జయప్రద

జయప్రద
పార్లమెంటు సభ్యురాలు
పదవీ కాలం 2004 – 2014
ముందు	బేగం నూర్ బానో
తరువాత	నైపాల్ సింగ్
నియోజకవర్గం	రాంపూర్
వ్యక్తిగత వివరాలు
జననం	(1962-04-03) 1962 April 3
రాజకీయ పార్టీ	సమాజ్‌వాది పార్టీ
వృత్తి	సినిమా నటి, రాజకీయవేత్త
మతం	హిందూ మతం

తెలుగు సినీరంగంలో జయప్రద లేదా జయప్రద నహతాగా పరిచితురాలైన లలితారాణి నటి, పార్లమెంటు సభ్యురాలు. జయప్రద 1962 ఏప్రిల్ 3న ఆంధ్రప్రదేశ్ రాష్ట్రంలోని రాజమండ్రిలో ఒక మధ్యతరగతి కుటుంబంలో కృష్ణ, నీలవేణి దంపతులకు జన్మించింది.

సినీ ప్రవేశం

జయప్రదకు బాల్యంలో డాక్టరు అవ్వాలని కోరిక ఉండేది. ఈమె తల్లి ఈమెను ఏడవఏటి నుండే నాట్య సంగీత శిక్షణకు పంపింది. తన తండ్రి, బాబాయిలు సినిమా పెట్టుబడిదారులైనప్పటికీ ఈమెకు సినీరంగ ప్రవేశం వారి ద్వారా లభించలేదు. 14 ఏళ్ల వయసులో పాఠశాలలో ఒక నాట్య ప్రదర్శన చేస్తుండగా సినీ నటుడు ఎం. ప్రభాకరరెడ్డి ఈమెను చూసి జయప్రద అని నామకరణం చేసి 1976లో విడుదలైన భూమి కోసం సినిమాలో మూడు నిమిషాలు నిడివికల ఒక పాట ద్వారా ఈమెను చిత్రసీమకు పరిచయం చేశాడు. అలా మొదలైన ఈమె సినీ ప్రస్థానం 2005 వరకు మూడు దశాబ్దాలలో ఆరు భాషలలో (తెలుగు, తమిళం, మలయాళం, కన్నడ, హిందీ, బెంగాలి) 300కు పైగా సినిమాలలో నటించింది.

పాఠశాల తర్వాత ఈమె రాజమండ్రిలోని రాజలక్ష్మి మహిళా కళాశాలలో చదివింది. ఈమె 1986 జూన్ 22న సినీనిర్మాత శ్రీకాంత్ నహతాను వివాహమాడింది.

రాజకీయ ప్రవేశం

నందమూరి తారక రామారావు ఆహ్వానంతో 1994 అక్టోబర్ 10 న తెలుగుదేశం పార్టీలో చేరి రాజకీయరంగ ప్రవేశం చేసింది. ఆ తర్వాత ఈమె చంద్రబాబు నాయుడు పక్షంలో చేరి తెలుగు దేశం పార్టీ మహిళా విభాగానికి అధ్యక్షురాలైంది. 1996 ఏప్రిల్‌లో తెలుగుదేశం పార్టీ తరఫున రాజ్యసభకు ఎన్నికైంది. ఆ తరువాత పార్టీ నాయకులతో వచ్చిన గొడవల వలన తెలుగు దేశం పార్టీకి రాజీనామా చేసి, జయప్రద ములాయం సింగ్ యాదవ్ సమాజ్‌వాదీ పార్టీలో చేరి ఆంధ్ర నా జన్మ భూమి కానీ ఉత్తర ప్రదేశ్ నా కర్మభూమి అన్న నినాదంతో ఉత్తర ప్రదేశ్ లోని రాంపూర్ నియోజవర్గం నుండి 2004 మే 13న లోక్‌సభకు ఎన్నికైంది.

జయప్రద నటించిన తెలుగు చిత్రాలు

Kamanuru

• భూమి కోసం
• సీతా కల్యాణం
• శ్రీ రాజేశ్వరి విలాస్ కాఫీ క్లబ్
• మాంగల్యానికి మరో ముడి
• అంతులేని కథ
• సిరి సిరి మువ్వ
• సీతారామ వనవాసం
• ఈనాటి బంధం ఏనాటిదో (1977)
• నాయుడుబావ (1978)
• కురుక్షేత్రం
• చాణక్య - చంద్రగుప్త
• అందమే ఆనందం
• అడవి రాముడు
• యమగోల
• శ్రీ తిరుపతి వేంకటేశ్వర కల్యాణం

• కృష్ణ గారడీ (1986)
• రంగూన్ రౌడీ
• దొంగలకు సవాల్
• సూపర్ మేన్
• శ్రీవారి ముచ్చట్లు
• సర్కస్ రాముడు
• చండీ ప్రియ
• ఊరికి మొనగాడు
• అగ్నిపూలు
• 47 రోజులు
• స్వయంవరం
• కృష్ణార్జునులు
• ఏకలవ్య
• దేవత

• సాగర సంగమం
• ముందడుగు
• మేఘసందేశం
• అమరజీవి
• అడవి సింహాలు
• పులి - బెబ్బులి
• తాండ్ర పాపారాయుడు
• సింహాసనం
• వేట
• విశ్వనాధ నాయకుడు
• సంసారం
• జీవిత ఖైదీ
• మహారధి
• శరభ (2018)

ఇవి కూడ చూడండి

• వీర్ (1995 సినిమా)
• సింఘసన్