పద్మిని (నటి)

పద్మిని
జననం	(1932-06-12)1932 జూన్ 12 తిరువనంతపురం, ట్రావన్కోర్, కేరళ
మరణం	2006 సెప్టెంబరు 25(2006-09-25) (వయసు 74) చెన్నై, తమిళనాడు
వృత్తి	నటి, నృత్యకళాకారిణి
జీవిత భాగస్వామి	రామచంద్రన్
పిల్లలు	ప్రేమానంద
తల్లిదండ్రులు	గోపాల పిళ్లై (తండ్రి) సరస్వతమ్మ (తల్లి)

పద్మిని ప్రముఖ సినిమా నటి, నర్తకి. ఈమె భరతనాట్యంలో శిక్షణ తీసుకుంది. ఈమె, ఈమె సోదరీమణులు లలిత, రాగిణి ముగ్గురూ కలిసి ట్రావన్‌కోర్ సిస్టర్స్గా ప్రసిద్ధి చెందారు.

విశేషాలు

ఈమె 1932, జూన్ 12వ తేదీన జన్మించింది. ఈమె తొలిసారి తన 14వయేట కల్పన అనే హిందీ సినిమాలో నర్తకిగా నటించింది. తరువాత 30 సంవత్సరాలు తెలుగు, తమిళ, హిందీ, మళయాల భాషలలో సుమారు 250 సినిమాలలో నటించింది. ఈమె శివాజీ గణేశన్, ఎం.జి.రామచంద్రన్, ఎన్.టి.రామారావు, రాజ్‌ కపూర్, షమ్మీ కపూర్, ప్రేమ్‌ నజీర్, రాజ్‌కుమార్, జెమినీ గణేశన్ వంటి పెద్ద నటులతో కలిసి నటించింది. ఎక్కువగా శివాజీ గణేశన్‌తో 59 చిత్రాలలో నటించింది.

ఈమె అమెరికాలో స్థిరపడిన రామచంద్రన్ అనే డాక్టరును 1961లో వివాహం చేసుకుని తాత్కాలికంగా నటనకు విరామం ఇచ్చి కుటుంబ జీవితంపై, భరతనాట్యంపై దృష్టిని కేంద్రీకరించింది. 1977లో న్యూ జెర్సీలో శాస్త్రీయ నృత్యశిక్షణ కొరకు పద్మిని స్కూల్ ఆఫ్ ఫైన్ ఆర్ట్స్ అనే పేరుతో ఒక డ్యాన్స్ స్కూలును ప్రారంభించింది. ప్రస్తుతం ఈ స్కూలు అమెరికాలోని భారత శాస్త్రీయ నృత్య శిక్షణా సంస్థలలో అతి పెద్దదిగా పేరుపొందింది. సినిమా నటి శోభన ఈమె మేనకోడలు.

ఈమె చెన్నై లోని ఒక ప్రైవేటు ఆసుపత్రిలో చికిత్స పొందుతూ 2006, సెప్టెంబరు 24 తేదీన గుండెపోటుతో మరణించింది.

తెలుగు సినిమాల జాబితా

ఈమె నటించిన తెలుగు చలనచిత్రాల పాక్షిక జాబితా:

విడుదలైన సంవత్సరం	సినిమా పేరు	ఇతర నటులు	దర్శకుడు
1950	తిరుగుబాటు	సి.హెచ్. నారాయణరావు, శాంతకుమారి	పి.పుల్లయ్య
1950	బీదలపాట్లు	చిత్తూరు నాగయ్య, లలిత	కె.రామనాథ్
1951	ఆడ జన్మ	సి.హెచ్. నారాయణరావు, బి.ఎస్.సరోజ	జి.ఆర్. రావు
1951	చంద్రవంక	కాంచన్, కనకం
1951	పెళ్లికూతురు	ఎన్.ఎస్.కృష్ణన్, లలిత	ఎన్.ఎస్.కృష్ణన్
1952	కాంచన	కె.ఆర్.రామస్వామి, లలిత	ఎస్.ఎం.శ్రీరాములు
1952	ధర్మ దేవత	శాంతకుమారి, రేలంగి వెంకట్రామయ్య	పి.పుల్లయ్య
1952	సింగారి	టి.ఆర్.రామచంద్రన్, లలిత, రాగిణి
1953	అమ్మలక్కలు	ఎన్.టి.రామారావు, లలిత	డి.యోగానంద్
1953	ఒక తల్లి పిల్లలు	టి.ఎస్.దొరైరాజు, లలిత	ఎ.ఎన్.ఎ.స్వామి
1953	ప్రపంచం	చిత్తూరు నాగయ్య, జి.వరలక్ష్మి	ఎస్.ఎల్.రామచంద్రన్
1954	అమర సందేశం	అమర్‌నాథ్, శ్రీరంజని	ఆదుర్తి సుబ్బారావు
1955	అంతా ఇంతే	శివాజీ గణేషన్, లలిత, రాగిణి	ఆర్.ఎం.కృష్ణస్వామి
1955	విజయగౌరి	ఎన్.టి.రామారావు, లలిత, రాగిణి	డి.యోగానంద్
1956	అమరజీవి	శివాజీ గణేషన్, సావిత్రి	టి.ప్రకాశరావు
1956	సాహస వీరుడు	ఎం.జి.రామచంద్రన్, పి.భానుమతి	డి.యోగానంద్
1958	వీరప్రతాప్	శివాజీ గణేశన్	టి.ప్రకాశరావు
1959	గొప్పింటి అమ్మాయి	శివాజీ గణేశన్, రాజసులోచన
1959	వీరపాండ్య కట్టబ్రహ్మన	శివాజీ గణేశన్, ఎస్.వరలక్ష్మి	బి.ఆర్.పంతులు
1960	దేసింగురాజు కథ	ఎం.జి.రామచంద్రన్, పి.భానుమతి	పి.ఆర్.రఘునాథ్
1961	అనుమానం	శివాజీ గణేశన్	కృష్ణన్ - పంజు
1961	కత్తిపట్టిన రైతు	ఎం.జి. రామచంద్రన్	ఎ.ఎస్.ఎ.స్వామి
1961	కన్యకా పరమేశ్వరీ మహత్మ్యం	శివాజీ గణేశన్	ఎ.ఎస్.ఎ.స్వామి
1961	మాయా మశ్చీంద్ర	నిరూపా రాయ్	బాబూభాయ్ మిస్త్రీ
1962	ఏకైక వీరుడు	ఎం.జి.రామచంద్రన్, అంజలీదేవి	నటేశన్
1962	స్త్రీ జీవితం	శివాజీ గణేశన్, రాగిణి	ఆర్.ఎస్.మణి
1963	రాణీ సంయుక్త	ఎం.జి.రామచంద్రన్, రాగిణి	డి.యోగానంద్
1966	మోహినీ భస్మాసుర	ఎస్వీ.రంగారావు, కాంతారావు	బి.ఎ.సుబ్బారావు
1967	ముద్దు పాప	శివాజీ గణేశన్	కె.ఎస్.గోపాలకృష్ణ
1967	వసంత సేన	అక్కినేని నాగేశ్వరరావు	బి.ఎస్.రంగా
1968	విజయకోట వీరుడు	జెమినీ గణేశన్, వైజయంతిమాల	ఎస్.ఎస్.వాసన్
1969	రాజ్యకాంక్ష	జెమినీ గణేశన్, రాగిణి	జి.విశ్వనాథం

బయటి లింకులు

• ఇంటర్నెట్ మూవీ డేటాబేసు లో పద్మిని పేజీ