తన్నీరు హరీశ్ రావు

వికీపీడియా నుండి
(టి. హరీశ్ రావు నుండి దారిమార్పు చెందింది)
Jump to navigation Jump to search
తన్నీరు హరీశ్ రావు
తన్నీరు హరీశ్ రావు

అధికారంలో ఉన్న వ్యక్తి
అధికార కాలం
2004
నియోజకవర్గము సిద్దిపేట, తెలంగాణ

వ్యక్తిగత వివరాలు

జననం (1972-06-03) 1972 జూన్ 3 (వయస్సు: 47  సంవత్సరాలు)
సిద్దిపేట, తెలంగాణ , భారత దేశము
రాజకీయ పార్టీ తెలంగాణ రాష్ట్ర సమితి
నివాసము సిద్దిపేట
పూర్వ విద్యార్థి కాకతీయ విశ్వవిద్యాలయం
వెబ్‌సైటు http://www.tharishrao.com/

తన్నీరు హరీశ్ రావు (జ. జూన్ 3, 1972) తెలంగాణ రాష్ట్ర సమితి పార్టీకి చెందిన రాజకీయ నాయకుడు.[1] ఆయన సిద్దిపేట శాసనసభ నియోజకవర్గం శాసనసభ్యులుగా యున్నారు.[2]

ప్రారంభ జీవితం[మార్చు]

ఈయన మెదక్ జిల్లా, సిద్దిపేటలో సత్యన్నారాయణ మరియు లక్ష్మీబాయి దంపతులకు జన్మించాడు. ఈయన తెలంగాణ రాష్ట్ర సమితి వ్యవస్థాపకులు మరియు తెలంగాణ రాష్ట్ర మొదటి ముఖ్యమంత్రి అయిన కల్వకుంట్ల చంద్రశేఖరరావు గారి మేనల్లుడు. ఈయన సిద్దిపేటలో పట్టభద్రుడైనాడు.

రాజకీయ జీవితం[మార్చు]

హరీశ్ రావు 2004 లో తొలిసారిగా సిద్దిపేట శాసనసభ నియోజక వర్గం నుంచి శాసన సభ్యునిగా ఎన్నికయ్యాడు. వై.ఎస్‌. రాజశేఖర్‌రెడ్డి కేబినెట్‌లో యువజన సర్వీసులు, ప్రింటింగ్‌ స్టేషనరీ శాఖ మంత్రిగా పనిచేశాడు. కల్వకుంట్ల చంద్రశేఖర రావు గారు సిద్దిపేట శాసనసభ మరియు కరీంనగర్ పార్లమెంటు స్థానాలకు ఎన్నికైనందున సిద్దిపేట స్థానాన్ని ఆయన ఖాళీ చేయవలసి వచ్చింది. ఆ ఖాళీ స్థానంలో జరిగిన ఉప ఎన్నికలో హరీశ్ రావు ఎన్నికైనారు. హరీశ్ రావు అప్పటికి విద్యాభ్యాసాన్ని పూర్తి చేసి నేరుగా రాజకీయాలలోనికి అడుగిడినారు. ఆతర్వాత మంచి నాయకునిగా ఎదిగి నియోజకవర్గ ప్రజల ఆదరాభిమానాలు చూరగొన్నారు. ఆయన తెలంగాణ రాష్ట్ర ఏర్పాటు కొరకు అవిశ్రాంతంగా విశేషమైన ఉద్యమాలు నడిపారు.

తెలంగాణ కోసం రాజీనామా చేసి సిద్దిపేట శాసన సభ స్థానానికి 2004 అక్టోబర్‌లో జరిగిన ఉప ఎన్నికల్లో పోటీ చేసి 24827 ఓట్ల మెజార్టీతో గెలుపొందాడు. 2008లో జరిగిన ఉప ఎన్నికల్లో కాంగ్రెస్‌ అభ్యర్థిపై 58935 ఓట్లతో రికార్డు స్థాయి మెజార్టీతో గెలుపొందాడు. 2009లో జరిగిన అసెంబ్లీ ఎన్నికల్లో 64014 ఓట్లలతో గెలిచాడు. 2010 మొదట్లో యు.పి.ఎ ప్రభుత్వం 2009 డిసెంబరు 9 లో ప్రకటించిన తెలంగాణ రాష్ట్ర ఏర్పాటు ప్రకియ నిర్ణయాన్ని వెనుకకు తీసుకున్నందున నిరసనగా ఎమ్మెల్యే పదవికి రాజీనామా చేశాడు. 2010లో జరిగిన ఉప ఎన్నికల్లో 95858 ఓట్లతో రాష్ట్రంలోనే అత్యధిక మెజార్టీతో గెలుపొంది 2009 లో వై.యస్.రాజశేఖరరెడ్డి పులివెందుల నియోజక వర్గంలో సాధించిన 68,681 ఓట్ల రికార్డును తిరగరాశాడు.

2014లో తెలంగాణ ప్రత్యేక రాష్ట్రం ఏర్పడ్డాక జరిగిన అసెంబ్లీ ఎన్నికల్లో సిద్దిపేట నియోజకవర్గం నుంచి 93328 ఓట్ల మెజార్టీతో ఎమ్మెల్యేగా గెలిచి, ముఖ్యమంత్రి కేసీఆర్ మంత్రివర్గంలో నీటి పారుదల, మార్కెటింగ్, శాసన సభ వ్యవహారాల శాఖ మంత్రిగా బాధ్యతలు నిర్వహించాడు. 2018 లో అసెంబ్లీకి జరిగిన ముందస్తు ఎన్నికల్లో సిద్దిపేట నియోజకవర్గం నుంచి 1,18,699 ఓట్లతో రికార్డు మెజార్టీతో విజయం సాధించి, 2019 సెప్టెంబర్ 8న ముఖ్యమంత్రి కేసీఆర్ మంత్రివర్గంలో ఆర్థిక శాఖ మంత్రిగా బాధ్యతలు చేపట్టాడు.[3][4][5]

వ్యక్తిగత జీవితం[మార్చు]

హరీశ్ రావు శ్రీనితను వివాహమాడాడు. వారికి ఒక కుమారుడు మరియు ఒక కుమార్తె. ఆయన మాసబ్ ట్యాంక్ లో గల జె.ఎన్.టి.యు లో పాలిటెక్నిక్ చదివాడు.

మూలాలు[మార్చు]

  1. The Hindu : Front Page : TRS MLA’s meeting with YSR raises eyebrows
  2. Telangana: TRS MLAs likely to resign - Economic Times
  3. నమస్తే తెలంగాణ, తాజా వార్తలు (8 September 2019). "ఆరుగురు మంత్రుల ప్రమాణస్వీకారం". ntnews.com. మూలం నుండి 8 September 2019 న ఆర్కైవు చేసారు. Retrieved 8 September 2019.
  4. సాక్షి, తెలంగాణ (8 September 2019). "శాఖల కేటాయింపు: హరీష్‌కు ఆర్థిక శాఖ". Sakshi. మూలం నుండి 8 September 2019 న ఆర్కైవు చేసారు. Retrieved 8 September 2019.
  5. నమస్తే తెలంగాణ, తాజావార్తలు (9 September 2019). "ఎమ్మెల్యేగా ఆరు సార్లు.. మంత్రిగా మూడు సార్లు." ntnews.com. మూలం నుండి 9 September 2019 న ఆర్కైవు చేసారు. Retrieved 9 September 2019.

బయటి లంకెలు[మార్చు]

వంశవృక్ష ఆధారం[మార్చు]