భావన(నటి)

వికీపీడియా నుండి
Jump to navigation Jump to search

భావన (జననం 6 జూన్ 1986), ప్రముఖ దక్షిణ భారత సినీ నటి. ఆమె అసలు పేరు కార్తికా మీనన్. మలయాళంలో దర్శకుడు కమల్ తీసిన  నమ్మళ్(2002) సినిమాతో నటిగా తెరంగేట్రం చేశారు భావన. ఈ  సినిమాలోని నటనకు ఆమె మంచి ప్రశంసలు అందుకున్నారు. దశబ్దం పాటు కొనసాగిన ఆమె కెరీర్ లో దాదాపు 70 సినిమాల్లో నటించిన  భావన, రెండు కేరళ రాష్ట్ర సినీ పురస్కారాలు అందుకున్నారు.

తొలినాళ్ళ జీవితం[మార్చు]

కేరళలోని త్రిస్సూర్ జిల్లాలో జన్మించారు భావన. ఆమె తండ్రి జి.బాలచంద్రన్ సినిమాల్లో అసిస్టెంట్ సినిమాటోగ్రాఫర్, తల్లి పేరు పుష్ప. ఆమె త్రండ్రి2015 సెప్టెంబరు 24న మరణించారు. ఆమెకు ఒక అన్నయ్య జయదేవ్.[1] త్రిస్సూర్ లోని చెంబుక్కవులో హోలీ ఫ్యామిలీ గర్ల్స్ హై స్కూల్ లో చదువుకున్నారు ఆమె. భావన అన్నయ్య జయదేవ్ తమిళ సినిమా పట్టినప్పాక్కంతో దర్శకుడిగా పరిచయమయ్యారు.[2]

తనకు చిన్నప్పటినుంచీ నటి కావాలని కోరిక ఉండేదని భావన ఒక ఇంటర్వ్యూలో వివరించారు.[3] తన ఐదేళ్ళ వయసు నుంచి అమలకు  అభిమాని అని, మలయాళ చిత్రం ఎంటె  సూర్యపుత్రిక్కులో అమల  నటనను అద్దంలో చూస్తూ అనుకరిస్తుండేవారని తెలిపారు. ఆ సినిమాలో అమల ఒక సీన్ లో బిల్డింగ్ పైనుంచీ దూకడం చూసి, భావన కూడా అలాగే దూకి, చేయి విరగ్గొట్టుకున్నారని చెప్పారు.[3]

కెరీర్[మార్చు]

ఆమె 16వ ఏట[3] మలయాళ చిత్రం నమ్మాళ్ తో వెండితెరకు పరిచయమయ్యారు. ఈ సినిమా సమయంలోనే తన పేరు భావనగా మార్చుకున్నారు ఆమె. ఈ సినిమా మంచి విజయం సాధించడమే కాక, ఆమె నటనకు కూఆ ప్రశంసలు లభించాయి. ఈ విజయంతో ఆమెకు ఎన్నో సినిమా అవకాశాలు వచ్చాయి. కేరళ రాష్ట్ర స్పెషల్ జ్యూరీ పురస్కారం కూడా అందుకున్నారు భావన. ఆ సినిమాలో నటించేప్పుడు ఆమె 11వ తరగతి చదువుతున్నారు. మలయాళ సినీ రంగంలో ఆ సమయంలో ఉన్న దాదాపు అందరి నటులతోనూ ఆమె నటించారు. తమిళ సినిమాల్లో కూడా ఆమె నటించారు. తమిళ ప్రముఖ హీరోలైన అజిత్ కుమార్మాధవన్, జయం రవి, భరత్, జీవా, శ్రీకాంత్ వంటి  వారి  పక్కన హీరోయిన్ గా నటించారు భావన.[4]

2010లో పునీత్ రాజ్‌కుమార్ సరసన జాకీ అనే కన్నడ సినిమాలో  నటించారు భావన.  ఇది ఆమె మొట్టమొదటి కన్నడ చిత్రం. ఈ సినిమా  బ్లాక్ బస్టర్ హిట్ గా  నిలిచింది. ఈ సినిమా విజయవంతం కావడంతో తెలుగు, మలయాళ భాషల్లోకి కూడా డబ్ చేశారు.[5] ఇమ్రన్ హష్మీ, అమితాబ్ బచ్చన్ ల బాలీవుడ్ సినిమాలో ఆమె నటిస్తారని కూడా అన్నారు.[6] విష్ణువర్ధన్, సుదీప్ లతో కలసి ఆమె తన రెండో కన్నడ  సినిమాలో నటించారు. ఈ సినిమాకు మంచి స్పందన లభించింది.[7] 2012లో హనీ బీ, 2013లో ఎళమతే వరవు అనే మలయాళ చిత్రాల్లో నటించారు ఆమె. తరువాత శ్యాంప్రసాద్ దర్శకత్వం వహించిన క్రైమ్ థ్రిల్లర్ ఇవిడేలో ఐటీ కంపెనీలో పనిచేసే సింగిల్ మదర్ పాత్రలో నటించారు భావన. ఈ సినిమాలో అమెరికాలో వరుసగా ఐటి ప్రొఫెషనల్స్ ను చంపుతుంటారు. ఈ సినిమాలో ఆమె నటనకు విమర్శకుల ప్రశంసలు లభించాయి.[8][9]

మూలాలు[మార్చు]

  1. Tamil Actress Bhavana Balachandran Photo Gallery | Bhavana's Latest Movie in Telugu is Ontari with P.Gopichand. Actress.telugucinemastills.com: (1986-06-06). URL accessed on 2011-01-02.
  2. "ఆర్కైవ్ నకలు". Archived from the original on 2016-11-21. Retrieved 2017-01-06.
  3. 3.0 3.1 3.2 Y. Sunita Chowdhary (2011-07-16). Arts / Cinema : New-look Bhavana's dream comes true. The Hindu. URL accessed on 2011-10-03.
  4. Bhavana going glamorous in film. Times of India.
  5. Bhavana debuts in Kannada today – Tamil Movie NEWS. IndiaGlitz. URL accessed on 2011-10-03.
  6. cinema (2011-09-03). Actress bhavana is all set to make her bollywood debut. | Kottaka.com Blog. Kottaka.com. URL accessed on 2011-10-03.
  7. chitraloka | kannada Movies | Kannada Film | News | Reviews | Interviews | Movie Image | Movie Gallery. chitraloka.com: (2011-12-17). URL accessed on 2012-09-29.
  8. Watch Making of Prithviraj, Nivin Pauly, Bhavana Starrer 'Ivide' [VIDEO]. International Business Times, India Edition. (30 March 2015).
  9. Shyamaprasad gives artistes their space. The Times of India.
"https://te.wikipedia.org/w/index.php?title=భావన(నటి)&oldid=2990685" నుండి వెలికితీశారు