మధునందన్

మధునందన్
జననం	హైదరాబాదు
విద్య	ఎంబీయే
విద్యాసంస్థ	ఉస్మానియా విశ్వవిద్యాలయం
వృత్తి	నటుడు
జీవిత భాగస్వామి	హసిత

మధునందన్ ఒక సినీ నటుడు. తేజ దర్శకత్వంలో వచ్చిన నువ్వు నేను సినిమాతో నటుడిగా పరిచయం అయ్యాడు. మధు ఉస్మానియా విశ్వవిద్యాలయం నుంచి ఎంబీయే పూర్తి చేసి కొన్నాళ్ళు అమెరికా లో ఉన్నాడు. సినిమా రంగమీద మక్కువతో మళ్ళీ అక్కడి నుంచి తిరిగి వచ్చి సినిమాల్లో కొనసాగుతున్నాడు. ఇష్క్, గుండె జారి గల్లంతయ్యిందే, కొత్త జంట అతను నటించిన కొన్ని సినిమాలు.

వ్యక్తిగత జీవితం

మధునందన్ హైదరాబాదులో పుట్టి పెరిగాడు. చిన్నప్పటి నుంచీ నటన అంటే ఆసక్తి. ఇంట్లో వాళ్ళెవరికీ ఆ రంగంతో సంబంధం లేకపోవడంతో మొదట్లో అతను సినీ రంగంలోకి వెళ్ళడానికి ప్రోత్సహించలేదు. మధు మాత్రం పట్టుదలగా తనకిష్టమైన రంగాన్నే ఎంచుకున్నాడు. చదువుకుంటూనే సినిమా అవకాశాల కోసం ప్రయత్నించాడు. హైదరాబాదులోని ఉస్మానియా విశ్వవిద్యాలయం నుంచి ఎంబీయే పూర్తి చేశాడు. అవకాశాలు పెద్దగా రాకపోవడంతో ఎంబీయే పూర్తయిన తర్వాత అమెరికా వెళ్ళాడు. అక్కడికి వెళ్ళినా మనసు నటన వైపే లాగుతుండటంతో మళ్ళీ వెనక్కి తిరిగి వచ్చేశాడు.

మధు తన సహోద్యోగియైన హసితను ప్రేమించి పెళ్ళి చేసుకున్నాడు. ఇష్క్ సినిమా తర్వాత వాళ్ళ పెళ్ళి జరిగింది. వారికి ఓ కూతురు ఉంది.

కెరీర్

ఇంటర్ పరీక్షలు పూర్తి కాగానే తేజ చేస్తున్న నువ్వు నేను సినిమా కోసం కొత్త నటుల కోసం అన్వేషిస్తున్నారని తెలుసుకుని అందులో ఎంపికయ్యాడు. దాని తర్వాత పది హేను దాకా సినిమాలు చేశాడు. అమెరికా నుంచి తిరిగొచ్చాక నితిన్ తో ముందున్న పరిచయంతో ఇష్క్ సినిమాలో అవకాశం వచ్చింది.

సినిమాలు

• నువ్వు నేను
• సై
• ఒక విచిత్రం
• లక్ష్మీ కల్యాణం
• గుండెజారి గల్లంతయ్యిందే
• ఇష్క్
• కొత్తజంట
• పటాస్
• ప్యార్ మే పడిపోయానే (2014)
• చిన్నదాన నీ కోసం
• గీతాంజలి
• ఒక లైలా కోసం
• రౌడీ ఫెలో (2014)
• కొత్త జంట (2014)
• నేనోరకం (2017)
• ఇంకేంటి నువ్వే చెప్పు (2017)
• ఇష్టంగా (2018)
• శైలజారెడ్డి అల్లుడు (2018)
• అంతకు మించి (2018)
• బేవర్స్ (2018)
• వేర్ ఈజ్ ది వెంకటలక్ష్మీ (2019)
• ఒరేయ్ బుజ్జిగా (2020)
• అనుకున్నది ఒక్కటి అయినది ఒక్కటి (2020)
• అక్షర (2021)
• గుండె కథ వింటారా
• చిత్తం మహారాణి (2022)
• నచ్చింది గర్ల్ ఫ్రెండూ (2022)
• రాజయోగం (2022)
• కథ వెనుక కథ (2023)
• ది స్టోరి ఆఫ్ ఏ బ్యూటిఫుల్ గర్ల్ (2023)
• శబరి (2023)

వెబ్ సిరీస్

• ఆహా నా పెళ్ళంట