చెరుకు ముత్యంరెడ్డి
| చెరుకు ముత్యంరెడ్డి | |||
 చెరుకు ముత్యంరెడ్డి | |||
శాసనసభ సభ్యుడు, మాజీ మంత్రి
| |||
| అధికారంలో ఉన్న వ్యక్తి | |||
| అధికార ప్రారంభం 1989 - 2004, 2009 - 2014 | |||
| నియోజకవర్గం | దొమ్మాట శాసనసభ నియోజకవర్గం దుబ్బాక శాసనసభ నియోజకవర్గం | ||
|---|---|---|---|
వ్యక్తిగత వివరాలు
|
|||
| మరణం | సెప్టెంబరు 2, 2019 హైదరాబాదు, తెలంగాణ, భారతదేశం | ||
| జాతీయత | భారతీయుడు | ||
| రాజకీయ పార్టీ | తెలుగుదేశం పార్టీ (1989-2009) భారత జాతీయ కాంగ్రెస్ (2009-2018) తెలంగాణ రాష్ట్ర సమితి (2018-2019) | ||
| నివాసం | హైదరాబాదు, తెలంగాణ, భారతదేశం | ||
చెరుకు ముత్యంరెడ్డి తెలంగాణ రాష్ట్రానికి చెందిన రాజకీయ నాయకుడు, మాజీ మంత్రి. తెలుగుదేశం తరపున 1989, 1994, 1999లలో దొమ్మాట శాసనసభ నియోజకవర్గం, 2009లో దుబ్బాక శాసనసభ నియోజకవర్గం నుండి ఎమ్మెల్యేగా గెలుపొందిన ముత్యంరెడ్డి 1999లో పౌర సరఫరా శాఖ మంత్రిగా పనిచేశాడు.[1]
జననం[మార్చు]
ముత్యంరెడ్డి సిద్ధిపేట జిల్లా తొగుట మండలం తుక్కాపూర్ గ్రామంలో జన్మించాడు.[2][3]
రాజకీయ ప్రస్థానం[మార్చు]
తొగుట గ్రామ సర్పంచ్‌గా రాజకీయ జీవితాన్ని ప్రారంభించిన ముత్యంరెడ్డి, రెండు సంవత్సరాలు సహకార సంఘం ఛైర్మన్‌గా పనిచేశాడు. అనంతరం కొంతకాలం టీటీడీ బోర్డు సభ్యుడిగా ఉన్నాడు. 1989లో తెలుగుదేశం పార్టీ తరపున దొమ్మాట శాసనసభ నియోజకవర్గం నుండి తొలిసారి ఎమ్మెల్యేగా గెలుపొందిన ముత్యంరెడ్డి, 1994, 1999లో వరుసగా మూడుసార్లు గెలుపొందాడు. 1999లో ఉమ్మడి ఆంధ్రప్రదేశ్ మాజీ ముఖ్యమంత్రి నారా చంద్రబాబునాయుడు మంత్రివర్గంలో పౌరసరఫరాల శాఖ మంత్రిగా కూడా పని చేశాడు.[4] తరువాత కాంగ్రెస్ పార్టీలో చేరి 2009లో చివరిసారిగా దుబ్బాక శాసనసభ నియోజకవర్గం నుండి ఎమ్మెల్యేగా గెలిచిన ముత్యంరెడ్డి[5], ఆంధ్రప్రదేశ్ శాసనసభ ఎన్నికలు (2014)లో టీఆర్‌ఎస్‌ అభ్యర్థి సోలిపేట రామలింగారెడ్డి చేతిలో 37,925 ఓట్ల తేడాతో ఓడిపోయాడు. తెలంగాణ శాసనసభ ఎన్నికలు (2018)లో కాంగ్రెస్ పార్టీ నుంచి టికెట్‌ రాకపోవడంతో 2018, నవంబరు 20న తెలంగాణ రాష్ట్ర సమితి చేరాడు.
మరణం[మార్చు]
అనారోగ్యంతో బాధపడుతూ హైదరాబాదులోని ఒక ప్రైవేట్ ఆస్పత్రిలో చికిత్స పొందుతున్న ముత్యంరెడ్డి 2019, సెప్టెంబరు 2 సోమవారం ఉదయం మరణించాడు.[6]
మూలాలు[మార్చు]
- ↑ ఈనాడు, తెలంగాణ (2 September 2019). "మాజీ మంత్రి చెరుకు ముత్యం రెడ్డి కన్నుమూత". www.eenadu.net (in ఇంగ్లీష్). Archived from the original on 2 September 2019. Retrieved 2 September 2019.
- ↑ నమస్తే తెలంగాణ న్యూస్, ప్రాంతీయం (2 September 2019). "మాజీ మంత్రి చెరుకు ముత్యంరెడ్డి కన్నుమూత". Tnews. Archived from the original on 2 September 2019. Retrieved 2 September 2019.
- ↑ Eenadu (6 November 2023). "పల్లెల్లో గెలిచి.. పదవులు వరించి". Archived from the original on 6 November 2023. Retrieved 6 November 2023.
- ↑ Eenadu (29 October 2023). "అంచెలంచెలుగా.. అత్యున్నతంగా." Archived from the original on 29 October 2023. Retrieved 29 October 2023.
- ↑ Eenadu (14 November 2023). "గట్టి పోటీ.. ఓటమితో సరిపెట్టి". Archived from the original on 14 November 2023. Retrieved 14 November 2023.
- ↑ సాక్షి, తెలంగాణ-సిద్ధిపేట (2 September 2019). "మాజీ మంత్రి చెరుకు ముత్యంరెడ్డి కన్నుమూత". Sakshi. Archived from the original on 2 September 2019. Retrieved 2 September 2019.