కాటేపల్లి జనార్థన్ రెడ్డి

వికీపీడియా నుండి
Jump to navigation Jump to search
కాటేపల్లి జనార్థన్ రెడ్డి
కాటేపల్లి జనార్థన్ రెడ్డి


ఎమ్మెల్సీ
అధికారంలో ఉన్న వ్యక్తి
అధికార ప్రారంభం
2019 మార్చి 30 - ప్రస్తుతం
నియోజకవర్గం మహబూబ్‌నగర్-హైదరాబాద్-రంగారెడ్డి జిల్లా ఉపాధ్యాయ నియోజకవర్గం

వ్యక్తిగత వివరాలు

జననం (1960-03-10) 1960 మార్చి 10 (వయస్సు 61)
మహబూబ్ నగర్, తెలంగాణ
జాతీయత భారతీయుడు
రాజకీయ పార్టీ తెలంగాణ రాష్ట్ర సమితి
తల్లిదండ్రులు రాంరెడ్డి, కిష్టమ్మ
జీవిత భాగస్వామి ధనశోభ
సంతానం ఒక కుమారుడు, ఒక కుమార్తె

కాటేపల్లి జనార్థన్ రెడ్డి తెలంగాణ రాష్ట్రానికి చెందిన రాజకీయ నాయకుడు, మహబూబ్‌నగర్-హైదరాబాద్-రంగారెడ్డి జిల్లా ఉపాధ్యాయ నియోజకవర్గ శాసన మండలి సభ్యుడు.[1]

జీవిత విషయాలు[మార్చు]

జనార్థన్ రెడ్డి 1960, మార్చి 10న రాంరెడ్డి, కిష్టమ్మ దంపతులకు మహబూబ్ నగర్ లో జన్మించాడు. బిఎస్సీ చదివిన జనార్థన్ రెడ్డి 1982-1983 లో హైదరాబాదు, మాసబ్ ట్యాంక్ లోని కంప్రెహెన్సీవ్ కాలేజ్ ఆఫ్ ఎడ్యుకేషన్ లో బిఎడ్ పూర్తిచేశాడు. వివిధ ప్రాంతాలలో ప్రభుత్వ ఉపాధ్యాయుడిగా పనిచేసి ప్రధానోపాధ్యాయుడిగా పదవీ విరమణ పొందాడు.[2]

వ్యక్తిగత జీవితం[మార్చు]

జనార్థన్ రెడ్డికి ధనశోభతో వివాహం జరిగింది. వీరికి ఒక కుమారుడు, ఒక కుమార్తె.

రాజకీయ విశేషాలు[మార్చు]

మండల కార్యకర్తగా తన రాజకీయ ప్రయాణాన్ని ప్రారంభించిన జనార్థన్ రెడ్డి, ఆ తరువాత పిఆర్‌టియు యూనియన్‌లో సభ్యుడిగా చేరాడు. పిఆర్‌టియు యూనియన్ ప్రధాన కార్యదర్శి కొంతకాలం పనిచేసి, 2000-2010 వరకు పిఆర్‌టియు యూనియన్ జిల్లా అధ్యక్షుడిగా ఉన్నాడు. టి. హరీశ్ రావు, పల్లా రాజేశ్వర్ రెడ్డి మద్దతుతో ఉమ్మడి ఆంధ్రప్రదేశ్ శాసన మండలి సభ్యుడిగా గెలుపొంది మార్చి 30 నుండి 2014 జూన్ 1 వరకు పనిచేశాడు. తెలంగాణ ఉద్యమంలో కూడా పాల్గొన్నాడు. తెలంగాణ రాష్ట్రం ఏర్పడిన తరువాత 2014 జూన్ 2 నుండి 2017 మార్చి 29 వరకు తెలంగాణ శాసనమండలి సభ్యుడిగా పనిచేశాడు. తెలంగాణ రాష్ట్ర సమితి పార్టీలో చేరాడు.

కాటేపల్లి జనార్దన్‌రెడ్డి 2017, మార్చి 30న జరిగిన తెలంగాణ శాసన మండలి ఎన్నికల్లో మహబూబ్‌నగర్-హైదరాబాద్-రంగారెడ్డి జిల్లా ఉపాధ్యాయ నియోజకవర్గం నుంచి టిఆర్ఎస్ అభ్యర్థిగా పోటీచేసి గెలుపొందాడు.[3][4]

ఇతర వివరాలు[మార్చు]

కాంబోడియా, ఇండోనేషియా, మలేషియా, మాల్దీవులు, సింగపూర్, శ్రీలంక, థాయిలాండ్, యునైటెడ్ అరబ్ ఎమిరేట్స్, వియత్నాం మొదలైన దేశాలలో పర్యటించాడు.

మూలాలు[మార్చు]

  1. "Katepally Janardhan Reddy | MLC | Mahabubnagar | Telangana". the Leaders Page (in ఇంగ్లీష్). 2020-06-30. Retrieved 2021-08-06.
  2. admin (2020-09-25). "Telangana Teachers MLC Katepally Janardhan Reddy". Telangana data (in ఇంగ్లీష్). Retrieved 2021-08-06.
  3. Sakshi (23 March 2017). "టీచర్‌ ఎమ్మెల్సీ కాటేపల్లి". Sakshi. Archived from the original on 19 ఆగస్టు 2021. Retrieved 19 August 2021.
  4. Sakshi (31 March 2017). "నలుగురు టీఆర్‌ఎస్‌ ఎమ్మెల్సీల ప్రమాణ స్వీకారం". Archived from the original on 19 ఆగస్టు 2021. Retrieved 19 August 2021.