కౌశల్ మండా
కౌశల్ మండా | |
|---|---|
 కె.ఎల్.ఎం ఫాషన్ మాల్ ప్రారంభోత్సవ కార్యక్రమంలో కౌశల్ | |
| జననం | మండా కౌశల్ ప్రసాద్ 1980 మే 13 విశాఖపట్నం, ఆంధ్ర ప్రదేశ్, భారతదేశం |
| జాతీయత | భారతీయుడు |
| వృత్తి |
|
| క్రియాశీలక సంవత్సరాలు | 1999–ప్రస్తుతం |
| భాగస్వామి | నీలిమా కౌశల్ |
| పిల్లలు | నికుంష్, లల్లీ [1] |
| వెబ్సైటు | Kaushal Manda |
కౌశల్ మండా (జ. 1980 మే 13) భారతీయ టెలివిజన్ నటుడు, మోడల్, సినిమా నటుడు, వ్యాపార ప్రకటనల చిత్ర దర్శకుడు. అతడు అనేక సినిమాలలో నటించాడు. అతడి " ద లుక్స్ ప్రొడక్షన్స్" అనే మోడల్ మేనేజిమెంటు ఏజన్సీకి వ్యవస్థాపకుడు, సి.ఇ.ఓ. అతను భారతదేశంలో సుమారు 230 వాణిజ్య ప్రకటనలను రూపొందించాడు. తెలుగు సీరియల్ "ఎవ్వని చెదనుంచు (1983)" లో బాల నటుడిగా ప్రముఖ పాత్ర పోషించినందుకు తెలుగు టెలివిజన్ పరిశ్రమలో కౌశల్ మంచి పేరు పొందాడు. జెమిని టెలివిజన్ లో పేరొందిన సీరియల్ "చక్రవాకం (2003-2008) లో ప్రధాన పాత్ర పోషించాడు. డాన్స్ బేబీ డాన్స్ (2005) షోలో అతిథిగా ఉన్నాడు. జీ తెలుగు లోని "సూర్యవంశం" సీరియల్ (2017 -ప్రస్తుతం) లో ప్రధాన పాత్రధారునిగా నటిస్తున్నాడు. ప్రస్తుతం బిగ్ బాస్ తెలుగు-2 టెలివిజన్ రియాలిటీ షోలో పాల్గొన్నాడు. అతడు తెలుగు సినిమాలైన "రాజకుమారుడు (1999)", "మిస్టర్ పెరఫెక్ట్ (2011)" లలో సహాయ పాత్రధారునిగా నటించాడు.[2] బిగ్- బాస్ తెలుగు-2 రియాలిటీ షోలో అనేక మండి అభిమానులను పొందాడు. అతనిని అభిమానించే వర్గం "కౌశల్ ఆర్మీ"గా పిలువబడుతుంది.[3] బిగ్ బాస్ 2లో గెలుపొందిన అతను తనకు బహుమతిగా వచ్చిన నగదును కేన్సర్ బాధితుల కోసం వినియోగిస్తానని గ్రాండ్ ఫినాలే వేదికపై ప్రకటించాడు.
జీవిత విశేషాలు
[మార్చు]కౌశల్ 1981 మే 19న ఆంధ్రప్రదేశ్ రాష్ట్రంలోని విశాఖపట్నంలో జన్మించాడు. అతని తండ్రి ప్రభుత్వ ఉద్యోగి, నాటకరంగ కళాకారుడు. ఆంధ్ర విశ్వవిద్యాలయం నుండి 2003లో బి.టెక్ పూర్తిచేసాడు. అతను నీలిమా కౌశల్ ను వివాహమాడాడు. అతను పాఠశాల, కళాశాల స్థాయిలలో బ్యాడ్మింటన్ క్రీడాకారుడు. అతనికి కళాకారులలో అర్జున్ రాంపాల్ యిష్టమైన మోడల్ గానూ, కమల్ హాసన్ యిష్టమైన నటునిగానూ ఉన్నారు. అతను బాడీ బిల్డర్. గుర్రపు స్వారీ కూడా చేస్తాడు.[1] వీరి కుటుంబం వైజాగ్లోని సుజాతా నగర్లో ఉండేది. తర్వాత హైదరాబాదుకి వచ్చారు. అతను స్కూళ్లో చదువుతున్న రోజుల నుంచి ఆయన తండ్రిలా నటుడు కావాలని తపించాడు. తొలుత మోడలింగ్లో అవకాశాలు అందుకున్న ఆయన అనంతరం నటుడిగా మారాడు. మారుతి కార్గో, విజయ్ టెక్స్టైల్స్ వంటి సంస్థల వాణిజ్య ప్రకటనలకు మోడల్గా పనిచేసిన అతను మహేశ్ బాబు చిత్రం రాజకుమారుడితో వెండితెరపై కాలుమోపాడు. బుల్లితెరపై పలు ధారావాహికల్లో కౌశల్ నటిస్తున్నాడు. 200కిపైగా వాణిజ్య ప్రకటనల్లో నటించిన కౌశల్ హైదరాబాద్లో సొంతంగా యాడ్ ఏజెన్సీ, ప్రొడక్షన్ హౌస్ నిర్వహిస్తున్నాడు.[4] 'లుక్స్' పేరుతో మోడలింగ్ ఏజెన్సీని 1999లో ప్రారంభించాడు. 1999లో మిస్టర్ ఇండియా పోటీల్లో ఫైనల్ వరకు వెళ్లాడు.
టెలివిజన్
[మార్చు]| సంవత్సరం | పేరు | పాత్ర | ఛానల్ |
|---|---|---|---|
| 1982- 1984 | ఎవ్వని చెదనుంచు | బాలనటుడు | |
| 1998 | గ్రాసిం మిస్టర్ ఇండియా | టాప్ 6 పోటీదారు | బ్యూటీ పాగంట్ |
| 2003- 2008 | చక్రవాకం | సాగర్ | జెమినీ టీవీ |
| 2005 | డాన్స్ బేబీ డాన్స్ | హోస్ట్ | జెమినీ టీవీ |
| 2010 | దేవత | జెమినీ టీవీ | |
| 2011 | నం.23 మహాలక్ష్మి నివాసం | విక్రం | జెమినీ టీవీ |
| 2017- ప్రస్తుతం | సూర్యవంశం (సీరియల్) | ఆది శంకర్ | జీ తెలుగు |
| 2018 | బిగ్ బాస్ తెలుగు - 2 | పొటిదారు/ విజేత | స్టార్ మా |
సినిమాలు
[మార్చు]| సంవత్సరం | సినిమా | పాత్ర(లు) | గమనికలు | రెఫ్ |
|---|---|---|---|---|
| 1999 | రాజకుమారుడు | రంగప్రవేశం | ||
| 2000 సంవత్సరం | బద్రి | |||
| 2001 | సంపంగి | అభిషేక్ స్నేహితుడు | ||
| ఆకాశ వీధిలో | ఉగ్రవాది | |||
| మనసంతా నువ్వే | చంటి స్నేహితుడు | |||
| 2002 | శ్రీరామ్ | శ్రీరామ్ స్నేహితుడు. | ||
| శివ రామ రాజు | ||||
| నీ స్నేహం | ||||
| 2003 | ఆయుధం | శ్రావణ్ కుమార్ | ||
| చార్మినార్ | ||||
| జోడి నెం. 1 | రవి | |||
| 2004 | నేనున్నాను | |||
| వెంకీ | ||||
| ఒకటవుధువామ్ | గురునాధన్ | ప్రధాన పాత్ర | ||
| 2005 | అనుకోకుండా ఒక రోజు | రౌడీ టీనేజర్ | ||
| 2006 | అసాధ్యుడు | కళాశాల విద్యార్థి | ||
| 2008 | ముఖ్బీర్ | హిందీ సినిమా | ||
| 2009 | ద్రోణుడు | పబ్ ఎమ్సీ | ||
| నా స్టైల్ వేరు | ప్రవీణ్ | |||
| 2010 | కామెడీ ఎక్స్ప్రెస్ | మహేష్ | ||
| అనగనగ ఒక అరణ్యము | ||||
| 2011 | మిస్టర్ పర్ఫెక్ట్ | ప్రియా కజిన్ | ||
| నేను నా రాక్షసి | రాజేష్ | |||
| 2012 | దరువు | పబ్ లో గూన్ | ||
| 2022 | అతడు ఆమె ప్రియుడు | |||
| 2025 | కన్నప్ప | మాలి | ||
| 2025 | వర్జిన్ బాయ్స్ |
మూలాలు
[మార్చు]- ↑ 1.0 1.1 https://starsunfolded.com/kaushal-manda/
- ↑ Devalla, Rani (2013-04-18). "At his creative best". The Hindu (in Indian English). ISSN 0971-751X. Retrieved 2018-08-19.
- ↑ "ఆర్కైవ్ నకలు". Archived from the original on 2018-08-05. Retrieved 2018-08-09.
- ↑ "కౌశల్: బిగ్బాస్ 2 విజేత విశేషాలు".