చిలుమూరు

వికీపీడియా నుండి
Jump to navigation Jump to search
చిలుమూరు
—  రెవిన్యూ గ్రామం  —
రాష్ట్రం ఆంధ్ర ప్రదేశ్
జిల్లా గుంటూరు
మండలం కొల్లూరు
ప్రభుత్వము
 - సర్పంచి శ్రీ మొలబంటి రామారావు
జనాభా (2011)
 - మొత్తం 3,174
 - పురుషుల సంఖ్య 1,726
 - స్త్రీల సంఖ్య 1,448
 - గృహాల సంఖ్య 841
పిన్ కోడ్ 522301
ఎస్.టి.డి కోడ్ 08644

చిలుమూరు, గుంటూరు జిల్లా, కొల్లూరు మండలానికి చెందిన గ్రామము. ఇది మండల కేంద్రమైన కొల్లూరు నుండి 7 కి. మీ. దూరం లోను, సమీప పట్టణమైన తెనాలి నుండి 16 కి. మీ. దూరంలోనూ ఉంది. 2011 భారత జనగణన గణాంకాల ప్రకారం ఈ గ్రామం 841 ఇళ్లతో, 3174 జనాభాతో 475 హెక్టార్లలో విస్తరించి ఉంది. గ్రామంలో మగవారి సంఖ్య 1726, ఆడవారి సంఖ్య 1448. షెడ్యూల్డ్ కులాల సంఖ్య 1124 కాగా షెడ్యూల్డ్ తెగల సంఖ్య 12. గ్రామం యొక్క జనగణన లొకేషన్ కోడ్ 590413[1].పిన్ కోడ్: 522301. ఎస్.టి.డి.కోడ్ = 08644.

గ్రామ చరిత్ర[మార్చు]

ఆంధ్ర ప్రదేశ్ రాజధాని ప్రాంత అభివృద్ధి ప్రాధికార సంస్థ (సీఆర్‌డీఏ) పరిధిలోకి వస్తున్న మండలాలు, గ్రామాలను ప్రభుత్వం విడిగా గుర్తిస్తూ ఉత్తర్వులు జారీచేసింది. ప్రస్తుతం గుర్తించిన వాటిలోని చాలా గ్రామాలు వీజీటీఎం పరిధిలో ఉన్నాయి. గతంలో వీజీటీఎం పరిధిలో ఉన్న వాటితోపాటుగా ఇప్పుడు మరిన్ని కొన్ని గ్రామాలు చేరాయి. సీఆర్‌డీఏ పరిధిలోకి వచ్చే గుంటూరు, కృష్ణా జిల్లాల్లోని మండలాలు, గ్రామాలను గుర్తిస్తూ పురపాలక శాఖ ముఖ్య కార్యదర్శి ఉత్తర్వులు జారీ చేశారు.[2]

గుంటూరు జిల్లా పరిధిలోని మండలాలు[మార్చు]

తాడేపల్లి, మంగళగిరి, తుళ్లూరు, దుగ్గిరాల, తెనాలి, తాడికొండ, గుంటూరు మండలం, చేబ్రోలు, మేడికొండూరు, పెదకాకాని, వట్టిచెరుకూరు, అమరావతి, కొల్లిపర, వేమూరు, కొల్లూరు, అమృతలూరు, చుండూరు మండలాలతో పాటు ఆయా మండలాల పట్టణ ప్రాంతం కూడా సీఆర్‌డీఏ పరిధిలోకి వస్తుంది.

గ్రామ భౌగోళికం[మార్చు]

సమీప గ్రామాలు[మార్చు]

వెల్లబాడు 3 కి.మీ, కుచ్చళ్లపాడు 3 కి.మీ, హనుమాన్ పాలెం 4 కి.మీ, పెదలంక 4 కి.మీ, కొల్లూరు 5 కి.మీ.

సమీప మండలాలు[మార్చు]

ఉత్తరాన కొల్లిపర మండలం, దక్షణాన వేమూరు మండలం, తూర్పున పమిడిముక్కల మండలం, ఉత్తరాన తోట్లవల్లూరు మండలం.

విద్యా సౌకర్యాలు[మార్చు]

గ్రామంలో ఒక ప్రైవేటు బాలబడి ఉంది. ప్రభుత్వ ప్రాథమిక పాఠశాలలు మూడు, ప్రైవేటు ప్రాథమిక పాఠశాల ఒకటి , ప్రభుత్వ ప్రాథమికోన్నత పాఠశాల ఒకటి, ప్రైవేటు ప్రాథమికోన్నత పాఠశాల ఒకటి, ప్రైవేటు మాధ్యమిక పాఠశాల ఒకటి ఉన్నాయి. ఒక ప్రైవేటు జూనియర్ కళాశాల ఉంది. సమీప ప్రభుత్వ ఆర్ట్స్ / సైన్స్ డిగ్రీ కళాశాల తెనాలిలోను, ఇంజనీరింగ్ కళాశాల వడ్లమూడిలోనూ ఉన్నాయి. సమీప మేనేజిమెంటు కళాశాల వడ్లమూడిలోను, వైద్య కళాశాల, పాలీటెక్నిక్‌లు గుంటూరులోనూ ఉన్నాయి. సమీప వృత్తి విద్యా శిక్షణ పాఠశాల కొల్లూరులోను, అనియత విద్యా కేంద్రం తెనాలిలోను, దివ్యాంగుల ప్రత్యేక పాఠశాల గుంటూరు లోనూ ఉన్నాయి.

శ్రీ రామా రూరల్ కళాశాల[మార్చు]

(1) ఈ గ్రామంలో శ్రీ కొలసాని వెంకట సుబ్బయ్య , 1949 లోనే గ్రామీణ ప్రాంత విద్యార్థులకు శ్రీ రామా రూరల్ కళాశాల స్థాపించాడు. ప్రస్తుతం పాఠశాలతోపాటు ఒక జూనియర్ కళాశాల, ఒక బి.ఎడ్. కళాశాల కూడా నడుస్తున్నాయి. ప్రస్తుతం శ్రీ తులసీవిష్ణుప్రసాద్ ఆధ్వర్యంలో ఈ సంస్థలన్నీ చక్కగా నడుస్తున్నాయి. శ్రీ విష్ణుప్రసాదుగారు, "బ్రాండ్స్ అకాడమీ" అను సంస్థవారు ఇచ్చే ఎడ్యుకేషన్ ఎక్సెలెన్స్ జాతీయ స్థాయి పురస్కారం-2014 కి ఎంపికైనారు. వీరు ఈ పురస్కారాన్ని, 2014,మార్చి-9, ఆదివారం నాడు, డిల్లీలో జరిన కార్యక్రమంలో, ప్రఖ్యాత క్రికెట్టు క్రీడాకారుడు శ్రీ వి.వి.ఎస్.లక్ష్మణ్ చేతుల మీదుగా అందుకున్నారు. ఆంధ్రప్రదేశ్ రాష్ట్రంలో గత 65 ఏళ్ళుగా, గ్రామీణ వాతావరణంలో, విద్యారంగానికి చేస్తున్న సేవలకు గుర్తింపుగా వీరికి ఈ పురస్కారం అందజేశారు. [6]

(2) శ్రీ రామా రూరల్ అకాడమీలో, 59వ రాష్ట్రస్థాయి అండర్-19, వాలీబాల్ పోటీలు 2013,డిసెంబరు 9న మొదలైనవి. 22 జిల్లాలనుండి బాలురు, 17 జిల్లాలనుండి బాలికలు పాల్గొంటున్న ఈ పోటీలలో, 11-12-13న జరిగే తుదిపోటీల తరువాత, జాతీయస్థాయిలో పాల్గొనే జట్టు ఎంపిక జరుగును. [4]

(3) కొత్తఢిల్లీలోని తెలుగు అకాడమీ వారు అందించు ఉగాది పురస్కారానికి శ్రీ రామా రూరల్ విద్యాసంస్థ ఎంపికైనది. 2016,ఏప్రిల్-10వ తేదీనాడు కొత్తఢిల్లీలో నిర్వహించు కార్యక్రమంలో ఈ విద్యాసంస్థకు ఈ పురస్కారం అందించెదరు. [8]

(4) ఆంధ్రప్రదేశ్ క్రీడా ప్రాధికార సంస్థ (S.A.A.P), తన ఎక్సెలెన్సీ సెంటరుగా ఈ విద్యాసంస్థలను ఎంపిక చేసినది. ఇక్కడి క్రీడా మైదానం శిక్షణకు అనుకూలంగా ఉండటంతో, ఈ ఒప్పందం జరిగినది. ఇక్కడ దీర్ఘకాల శిక్షణలో భాగంగా, మొత్తం 90 మంది విద్యార్ధులకు, కత్తి విద్య మరియు హ్యాండ్‌బాల్ నేర్పెదరు. [9]

వైద్య సౌకర్యం[మార్చు]

ప్రభుత్వ వైద్య సౌకర్యం[మార్చు]

చిలుమూరులో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఒకరు పారామెడికల్ సిబ్బంది ఉన్నారు. ఒక పశు వైద్యశాలలో ఒక డాక్టరు, ఒకరు పారామెడికల్ సిబ్బందీ ఉన్నారు. ప్రాథమిక ఆరోగ్య కేంద్రం గ్రామం నుండి 5 నుండి 10 కి.మీ. దూరంలో ఉంది. సమీప సామాజిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, సంచార వైద్య శాల, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం[మార్చు]

గ్రామంలో2 ప్రైవేటు వైద్య సౌకర్యాలున్నాయి. ఇద్దరు నాటు వైద్యులు ఉన్నారు. ఒక మందుల దుకాణం ఉంది.

తాగు నీరు[మార్చు]

గ్రామంలో ఏడాది పొడుగునా చేతిపంపుల ద్వారా నీరు అందుతుంది.

పారిశుధ్యం[మార్చు]

గ్రామంలో మురుగునీటి పారుదల వ్యవస్థ లేదు. మురుగునీటిని నేరుగా జలవనరుల్లోకి వదులుతున్నారు. గ్రామం సంపూర్ణ పారిశుధ్య పథకం కిందకు రావట్లేదు. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు[మార్చు]

చిలుమూరులో సబ్ పోస్టాఫీసు సౌకర్యం ఉంది. పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు గ్రామానికి 5 నుండి 10 కి.మీ. దూరంలో ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామానికి 5 నుండి 10 కి.మీ. దూరంలో ఉన్నాయి. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. ట్రాక్టరు సౌకర్యం గ్రామానికి 5 కి.మీ. లోపు దూరంలో ఉంది. ప్రైవేటు బస్సు సౌకర్యం గ్రామానికి 5 నుండి 10 కి.మీ. దూరంలో ఉంది. రైల్వే స్టేషన్ గ్రామం నుండి 10 కి.మీ.కి పైబడిన దూరంలో ఉంది. జిల్లా రహదారి గ్రామం నుండి 5 నుండి 10 కి.మీ. దూరంలో ఉంది. జాతీయ రహదారి, రాష్ట్ర రహదారి, ప్రధాన జిల్లా రహదారి గ్రామం నుండి 10 కి.మీ.కి పైబడిన దూరంలో ఉన్నాయి. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.

మార్కెటింగు, బ్యాంకింగు[మార్చు]

గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. వాణిజ్య బ్యాంకు గ్రామం నుండి 5 కి.మీ. లోపు దూరంలో ఉంది. ఏటీఎమ్, సహకార బ్యాంకు, వ్యవసాయ పరపతి సంఘం గ్రామం నుండి 5 నుండి 10 కి.మీ. దూరంలో ఉన్నాయి. రోజువారీ మార్కెట్, వారం వారం సంత గ్రామం నుండి 5 నుండి 10 కి.మీ. దూరంలో ఉన్నాయి. వ్యవసాయ మార్కెటింగ్ సొసైటీ గ్రామం నుండి 10 కి.మీ.కి పైబడిన దూరంలో ఉంది.

ఆరోగ్యం, పోషణ, వినోద సౌకర్యాలు[మార్చు]

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో పబ్లిక్ రీడింగ్ రూం ఉంది. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ స్టేషన్, జనన మరణాల నమోదు కార్యాలయం ఉన్నాయి. ఆటల మైదానం గ్రామం నుండి 5 నుండి 10 కి.మీ. దూరంలో ఉంది. సినిమా హాలు, గ్రంథాలయం గ్రామం నుండి 5 నుండి 10 కి.మీ. దూరంలో ఉన్నాయి.

విద్యుత్తు[మార్చు]

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 8 గంటల పాటు వ్యవసాయానికి, 12 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం[మార్చు]

చిలుమూరులో భూ వినియోగం కింది విధంగా ఉంది:

  • వ్యవసాయేతర వినియోగంలో ఉన్న భూమి: 158 హెక్టార్లు
  • నికరంగా విత్తిన భూమి: 316 హెక్టార్లు
  • వివిధ వనరుల నుండి సాగునీరు లభిస్తున్న భూమి: 316 హెక్టార్లు

నీటిపారుదల సౌకర్యాలు[మార్చు]

చిలుమూరులో వ్యవసాయానికి నీటి సరఫరా కింది వనరుల ద్వారా జరుగుతోంది.

  • కాలువలు: 283 హెక్టార్లు
  • బావులు/బోరు బావులు: 33 హెక్టార్లు

గ్రామ పంచాయతీ[మార్చు]

2013 లో, ఈ గ్రామ పంచాయతీకి జరిగిన ఎన్నికలలో, శ్రీ మొలబంటి రామారావు, సర్పంచిగా ఎన్నికైనారు. ఉపసర్పంచిగా శ్రీ గాలి అబ్రహాం ఎన్నికైనారు. [3]

గామములోని దర్శనీయ ప్రదేశములు/దేవాలయములు[మార్చు]

  1. శ్రీ వేణుగోపాల స్వామి ఆలయం.
  2. శ్రీ రామలింగేశ్వరాలయం:- ఈ ఆలయం నిర్మలమైన ప్రశాంతమైన వాతావరణంలో, పచ్చని ప్రకృతిమార్గంలో, పావన కృష్ణానదీ తటాకాన నెలకొని ఉంది. ఉభయ రామేశ్వర క్షేత్రం, 1153వ సంవత్సరంలో, అప్పటి ఆలయంగా రూపొంది, 1965లో జీర్ణోద్ధరణ జరిగి, నేడు నిత్య ధూప, దీప, నైవేద్యాలతో, భక్తజన సందర్శనానందదాయకంగా తేజరిల్లుతున్నది. [5]

గ్రామంలో ప్రధాన పంటలు[మార్చు]

వరి, అపరాలు, కూరగాయలు

గ్రామంలో ప్రధాన వృత్తులు[మార్చు]

వ్యవసాయంం వ్యవసాయాధారిత వృత్తులు

గామ ప్రముఖులు[మార్చు]

ప్రముఖ కవి, సాహిత్య విమర్శకుడు, మినీ కవితా పితామహుడు రావి రంగారావు ఆంధ్ర జాతీయ బి.ఎడ్. కళాశాల ప్రిన్సిపాల్ గా పదవీవిరమణ చేశాక ఇక్కడి బి. ఎడ్. కళాశాల ప్రిన్చిపాల్ గా బాధ్యతలు స్వీకరించాడు. ఈ కళాశాలకు ఐ.ఎస్.ఒ 901-2008 గుర్తింపు ఉంది.

గ్రామ విశేషాలు[మార్చు]

ప్రముఖ వ్యాపారవేత్త, మాజీ సర్పంచ్ శ్రీ ధూళిపూడి కృష్ణప్రసాద్ మరియు శ్రీరామ విద్యాసంస్థల కరస్పాండెంట్ శ్రీ కొలసాని వెంకటరమణమూర్తి, ఈ గ్రామాన్ని ఆదర్శవంతమైన గ్రామంగా తీర్చిదిద్దేటందుకై, ఈ గ్రామాన్ని దత్తత తీసుకున్నారు. [7]

గణాంకాలు[మార్చు]

జనాభా (2011) - మొత్తం 3,174 - పురుషుల సంఖ్య 1,726 - స్త్రీల సంఖ్య 1,448 - గృహాల సంఖ్య 841

మూలాలు[మార్చు]

  1. "Office of the Registrar General & Census Commissioner, India - Village amenities of 2011". Cite web requires |website= (help)
  2. http://crda.ap.gov.in/APCRDA/Userinterface/ADMIN/DynamicHorizantalGovTab.aspx


"https://te.wikipedia.org/w/index.php?title=చిలుమూరు&oldid=2709557" నుండి వెలికితీశారు