కాసరనేని సదాశివరావు

వికీపీడియా నుండి
Jump to navigation Jump to search
కాసరనేని సదాశివరావు
Kaasaraneni sadasivaraju.jpg
కాసరనేని సదాశివరావు
జననం కాసరనేని సదాశివరావు
అక్టోబరు 13 1923
గుంటూరు జిల్లా, పెదకాకాని మండలం, తక్కెళ్ళపాడు
మరణం సెప్టెంబరు 30 , 2012
వృత్తి వైద్యుడు, రాజకీయ నాయకుడు, Philanthropist, Educationalist, Patron of Telugu literature
నాగార్జున ఎడ్యుకేషనల్ ట్రస్టుకు వ్యవస్థాపక కార్యదర్శి
ప్రసిద్ధి శస్త్రవైద్య నిపుణులు
రాజకీయ పార్టీ తెలుగుదేశం
భార్య / భర్త జయప్రదాంబ
పిల్లలు రాంబాల, ఉమాబాల,రమేశ్,ఉషాబాల, సురేశ్.
తండ్రి రామశాస్త్రులు.
తల్లి భాగ్యమ్మ

డాక్టర్ కాసరనేని సదాశివరావు ఆంధ్రప్రదేశ్ రాష్ట్ర్రం, గుంటూరు జిల్లా, పెదకాకాని మండలం, తక్కెళ్ళపాడు శివారు రామచంద్రపాలెం (గారపాడు) గ్రామంలో జన్మించాడు. తల్లిదండ్రులు భాగ్యమ్మ మరియు రామశాస్త్రులు.మధ్యతరగతి రైతు కుటుంబం నుంచి వచ్చిన సదాశివరావు వైద్యవిద్య నభ్యసించి, శస్త్రవైద్య నిపుణులుగా పేరొందాడు.వీరి మేనమామ పిన్నమనేని సూరయ్య స్వాతంత్ర్యోద్యమంలో జైలు కెళ్ళిన దేశభక్తుడు.వైద్యునిగా పీపుల్స్ నర్సింగ్ హోమ్ పేరిట ప్రజా వైద్యశాలను ప్రారంభించిన సదాశివరావు దాదాపు అర్ధ శతాబ్దం పాటు వైద్యవృత్తిలో కొనసాగాడు. మంచి హస్తవాసిగల డాక్టరుగా పేరు తెచ్చుకొన్న సదాశివరావు పేద ప్రజల పట్ల ఉదారంగా వ్యవహరించేవాడు. వృత్తిలో మానవత్వాన్ని, వృత్తి విలువలను తు.చ. తప్పక పాటించేవాడు.

నందమూరి తారక రామారావు తెలుగుదేశం పార్టీని స్థాపింవిన తరువాత కొంతకాలానికి ఆ పార్టీలో చేరిన సదాశివరావు తరువాత పెదకూరపాడు నియోజకవర్గం నుండి శాసనసభకు ఎన్నికయ్యాడు. రాజకీయాల్లోనూ ఆయన తాను నమ్మిన విలువలకు కట్టుబడే ఉన్నాడు.

సాహితీ సదస్సు పేరిట గుంటూరులో ఒక సాహిత్య వేదికను ఏర్పాటు చేసిన డాక్టర్ సదాశివరావు, ఆ సంస్థ ద్వారా ప్రముఖ కవులను, రచయితలను, తాత్వికులను గుంటూరుకు ఆహ్వానించి వారి ప్రసంగాలను గుంటూరు ప్రజలకు వినిపించాడు.

గుంటూరు లోని ప్రతిష్ఠాత్మక నాగార్జున ఎడ్యుకేషనల్ ట్రస్టుకు వ్యవస్థాపక కార్యదర్శిగా వ్యవహరించిన సదాశివరావు తరువాతి కాలంలో అనేక సంవత్సరాలపాటు ఆ సంస్థకు అధ్యక్షునిగా వ్యవహరించాడు.

డాక్టర్ చలసాని జయప్రదాంబను వివాహమాడిన సదాశివరావుకు ఐదుగురు సంతానం. ఐదుగురూ డాక్టర్లే కావడం విశేషం. భార్య మరణానంతరం ఆమె పేరు మీద డిగ్రీ కళాశాలను స్థాపించిన సదాశివరావు ప్రస్తుతం విశ్రాంత జీవనం గడుపుతున్నాడు.

ఇటీవలనే "సదాశివమ్" పేరిట ఆత్మకథను ప్రచురించాడు. స్వాతంత్ర్యానికి పూర్వమున్న పరిస్థితుల్ని నేటి పరిస్థితుల్ని తులనాత్మకంగా చూపెట్టే ఈ గ్రంథం చదవడానికి ఆసక్తిగానూ, ఒక మంచిమనిషి జీవితాన్ని గురించి చెప్పేదిగానూ ఉంటుంది.30.9.2012 న గుంటూరులో మరణించారు.

యితర లింకులు[మార్చు]