అక్టోబర్ 2008

అక్టోబర్ 1, 2008 (2008-10-01) (బుధవారము)

భారత్‌కు చెందిన కృష్ణమ్మాళ్, శంకరలింగంజగన్నాథన్ దంపతులకు ప్రత్యమ్నాయ నోబెల్ బహుమతిగా పేరుపొందిన రైట్ లివ్లీహుడ్ అవార్డు లభించింది. ఢిల్లీ మెట్రో రైల్వే కార్పోరేషన్ మేనేజింగ్ డైరెక్టర్ శ్రీధరన్‌కు లాల్ బహదూర్ శాస్త్రి జాతీయ పురస్కారం లభించింది.

అక్టోబర్ 2, 2008 (2008-10-02) (గురువారము)

భారత్-అమెరికా అణుఒప్పందానికి అమెరికా సెనేట్ ఆమోదముద్ర వేసింది. కార్పోరేట్ వ్యవహారాల ఉత్తమ నిర్వహణకుగాను రిలయెన్స్ ఇండస్ట్రీస్‌కు 2008 సంవత్సరపు బంగారు నెమలి అవార్డు లభించింది. దక్షిణ ఆఫ్రికా మాజీ స్పిన్నర్ పాల్ ఆడమ్స్ అన్ని రకాల క్రికెట్ క్రీడకు రిటైర్‌మెంట్ ప్రకటించాడు. అంతర్జాతీయ క్రికెట్ నుంచి 2004లోనే రిటైర్ అయ్యాడు. స్టట్‌గార్డ్‌లో జరుగుతున్న జర్మనీ ఓపెన్ టెన్నిస్ మహిళ సింగిల్స్‌లో ప్రపంచ నెంబర్ వన్ క్రీడాకారిణి సెరెనా విలియమ్స్ రెండో రౌండ్ లోనే చైనాకు చెందిన స్టార్ లీ నా చేతిలో పరాజయం పొందింది.

అక్టోబర్ 3, 2008 (2008-10-03) (శుక్రవారము)

సింగూరు నుంచి టాటా నానో కారు ప్రాజెక్టును వేరేచోటుకు తరలిస్తున్నట్లు రతన్ టాటా ప్రకటించాడు. ప్రముఖ చార్టర్డ్ అక్కౌంటెట్, బిర్లా వ్యాపార సామ్రాజ్యానికి వారసుడైన ఆర్.ఎస్.లోధా లండన్ లో మరణించాడు. పశ్చిమ గోదావరి జిల్లా పోలవరం అసెంబ్లీ నియోజకవర్గం మాజీ శాసనసభ్యుడు బాడిన దుర్గారావు మరణం. జమ్ము కాశ్మీర్ లో భద్రతాదళాలకు, ఉగ్రవాదులకు మద్య 9 రోజులనుంచి కొనసాగుతున్న ఎన్‌కౌంటర్ ముగుసింది. స్టేట్ బ్యాంక్ ఆఫ్ హైదరాబాదు ఛీప్ జనరల్ మేనేజర్‌గా అశోక్ నాయర్ నియమితులైనాడు. ఆంధ్ర ప్రదేశ్ కు చెందిన జూనియర్ వెయిట్ లిఫ్టింగ్ క్రీడాకారిణి ప్రమీలవల్లిపై జీవితకాల నిషేధం విధించబడింది. కెరీర్‌లో రెండో సారి డోపింగ్‌కు పాల్బడినట్లు తేలడంతో ఈ చర్య తీసుకున్నారు.

అక్టోబర్ 4, 2008 (2008-10-04) (శనివారము)

హైదరాబాదు నుంచి షిర్డీ వెళుతున్న లగ్జరీ బస్సు మహారాష్ట్రలో బోల్టా పడి ముగ్గురు మృతి చెందగా, 8 మంది గాయపడ్డారు. అసోంలో ఉదల్‌గురి జిల్లాలో బోడోలకు, అక్రమంగా ప్రవేశించిన బంగ్లాదేశీయులకు మధ్య జరిగిన ఘర్షణలో 16మంది మృతిచెందారు. 1993లో సూరత్ లో జరిగిన బాంబుపేలుళ్ళ కేసులో గుజరాత్ మాజీ మత్స్యశాఖామంత్రి మహ్మద్ సుర్తీని దోషిగా ప్రత్యేక కోర్టు గుర్తించింది. జర్మనీలో జరుగుతున్న బిట్‌బర్గర్ ఓపెన్ బ్యాడ్మింటన్‌లో భారత్ కు చెందిన చేతన్ ఆనంద్ ఫైనల్లోకి ప్రవేశించాడు. టోక్యోలో జరుగుతున్న జపాన్ ఓపెన్ టోర్నీ డబుల్స్‌లో డౌలీతో జతకట్టిన లియాండర్ పేస్ ఫైనల్లోకి ప్రవేశించాడు.

అక్టోబర్ 5, 2008 (2008-10-05) (ఆదివారము)

అమెరికాలో అతిపెద్ద తెలుగు సంఘం అయిన తానాలో ఆధిపత్య పోరు కొనసాగుతోంది. 20మంది కార్యవర్గ సభ్యులను బహిష్కరిస్తూ తానా అద్యక్షుడు కాకర్ల ప్రభాకర చౌదరి తీర్మానం చేశాడు. మాజీ మంత్రి అయిన మరడాని రంగారావు తెలుగుదేశం పార్టీకి రాజీనామా చేశాడు. చోడవరం శాసనసభ్యుడు గంటా శ్రీనివాసరావు తెలుగుదేశం పార్టీకి రాజీనామా సమర్పంచాడు. జర్మనీలో జరిగిన బిట్‌బర్గర్ గ్రాండ్ ప్రి బ్యాడ్మింటన్ సింగిల్స్‌లో చేతన్ ఆనంద్ టైటిల్ సాధించాడు. చేతన్ ఆనంద్ భార్య గుత్తా జ్వాల మిక్స్‌డ్ డబుల్స్‌లో విజయం సాధించింది. షేన్ వార్న్ ప్రకటించిన 100 గొప్ప క్రికెటర్ల జాబితాలో భారత్‌కు చెందిన నలుగురు స్థానం సంపాదించారు. సచిన్ టెండుల్కర్, వి.వి.ఎస్.లక్ష్మణ్, సౌరవ్ గంగూలీ మరియు రాహుల్ ద్రవిడ్ లకు చోటుదక్కింది. అహ్మదాబాదులో జరిగిన మహిళల ఛాలెంజర్ ట్రోఫీ క్రికెట్‌ను ఇండియా-బి జట్టు గెలిచుకుంది.

అక్టోబర్ 6, 2008 (2008-10-06) (సోమవారము)

2008 సంవత్సరపు వైద్యశాస్త్ర నోబెల్ బహుమతి ఫ్రాంకోయిస్ బారీ సినొసీ (ఫ్రాన్స్), లక్ మాంటెగ్నియర్ (ఫ్రాన్స్), జుర్ హాసెన్ (జర్మనీ) లకు ప్రకటంచారు. పర్యావరణ పరిరక్షణకై కృషిచేసిన వారికి ప్రధానం చేసే హీరోస్ ఆఫ్ ఎన్విరాన్‌మెంట్ అవార్డు పంజాబ్ కు చెందిన బల్ బీర్‌సింగ్‌కు లభించింది. టిబెట్టు, కిర్గిస్తాన్ ప్రాంతాలలో భూకంపం సంభవించి 100 మందికిపైగా మృతిచెందారు.

అక్టోబర్ 7, 2008 (2008-10-07) (మంగళవారము)

సౌరవ్ గంగూలీ ఆస్ట్రేలియా సీరీస్ అనంతరం క్రికెట్ నుంచి రిటైరౌతానని ప్రకటించాడు. 2008 సంవత్సరపు భౌతికశాస్త్ర నోబెల్ బహుమతి మకోటో కోబయాషి (జపాన్), తోషిహిడే మస్కావా(జపాన్), యోచిరో నంబు (అమెరికా) లకు ప్రకటించారు.