ద్వారం భావనారాయణ రావు

ద్వారం భావనారాయణ రావు
ద్వారం భావనారాయణ రావు
జననం	ద్వారం భావనారాయణ రావు 15 జూన్, 1924 బాపట్ల
మరణం	జూలై 24, 2000 విశాఖపట్నం
మరణ కారణం	గుండెనొప్పి
వృత్తి	విజయనగరంలోని మహారాజా ప్రభుత్వ సంగీత నృత్య కళాశాల ప్రిన్సిపాల్ గా 1962 నుండి 1973 వరకు
ప్రసిద్ధి	ప్రముఖ వయొలిన్ విద్వాంసుడు
మతం	హిందూ మతము
పిల్లలు	ముగ్గురు కుమారులు, ఇద్దరు కుమార్తెలు
తండ్రి	ద్వారం వెంకటస్వామి నాయుడు
తల్లి	వెంకట జగ్గాయమ్మ

ద్వారం భావనారాయణ రావు (జూన్ 15, 1924 - జూలై 24, 2000) ప్రముఖ వయొలిన్ విద్వాంసుడు, ద్వారం వెంకటస్వామి నాయుడు గారి కుమారుడు.

ఇతడు ద్వారం వెంకటస్వామి, జగ్గయ్యమ్మ దంపతులకు 1924 జూన్ 15 తేదీన బాపట్లలో జన్మించాడు. చెన్నైలో విద్యాభ్యాసం చేసిన తర్వాత తండ్రి వద్ద, ప్రొ.పి.సాంబమూర్తి వద్ద సంగీతంలో శిక్షణ పొందాడు.

ఇతడు విజయనగరంలోని మహారాజా ప్రభుత్వ సంగీత నృత్య కళాశాల ప్రిన్సిపాల్ గా 1962 నుండి 1973 వరకు, తర్వాత విజయవాడ లోని ప్రభుత్వ సంగీత కళాశాలలోను పనిచేశాడు.

ఇతడు మాతంగముని రచించిన బృహద్దేశి, పండిత వెంకటమఖి రచించిన చతుర్దండి ప్రకాశిక, దత్తిలముని రచించిన దత్తిళమును తెలుగులోకి అనువదించి ప్రచురించారు.

ఇతడు విశాఖపట్నంలో 2000 జూలై 24 తేదీన గుండెనొప్పితో అకస్మాత్తుగా పరమపదించాడు. ఈయనకు ముగ్గురు కుమారులు, ఇద్దరు కుమార్తెలు.

పురస్కారాలు

• ఆంధ్రప్రదేశ్ సంగీత నాటక అకాడమీ పురస్కారం.
• ఆంధ్ర విశ్వవిద్యాలయం నుండి సంగీత కళాప్రపూర్ణ

ఇవి కూడా చూడండి

• ద్వారం వెంకటస్వామి నాయుడు
• ద్వారం మంగతాయరు
• ద్వారం లక్ష్మి
• ద్వారం నరసింగరావు నాయుడు