చందు సుబ్బారావు

వికీపీడియా నుండి
Jump to navigation Jump to search

డా.చందు సుబ్బారావు మార్క్సిస్ట్ రచయిత, అభ్యుదయ రచయితల సంఘంలో ప్రముఖుడు. ఇతను భూభౌతిక శాస్త్రవేత్త, ఆంధ్ర విశ్వవిద్యాలయం లో ప్రొఫెసర్. ఇతను చలం స్త్రీవాద భావాలని బలంగా నమ్మే వ్యక్తి. ఇతను స్త్రీవాద వ్యాసాలతో పాటు రాజకీయ వ్యాసాలు కూడా వ్రాస్తుంటాడు. విశ్వ విద్యాలయాలలో జ్యోతిషం కోర్సులు ప్రవేశ పెట్టాలన్న ప్రతిపాదనను ఇతను తీవ్రంగా వ్యతిరేకించాడు.[1]

జీవిత విశేషాలు[మార్చు]

ఆయన మే 18 1946ఆంధ్రప్రదేశ్ లోని చదలవాడ లో వెంకటకృష్ణయ్య, రాజ్యలక్ష్మీ దంపతులకు జన్మించాడు. విజయవాడలోని ఆంధ్ర లయోలా కళాశాలలో బి.ఎస్సీని 1964లో చేసాడు. 1967లో ఆంధ్ర విశ్వవిద్యాలయం నుండి మాస్టర్ ఆఫ్ సైన్స్ ఇన్ టెక్నాలజీని చేసాడు. 1974లో భూభౌతికశాస్త్రంలో డాక్టరేటును ఆంద్రవిశ్వవిద్యాలయం నుండి పొందాడు. రష్యన్ భాషలో జూనియర్ డిప్లొమా పొందాడు.

కెరీర్[మార్చు]

ఆయన ఆంధ్ర విశ్వవిద్యాలయం, విశాఖపట్నం లో 1974-85 లలో లెక్చరర్ గానూ, 1985-93 వరకు రీడర్ గానూ 1993 నుండి హైడ్రాలజీ అండ్ వెల్-లాగింగ్ కు ప్రొఫెసర్ గానూ, విశాఖపట్నంలో స్టడీ సర్కిల్ లో అసిస్టెంట్ డైరక్టరుగానూ (1988-91), విశాఖపట్నం లోని సైన్స్ అండ్ టెక్నాలజీ కళాశాలకు ఉప ప్రిన్సిపాల్ గానూ, చేసాడు.

రచయితగా[మార్చు]

ఆయన "సైన్స్ అండ్ సివిలిజేషన్" అనే గ్రంథాన్ని 1997 లో రచించాడు."కవికి విమర్శకుడు శత్రువు కాదు" అనే గ్రంథం 1997 లో రచించాడు.

అవార్డులు[మార్చు]

  • 1966లో ఆయన తాపీ ధర్మారావు అవార్డు ను పొందాడు.[2] ఆయన ఆంధ్ర రచయితల సంఘానికి సెక్రటరీగా 1979-82 మధ్య ఉన్నాడు. ఇండియా మెటెయరలాజికల్ సొసైటీ లో మెంబరుగా ఉన్నాడు.
  • 1999లో ఆంధ్రప్రదేశ్ అభ్యుదయ రచయితల సంఘం, గుంటూరు జిల్లా శాఖ వారిచే కొండేపూడి సాహితీ సత్కారం అందుకున్నాడు[3].

మూలాలు[మార్చు]

  1. *జ్యోతిషం పై చందు సుబ్బారావు వ్రాసిన వ్యాసం
  2. చందుసుబ్బారావు ప్రొఫైల్
  3. పెనుగొండ లక్ష్మీనారాయణ (జనవరి 2020). గుంటూరుసీమ సాహిత్యచరిత్ర (1 ed.). గుంటూరు: ఆంధ్రప్రదేశ్ అభ్యుదయ రచయితల సంఘం, గుంటూరు జిల్లా శాఖ. pp. 283–284. Check date values in: |date= (help)

ఇతర లింకులు[మార్చు]