పింగళి చైతన్య

వికీపీడియా నుండి
Jump to navigation Jump to search
పింగళి చైతన్య
Chaithanya Pingali.jpg
జననంపింగళి చైతన్య
ప్రసిద్ధులుతెలుగు కథ మరియు సినిమా రచయిత్రి.
జీవిత భాగస్వామిబాలగంగాధర తిలక్‌
పిల్లలుఖుదీరాంబోస్‌
తల్లిదండ్రులు
బంధువులుపింగళి వెంకయ్య
Notes

పింగళి చైతన్య తెలుగు కథ మరియు సినిమా రచయిత్రి. ఆమెకు కేంద్ర సాహిత్య అకాడమీ యువ పురస్కారం 2016 లభించింది.[1] ఫిదా మరియు నేల టికెట్టు సినిమాలకు పాటలు కూడా రాసింది.

జీవిత విశేషాలు[మార్చు]

చైతన్య పుట్టింది విజయవాడ అయినా పెరిగింది కోదాడ దగ్గర నందిగామలో. ఆమె భారతదేశ జాతీయ పతాక రూపకర్త మరియు స్వాతంత్ర్యసమరయోధుడు పింగళి వెంకయ్య మునిమనవరాలు. ఆమె తండ్రి ప్రముఖ పాత్రికేయులు పింగళి దశరధరామ్. ఆయన "ఎన్‌కౌంటర్‌" పత్రిక ద్వారా తెలుగునాట సంచలనం సృష్టించిన వ్యక్తి.

రచనా ప్రస్థానం[మార్చు]

చైతన్య రచించిన ‘చిట్టగాంగ్‌ విప్లవ వనితలు’ అనే కథల సంపుటి అవార్డుకు ఎంపికయింది. ఆమె ప్రయోగాత్మక కథా రచనలో విమర్శకుల ప్రసంశలను అందుకొన్నారు. పురస్కార గ్రహీతకు మెమొంటో, 50 వేలు నగదు అందజేస్తారు.[2] దేశవ్యాప్తంగా 24 భాషలకు సంబంధించి 24 మంది యువ రచయితలకు ఈ పురస్కారం ప్రకటించారు. అకాడమీ చైర్మన్ విశ్వనాథ్‌ప్రసాద్ తివారీ నేతృత్వంలో ఇంఫాల్‌లో జరిగిన సమావేశంలో ఈ అవార్డుల ఎంపిక జరిగింది.[3]

తండ్రి పింగళి దశరథరామ్ సోషలిస్టు. చైతన్య చిన్నప్పుడే ఆయన హత్యకు గురయ్యారు. ఇప్పటివరకు చైతన్య రెండు పుస్తకాలు రాసింది. ఒకటి చిట్టాగాంగ్ విప్లవ వనితలు, రెండోది మనససులో వెన్నెల. ఈమె విజయవిహారం పత్రికలో కొంతకాలం పనిచేసింది[4].

సినిమా రంగం[మార్చు]

శేఖర్ కమ్ముల దర్శకత్వంలో వరుణ్ తేజ్ నటించిన ఫిదాకి కో-రైటర్‌గా చేసింది. అంతేకాకుండా ఫిదా సినిమాలో 'ఊసుపోదు ఊరుకోదు', 'ఫిదా ఫిదా' మరియు నేల టికెట్ సినిమాలో 'బిజిలి', 'విన్నానులే' వంటి పాటలు రాసింది.

రచనలు[మార్చు]

  • చిట్టగాంగ్ విప్లవ వనితలు.[5]
  • మనసులో వెన్నెల[6]

మూలాలు[మార్చు]

  1. "Chaitanya, Subba Rao win Sahitya Awards". Indian Express. 17 June 2016. Retrieved 18 June 2016. Cite news requires |newspaper= (help)
  2. పింగళి చైతన్యకు యువ పురస్కారం 17-06-2016
  3. పింగళి చైతన్యకు ‘యువ పురస్కార్’ Sakshi | Updated: June 17, 2016
  4. చిట్టగాంగ్ విప్ల‌వ చైత‌న్యం
  5. చిట్టగాంగ్ విప్లవ వనితల పుస్తక పరిచయం
  6. మనసులో వెన్నెల పుస్తక పరిచయం

ఇతర లింకులు[మార్చు]