వసంత సేన (సినిమా)

వికీపీడియా నుండి
(వసంతసేన నుండి దారిమార్పు చెందింది)
Jump to navigation Jump to search
వసంత సేన
(1967 తెలుగు సినిమా)
Vasantasena.jpg
దర్శకత్వం బి.ఎస్.రంగా
తారాగణం అక్కినేని నాగేశ్వరరావు,
పద్మిని,
సత్యనారాయణ,
కృష్ణకుమారి,
ఎస్.వి. రంగారావు,
రేలంగి
సంగీతం సాలూరి రాజేశ్వరరావు
నిర్మాణ సంస్థ విక్రం ప్రొడక్షన్స్
భాష తెలుగు

ఈ సినిమా శూద్రకుడు రచించిన సుప్రసిద్ధ సంస్కృత నాటకం మృచ్ఛకటికమ్‌ ఆధారంగా నిర్మించబడింది[1].

కథాసంగ్రహము[మార్చు]

రమారమి 2000 సంవత్సరాల క్రితం సకల కళలకు, సర్వసంపదలకు నిలయమైన ఉజ్జయినీ నగరంలో చారుదత్తుడు అనే శీల సంపన్నుడైన బ్రాహ్మణుడు ఉంటాడు. ఇతడు ధనసంపన్నుడు. కళాపిపాసి. వేశ్యామణి అయిన వసంతసేన సంగీతనాట్యాలలో ఆరితేరిన సౌశీల్యవతి. వీరిద్దరూ ఒకరినొకరు కలిసి ప్రేమలో పడక ముందే ఉజ్జయినీ నగరం శత్రువుల హస్తగతమౌతుంది.

ఉజ్జయినిని జయించిన పౌలక మహారాజు తన బావమరిది అయిన శకారుని రాజప్రతినిధిగా నియమిస్తాడు. శకారునివి అన్నీ అవగుణాలే. ప్రత్యేకంగా అతని దృష్టి వసంతసేనపై పడింది. కాని వసంతసేన అతడిని ధిక్కరించి నిలిచింది. స్వాతంత్ర్యం కోల్పోయిన తన ప్రజల కోసం చారుదత్తుడు సర్వస్వాన్ని కోల్పోయి పేదవాడవుతాడు. ఆర్యకుడు అనే మారుపేరుతో విప్లవవీరుడిగా మారి ఇదివరకు బానిసతనం నుండి తాను విముక్తి చేసిన అనంగసేన అనే వీరవనితతో కలిసి సైన్యాన్ని సమీకరిస్తాడు. శర్విలకుడు అనే చోరశిఖామణి ఈ సైన్యాలకు బాసటగా ఉంటాడు.

శర్విలకుడు వసంతసేన వద్ద దాసిగా ఉన్న మదనికను ప్రేమిస్తాడు. చారుదత్తుని ఇంటికి కన్నంవేసి అక్కడ దాచివుంచిన వసంతసేన నగలను దొంగిలించి వాటినే వసంతసేనకు సమర్పించి మదనికను విడిపించి పెళ్ళి చేసుకుంటాడు.

ఎన్నివిధాలుగా ప్రయత్నించినా లొంగని వసంతసేనను శకారుడు అడవిలోకి తీసుకుపోయి గొంతు నులిమగా ఆమె సొమ్మసిల్లిపోతుంది. వసంతసేన చనిపోయిందని భావించి శకారుడు ఆ హత్యానేరాన్ని చారుదత్తునిపై మోపగా అతడికి ఉరిశిక్ష విధించబడుతుంది.

ఈ వార్త వసంతసేన విని తన అనారోగ్యాన్ని కూడా లెక్కచేయక దండనస్థానానికి పరిగెడుతుంది. చివరి క్షణంలో చారుదత్తుడు రక్షింపబడతాడు. ప్రజలు శకారుడిని శిక్షిస్తారు. ఉజ్జయినికి స్వాతంత్ర్యం లభిస్తుంది. కథ సుఖాంతమవుతుంది.

పాత్రలు - పాత్రధారులు[మార్చు]

పాటలు[మార్చు]

  1. ఇదేవేళ నావలపు నిన్నుకోరింది అదేవేళ నా తనువు - పి.సుశీల, ఘంటసాల - రచన: శ్రీశ్రీ
  2. ఎదురు ఎదురు చూచిన రేయీ ఇపుడె ఇపుడె వచ్చినదోయీ - పి.సుశీల
  3. కిలకిల నగవుల నవమోహిని ప్రియకామినీ సాటిలేని సొగసుల గజగామినీ - ఘంటసాల - రచన: దాశరధి కృష్ణమాచార్య
  4. కొండలన్నీ వెదికేను కోనలన్నీ తిరిగేను సఖియా - ఘంటసాల, ఎస్. జానకి - రచన: దాశరధి కృష్ణమాచార్య
  5. బంగారు బండిలో వజ్రాల బొమ్మతో బలేబలే రాజులా - ఎస్. జానకి

మూలాలు[మార్చు]

  1. సంపాదకుడు, ఆంధ్రప్రభ (10 August 1967). "వసంతసేన ప్రత్యేకానుబంధ". ఆంధ్రప్రభ దినపత్రిక: 8. Retrieved 20 August 2016.
  • ఘంటసాల గళామృతము బ్లాగు - కొల్లూరి భాస్కరరావు, ఘంటసాల సంగీత కళాశాల, హైదరాబాద్ - (చల్లా సుబ్బారాయుడు సంకలనం ఆధారంగా)
  • సి.హెచ్.రామారావు: ఘంటసాల 'పాట'శాల అనే పాటల సంకలనం నుంచి.