దుబ్బాక

వికీపీడియా నుండి
Jump to navigation Jump to search
  ?దుబ్బాక
తెలంగాణ • భారతదేశం
అక్షాంశరేఖాంశాలు: 17°51′06″N 78°40′58″E / 17.8517°N 78.6828°E / 17.8517; 78.6828
కాలాంశం భాప్రాకా (గ్రీ.కా+5:30)
విస్తీర్ణం 26.40 కి.మీ² (10 చ.మై)[1]
జిల్లా(లు) సిద్దిపేట జిల్లా
జనాభా
జనసాంద్రత
2,978[2] (2011 నాటికి)
• 113/కి.మీ² (293/చ.మై)
భాష(లు) తెలుగు
పురపాలక సంఘం దుబ్బాక పురపాలక సంఘము

దుబ్బాక (ఆంగ్లం: Dubbak or Dubbaka), తెలంగాణ రాష్ట్రం, సిద్ధిపేట జిల్లాలో ఇదే పేరుతో ఉన్న మండల కేంద్రం,పట్టణం/గ్రామం.[3]

ఇది సమీప పట్టణమైన సిద్ధిపేట నుండి 25 కి. మీ. దూరంలో ఉంది.

గ్రామ జనాభా[మార్చు]

2011 భారత జనగణన గణాంకాల ప్రకారం ఈ గ్రామం 2978 ఇళ్లతో, 12349 జనాభాతో 2497 హెక్టార్లలో విస్తరించి ఉంది. గ్రామంలో మగవారి సంఖ్య 6071, ఆడవారి సంఖ్య 6278. షెడ్యూల్డ్ కులాల సంఖ్య 1949 కాగా షెడ్యూల్డ్ తెగల సంఖ్య 110. గ్రామం యొక్క జనగణన లొకేషన్ కోడ్ 572955[4].పిన్ కోడ్: 502108.[2]

పేరువెనుక చరిత్ర[మార్చు]

పూర్వం అన్ని రకాల వ్యాధులకీ ఆకుపసర్లను వాడేవారు.అటువంటి ఆకుల్లో అత్యుత్తమమైన అమోఘమైన ఆకు ఇక్కడుండేదట! పూర్వం అంటే త్రేతాయుగంలో లక్ష్మణుడు మూర్చపోయినప్పుడు ఆంజనేయుడు మోసుకొచ్చిన రకరకాల వనమూలికల చెట్టున్న సంజీవినీ పర్వతపై నుంచి ఆయనొచ్చిన గాలివేగానికి ఓ మొక్క ఎగిరి ఇక్కడ పడింది.ఆ మొక్క దుబ్బుగా ఉండేది.ఎటువంటి రోగానికైనా ఈ ఆకుపసరు పూస్తే వ్యాధి ఇట్టే మాయమై పోయేదట! దాంతో ఈ ప్రాంతాన్ని అదే పేరుతో దుబ్బాకగా పిలుస్తున్నారు.


దీనికి ఇంకొక పేరు కూడా ఉంది అదే "దుర్వాస "

కొత్త మంది ఊరికి తూర్పు వైపు దుర్వాస అని పశ్చిమ వైపు దుబ్బాక అనే వారు. పూర్వం ఇక్కడ దుర్వాస మహర్షి తపస్సు చేసాడట. అందుకే దీనికి దుర్వాస అనే పేరు వచ్చింది

దుబ్బాక గురించి[మార్చు]

ఈ ఊరిలో "అయోధ్య రామ హిందూ సేన" అనే యువ హైందవ సమూహం ఉంది. ఇది చాల శక్తివంతమైంది.వివేకానంద స్ఫూర్తికి చిహ్నంగా రామ జన్మ భూమికి సైనికులుగా, భారత మాతకి బిడ్డలుగా, హైందవ వీరులకి వారసులుగా, సంస్కృతి కాపాడే వారికి అండగా,మత మార్పిడికి పాల్పడే వాళ్ళ గుండెల్లో సింహంగా,రాష్ట్రీయ స్వయం సేవక్ సంఘ్ అనిచారులుగా నిర్మించబడింది

ఈ గ్రామంలో జరిగే వినాయక ఉత్సవాలకు ప్రత్యేకమైన పేరు ఉంది.దాదాపు అరవై యువజన సంఘాల వారు ఈ ఉత్సవంలో పాల్గోంటారు.చివరన నిమజ్జన మహోత్సవానికి చాలా ప్రత్యేకత ఉంది.దానిని చూడటానికి ఇతర ప్రాంతాల నుండి ప్రజలు అధిక సంఖ్యలో వస్తుంటారు...

విద్యా సౌకర్యాలు[మార్చు]

గ్రామంలో ఒక ప్రైవేటు బాలబడి ఉంది. ప్రభుత్వ ప్రాథమిక పాఠశాలలు ఏడు, ప్రైవేటు ప్రాథమిక పాఠశాల ఒకటి , ప్రభుత్వ ప్రాథమికోన్నత పాఠశాలలు నాలుగు , ప్రైవేటు ప్రాథమికోన్నత పాఠశాలలు రెండు, ప్రభుత్వ మాధ్యమిక పాఠశాలలు నాలుగు, ప్రైవేటు మాధ్యమిక పాఠశాలలు రెండు ఉన్నాయి. ఒక ప్రభుత్వ జూనియర్ కళాశాల, ఒక ప్రైవేటు జూనియర్ కళాశాల ఒక ప్రభుత్వ ఆర్ట్స్ / సైన్స్ డిగ్రీ కళాశాల, 2 ప్రైవేటు ఆర్ట్స్ / సైన్స్ డిగ్రీ కళాశాలలు ఉన్నాయి. ఒక ప్రభుత్వ వృత్తి విద్యా శిక్షణ పాఠశాలఉంది.సమీప ఇంజనీరింగ్ కళాశాల సిద్ధిపేటలో ఉంది. సమీప వైద్య కళాశాల సంగారెడ్డిలోను, మేనేజిమెంటు కళాశాల, పాలీటెక్నిక్‌లు సిద్ధిపేటలోనూ ఉన్నాయి. సమీప అనియత విద్యా కేంద్రం, దివ్యాంగుల ప్రత్యేక పాఠశాల హైదరాబాదు లో ఉన్నాయి.

వైద్య సౌకర్యం[మార్చు]

ప్రభుత్వ వైద్య సౌకర్యం[మార్చు]

దుబ్బాకలో ఉన్న ఒక సామాజిక ఆరోగ్య కేంద్రంలో నలుగురు డాక్టర్లు , 10 మంది పారామెడికల్ సిబ్బందీ ఉన్నారు. ఒకప్రాథమిక ఆరోగ్య కేంద్రంలో ఒక డాక్టరు, ఆరుగురు పారామెడికల్ సిబ్బందీ ఉన్నారు. ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఇద్దరు పారామెడికల్ సిబ్బంది ఉన్నారు. ఒక డిస్పెన్సరీలో ఒక డాక్టరు, ఇద్దరు పారామెడికల్ సిబ్బందీ ఉన్నారు. ఒక పశు వైద్యశాలలో ఒక డాక్టరు, ఒకరు పారామెడికల్ సిబ్బందీ ఉన్నారు. ఒక సంచార వైద్య శాలలో డాక్టర్లు లేరు. ముగ్గురు పారామెడికల్ సిబ్బంది ఉన్నారు. ఒక కుటుంబ సంక్షేమ కేంద్రంలో ఒక డాక్టరు, ముగ్గురు పారామెడికల్ సిబ్బందీ ఉన్నారు. మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం[మార్చు]

గ్రామంలో25 ప్రైవేటు వైద్య సౌకర్యాలున్నాయి. ఎమ్బీబీయెస్ డాక్టర్లు నలుగురు, ఎమ్బీబీయెస్ కాకుండా ఇతర డిగ్రీ చదివిన డాక్టర్లు 9 మంది, డిగ్రీ లేని డాక్టర్లు 12 మంది ఉన్నారు. ఐదు మందుల దుకాణాలు ఉన్నాయి.

తాగు నీరు[మార్చు]

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. కుళాయిల ద్వారా శుద్ధి చేయని నీరు కూడా సరఫరా అవుతోంది. బావుల నీరు కూడా అందుబాటులో ఉంది. తాగునీటి కోసం చేతిపంపులు, బోరుబావులు, కాలువలు, చెరువులు వంటి సౌకర్యాలేమీ లేవు.

పారిశుధ్యం[మార్చు]

గ్రామంలో భూగర్భ మురుగునీటి వ్యవస్థ ఉంది. మురుగునీరు బహిరంగ కాలువల ద్వారా కూడా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు[మార్చు]

దుబ్బాకలో పోస్టాఫీసు సౌకర్యం, సబ్ పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్, ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ మొదలైన సౌకర్యాలు ఉన్నాయి.

గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులుప్రైవేటు బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. రైల్వే స్టేషన్ గ్రామం నుండి 10 కి.మీ.కి పైబడిన దూరంలో ఉంది.

జిల్లా రహదారి గ్రామం గుండా పోతోంది. జాతీయ రహదారి, రాష్ట్ర రహదారి, ప్రధాన జిల్లా రహదారి గ్రామం నుండి 10 కి.మీ.కి పైబడిన దూరంలో ఉన్నాయి. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.

మార్కెటింగు, బ్యాంకింగు[మార్చు]

గ్రామంలో వాణిజ్య బ్యాంకు, సహకార బ్యాంకు, వ్యవసాయ పరపతి సంఘం ఉన్నాయి. గ్రామంలో స్వయం సహాయక బృందం, పౌర సరఫరాల కేంద్రం, వారం వారం సంత, వ్యవసాయ మార్కెటింగ్ సొసైటీ ఉన్నాయి.

ఏటీఎమ్ గ్రామం నుండి 10 కి.మీ.కి పైబడిన దూరంలో ఉంది.

ఆరోగ్యం, పోషణ, వినోద సౌకర్యాలు[మార్చు]

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో సినిమా హాలు, గ్రంథాలయం, పబ్లిక్ రీడింగ్ రూం ఉన్నాయి. గ్రామంలో వార్తాపత్రిక పంపిణీ జరుగుతుంది. శాసనసభ పోలింగ్ కేంద్రం, జనన మరణాల నమోదు కార్యాలయం ఉన్నాయి. ఆటల మైదానం గ్రామం నుండి 10 కి.మీ.కి పైబడిన దూరంలో ఉంది.

విద్యుత్తు[మార్చు]

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 10 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం[మార్చు]

దుబ్బాకలో భూ వినియోగం కింది విధంగా ఉంది:

  • అడవి: 182 హెక్టార్లు
  • వ్యవసాయేతర వినియోగంలో ఉన్న భూమి: 541 హెక్టార్లు
  • వ్యవసాయం సాగని, బంజరు భూమి: 55 హెక్టార్లు
  • శాశ్వత పచ్చిక ప్రాంతాలు, ఇతర మేత భూమి: 382 హెక్టార్లు
  • తోటలు మొదలైనవి సాగవుతున్న భూమి: 65 హెక్టార్లు
  • వ్యవసాయం చేయదగ్గ బంజరు భూమి: 15 హెక్టార్లు
  • సాగులో లేని భూముల్లో బీడు భూములు కానివి: 306 హెక్టార్లు
  • బంజరు భూమి: 339 హెక్టార్లు
  • నికరంగా విత్తిన భూమి: 608 హెక్టార్లు
  • నీటి సౌకర్యం లేని భూమి: 1124 హెక్టార్లు
  • వివిధ వనరుల నుండి సాగునీరు లభిస్తున్న భూమి: 130 హెక్టార్లు

నీటిపారుదల సౌకర్యాలు[మార్చు]

దుబ్బాకలో వ్యవసాయానికి నీటి సరఫరా కింది వనరుల ద్వారా జరుగుతోంది.

  • బావులు/బోరు బావులు: 130 హెక్టార్లు

ఉత్పత్తి[మార్చు]

దుబ్బాకలో ఈ కింది వస్తువులు ఉత్పత్తి అవుతున్నాయి.

ప్రధాన పంటలు[మార్చు]

వరి, చెరకు, మొక్కజొన్న

మండలములోని రెవిన్యూ గ్రామాలు[మార్చు]

  1. ఆకారం
  2. అప్పనపల్లి
  3. ఆరెపల్లి
  4. బొప్పాపూర్
  5. చీకోడు (పెద్ద)
  6. చేర్వాపూర్
  7. చిల్లాపూర్
  8. చిట్టాపూర్
  9. చౌదర్ పల్లి
  10. ధర్మాజీపేట
  11. దుబ్బాక
  12. దుంపలపల్లి
  13. ఎంగుర్తి
  14. గంభీర్ పూర్
  15. హబ్షీపూర్
  16. హసన్ మీరాపూర్
  17. లచాపేట్
  18. మల్లాయపల్లి
  19. పెద్దగుండవెళ్ళి
  20. పోతారం
  21. పోతారెడ్డిపేట్
  22. తిమ్మాపూర్
  23. ఎల్లాపూర్
  24. రాజక్కపేట్
  25. రామక్కపేట్

సకలజనుల సమ్మె[మార్చు]

ప్రత్యేక తెలంగాణ రాష్ట్రం ధ్యేయంగా 2011 సెప్టెంబరు 13 నుంచి 2011 అక్టోబరు 23 వరకు మండలంలోని ప్రభుత్వోద్యోగులందరూ విధులను నిర్వహించక 42 రోజులపాటు సకలజనుల సమ్మెలో పాల్గొన్నారు. మండలంలోని విద్యాసంస్థలు, ప్రభుత్వ కార్యాలయాలు అన్నీ మూతపడ్డాయి.

మూలాలు[మార్చు]

  1. "Basic Information of Municipality". Municipal Administration & Urban Development Department. Retrieved 29 June 2016. 
  2. 2.0 2.1 "Census 2011" (PDF). Census of India 2011. p. 172. Retrieved 29 June 2016. 
  3. తెలంగాణ ప్రభుత్వ ఉత్తర్వు సంఖ్య GO Ms No 240  Revenue (DA-CMRF) Department, Dated: 11-10-2016
  4. "Office of the Registrar General & Census Commissioner, India - Village amenities of 2011". 

వెలుపలి లంకెలు[మార్చు]

[[వర్గం:సిద్దిపేట జిల్లా మండలాలు]

"https://te.wikipedia.org/w/index.php?title=దుబ్బాక&oldid=2462211" నుండి వెలికితీశారు