చాగంటిపాడు

వికీపీడియా నుండి
Jump to navigation Jump to search
చాగంటిపాడు (ఉంగుటూరు)
—  రెవిన్యూ గ్రామం  —
రాష్ట్రం ఆంధ్ర ప్రదేశ్
జిల్లా కృష్ణా జిల్లా
మండలం ఉంగుటూరు
ఫోస్టుఆఫీసు వేంపాడు
ప్రభుత్వము
 - సర్పంచి పసుపులేటి గణేశ్ కుమార్
జనాభా (201)
 - మొత్తం 858
 - పురుషుల సంఖ్య 433
 - స్త్రీల సంఖ్య 425
 - గృహాల సంఖ్య 251
పిన్ కోడ్ 521312
ఎస్.టి.డి కోడ్ 08676

చాగంటిపాడు కృష్ణా జిల్లా, ఉంగుటూరు మండలంలోని గ్రామం. ఇది మండల కేంద్రమైన ఉంగుటూరు నుండి 20 కి. మీ. దూరం లోను, సమీప పట్టణమైన గుడివాడ నుండి 22 కి. మీ. దూరంలోనూ ఉంది. 2011 భారత జనగణన గణాంకాల ప్రకారం ఈ గ్రామం 251 ఇళ్లతో, 858 జనాభాతో 325 హెక్టార్లలో విస్తరించి ఉంది. గ్రామంలో మగవారి సంఖ్య 433, ఆడవారి సంఖ్య 425. షెడ్యూల్డ్ కులాల సంఖ్య 1 కాగా షెడ్యూల్డ్ తెగల సంఖ్య 0. గ్రామం యొక్క జనగణన లొకేషన్ కోడ్ 589276[1].పిన్ కోడ్: 521312, ఎస్.టి.డి.కోడ్ = 08676.

విషయ సూచిక

గ్రామ చరిత్ర[మార్చు]

వ్యక్తి సంస్కారాన్ని కొలిచేందుకు అతను చదివిన పుస్తకములను అడిగి తెలుసుకొవడం కన్నా తేలికైన మార్గం లేదంటారు పెద్దలు.నాగరిక ప్రపంచంలో పిల్లలూ, పెద్దలూ ఒకచోట కూర్చొని నిశ్శబ్దముగా పుస్తకాల్లో లీనమైన దృశ్యం మరోటి లేదంటారు ప్రసిద్ధ రచయిత ముళ్లపూడి వెంకటరమణ. ఎందుకంటే మానవులను నాగరికులుగా మార్చేందుకు పుస్తకాన్ని మించినసాధనం లేదు.

గ్రామం పేరు వెనుక చరిత్ర[మార్చు]

ఇంతకు మునుపు ఈ గ్రామమునూ నూజీవీడు జమీందారులు పాలించేవారు. ఈ గ్రామములో ఎక్కువగా చాగంటి అని ఇంటి పేరుగల వారు ఉండేవారు అంతేకాకుండా ఈ ప్రాంతములో సారవంతమయిన భూములు ఉండేవి వాటిని పాటి గల భూములు అని అనేవారు చాగంటి అనే ఇంటి పేరును మరియు పాటి అనే పేరును కలిపి ఈ ప్రాంతమునకు చాగంటిపాడు అని పేరు వచ్చినదని మా గ్రామ పెద్దల ద్వారా తెలుసుకున్నాము.

గ్రామ భౌగోళికం[మార్చు]

సముద్రమట్టానికి 25 మీ.ఎత్తు [2]

సమీప గ్రామాలు[మార్చు]

గుడివాడ, హనుమాన్ జంక్షన్, విజయవాడ, ఏలూరు

సమీప మండలాలు[మార్చు]

గన్నవరం, నందివాడ, పెదపారుపూడి, గుడివాడ

సమాచార, రవాణా సౌకర్యాలు[మార్చు]

సబ్ పోస్టాఫీసు సౌకర్యం గ్రామానికి 5 నుండి 10 కి.మీ. దూరంలో ఉంది. పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు గ్రామం నుండి 10 కి.మీ.కి పైబడిన దూరంలో ఉన్నాయి. లాండ్ లైన్ టెలిఫోన్, మొబైల్ ఫోన్ మొదలైన సౌకర్యాలు ఉన్నాయి. పబ్లిక్ ఫోన్ ఆఫీసు గ్రామానికి 5 కి.మీ. లోపు దూరంలో ఉంది. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామం నుండి 10 కి.మీ.కి పైబడిన దూరంలో ఉన్నాయి. వ్యవసాయం కొరకు వాడేందుకు గ్రామంలో ట్రాక్టర్లున్నాయి. ప్రభుత్వ రవాణా సంస్థ బస్సు సౌకర్యం, రైల్వే స్టేషన్, ఆటో సౌకర్యం మొదలైనవి గ్రామానికి 5 కి.మీ. లోపు దూరంలో ఉన్నాయి. ప్రైవేటు బస్సు సౌకర్యం గ్రామం నుండి 10 కి.మీ.కి పైబడిన దూరంలో ఉంది. ప్రధాన జిల్లా రహదారి, జిల్లా రహదారి గ్రామం నుండి 5 నుండి 10 కి.మీ. దూరంలో ఉన్నాయి. జాతీయ రహదారి, రాష్ట్ర రహదారి గ్రామం నుండి 10 కి.మీ.కి పైబడిన దూరంలో ఉన్నాయి. గ్రామంలో తారు రోడ్లు, కంకర రోడ్లు ఉన్నాయి.

  • గ్రామానికి సరిఅయిన రవాణా సౌకర్యాలు లేవు.
  • దీనికి ప్రధాన కారణములు బస్సు సౌకర్యం లేకపోవడం.
  • రహదారులు సరిగ్గా లేకపోవడము.
  • దీని వలన గ్రామములోని ప్రజలు వేరే చోటుకు వెళ్ళాళి అంటే ఎక్కువగా మోటారు సైకిళ్ళు మరియు ఆటోల పైన ఆధార పడవలసి వస్తున్నది.
  • గ్రామము నుండి విజయవాడ వెళ్ళాలి అని అనుకుంటే తరిగొప్పుల వచ్చి రైలు మార్గము ద్వారా వెళ్ళవచ్చును.
  • రైల్వేస్టేషన్; విజయవాడ 31 కి.మీ

విద్యా సౌకర్యాలు[మార్చు]

గ్రామంలో ప్రభుత్వ ప్రాథమిక పాఠశాల ఒకటి, ప్రభుత్వ ప్రాథమికోన్నత పాఠశాల ఒకటి ఉంది. బాలబడి ఉంగుటూరులోను, మాధ్యమిక పాఠశాల ఇందుపల్లిలోనూ ఉన్నాయి. సమీప జూనియర్ కళాశాల, ప్రభుత్వ ఆర్ట్స్ / సైన్స్ డిగ్రీ కళాశాల గన్నవరంలోను, ఇంజనీరింగ్ కళాశాల విజయవాడలోనూ ఉన్నాయి. సమీప వైద్య కళాశాల, మేనేజిమెంటు కళాశాల, పాలీటెక్నిక్ విజయవాడలో ఉన్నాయి. సమీప వృత్తి విద్యా శిక్షణ పాఠశాల గన్నవరంలోను, అనియత విద్యా కేంద్రం, దివ్యాంగుల ప్రత్యేక పాఠశాల‌లు విజయవాడలోనూ ఉన్నాయి.

గ్రంథాలయం[మార్చు]

గ్రంథాలయంను ఎలా ప్రారంభించాము అంటే[మార్చు]

మాది ఒక చిన్న పల్లెటూరు. మా గ్రామము భారతదేశము లోని ఆంధ్రప్రదేశ్ లో గల కృష్టాజిల్లా లోని ఉంగుటూరు మండలములో గల చాగంటిపాడు. ఒక చిన్న పల్లెటూరు అందులో చిన్న ఇల్లు అక్కడో చిన్న ఇనుప బీరువా అందులో పదుల సంఖ్యలో పుస్తకాలు దాని చుట్టూ కూర్చుని చదువుకుంటున్న కొద్దిమంది వ్యక్తులు మామూలుగా చూస్తే ఇది ఒక సాధారణ దృశ్యమే. అయితే ఆ దృశ్యాన్ని సాకారం చేసుకోవడానికి మాకు ఒక సంవత్సరము కాలము పట్టినది.మా గ్రామ జనాభా సుమారు 1000 మంది.మా గ్రామములో గల పెద్దలు పెద్దగా చదువుకొలేదు కాని చదువు విలువ తెలిసిన తల్లిదండ్రులు ఉన్నారు అందువలన వారి పిల్లలను ఉన్నత చదువులు చదివిస్తున్నారు అలాంటి వారి అలోచన ద్వారా గ్రంథాలయం ఏర్పడినది. అది ఏలా అంటే చదువుకుంటున్నా యువకులు సెలవులకు ఇంటికి వచ్చినపుడు కాలక్షేపమునకు చదువుకొనేందుకు ఎదైనా పుస్తకం ఉంటే బాగుండుననిపించింది కాని గ్రామములో గ్రంథాలయం లేదు పుస్తకముల ముఖము చూడాలంటే కనీసము 8 కి.మీ.లు వెళ్లాలి. ఎప్పుడో సెలవుల్లో ఇంటికి వచ్చే వారి పరిస్థితే ఇలా ఉంటే రోజూ ఇక్కడే ఉండేవాళ్లకు పుస్తకాలు లేని లోటు ఎలా ఉంటుందో వారికి అర్ధమయింది. మన గ్రామములో కుడా గ్రంథాలయాన్ని ఏర్పాటు చేయలని అనుకున్నారు. వారి అలోచనను గ్రామములో గల స్నేహితులకు చెప్పారు. అందరికి ఆ ఆలోచన బాగా నచ్చింది. అందరు చందాలు వేసుకుని రూ.33,000/- లతో ది.14-02-2013 న గ్రంథాలయాన్ని ప్రారంభించాము.

విరాళాలు.గ్రంధాలయానికి మౌలిక వసతులు[మార్చు]

గ్రంథాలయం కొనసాగాలంటే కావాల్సింది పుస్తకాలు మాత్రామే కాదు.అక్కడున్న ప్రజల్లో ఆ పుస్తకాలు చదవాలనే అభిలాష ఉండాలి.అలా ఉండాలంటే ఆ పుస్తకములను వారే స్వయముగా సమకూర్చుకోవాలి. అందుకే మేము రూ.50,100,1000 చొప్పున సమీకరించుకుని పుస్తకములను కొనుగోలు చేస్తున్నాము.దాతల విరాళాలతో మా గ్రంథాలయాన్ని మరింత విస్తరించాలనే ఆలోచనలో ఉన్నాము. గ్రామంలో కొంత మంది చదువు కున్న యువకులు ఒక జట్టుగా ఏర్పడి గత 3 సంవత్సరాలుగా గ్రామము లోని విద్యార్థులకు ఉచితముగా ట్యూషన్ చెప్పుతున్నారు.

  • గ్రామంలో కొంత మంది చదువు కున్న యువకులు ఒక జట్టుగా ఏర్పడి సొంతముగా గ్రామంలో ఒక గ్రంథాలయాన్ని 14-02-2013 న ఏర్పచుకున్నారు.

గ్రామములో మౌలిక వసతులు[మార్చు]

  • గ్రామములో ముఖ్యముగా చెప్పుకోదగ్గ మౌలిక వసతులు ఉన్నాయి అంటే అవి కేవలం భాగ సారవంతమైన పంట భూములు ఉన్నాయి.

వైద్య సౌకర్యం[మార్చు]

ప్రభుత్వ వైద్య సౌకర్యం[మార్చు]

చాగంటిపాడులో ఉన్న ఒక పశు వైద్యశాలలో ఒక డాక్టరు, ఒకరు పారామెడికల్ సిబ్బందీ ఉన్నారు. సమీప ప్రాథమిక ఆరోగ్య ఉప కేంద్రం గ్రామం నుండి 5 కి.మీ. లోపు దూరంలో ఉంది. సంచార వైద్య శాల గ్రామం నుండి 5 కి.మీ. లోపు దూరంలో ఉంది. సమీప సామాజిక ఆరోగ్య కేంద్రం, ప్రాథమిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

తాగు నీరు[మార్చు]

గ్రామంలో ఏడాది పొడుగునా చేతిపంపుల ద్వారా నీరు అందుతుంది.

పారిశుధ్యం[మార్చు]

గ్రామంలో మురుగునీటి పారుదల వ్యవస్థ లేదు. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

మార్కెటింగు, బ్యాంకింగు[మార్చు]

గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. సహకార బ్యాంకు, వ్యవసాయ పరపతి సంఘం గ్రామం నుండి 5 కి.మీ. లోపు దూరంలో ఉన్నాయి. వాణిజ్య బ్యాంకు గ్రామం నుండి 5 నుండి 10 కి.మీ. దూరంలో ఉంది. ఏటీఎమ్ గ్రామం నుండి 10 కి.మీ.కి పైబడిన దూరంలో ఉంది. రోజువారీ మార్కెట్, వారం వారం సంత, వ్యవసాయ మార్కెటింగ్ సొసైటీ గ్రామం నుండి 10 కి.మీ.కి పైబడిన దూరంలో ఉన్నాయి.

ఆరోగ్యం, పోషణ, వినోద సౌకర్యాలు[మార్చు]

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ స్టేషన్, జనన మరణాల నమోదు కార్యాలయం ఉన్నాయి. గ్రంథాలయం, పబ్లిక్ రీడింగ్ రూం గ్రామం నుండి 5 కి.మీ.లోపు దూరంలో ఉన్నాయి. ఆటల మైదానం గ్రామం నుండి 10 కి.మీ.కి పైబడిన దూరంలో ఉంది. సినిమా హాలు గ్రామం నుండి 10 కి.మీ.కి పైబడిన దూరంలో ఉంది.

విద్యుత్తు[మార్చు]

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 12 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

గ్రామములో రాజకీయాలు[మార్చు]

  • గ్రామములో ఒకే కులమునకు చెందిన వారు ఉండుట వలన ముఠా రాజకీయాలు ఎక్కువగా ఉన్నాయి.
  • దీని వలన గ్రామము అభువృద్ధి చెందడము లేదు.

గ్రామ పంచాయతీ[మార్చు]

2013 జూలైలో చాగంటిపాడు గ్రామ పంచాయతీకి జరిగిన ఎన్నికలలో, సర్పంచిగా శ్రీ పసుపులేటి గణేశ్ కుమార్ ఎన్నికైనారు. [2]

గ్రామంలోని దర్శనీయ ప్రదేశములు/ దేవాలయాలు[మార్చు]

  • గ్రామములో ముఖ్యముగా చూడవలసినది రామాలయం మరియు శివాలయము. ఈ 2 దేవాలయాలను గ్రామములోని ప్రజలు చందాలు వేసుకుని నిర్మించారు. ఇది చేప్పుకోదగినా విషయము.
  • వీటితో పాటుగా గ్రామములో ఇంకా 2 నాగ్రేంద్ర స్వామి ఆలయాలు ఉన్నాయి.
  • ఇంకా చూడదగిన ప్రదేశములు పచ్చని పంట పొలాలు మరియు పల్లెటూరు వాతావరణము.

గ్రామంలో ప్రధాన పంటలు[మార్చు]

  • గ్రామములో ప్రధాన పంట వరి.
  • రెండో పంటగా మినుములను వేస్తారు.
  • గత కొన్ని సంవత్సరములుగా రెండో పంటగా పెసలు, మొక్కజొన్నను వేస్తున్నారు.
  • కొంతమంది చెరుకును కూడా పండిస్తారు.

గ్రామంలో ప్రధాన వృత్తులు[మార్చు]

  • గ్రామములో అందరి ప్రధాన వృత్తి వ్యవసాయము.
  • దాని తరువాత ఎక్కువగా పాల వ్యాపారస్తులు ఉన్నారు.
  • ఇంకా తాపీ పని చేసే వారు కుడా చాలామంది ఉన్నారు.
  • కరెంటు పని చేసేవారు కుడా బాగానే ఉన్నారు.

గ్రామములోని ప్రముఖులు (నాడు/నేడు)[మార్చు]

  • గ్రామమునందు చాల మంది ప్రముఖులు ఉన్నారు వారిలో కొంతమంది
  1. శ్రీ జంపా చిట్టి సుబ్బయ్య గారు
  2. శ్రీ జంపా పిచ్చయ్య గారు
  3. శ్రీ జంపా కృష్ణకిషోర్ గారు (సమాచార హక్కు ఐక్య వేదిక ప్రధాన కార్యదర్శి)
  4. శ్రీమతి అప్పికట్ల అలివేలు మంగమ్మ గారు.

గణాంకాలు[మార్చు]

2011 వ.సంవత్సరం జనాభా లెక్కల ప్రకారం గ్రామ జనాభా 970.[3] ఇందులో పురుషుల సంఖ్య 483, స్త్రీల సంఖ్య 487, గ్రామంలో నివాసగృహాలు 230 ఉన్నాయి. గ్రామ విస్తీర్ణం 325 హెక్టారులు.

భూమి వినియోగం[మార్చు]

చాగంటిపాడులో భూ వినియోగం కింది విధంగా ఉంది:

  • వ్యవసాయేతర వినియోగంలో ఉన్న భూమి: 29 హెక్టార్లు
  • బంజరు భూమి: 9 హెక్టార్లు
  • నికరంగా విత్తిన భూమి: 285 హెక్టార్లు
  • నీటి సౌకర్యం లేని భూమి: 10 హెక్టార్లు
  • వివిధ వనరుల నుండి సాగునీరు లభిస్తున్న భూమి: 284 హెక్టార్లు

నీటిపారుదల సౌకర్యాలు[మార్చు]

చాగంటిపాడులో వ్యవసాయానికి నీటి సరఫరా కింది వనరుల ద్వారా జరుగుతోంది.

  • కాలువలు: 284 హెక్టార్లు

ఉత్పత్తి[మార్చు]

చాగంటిపాడులో ఈ కింది వస్తువులు ఉత్పత్తి అవుతున్నాయి.

ప్రధాన పంటలు[మార్చు]

వరి, మినుము

మూలాలు[మార్చు]

  1. "Office of the Registrar General & Census Commissioner, India - Village amenities of 2011". Cite web requires |website= (help)
  2. "చాగంటిపాడు". Retrieved 23 June 2016. Cite web requires |website= (help)
  3. భారత ప్రభుత్వం నిర్వహించిన 2011 గణాంకాల జాలగూడు

వెలుపలి లింకులు[మార్చు]

[2] ఈనాడు విజయవాడ; 2013,నవంబరు-29; 4వపేజీ.