బి.శ్రీరాములు

వికీపీడియా నుండి
Jump to navigation Jump to search
బి.శ్రీరాములు
బి.శ్రీరాములు


మంత్రి
అధికారంలో ఉన్న వ్యక్తి
అధికార ప్రారంభం
20 ఆగష్టు 2019
ముందు తిప్పస్వామి
నియోజకవర్గం మోళకాల్మూరు

వ్యక్తిగత వివరాలు

జననం (1971-08-08) 1971 ఆగస్టు 8 (వయస్సు 51)
బళ్లారి, కర్ణాటక, భారత దేశం
రాజకీయ పార్టీ భారతీయ జనతా పార్టీ
ఇతర రాజకీయ పార్టీలు బాధవరా శ్రామికర రైతర కాంగ్రెస్ (2011–2014)
జీవిత భాగస్వామి బీ.లక్ష్మి
సంతానం 2

బీ.రాములు కర్ణాటక రాష్ట్రానికి చెందిన రాజకీయ నాయకుడు. ఆయన ప్రస్తుతం ముఖ్యమంత్రి బసవరాజు బొమ్మై మంత్రివర్గంలో రవాణా మరియు గిరిజన సంక్షేమ శాఖ మంత్రిగా ఉన్నాడు.[1]

జననం[మార్చు]

బీ.రాములు 1971, ఆగష్టు 8వ తేదీన,ballari zilla లోని జోళదరాశి గ్రామంలో జన్మించాడు. బీ.తిమ్మప్ప, హొన్నూరమ్మల ఎనిమిది మంది సంతానంలో శ్రీ రాములు ఏడో కుమారుడు.

రాజకీయ ప్రస్థానం[మార్చు]

శ్రీరాములు తొలిసారి బళ్లారి నగరసభ ఎన్నికల్లో పోటీ చేసి 34వ వార్డులో విజయం సాధించాడు. ఆయన 1999లో బళ్లారి అసెంబ్లీ నియోజకవర్గం నుండి బిజెపి నుండి పోటీ చేసి ఓటమి పాలయ్యాడు. శ్రీరాములు 2005లో జరిగిన అసెంబ్లీ ఎన్నికల్లో బళ్లారి సామాన్య నియోజకవర్గం నుంచి బీజేపీ తరఫున పోటీచేసి తొలిసారిగా ఎమ్మెల్యేగా ఎన్నికై అసెంబ్లీలోకి అడుగు పెట్టాడు. ఆయన బీజేపీ-జేడీఎస్‌ సంకీర్ణ ప్రభుత్వంలో పర్యాటకశాఖ మంత్రిగా, 2008లో ముఖ్యమంత్రి బిఎస్.యడియూరప్ప మంత్రిమండలిలో ఆరోగ్య మంత్రిగా విధులు నిర్వహించాడు. ఆయన పై అవినీతి ఆరోపణలు రావడంతో మంత్రి పదవికి & బిజెపికి రాజీనామా చేసి 2011లో జరిగిన ఉప ఎన్నికలో స్వతంత్ర అభ్యర్థిగా 46,760 ఓట్ల మెజారిటీతో గెలిచాడు.[2]

ఆయన 2011లో బధవారా శ్రామికర రైతారా కాంగ్రెస్ స్థాపించి 2013లో ఎన్నికల్లో పోటీ చేశాడు. శ్రీరాములు 2014లో భారతీయ జనతా పార్టీలో చేరి బీజేపీ నుంచి బళ్లారి నియోజకవర్గం ఎంపీగా గెలిచాడు. 2018లో అసెంబ్లీ ఎన్నికల్లో పోటీ చేసే ఉద్దేశంతో ఎంపీ స్థానానికి రాజీనామా చేసి 2018లో జరిగిన అసెంబ్లీ ఎన్నికల్లో మొళకాల్మూరు, బాదామిల నియోజకవర్గాల నుండి పోటీ చేసి మోళకాల్మూరు నుండి ఎమ్మెల్యేగా ఎన్నికై యడియూరప్ప మంత్రిమండలిలో ఆరోగ్య & సాంఘిక సంక్షేమ శాఖ మంత్రిగా పని చేశాడు.ఆయన 2021లో బ‌స‌వ‌రాజు బొమ్మై మంత్రిమండలిలో రవాణా మరియు గిరిజన సంక్షేమ శాఖ మంత్రిగా నియమితుడయ్యాడు.

మూలాలు[మార్చు]

  1. ఆంధ్రజ్యోతి, జాతీయం (23 August 2019). "హ్యాట్రిక్‌ కొట్టిన శ్రీరాములు". www.andhrajyothy.com. Archived from the original on 23 August 2019. Retrieved 23 August 2019.
  2. "Bellary bypoll: Ruling BJP loses deposit, rebel Sriramulu wins | Bengaluru News - Times of India". The Times of India.

బయటి లింకులు[మార్చు]