నాయుడుగారి కుటుంబం

నాయుడుగారి కుటుంబం
దర్శకత్వం	బోయిన సుబ్బారావు
రచన	వి.సి. గుహనాథన్ (కథ), పరుచూరి సోదరులు (చిత్రానువాదం/మాటలు)
తారాగణం	సుమన్, సంఘవి
ఛాయాగ్రహణం	పెమ్మసాని సురేష్
సంగీతం	కోటి
నిర్మాణ సంస్థ	సురేష్ ప్రొడక్షన్స్
విడుదల తేదీ	మే 30, 1996 (1996-05-30)
భాష	తెలుగు

నాయుడుగారి కుటుంబం 1996లో బోయిన సుబ్బారావు దర్శకత్వంలో విడుదలైన సినిమా. ఇందులో కృష్ణంరాజు, సుమన్, సంఘవి ముఖ్యపాత్రల్లో నటించారు. ఈ సినిమాను సురేష్ ప్రొడక్షన్స్ పతాకంపై డి. రామానాయుడు నిర్మించాడు. ఈ సినిమాకు గాను పరుచూరి సోదరులు ఉత్తమ సంభాషణల రచయితగా నంది పురస్కారం అందుకున్నారు. వీరికి ఇదే తొలి నంది పురస్కారం.

కథ

కృష్ణమనాయుడికి ముగ్గురు తమ్ముళ్ళు ఒక చెల్లెలు. కామేశ్వరరావు కృష్ణమనాయుడు తండ్రి పెదరాయుడికి తాను అక్రమ సంతానమని చెప్పుకుంటూ ఉంటాడు. కృష్ణమనాయుడు ప్రోత్సాహంతో, ఆర్థిక అండదండలతో వ్యాపారం ప్రారంభించి, ఉన్నత స్థాయికి ఎదిగిన భక్తవత్సలం, కామేశ్వరరావు తో కలిసి వారి కుటుంబంలో కలతలు రేపాలని ప్రయత్నిస్తాడు. చిన్న తమ్ముడు చంద్రం వీరి ఆట ఎలా కట్టించాడన్నది మిగతా కథ.

తారాగణం

• కృష్ణమనాయుడిగా కృష్ణంరాజు
• కృష్ణమనాయుడు తమ్ముడు చంద్రంగా సుమన్
• సంఘవి
• భక్తవత్సలంగా సత్యనారాయణ
• కామేశ్వరరావుగా శ్రీహరి
• చంద్రమోహన్
• రాజ్ ఖేర్
• కృష్ణమనాయుడు తమ్ముడుగా శివకృష్ణ
• కృష్ణమనాయుడు తమ్ముడుగా ప్రసాద్ బాబు
• శివాజీ రాజా
• గుండు హనుమంతరావు
• సుబ్బరాయ శర్మ
• ధర్మవరపు సుబ్రహ్మణ్యం
• చిట్టిబాబు
• స్వర్ణ
• కృష్ణమనాయుడి తల్లిగా జయంతి
• వినయ ప్రసాద్
• రజిత
• అన్నపూర్ణ
• జయలలిత

రామానాయుడు ఫిలిం స్టూడియో - విశాఖపట్నం

నిర్మాణం

సురేష్ ప్రొడక్షన్స్

ఫలితం

ఈ సినిమా 18 కేంద్రాల్లో శత దినోత్సవం పూర్తి చేసుకుంది. సికింద్రాబాదులోని హరిహర కళాభవన్ లో ఈ ఉత్సవం జరిగింది. రామానాయుడు తన సిబ్బందికి ఒక నెల జీతం విరాళంగా ఇచ్చాడు. పోలీస్ సంక్షేమ సహాయనిధికి 25 వేలు విరాళంగా ఇచ్చాడు.