
• మకుటంలేని మహారాజు (1987)
• మాఊరి మగాడు (1987)
• ఆఖరి పోరాటం (1988)
• జగదేక వీరుడు అతిలోక సుందరి (1990)
• క్షణ క్షణం (1991)
• గోవిందా గోవిందా (1993)
• ఎస్.పి.పరశురాం (1996)

హిందీ

• జూలీ 1975 (బాల నటి)
• సోల్వా సావన్ (1978)
• హిమ్మత్ వాలా (1983)
• జస్టిస్ చౌదరి (1983)
• జానీ దోస్త్ (1983)
• కళాకార్ (1983)
• సద్మా (1983)
• అకల్‌మంద్ (1984)
• ఇంక్విలాబ్ (1984)
• జాగ్ ఉఠా ఇన్సాన్ (1984)
• నయా కదమ్ (1984)
• మఖ్సద్ (1984)
• థోఫా (1984)
• బలిదాన్ (1985)
• మాస్టర్‌జీ (1985)
• సర్ఫరోష్ (1985)
• ఆఖరీ రాస్తా (1986)
• ఆగ్ ఔర్ షోలా (1986) (cameo)
• భగవాన్ దాదా (1986)
• ధరమ్ అధికారీ (1986)
• ఘర్ సంసార్ (1986)

• నగీనా (1986)
• జాబాజ్ (1986) (cameo)
• కర్మ (1986)
• సుహాగన్ (1986)
• సల్తనత్ (1986)
• ఔలాద్ (1987)
• హిమ్మత్ ఔర్ మెహనత్ (1987)
• నజరానా (1987)
• మజాల్ (1987)
• జోషీలే (1987)
• జవాబ్ హమ్ దేంగే (1987)
• మిస్టర్ ఇండియా (1987)
• షేర్నీ (1988)
• రామ్ అవతార్ (1988)
• వక్త్ కీ ఆవాజ్ (1988)
• సోనే పే సుహాగా (1988)
• చాల్‌బాజ్ (1989)
• చాందిని (1989)
• గురు (1989)

• ఘైర్ కానూనీ (1989)
• నిగాహే (1989)
• మై తేరా దుష్మన్ (1989) (అతిధి పాత్ర)
• బంజారన్ (1991)
• ఫరిష్తే (1991)
• ఫత్తర్ కె ఇన్సాన్ (1991)
• లమ్హే (1991)
• ఖుధాగవా (1992)
• హీర్ రాంఝా (1992)
• ఆస్మాన్ సే గిరా (1992) (అతిధి పాత్ర)
• చంద్రముఖి (1993)
• గుమ్రాహ్ (1993)
• గురుదేవ్ (1993)
• రూప్‌కి రాణీ చోరోంకా రాజా (1993)
• చాంద్ కా టుక్డా (1994)
• లాడ్లా (1994)
• ఆర్మీ (1996)
• మిస్టర్ బేచారా (1996)
• కౌన్ సఛ్ఛా కౌన్ ఝూటా (1997)
• జుదాయి (1997)
• మేరీ బీవీకా జవాబ్ నహీ (2004) (Delayed Release)
• English Vinglish (2012)

బయటి లింకులు

• ఇంటర్నెట్ మూవీ డేటాబేసు లో శ్రీదేవి పేజీ
• శ్రీదేవి ఛాయాచిత్రమాలిక