వైజాగ్ ప్రసాద్

వికీపీడియా నుండి
Jump to navigation Jump to search
వైజాగ్ ప్రసాద్
Vizag Prasad.jpg
వైజాగ్ ప్రసాద్
జననంకొర్లాం పార్వతీ వరప్రసాదరావు[1]
గోపాలపట్నం, విశాఖపట్నం
మరణంఅక్టోబర్ 21, 2018
హైదరాబాదు, తెలంగాణ
నివాసంహైదరాబాదు[2]
వృత్తిరంగస్థల, టీవి, సినీ నటుడు
జీవిత భాగస్వామివిద్యావతి
పిల్లలురత్నప్రభ, రత్నకుమార్

వైజాగ్ ప్రసాద్ ( - అక్టోబర్ 21, 2018) రంగస్థల, టీవి, సినీ నటుడు. ఎక్కువగా సహాయక పాత్రలు పోషిస్తుంటాడు. రంగస్థలం నుంచి వెండితెరకు వచ్చాడు. తేజ దర్శకత్వంలో వచ్చిన నువ్వు నేను సినిమాలో ఆయన పోషించిన కథానాయకుడి తండ్రి పాత్ర సినిమాలో పలు అవకాశాలను తెచ్చి పెట్టింది. 170కి పైగా సినిమాల్లో నటించాడు.

జీవితం[మార్చు]

ఈయన అసలు పేరు కొర్లాం పార్వతీ వరప్రసాదరావు. విశాఖపట్నం లోని గోపాలపట్నం ఆయన స్వస్థలం. వైజాగ్ నుంచి వచ్చాడు కాబట్టి ఆయన పేరు వైజాగ్ ప్రసాద్ గా స్థిరపడిపోయింది. తండ్రి ఉపాధ్యాయుడు. తల్లిదండ్రులకు ముగ్గురు అమ్మాయిల తర్వాత నాలుగో సంతానంగా జన్మించాడీయన. ఈయనకు ఒక చెల్లెలు కూడా ఉంది. ఊహ తెలియక ముందే తల్లి కన్నుమూసింది. మేనమామ దగ్గరుండి ఎస్. ఎస్. ఎల్. సి దాకా చదువుకున్నాడు. చదువుకునే రోజుల్నుంచే నాటకాల్లో నటించేవాడు. నాటకాల పిచ్చితో అగ్రికల్చర్ బి. ఎస్. సి లో సీటు, ఎం. బి. బి. ఎస్ సీటు పోగొట్టుకున్నాడు. తర్వాత బి. ఎ. చదివాడు.

కుటుంబం[మార్చు]

ఆయన భార్య విద్యావతి. ఈ దంపతులకు ఇద్దరు పిల్లలు. రత్నప్రభ, రత్నకుమార్. ఇద్దరూ కంప్యూటర్ ఇంజనీర్లు. అమ్మాయి అమెరికాలో నివాసం ఉండగా అబ్బాయి లండన్ లో ఉంటున్నాడు.

రంగస్థల ప్రస్థానం[మార్చు]

1963లో నాటక రంగంలోకి ప్రవేశించిన ప్రసాద్ సుమారు 700 నాటికల్లో నటించాడు.

  • అప్పు పత్రం
  • భలే పెళ్లి
  • భజంత్రీలు
  • కాల ధర్మం
  • ఆకలి రాజ్యం
  • హెచ్చరిక
  • వేట కుక్కలు
  • కాలకూటం
  • ఋత్విక్
  • గరీబీ హఠావో

నటించిన చిత్రాలు[మార్చు]

వైజాగ్ ప్ర‌సాద్ దాదాపు 170కి పైగా సినిమాల‌లో క్యారెక్ట‌ర్ ఆర్టిస్ట్‌గా న‌టించాడు. 1983 లో వచ్చిన బాబాయ్ అబ్బాయ్ నటుడిగా ఆయన మొదటి సినిమా. నువ్వు నేను చిత్రంలో ఆయన పోషించిన ధనవంతుడైన కథానాయకుడి తండ్రి పాత్ర మంచి పేరు తెచ్చిపెట్టింది.[3] జై చిరంజీవ సినిమాలో కథానాయిక భూమిక తండ్రిగా చెప్పుకోదగ్గ పాత్రను పోషించాడు.

ఇతడు నటించిన తెలుగు సినిమాల పాక్షిక జాబితా:

మరణం[మార్చు]

గత కొతంకాలంగా అనారోగ్య సమస్యలతో బాధపడుతున్న ప్రసాద్ హైదరాబాదులోని తన నివాసంలో 2018, అక్టోబర్ 21న ఉదయం 3 గంటలకు గుండెపోటుతో మరణించారు.[4]

మూలాలు[మార్చు]

  1. పి, మధుసూదనాచారి. "సరదా కాస్త వ్యసనమైపోయింది". ఈనాడు.నెట్. ఈనాడు. Retrieved 31 October 2017.
  2. "మాస్టార్స్.కామ్ లో వైజాగ్ ప్రసాద్ ఫ్రొఫైలు". maastars.com. Retrieved 31 October 2017.
  3. "వైజాగ్ ప్రసాద్". thetelugufilmnagar.com. Retrieved 31 October 2017.
  4. సాక్షి, హైదరాబాదు (21 October 2017). "ప్రముఖ నటుడు వైజాగ్‌ ప్రసాద్‌ కన్నుమూత". మూలం నుండి 22 October 2018 న ఆర్కైవు చేసారు. Retrieved 22 October 2017. Cite news requires |newspaper= (help)

బయటి లంకెలు[మార్చు]