నందమూరు (ఉంగుటూరు మండలం)

వికీపీడియా నుండి
Jump to navigation Jump to search
నందమూరు (ఉంగుటూరు మండలం)
—  రెవిన్యూ గ్రామం  —
రాష్ట్రం ఆంధ్ర ప్రదేశ్
జిల్లా కృష్ణా జిల్లా
మండలం ఉంగుటూరు
ప్రభుత్వము
 - సర్పంచి
జనాభా (2011)
 - మొత్తం 1,436
 - పురుషుల సంఖ్య 699
 - స్త్రీల సంఖ్య 737
 - గృహాల సంఖ్య 428
పిన్ కోడ్ 521311
ఎస్.టి.డి కోడ్ 08656

నందమూరు కృష్ణా జిల్లా, ఉంగుటూరు మండలంలోని గ్రామం. ఇది మండల కేంద్రమైన ఉంగుటూరు నుండి 10 కి. మీ. దూరం లోను, సమీప పట్టణమైన గుడివాడ నుండి 17 కి. మీ. దూరంలోనూ ఉంది. 2011 భారత జనగణన గణాంకాల ప్రకారం ఈ గ్రామం 428 ఇళ్లతో, 1436 జనాభాతో 225 హెక్టార్లలో విస్తరించి ఉంది. గ్రామంలో మగవారి సంఖ్య 699, ఆడవారి సంఖ్య 737. షెడ్యూల్డ్ కులాల సంఖ్య 533 కాగా షెడ్యూల్డ్ తెగల సంఖ్య 17. గ్రామం యొక్క జనగణన లొకేషన్ కోడ్ 589273[1].పిన్ కోడ్: 521311 , యస్.టీ.డీ.కోడ్ = 08656.

గ్రామ భౌగోళికం[మార్చు]

సముద్రమట్టానికి 25 మీటర్ల ఎత్తు [2]విజయ వాడ నుండి గుడివాడ రహదారికి ఒక కి.మీ. దూరంలో ఉన్నది.

సమీప గ్రామాలు[మార్చు]

ఈ గ్రామానికి సమీపంలో ఇందుపల్లి, మధిరపాడు, చికినాల, మానికొండ, కలవపాముల, రాజుపేట గ్రామాలు ఉన్నాయి.

సమీప మండలాలు[మార్చు]

బంటుమిల్లి, మచిలీపట్నం, గూడూరు, గుడ్లవల్లేరు

సమాచార, రవాణా సౌకర్యాలు[మార్చు]

నందమూరులో సబ్ పోస్టాఫీసు సౌకర్యం ఉంది. పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు గ్రామం నుండి 10 కి.మీ.కి పైబడిన దూరంలో ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామం నుండి 10 కి.మీ.కి పైబడిన దూరంలో ఉన్నాయి. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. రైల్వే స్టేషన్ గ్రామానికి 5 కి.మీ. లోపు దూరంలో ఉంది. ప్రైవేటు బస్సు సౌకర్యం గ్రామం నుండి 10 కి.మీ.కి పైబడిన దూరంలో ఉంది. ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. జాతీయ రహదారి గ్రామం నుండి 5 నుండి 10 కి.మీ. దూరంలో ఉంది. రాష్ట్ర రహదారి గ్రామం నుండి 10 కి.మీ.కి పైబడిన దూరంలో ఉంది. గ్రామంలో తారు రోడ్లు, కంకర రోడ్లు ఉన్నాయి. పెడన, మచిలీపట్నం నుండి రోడ్దురవాణా సౌకర్యం కలదు రైల్వేస్టేషన్; విజయవాడ 74 కి.మీ దూరంలో ఉంది.

విద్యా సౌకర్యాలు[మార్చు]

గ్రామంలో ప్రభుత్వ ప్రాథమిక పాఠశాలలు రెండు, ప్రభుత్వ ప్రాథమికోన్నత పాఠశాల ఒకటి ఉన్నాయి. బాలబడి ఉంగుటూరులోను, మాధ్యమిక పాఠశాల ఇందుపల్లిలోనూ ఉన్నాయి. సమీప జూనియర్ కళాశాల విజయవాడలోను, ప్రభుత్వ ఆర్ట్స్ / సైన్స్ డిగ్రీ కళాశాల, ఇంజనీరింగ్ కళాశాల‌లు గుడివాడలోనూ ఉన్నాయి. సమీప వైద్య కళాశాల, మేనేజిమెంటు కళాశాల విజయవాడలోను, పాలీటెక్నిక్ గుడివాడలోనూ ఉన్నాయి. సమీప వృత్తి విద్యా శిక్షణ పాఠశాల గుడివాడలోను, అనియత విద్యా కేంద్రం, దివ్యాంగుల ప్రత్యేక పాఠశాల‌లు విజయవాడలోనూ ఉన్నాయి.

వైద్య సౌకర్యం[మార్చు]

ప్రభుత్వ వైద్య సౌకర్యం[మార్చు]

నందమూరులో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఇద్దరు పారామెడికల్ సిబ్బంది ఉన్నారు. పశు వైద్యశాల గ్రామం నుండి 5 కి.మీ. లోపు దూరంలో ఉంది. సమీప సామాజిక ఆరోగ్య కేంద్రం, ప్రాథమిక ఆరోగ్య కేంద్రం గ్రామం నుండి 5 నుండి 10 కి.మీ. దూరంలో ఉన్నాయి. మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, సంచార వైద్య శాల, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

తాగు నీరు[మార్చు]

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. కుళాయిల ద్వారా శుద్ధి చేయని నీరు కూడా సరఫరా అవుతోంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది.

పారిశుధ్యం[మార్చు]

గ్రామంలో మురుగునీటి పారుదల వ్యవస్థ లేదు. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

గ్రామ పంచాయతీ[మార్చు]

2013జూలైలో ఈ గ్రామ పంచాయతీకి జరిగిన ఎన్నికలలో శ్రీమతి వగలగాని లక్ష్మి, సర్పంచిగా ఎన్నికైనారు. [2]

గ్రామములోని దర్శనీయ ప్రదేశములు/దేవాలయములు[మార్చు]

శ్రీ గంగా అన్నపూర్ణా సమేత కాశీ విశ్వేశ్వరాలయం.

గ్రామ ప్రముఖులు[మార్చు]

  • తాతినేని చలపతిరావు
  • గూడవల్లి రామబ్రహ్మం
  • పీ.యస్.రామమోహనరావు
  • మానికొండ సుబ్బారావు
  • మానికొండ సూర్యావతి
  • తుమ్మల రామమోహనరావు
  • విశ్వనాథ సత్యనారాయణ:- నందమూరు గ్రామంలో జ్ఞానపీఠ పురస్కార గ్రహీత, కవిసమ్రాట్ విశ్వనాథ సత్యనారాయణ జన్మించి, అక్కడే కొంతకాలం పెరిగారు.[3] విశ్వనాథ సత్యనారాయణ పూర్వీకులు ముందుగా స్థిరపడి, ఆపైన పలువురు వృత్తుల వారిని క్రమంగా చేర్చి గ్రామం రూపుకు తీసుకువచ్చారు.[4] ఆయన తండ్రి విశ్వనాథ శోభనాద్రి వారణాసి వెళ్ళి గంగలో స్నానం చేసినప్పుడు దొరికిన శివలింగాన్ని గ్రామానికి తీసుకువచ్చి శ్రీ గంగా అన్నపూర్ణా సమేత కాశీ విశ్వేశ్వరాలయంగా నిర్మించారు.[5] ఆ విశ్వేశ్వరునిపై విశ్వనాథ సత్యనారాయణ ఎంతో అనుబంధం పెంచుకున్నారు. ఆయన రచించిన మహాకావ్యమైన రామాయణ కల్పవృక్షం ఆ విశ్వేశ్వరునికే అంకితమిచ్చారు.[5] అంతేకాక విశ్వేశ్వర శతకం అనే కావ్యాన్ని ఆయనపై రచించగా, విశ్వనాథ పంచశతిలో ఒక శతకాన్ని కూడా ఆయనపై వ్రాశారు.[3]

గ్రామ విశేషాలు[మార్చు]

స్వర్గీయ శ్రీ విశ్వనాధ సత్యనారాయణ గారి 38వ వర్ధంతి సభ 19-10-14 ఆదివారం సాయంత్రం నాలుగు గంటలకు వారి తండ్రిగారు శోభనాద్రి గారు నిర్మించిన శ్రీ గంగా అన్నపూర్ణా సమేత కాశీ విశ్వేశ్వరాలయంలో జరిగినది.[6]

మార్కెటింగు, బ్యాంకింగు[మార్చు]

గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. సహకార బ్యాంకు, వ్యవసాయ పరపతి సంఘం గ్రామం నుండి 5 నుండి 10 కి.మీ. దూరంలో ఉన్నాయి. ఏటీఎమ్, వాణిజ్య బ్యాంకు గ్రామం నుండి 10 కి.మీ.కి పైబడిన దూరంలో ఉన్నాయి. రోజువారీ మార్కెట్, వారం వారం సంత, వ్యవసాయ మార్కెటింగ్ సొసైటీ గ్రామం నుండి 10 కి.మీ.కి పైబడిన దూరంలో ఉన్నాయి.

ఆరోగ్యం, పోషణ, వినోద సౌకర్యాలు[మార్చు]

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ స్టేషన్, జనన మరణాల నమోదు కార్యాలయం ఉన్నాయి. పబ్లిక్ రీడింగ్ రూం గ్రామం నుండి 5 కి.మీ.లోపు దూరంలో ఉంది. గ్రంథాలయం గ్రామం నుండి 5 నుండి 10 కి.మీ. దూరంలో ఉంది. ఆటల మైదానం గ్రామం నుండి 10 కి.మీ.కి పైబడిన దూరంలో ఉంది. సినిమా హాలు గ్రామం నుండి 10 కి.మీ.కి పైబడిన దూరంలో ఉంది.

విద్యుత్తు[మార్చు]

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 15 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

గణాంకాలు[మార్చు]

జనాభా (2011) - మొత్తం 1,436 - పురుషుల సంఖ్య 699 - స్త్రీల సంఖ్య 737 - గృహాల సంఖ్య 428

2001 వ.సంవత్సరం జనాభా లెక్కల ప్రకారం గ్రామ జనాభా 1434.[7] ఇందులో పురుషుల సంఖ్య 711, స్త్రీల సంఖ్య 723, గ్రామంలో నివాస గృహాలు 393 ఉన్నాయి. గ్రామ విస్తీర్ణం 225 హెక్టారులు.

భూమి వినియోగం[మార్చు]

నందమూరులో భూ వినియోగం కింది విధంగా ఉంది:

  • వ్యవసాయేతర వినియోగంలో ఉన్న భూమి: 24 హెక్టార్లు
  • తోటలు మొదలైనవి సాగవుతున్న భూమి: 1 హెక్టార్లు
  • నికరంగా విత్తిన భూమి: 198 హెక్టార్లు
  • నీటి సౌకర్యం లేని భూమి: 27 హెక్టార్లు
  • వివిధ వనరుల నుండి సాగునీరు లభిస్తున్న భూమి: 171 హెక్టార్లు

నీటిపారుదల సౌకర్యాలు[మార్చు]

నందమూరులో వ్యవసాయానికి నీటి సరఫరా కింది వనరుల ద్వారా జరుగుతోంది.

  • కాలువలు: 171 హెక్టార్లు

ఉత్పత్తి[మార్చు]

నందమూరులో ఈ కింది వస్తువులు ఉత్పత్తి అవుతున్నాయి.

ప్రధాన పంటలు[మార్చు]

వరి, చెరకు, మినుము, అపరాలు, కాయగూరలు

ప్రధాన వృత్తులు[మార్చు]

వ్యవసాయం, వ్యసాయాధరిత వృత్తులు

మూలాలు[మార్చు]

  1. "Office of the Registrar General & Census Commissioner, India - Village amenities of 2011". Cite web requires |website= (help)
  2. "నందమూరు". Retrieved 23 June 2016. Cite web requires |website= (help)
  3. 3.0 3.1 విశ్వనాథ సత్యనారాయణ స్మారక సమితి (సెప్టెంబరు 1982). విశ్వనాథ శారద (ప్రథమ ముద్రణ సంపాదకులు.). హైదరాబాదు: విశ్వనాథ సత్యనారాయణ స్మారక సమితి. Check date values in: |date= (help); |access-date= requires |url= (help)
  4. సత్యనారాయణ, విశ్వనాథ. వీరవల్లడు. శ్రీవిశ్వనాథ పబ్లికేషన్స్. |access-date= requires |url= (help)
  5. 5.0 5.1 సత్యనారాయణ, విశ్వనాథ. రామాయణ కల్పవృక్షము-అవతారిక. శ్రీవిశ్వనాథ పబ్లికేషన్స్. |access-date= requires |url= (help)
  6. https://groups.google.com/forum/#!msg/sahitibandhu/1cwAuetM0nc/qz6pKgPs41MJ
  7. భారత ప్రభుత్వం నిర్వహించిన 2011 గణాంకాల జాలగూడు

బయటి లింకులు[మార్చు]

[2] ఈనాడు విజయవాడ; 2014,సెప్టెంబరు-11; 5వపేజీ.