అక్షాంశ రేఖాంశాలు: 17°50′N 82°28′E / 17.833°N 82.467°E / 17.833; 82.467

లంబసింగి

వికీపీడియా నుండి
Jump to navigation Jump to search
లంబసింగి
రెవెన్యూ గ్రామం
లంబసింగి మంచు అలముకున్న అడవి
లంబసింగి మంచు అలముకున్న అడవి
పటం
లంబసింగి is located in ఆంధ్రప్రదేశ్
లంబసింగి
లంబసింగి
అక్షాంశ రేఖాంశాలు: 17°50′N 82°28′E / 17.833°N 82.467°E / 17.833; 82.467
దేశంభారతదేశం
రాష్ట్రంఆంధ్రప్రదేశ్
జిల్లాఅల్లూరి సీతారామరాజు
మండలంచింతపల్లి
విస్తీర్ణం
[1]
3.92 కి.మీ2 (1.51 చ. మై)
జనాభా
 (2011)[1]
1,943
 • జనసాంద్రత500/కి.మీ2 (1,300/చ. మై.)
అదనపు జనాభాగణాంకాలు
 • పురుషులు969
 • స్త్రీలు974
 • లింగ నిష్పత్తి1,005
 • నివాసాలు418
ప్రాంతపు కోడ్+91 ( Edit this at Wikidata )
పిన్‌కోడ్531111
2011 జనగణన కోడ్585324

లంబసింగి (లమ్మసింగి) ఆంధ్ర ప్రదేశ్ లోని అల్లూరి సీతారామరాజు జిల్లా, చింతపల్లి మండలానికి చెందిన గ్రామం.[2]. ఈ గ్రామంనకు కొర్రబయలు అనే పేరు కూడా ఉంది.కొర్ర అంటే కర్ర, బయలు అంటే బయట అని అర్థం. ఎవరైనా ఇంటి బయట పడుకుంటే తెల్లారేసరికి కొయ్యలా బిగుసుకుపోతారనే అర్థంలో అలా పిలుస్తారు.

గ్రామ భౌగోళికం

[మార్చు]

లంబసింగి ఒక గిరిజనుల ప్రాంతము. డిసెంబరు - జనవరి మాసాల్లో వాతావరణం సుమారుగా 0 డిగ్రీలు ఉంటుంది, మిగిలిన కాలాల్లో సుమారుగా 10 డిగ్రీల ఉష్ణోగ్రత నమోదవుతుంది. అందువల్ల ఈ ప్రాంతమును ఆంధ్రా కాశ్మీర్ అని కూడా అంటారు. సముద్రమట్టానికి ఈ ప్రాంతము 3600 మీటర్ల ఎత్తులో ఉంది.సమీప గ్రామాలు చింతపల్లి, నర్సీపట్నంగొందిపాకలు చిట్రాలగొప్పు ఉన్నాయి.

గ్రామానికి రవాణా సౌకర్యాలు

[మార్చు]
రోడ్డు మార్గం

లంబసింగి గ్రామం విశాఖపట్నం నగరానికి 101 కిలోమీటర్ల దూరంలోను, నర్సీపట్నం గ్రామానికి 32 కిలోమీటర్ల దూరంలోను ఉంది. ఈ ప్రాంతాలనుండి లంబసింగికి తారు రోడ్డు ఉంది.

గ్రామంలోని దర్శనీయ ప్రదేశాలు/ దేవాలయాలు

[మార్చు]
చెరువులవేనం

మన్యంలోని చింతపల్లి మండ లంలోని లంబసింగి గ్రామం ఆంధ్రా ఊటీగా పేరు గాంచింది, లంబసింగి గ్రామం సముద్ర మట్టానికి సుమారు 3600 అడుగుల ఎత్తులో ఉంది. ఏడాది పొడవునా ఈ ప్రాంతం శీతలంగా ఉంటుంది. అక్టోబరు మొదలుకుని ఫిబ్రవరి వరకు మంచు వర్షంలా కురుస్తూ ఉదయం 10 గంటలకైనా మంచు వీడ కుండా శీతల గాలులు వీస్తు పర్యాటకులకు ఎంతో ఆహ్లాదకరంగా కనిపిస్తుంది. ప్రతి ఏడాది ఏదో ఒక సమయంలో 1- 3 డిగ్రీల ఉష్ణోగ్రతలు కూడా నమోదైన సంఘటనలు కూడా ఉన్నాయి. దీంతో ఈ ప్రాంతానికి పర్యాటకులు అధిక సంఖ్యలో వస్తుంటారు. ఈ వాతావరణానికి మంత్రముగ్ధులు అవుతుంటారు.లంబసింగికి మూడు కిలోమీటర్ల దూరంలో 'చెరువులవేనం' అనే గ్రామం ఉంది. ఆ గ్రామం కొండపైకి ఎక్కితే మంచు మేఘాలను తాకుతున్నట్లుగా కనిపించే 'చెరువులవేనం' పర్యాటకులను మరింతగా ఆకర్షిస్తోంది.ఈ ప్రదేశాలను తమ కెమెరాల్లో కూడా బంధించుకుంటారు. లంబసింగి, చింతపల్లి, కొత్తపల్లి ప్రాంతాల్లో కూడా ఎన్నో సుందరమైన ప్రదేశాలు ఉన్నాయి. ఈ ప్రాంతంలో పర్యటించే ఒక్కరిని మైమరపిస్తాయి.ఇదఎ ఘాట్‌రోడ్డులో కాఫీ తోటలు విస్తారంగా ఉన్నాయి. లంబసింగి చేరుకునే ముందు బోడకొండమ్మ గుడి కనిపిస్తుంది. దీనికి అర కిలోమీటరు దిగువన జలపాతం ఉంది. ఇక్కడ సుమారు 50 అడుగుల ఎత్తు నుంచి నీరు పడుతుంటుంది. అక్కడి కొద్ది దూరంలో లంబసింగి గ్రామం ఉంది. సముద్ద మట్టానికి 1,210 మీటర్ల ఎత్తులోనున్న ఈ ప్రాంతంలో వేసవిలో కూడా అత్యంత చల్లగా వుంటుంది.ఎందుకంటే ఈ ప్రాంతం అనగా లంబసింగి కొండ ప్రాంతం కావడం వలన అధిక చల్లదనం ఉంటుంది.

గ్రామంలో ప్రధాన పంటలు

[మార్చు]
స్ట్రాబెరీ పంట

వరి, మొక్కజొన్న,మిరియాలు, కాఫీ, స్ట్రాబెరీ పంట సాగు చేస్తున్నారు. ఇది మండల కేంద్రమైన చింతపల్లి నుండి 18 కి. మీ. దూరం లోను, సమీప పట్టణమైన అనకాపల్లి నుండి 80 కి. మీ. దూరంలోనూ ఉంది.

గ్రామ జనాభా

[మార్చు]

2011 భారత జనగణన గణాంకాల ప్రకారం ఈ గ్రామం 418 ఇళ్లతో, 1943 జనాభాతో 392 హెక్టార్లలో విస్తరించి ఉంది. గ్రామంలో మగవారి సంఖ్య 969, ఆడవారి సంఖ్య 974. షెడ్యూల్డ్ కులాల సంఖ్య 2 కాగా షెడ్యూల్డ్ తెగల సంఖ్య 1797. గ్రామం యొక్క జనగణన లొకేషన్ కోడ్ 585324.[3].; ఈ గ్రామంలోని ప్రధానంగా షెడ్యూలు తెగలవారు, అటవీ తెగలవారు నివసిస్తున్నారు.

విద్యా సౌకర్యాలు

[మార్చు]

గ్రామంలో ప్రభుత్వ ప్రాథమిక పాఠశాల ఒకటి, ప్రైవేటు ప్రాథమిక పాఠశాల ఒకటి, ప్రభుత్వ ప్రాథమికోన్నత పాఠశాల ఒకటి, ప్రభుత్వ మాధ్యమిక పాఠశాల ఒకటి ఉన్నాయి. సమీప బాలబడి చింతపల్లిలో ఉంది.సమీప జూనియర్ కళాశాల, ప్రభుత్వ ఆర్ట్స్ / సైన్స్ డిగ్రీ కళాశాల చింతపల్లిలోను, ఇంజనీరింగ్ కళాశాల మాకవరపాలెంలోనూ ఉన్నాయి. సమీప వైద్య కళాశాల, మేనేజిమెంటు కళాశాల విశాఖపట్నంలోను, పాలీటెక్నిక్ పాడేరులోనూ ఉన్నాయి. సమీప వృత్తి విద్యా శిక్షణ పాఠశాల చింతపల్లిలోను, అనియత విద్యా కేంద్రం అనకాపల్లిలోను, దివ్యాంగుల ప్రత్యేక పాఠశాల విశాఖపట్నం లోనూ ఉన్నాయి.

వైద్య సౌకర్యం

[మార్చు]

ప్రభుత్వ వైద్య సౌకర్యం

[మార్చు]

లమ్మసింగిలో ఉన్న ఒకప్రాథమిక ఆరోగ్య కేంద్రంలో ఒక డాక్టరు, ఇద్దరు పారామెడికల్ సిబ్బందీ ఉన్నారు. ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఒకరు పారామెడికల్ సిబ్బంది ఉన్నారు. ఒక పశు వైద్యశాలలో ఒక డాక్టరు, ఒకరు పారామెడికల్ సిబ్బందీ ఉన్నారు. సమీప సామాజిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, సంచార వైద్య శాల, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం

[మార్చు]

గ్రామంలోఒక ప్రైవేటు వైద్య సౌకర్యం ఉంది. ఒక నాటు వైద్యుడు ఉన్నారు.

తాగు నీరు

[మార్చు]

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. బావుల నీరు కూడా అందుబాటులో ఉంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది.

పారిశుధ్యం

[మార్చు]

గ్రామంలో మురుగునీటి పారుదల వ్యవస్థ లేదు. మురుగునీటిని శుద్ధి ప్లాంట్‌లోకి పంపిస్తున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు

[మార్చు]

పోస్టాఫీసు సౌకర్యం, సబ్ పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు గ్రామం నుండి 10 కి.మీ.కి పైబడిన దూరంలో ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామం నుండి 10 కి.మీ.కి పైబడిన దూరంలో ఉన్నాయి. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. ప్రైవేటు బస్సు సౌకర్యం, రైల్వే స్టేషన్, ట్రాక్టరు సౌకర్యం మొదలైనవి గ్రామం నుండి 10 కి.మీ.కి పైబడిన దూరంలో ఉన్నాయి. జిల్లా రహదారి గ్రామం గుండా పోతోంది. జాతీయ రహదారి, రాష్ట్ర రహదారి, ప్రధాన జిల్లా రహదారి గ్రామం నుండి 10 కి.మీ.కి పైబడిన దూరంలో ఉన్నాయి. గ్రామంలో తారు రోడ్లు, కంకర రోడ్లు ఉన్నాయి.

మార్కెటింగు, బ్యాంకింగు

[మార్చు]

గ్రామంలో స్వయం సహాయక బృందం, పౌర సరఫరాల కేంద్రం, వారం వారం సంత ఉన్నాయి. ఏటీఎమ్, వాణిజ్య బ్యాంకు, సహకార బ్యాంకు, వ్యవసాయ పరపతి సంఘం గ్రామం నుండి 10 కి.మీ.కి పైబడిన దూరంలో ఉన్నాయి. రోజువారీ మార్కెట్, వ్యవసాయ మార్కెటింగ్ సొసైటీ గ్రామం నుండి 10 కి.మీ.కి పైబడిన దూరంలో ఉన్నాయి.

ఆరోగ్యం, పోషణ, వినోద సౌకర్యాలు

[మార్చు]

గ్రామంలో అంగన్ వాడీ కేంద్రం, ఇతర పోషకాహార కేంద్రాలు ఉన్నాయి. గ్రామంలో వార్తాపత్రిక పంపిణీ జరుగుతుంది. శాసనసభ పోలింగ్ కేంద్రం, జనన మరణాల నమోదు కార్యాలయం ఉన్నాయి. సమీకృత బాలల అభివృద్ధి పథకం, ఆశా కార్యకర్త, ఆటల మైదానం గ్రామం నుండి 10 కి.మీ.కి పైబడిన దూరంలో ఉన్నాయి. సినిమా హాలు, గ్రంథాలయం, పబ్లిక్ రీడింగ్ రూం గ్రామం నుండి 10 కి.మీ.కి పైబడిన దూరంలో ఉన్నాయి.

విద్యుత్తు

[మార్చు]

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది.

భూమి వినియోగం

[మార్చు]

లమ్మసింగిలో భూ వినియోగం కింది విధంగా ఉంది:

  • వ్యవసాయేతర వినియోగంలో ఉన్న భూమి: 72 హెక్టార్లు
  • వ్యవసాయం చేయదగ్గ బంజరు భూమి: 92 హెక్టార్లు
  • నికరంగా విత్తిన భూమి: 228 హెక్టార్లు
  • నీటి సౌకర్యం లేని భూమి: 228 హెక్టార్లు

మూలాలు

[మార్చు]
  1. ↑ 1.0 1.1 2011 ఆంధ్ర ప్రదేశ్ జనగణన డేటా - గ్రామాలు దత్తాంశ సమితి (in ఇంగ్లీష్), భారత రిజిస్ట్రార్ జనరల్, జనగణన కమిషనరు కార్యాలయం, Wikidata Q42501043, archived from the original on 11 July 2017
  2. ↑ "భారత ప్రభుత్వం నిర్వహించిన 2011 గణాంకాల జాలగూడు". Archived from the original on 2014-07-14. Retrieved 2015-09-14.
  3. ↑ "Office of the Registrar General & Census Commissioner, India - Village amenities of 2011".

వెలుపలి లంకెలు

[మార్చు]
వికీమీడియా కామన్స్‌లో Lambasingiకి సంబంధించి దస్త్రాలు ఉన్నాయి.
"https://te.wikipedia.org/w/index.php?title=లంబసింగి&oldid=4265637" నుండి వెలికితీశారు