ఎస్సీవీ నాయుడు

ఎస్సీవీ నాయుడు
నియోజకవర్గము	శ్రీకాళహస్తి, చిత్తూరు జిల్లా
వ్యక్తిగత వివరాలు
రాజకీయ పార్టీ	కాంగ్రెస్ పార్టీ
సంతానము	శ్రీకాంత్
నివాసము	శ్రీకాళహస్తి
మతం	హిందు

ఎస్సీవీ నాయుడు గా పేరుగాంచిన శాఖమూరి చెంచు వెంకటసుబ్రహ్మణ్యం నాయుడు చిత్తూరు జిల్లా శ్రీకాళహస్తికి చెందిన రాజకీయ నాయకుడు. 2004 శాసనసభ ఎన్నికల్లో కాంగ్రెస్ పార్టీ తరఫున శాసనసభ్యుడిగా ఎన్నికయ్యాడు.

ఆయన తల్లిదండ్రులు చెంచుపాపానాయుడు, జ్ఞానమ్మ. శ్రీకాళహస్తి ఫ్రభుత్వ కళాశాలలో 1973-75 మధ్యలో ఇంటర్మీడియట్ చదివాడు. ప్రస్తుతం శ్రీకాళహస్తిలో నివాసముంటున్నాడు. ఎస్సీవీ కేబుల్ నెట్‌వర్క్ యజమాని.

రాజకీయ జీవితం

మొదటగా తెలుగుదేశం పార్టీకి చెందిన బొజ్జల గోపాలకృష్ణారెడ్డి అనుచరుడిగా రాజకీయ జీవితాన్ని ప్రారంభించాడు. 2004 ఎన్నికల్లో కాంగ్రెస్ లోకి మారి తన రాజకీయ గురువుపైనే పోటీ చేసి గెలుపొందాడు. మరల 2009 ఎన్నికల్లో గోపాలకృష్ణారెడ్డి చేతిలో పరాజయం పాలయ్యాడు.