నువ్వు నేను
| నువ్వు నేను | |
|---|---|
| |
| దర్శకత్వము | తేజ |
| నిర్మాత | పి. కిరణ్ |
| రచన | తేజ కొండపల్లి దశరథ్ గోపీ మోహన్ |
| తారాగణం | ఉదయ్ కిరణ్ అనిత సునీల్ |
| సంగీతం | ఆర్. పి. పట్నాయక్ |
| సినిమెటోగ్రఫీ | రసూల్ ఎల్లోర్ |
| విడుదలైన తేదీలు | ఆగస్టు 10, 2001 |
| దేశము | భారతదేశం |
| భాష | తెలుగు |
నువ్వు నేను 2001 లో తేజ దర్శకత్వంలో విడుదలై ఘనవిజయం సాధించిన తెలుగు చిత్రం. ఇందులో ఉదయ్ కిరణ్, అనిత ముఖ్య పాత్రలు పోషించారు. ఆర్. పి. పట్నాయక్ ఈ చిత్రానికి సంగీతం సమకూర్చాడు. ఈ చిత్రానికి ఉత్తమ దర్శకుడు, ఉత్తమ హాస్యనటుడు, ఉత్తమ సంగీత దర్శకుడు, ఉత్తమ ఛాయాగ్రాహకుడు, ఉత్తమ సహాయ నటుడు విభాగాల్లో ఐదు నంది పురస్కారాలు దక్కాయి. నాలుగు ఫిల్మ్ ఫేర్ పురస్కారాలు కూడా దక్కాయి.
కథ[మార్చు]
రవి ఒక ధనవంతుల కుటుంబంలోని ఏకైక సంతానం. రవికి చిన్నతనంలోనే తల్లిని కోల్పోయి ఉంటాడు. తండ్రి వ్యాపారంలో తీరికలేకుండా అతన్ని సరిగా పట్టించుకోకుండా ఉంటే ఇంట్లో నమ్మకస్తుడైన రాళ్ళపల్లి అతని బాగోగులు చూసుకుంటూ ఉంటాడు. వసుంధర పాతబస్తీలోని ఒక పాలవాని కూతురు. ఇద్దరూ ఒకే కళాశాలలో చదువుతుంటారు. రవి చదువులో వెనుకబడి ఉంటే వసుంధర మాత్రం ఎప్పుడూ ముందజలో ఉంటుంది. వీరిద్దరూ ప్రేమించుకుంటారు. కానీ పెద్దలు వీరి ప్రేమను ఆమోదించక ఇద్దరినీ వేరు చేస్తారు. చివరికి మిత్రుల సహాయంతో పెద్దలను ఎదిరించి వీరు పెళ్ళి చేసుకుంటారు.
నటవర్గం[మార్చు]
- రవి గా ఉదయ్ కిరణ్
- వసుంధర గా అనిత
- సునీల్ (నటుడు)
- తెలంగాణ శకుంతల
- తనికెళ్ళ భరణి
- మధునందన్
- వైజాగ్ ప్రసాద్
- రాళ్ళపల్లి
- ఆహుతి ప్రసాద్
- కళాశాల ప్రిన్సిపల్ గా ఎం. ఎస్. నారాయణ
- కామర్స్ లెక్చరర్ గా ధర్మవరపు సుబ్రమణ్యం
- కాంట్రాక్టు కిల్లర్ గా బెనర్జీ
సాంకేతికవర్గం[మార్చు]
- దర్శకుడు - తేజ
- నిర్మాత - కిరణ్
- ఛాయాగ్రహణం - రసూల్ ఎల్లోర్
పాటలు[మార్చు]
- నీకోసమే ఈ అన్వేషణ
- ప్రియతమా.. ఓ... ఫ్రియతమా
- నీకునేను...నాకునువ్వు..ఒకరికొకరం..నువ్వు నేను
- గాజువాక పిల్లా మేం గాజులోల్లం కాదా
పురస్కారములు[మార్చు]
- ఫిలింఫేర్ ఉత్తమ తెలుగు నటుడు – ఉదయ్ కిరణ్
- ఫిలింఫేర్ ఉత్తమ తెలుగు చిత్రం – పి. కిరణ్
- ఫిలింఫేర్ ఉత్తమ తెలుగు దర్శకుడు – తేజ
- ఫిలింఫేర్ ఉత్తమ తెలుగు సంగీత దర్శకుడు – ఆర్. పి. పట్నాయక్
- నంది ఉత్తమ దర్శకుడు - తేజ
- నంది ఉత్తమ హాస్యనటుడు - సునీల్
- నంది ఉత్తమ సంగీత దర్శకుడు - ఆర్. పి. పట్నాయక్
- నంది ఉత్తమ ఛాయాగ్రాహకుడు - రసూల్ ఎల్లోర్
- నంది ఉత్తమ క్యారెక్టర్ నటుడు - తనికెళ్ళ భరణి
