గుడివాడ (తెనాలి)

వికీపీడియా నుండి
Jump to navigation Jump to search
గుడివాడ (తెనాలి)
—  రెవిన్యూ గ్రామం  —
రాష్ట్రం ఆంధ్ర ప్రదేశ్
జిల్లా గుంటూరు
మండలం తెనాలి
ప్రభుత్వము
 - సర్పంచి శ్రీమతి బొద్దులూరి సుభాషిణి
జనాభా (2011)
 - మొత్తం 5,593
 - పురుషుల సంఖ్య 2,791
 - స్త్రీల సంఖ్య 2,802
 - గృహాల సంఖ్య 1,661
పిన్ కోడ్ 522307
ఎస్.టి.డి కోడ్ 08644


గుడివాడ (తెనాలి), గుంటూరు జిల్లా, తెనాలి మండలానికి చెందిన గ్రామము. ఇది మండల కేంద్రమైన తెనాలి నుండి 10 కి. మీ. దూరంలో ఉంది. 2011 భారత జనగణన గణాంకాల ప్రకారం ఈ గ్రామం 1661 ఇళ్లతో, 5593 జనాభాతో 760 హెక్టార్లలో విస్తరించి ఉంది. గ్రామంలో మగవారి సంఖ్య 2791, ఆడవారి సంఖ్య 2802. షెడ్యూల్డ్ కులాల సంఖ్య 1945 కాగా షెడ్యూల్డ్ తెగల సంఖ్య 274. గ్రామం యొక్క జనగణన లొకేషన్ కోడ్ 590290[1].పిన్ కోడ్: 522307. ఎస్.టి.డి.కోడ్ = 08644.

విషయ సూచిక

గ్రామ చరిత్ర[మార్చు]

ఆంధ్ర ప్రదేశ్ రాజధాని ప్రాంత అభివృద్ధి ప్రాధికార సంస్థ (సీఆర్‌డీఏ) పరిధిలోకి వస్తున్న మండలాలు, గ్రామాలను ప్రభుత్వం విడిగా గుర్తిస్తూ ఉత్తర్వులు జారీచేసింది. ప్రస్తుతం గుర్తించిన వాటిలోని చాలా గ్రామాలు వీజీటీఎం పరిధిలో ఉన్నాయి. గతంలో వీజీటీఎం పరిధిలో ఉన్న వాటితోపాటుగా ఇప్పుడు మరిన్ని కొన్ని గ్రామాలు చేరాయి. సీఆర్‌డీఏ పరిధిలోకి వచ్చే గుంటూరు, కృష్ణా జిల్లాల్లోని మండలాలు, గ్రామాలను గుర్తిస్తూ పురపాలక శాఖ ముఖ్య కార్యదర్శి ఉత్తర్వులు జారీ చేశారు.[2]

గుంటూరు జిల్లా పరిధిలోని మండలాలు[మార్చు]

తాడేపల్లి, మంగళగిరి, తుళ్లూరు, దుగ్గిరాల, తెనాలి, తాడికొండ, గుంటూరు మండలం, చేబ్రోలు, మేడికొండూరు, పెదకాకాని, వట్టిచెరుకూరు, అమరావతి, కొల్లిపర, వేమూరు, కొల్లూరు, అమృతలూరు, చుండూరు మండలాలతో పాటు ఆయా మండలాల పట్టణ ప్రాంతం కూడా సీఆర్‌డీఏ పరిధిలోకి వస్తుంది.

గ్రామం పేరు వెనుక చరిత్ర[మార్చు]

Bharath kumar

గ్రామ భౌగోళికం[మార్చు]

సమీప గ్రామాలు[మార్చు]

సమీప మండలాలు[మార్చు]

ఉత్తరాన దుగ్గిరాల మండలం, దక్షణాన చుండూరు మండలం, తూర్పున కొల్లిపర మండలం, తూర్పున వేమూరు మండలం.

విద్యా సౌకర్యాలు[మార్చు]

గ్రామంలో ప్రభుత్వ ప్రాథమిక పాఠశాలలు నాలుగు, ప్రైవేటు ప్రాథమిక పాఠశాలలు రెండు, ప్రభుత్వ ప్రాథమికోన్నత పాఠశాల ఒకటి ఉన్నాయి. బాలబడి తెనాలిలోను, మాధ్యమిక పాఠశాల కొలకలూరులోనూ ఉన్నాయి. సమీప జూనియర్ కళాశాల, ప్రభుత్వ ఆర్ట్స్ / సైన్స్ డిగ్రీ కళాశాల, ఇంజనీరింగ్ కళాశాల తెనాలిలో ఉన్నాయి. సమీప వైద్య కళాశాల గుంటూరులోను, మేనేజిమెంటు కళాశాల, పాలీటెక్నిక్‌లు తెనాలిలోనూ ఉన్నాయి. సమీప వృత్తి విద్యా శిక్షణ పాఠశాల, అనియత విద్యా కేంద్రం తెనాలిలోను, దివ్యాంగుల ప్రత్యేక పాఠశాల గుంటూరు లోనూ ఉన్నాయి.

వైద్య సౌకర్యం[మార్చు]

ప్రభుత్వ వైద్య సౌకర్యం[మార్చు]

గుడివాడలో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఒకరు పారామెడికల్ సిబ్బంది ఉన్నారు. ఒక డిస్పెన్సరీలో ఒక డాక్టరు, ఇద్దరు పారామెడికల్ సిబ్బందీ ఉన్నారు. ఒక పశు వైద్యశాలలో ఒక డాక్టరు, ఒకరు పారామెడికల్ సిబ్బందీ ఉన్నారు. సమీప సామాజిక ఆరోగ్య కేంద్రం, ప్రాథమిక ఆరోగ్య కేంద్రం గ్రామం నుండి 5 నుండి 10 కి.మీ. దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, సంచార వైద్య శాల, కుటుంబ సంక్షేమ కేంద్రం గ్రామం నుండి 5 నుండి 10 కి.మీ. దూరంలో ఉన్నాయి. మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం[మార్చు]

గ్రామంలో2 ప్రైవేటు వైద్య సౌకర్యాలున్నాయి. డిగ్రీ లేని డాక్టర్లు ఇద్దరు ఉన్నారు. రెండు మందుల దుకాణాలు ఉన్నాయి.

తాగు నీరు[మార్చు]

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది. బోరుబావుల ద్వారా కూడా ఏడాది పొడుగునా నీరు అందుతుంది.

  • కొల్లిపర మండలం వల్లభాపురం ఓవర్ హెడ్ రెగ్యులేటర్ నుండి పైపులైనుల ద్వారా గుడివాడ, ఎరుకలపూడి, తేలప్రోలు గ్రామాలకు మంచినీటి సరఫరా కొరకు 12 కోట్ల రూపాయల వ్యయంతో, ఏర్పాట్లు జరుగుచున్నవి. 12/2015 చివరిలోగా పూర్తి కాగలవని అంచనా.
  • యడ్లపాటి సాంబశివరావు సుజలస్రవంతి గ్రామ త్రాగునీటి పథకాన్ని, 2016,జనవరి-15న ప్రారంభించారు. ఈ పథకం నిర్వాహకులు శ్రీ జగన్ మోహనరావు, ఎలాంటి లాభం లేకుండా, కేవలం నిర్వహణ ఖర్చులతోనే, గ్రామస్థులకు శుద్ధిచేసిన త్రాగునీరు అందించుచున్నారు.

పారిశుధ్యం[మార్చు]

మురుగునీరు బహిరంగ కాలువల ద్వారా ప్రవహిస్తుంది. మురుగునీటిని శుద్ధి ప్లాంట్‌లోకి పంపిస్తున్నారు. గ్రామం సంపూర్ణ పారిశుధ్య పథకం కిందకు రావట్లేదు. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు[మార్చు]

గుడివాడలో సబ్ పోస్టాఫీసు సౌకర్యం ఉంది. పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు గ్రామానికి 5 నుండి 10 కి.మీ. దూరంలో ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామానికి 5 నుండి 10 కి.మీ. దూరంలో ఉన్నాయి. సమీప గ్రామాల నుండి ఆటో సౌకర్యం ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. ప్రభుత్వ రవాణా సంస్థ బస్సు సౌకర్యం, ప్రైవేటు బస్సు సౌకర్యం మొదలైనవి గ్రామానికి 5 కి.మీ. లోపు దూరంలో ఉన్నాయి. రైల్వే స్టేషన్ గ్రామానికి 5 నుండి 10 కి.మీ. దూరంలో ఉంది. గుడివాడకు చెందిన కొందరు రైతులు, నిర్మానుష్యంగా ఉన్న డొంక రోడ్డు నిర్మాణానికి స్వచ్ఛందంగా స్వంత నిధులతో రహదారి నిర్మాణం చేపట్టటంతో, ఊరికి దారొచ్చింది. దుగ్గిరాల మండలం దేవర అగ్రహారానికి గతంలో ఒకటే రహదారి ఉండగా, ఇప్పుడు గ్రామంలో మరో రహదారి ఏర్పడి, కొత్త రూపు వచ్చింది. గుడివాడ వైపు ప్రత్యామ్నాయ రహదారి ఏర్పడింది. ప్రధాన జిల్లా రహదారి గ్రామం గుండా పోతోంది. జిల్లా రహదారి గ్రామం నుండి 5 కి.మీ. లోపు దూరంలో ఉంది. రాష్ట్ర రహదారి గ్రామం నుండి 5 నుండి 10 కి.మీ. దూరంలో ఉంది. జాతీయ రహదారి గ్రామం నుండి 10 కి.మీ.కి పైబడిన దూరంలో ఉంది. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.

మార్కెటింగు, బ్యాంకింగు[మార్చు]

గ్రామంలో వ్యవసాయ పరపతి సంఘం ఉంది. గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. వాణిజ్య బ్యాంకు గ్రామం నుండి 5 కి.మీ. లోపు దూరంలో ఉంది. ఏటీఎమ్, సహకార బ్యాంకు గ్రామం నుండి 5 నుండి 10 కి.మీ. దూరంలో ఉన్నాయి. రోజువారీ మార్కెట్, వారం వారం సంత, వ్యవసాయ మార్కెటింగ్ సొసైటీ గ్రామం నుండి 5 నుండి 10 కి.మీ. దూరంలో ఉన్నాయి.

ఆరోగ్యం, పోషణ, వినోద సౌకర్యాలు[మార్చు]

గ్రామంలో అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ స్టేషన్, జనన మరణాల నమోదు కార్యాలయం ఉన్నాయి. గ్రంథాలయం గ్రామం నుండి 5 కి.మీ.లోపు దూరంలో ఉంది. సమీకృత బాలల అభివృద్ధి పథకం, ఆటల మైదానం గ్రామం నుండి 5 నుండి 10 కి.మీ. దూరంలో ఉన్నాయి. సినిమా హాలు, పబ్లిక్ రీడింగ్ రూం గ్రామం నుండి 5 నుండి 10 కి.మీ. దూరంలో ఉన్నాయి.

విద్యుత్తు[మార్చు]

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 15 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం[మార్చు]

గుడివాడలో భూ వినియోగం కింది విధంగా ఉంది:

  • వ్యవసాయేతర వినియోగంలో ఉన్న భూమి: 100 హెక్టార్లు
  • నికరంగా విత్తిన భూమి: 659 హెక్టార్లు
  • నీటి సౌకర్యం లేని భూమి: 2 హెక్టార్లు
  • వివిధ వనరుల నుండి సాగునీరు లభిస్తున్న భూమి: 656 హెక్టార్లు

నీటిపారుదల సౌకర్యాలు[మార్చు]

గుడివాడలో వ్యవసాయానికి నీటి సరఫరా కింది వనరుల ద్వారా జరుగుతోంది.

  • కాలువలు: 438 హెక్టార్లు
  • బావులు/బోరు బావులు: 218 హెక్టార్లు

గ్రామానికి వ్యవసాయం మరియు సాగునీటి సౌకర్యం[మార్చు]

అతి పెద్ద బకింగ్‌హాం కాలువ ఈ గ్రామమునుండి ప్రవహించు చున్నది.

గ్రామ పంచాయతీ[మార్చు]

  1. గుడివాడ చిన్న గ్రామము. సుమారు ఐదు వేల జనాభా.
  2. శ్రీమతి కర్రి కమలమ్మ, వ్యవసాయ కూలీగా జీవితాన్ని ఆరంభించి, ముఠామేస్త్రీగా ఎదిగి, గుడివాడ గ్రామ పంచాయతీ సర్పంచిగా అభివృద్ధి బావుటా ఎగురవేసింది. ఈమె గుడివాడ గ్రామ తొలి మహిళా సర్పంచి. ఈమె సర్పంచిగా తన హయాంలో, శిథిలావస్థకు చేరిన డా.బి.ఆర్.అంబేడ్కర్ రీడింగ్ రూం నిర్మాణం, తన స్వంత నిధులు రు. 1.5 లక్షలతో పునర్నిర్మాణం చేశారు. గ్రామ కూడలిలోని క్రైస్తవ దేవాలయాన్ని రు. 20 లక్షలతో పునర్నిర్మించారు, తన స్వంతభూమి 1.5 ఎకరాలు అమ్మి. పశువైద్యశాలకు రు. 4 లక్షలు, పంచాయతీ కార్యాలయం, అంతర్గత రహదారులు, డి.ఆర్.బి.సి. డ్రెయినుపై కల్వర్టు నిర్మాణానికి కృషి చేశారు. మట్టి రోడ్లను కంకర రోడ్లుగా మార్చారు. వెలగని విద్యుద్దీపాల స్థానంలో ట్యూబ్ లైట్స్ వేయించారు. సర్పంచి పదవి నుండి దిగిపోగానే, 2005 లో జరిగిన ఎరుకలపూడి ప్రాథమిక వ్యవసాయ సహకార సంఘం ఎన్నికలలో విజయం సాధించి, అధ్యక్షురాలిగా ఎన్నికైనారు. గుంటూరు జిల్లా కేంద్ర సహకార బ్యాంకుకు తొలి మహిళా డైరెక్టరుగా నియమితులైనారు. పి.ఏ.సి.ఎస్. ఛైర్మనుగా వార్షిక టర్నోవరు రు. 40 లక్షలనుండి రు. 2 కోట్లకు పెంచిన ఘనత, రైతులపై ఆమెకున్న మక్కువ చూపించుచున్నది. [3]
  3. 2013 జూలైలో ఈ గ్రామ పంచాయతీకి జరిగిన ఎన్నికలలో శ్రీమతి బొద్దులూరి సుభాషిణి, సర్పంచిగా ఎన్నికైనారు. [4]

గ్రామంలోని దర్శనీయ ప్రదేశములు/దేవాలయాలు[మార్చు]

  1. ప్రసిద్ధి చెందిన నీలకంఠేశ్వరాలయం,
  2. శ్రీ రామాలయం.
  3. శ్రీ గంగానమ్మ దేవాలయo:- గ్రామములోని ఈ దేవాలయ పునఃప్రతిష్ఠ వేడుకలు, 2014,ఫిబ్రవరి-6న ఘనంగా జరిగినవి. [4]

గ్రామంలో ప్రధాన పంటలు[మార్చు]

వరి, అపరాలు, కాయగూరలు

గ్రామంలో ప్రధాన వృత్తులు[మార్చు]

ఈ గ్రామములో ఎక్కువ మంది వ్యవసాయదారులు. మంచి మంచి చదువులు చదివిన వారు కూడా ఉన్నారు.

గ్రామములోని ప్రముఖులు (నాడు/నేడు)[మార్చు]

నాటక రంగానికి ఈ గ్రామం ప్రసిద్ధి. ఎంతో మంది కళాకారులు కూడా ఉన్నారు.

గ్రామంలోని విశేషాలు[మార్చు]

ఈ గ్రామానికి చెందిన శ్రీ తురకా కిరణ్ కుమార్, రాణి దంపతుల కుమారుడు భావన్. శ్రీ కిరణ్ కుమార్ చనిపోవడంతో భావన్, తన తల్లితోకలిసి, తెనాలిలోని హయ్యర్ పేటలో తన తాత, అమ్మమ్మల దగ్గర ఉంటున్నాడు. భావన్ ఇటీవల ప్రకటించిన జె.ఇ.ఇ.అడ్వాన్సుడు పరీక్షా ఫలితాలలో జాతీయస్థాయిలో, ఎస్.సి.విభాగంలో ప్రథమ ర్యాంక్ కైవసం చేసుకున్నాడు. [6]

గణాంకాలు[మార్చు]

  • 2001 వ.సంవత్సరం జనాభా లెక్కల ప్రకారం
  • జనాభా 5618
  • పురుషుల సంఖ్య 2861
  • మహిళలు 2757
  • నివాసగృహాలు 1494
  • విస్తీర్ణం 760 హెక్టారులు
  • ప్రాంతీయ భాష తెలుగు
జనాభా (2011) - మొత్తం 5,593 - పురుషుల సంఖ్య 2,791 - స్త్రీల సంఖ్య 2,802 - గృహాల సంఖ్య 1,661

మూలాలు[మార్చు]

  1. "Office of the Registrar General & Census Commissioner, India - Village amenities of 2011".
  2. http://crda.ap.gov.in/APCRDA/Userinterface/ADMIN/DynamicHorizantalGovTab.aspx