పెరవలి (గుంటూరు)

వికీపీడియా నుండి
Jump to navigation Jump to search
పెరవలి (గుంటూరు)
—  రెవిన్యూ గ్రామం  —
రాష్ట్రం ఆంధ్ర ప్రదేశ్
జిల్లా గుంటూరు
మండలం వేమూరు
ప్రభుత్వము
 - సర్పంచి శ్రీమతి లంకపల్లి వేణమ్మ
జనాభా (2011)
 - మొత్తం 3,663
 - పురుషుల సంఖ్య 1,814
 - స్త్రీల సంఖ్య 1,849
 - గృహాల సంఖ్య 1,144
పిన్ కోడ్ 522261
ఎస్.టి.డి కోడ్
  ?పెరవలి
ఆంధ్ర ప్రదేశ్ • భారతదేశం
అక్షాంశరేఖాంశాలు: (అక్షాంశరేఖాంశాలు కనుక్కోండి)[[వర్గం: ఆంధ్ర ప్రదేశ్ అక్షాంశరేఖాంశాలు అవసరమైన వ్యాసాలు|పెరవలి (గుంటూరు)]]
కాలాంశం భాప్రాకా (గ్రీ.కా+5:30)
జిల్లా(లు) గుంటూరు జిల్లా జిల్లా
తాలూకాలు వేమూరు


పెరవలి, గుంటూరు జిల్లా, వేమూరు మండలానికి చెందిన గ్రామము. ఇది మండల కేంద్రమైన వేమూరు నుండి 8 కి. మీ. దూరం లోను, సమీప పట్టణమైన తెనాలి నుండి 18 కి. మీ. దూరంలోనూ ఉంది. 2011 భారత జనగణన గణాంకాల ప్రకారం ఈ గ్రామం 1144 ఇళ్లతో, 3663 జనాభాతో 1852 హెక్టార్లలో విస్తరించి ఉంది. గ్రామంలో మగవారి సంఖ్య 1814, ఆడవారి సంఖ్య 1849. షెడ్యూల్డ్ కులాల సంఖ్య 562 కాగా షెడ్యూల్డ్ తెగల సంఖ్య 145. గ్రామం యొక్క జనగణన లొకేషన్ కోడ్ 590407[1].పిన్ కోడ్: 522261. ఎస్.టి.డి.కోడ్ = 08644.

[2]

An old temple at peravali
An old script in temple

విషయ సూచిక

గ్రామ చరిత్ర[మార్చు]

ఆంధ్ర ప్రదేశ్ రాజధాని ప్రాంత అభివృద్ధి ప్రాధికార సంస్థ (సీఆర్‌డీఏ) పరిధిలోకి వస్తున్న మండలాలు, గ్రామాలను ప్రభుత్వం విడిగా గుర్తిస్తూ ఉత్తర్వులు జారీచేసింది. ప్రస్తుతం గుర్తించిన వాటిలోని చాలా గ్రామాలు వీజీటీఎం పరిధిలో ఉన్నాయి. గతంలో వీజీటీఎం పరిధిలో ఉన్న వాటితోపాటుగా ఇప్పుడు మరిన్ని కొన్ని గ్రామాలు చేరాయి. సీఆర్‌డీఏ పరిధిలోకి వచ్చే గుంటూరు, కృష్ణా జిల్లాల్లోని మండలాలు, గ్రామాలను గుర్తిస్తూ పురపాలక శాఖ ముఖ్య కార్యదర్శి ఉత్తర్వులు జారీ చేశారు.[3]

గుంటూరు జిల్లా పరిధిలోని మండలాలు[మార్చు]

తాడేపల్లి, మంగళగిరి, తుళ్లూరు, దుగ్గిరాల, తెనాలి, తాడికొండ, గుంటూరు మండలం, చేబ్రోలు, మేడికొండూరు, పెదకాకాని, వట్టిచెరుకూరు, అమరావతి, కొల్లిపర, వేమూరు, కొల్లూరు, అమృతలూరు, చుండూరు మండలాలతో పాటు ఆయా మండలాల పట్టణ ప్రాంతం కూడా సీఆర్‌డీఏ పరిధిలోకి వస్తుంది.

గ్రామ భౌగోళికం[మార్చు]

తెనాలి నుంచి 18.4 కి.మ దూరంలో ఉంది.

సమీప గ్రామాలు[మార్చు]

పెరవలిపాలెం 3 కి.మీ, ముల్పూరు 3 కి.మీ, పెదపూడి 4 కి.మీ, చెంపాడు 5 కి.మీ, అబ్బనగూడవల్లి 5 కి.మీ

సమీప మండలాలు[మార్చు]

ఉత్తరాన వేమూరు మండలం, తూర్పున భట్టిప్రోలు మండలం, దక్షణాన చెరుకుపల్లి మండలం, తూర్పున కొల్లూరు మండలం

విద్యా సౌకర్యాలు[మార్చు]

గ్రామంలో ప్రభుత్వ ప్రాథమిక పాఠశాలలు మూడు, ప్రభుత్వ ప్రాథమికోన్నత పాఠశాల ఒకటి, ప్రభుత్వ మాధ్యమిక పాఠశాల ఒకటి ఉన్నాయి. సమీప బాలబడి వేమూరులో ఉంది. సమీప జూనియర్ కళాశాల వేమూరులోను, ప్రభుత్వ ఆర్ట్స్ / సైన్స్ డిగ్రీ కళాశాల తెనాలిలోనూ ఉన్నాయి. సమీప మేనేజిమెంటు కళాశాల వడ్లమూడిలోను, వైద్య కళాశాల, పాలీటెక్నిక్‌లు గుంటూరులోనూ ఉన్నాయి. సమీప వృత్తి విద్యా శిక్షణ పాఠశాల కొల్లూరులోను, అనియత విద్యా కేంద్రం తెనాలిలోను, దివ్యాంగుల ప్రత్యేక పాఠశాల గుంటూరు లోనూ ఉన్నాయి.

వైద్య సౌకర్యం[మార్చు]

ప్రభుత్వ వైద్య సౌకర్యం[మార్చు]

పెరవలిలో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఒకరు పారామెడికల్ సిబ్బంది ఉన్నారు. ఒక పశు వైద్యశాలలో ఒక డాక్టరు, ఒకరు పారామెడికల్ సిబ్బందీ ఉన్నారు. డిస్పెన్సరీ గ్రామం నుండి 5 కి.మీ. లోపు దూరంలో ఉంది. సమీప సామాజిక ఆరోగ్య కేంద్రం, ప్రాథమిక ఆరోగ్య కేంద్రం గ్రామం నుండి 5 నుండి 10 కి.మీ. దూరంలో ఉన్నాయి. మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, సంచార వైద్య శాల, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం[మార్చు]

గ్రామంలో2 ప్రైవేటు వైద్య సౌకర్యాలున్నాయి. డిగ్రీ లేని డాక్టర్లు ఇద్దరు ఉన్నారు. మూడు మందుల దుకాణాలు ఉన్నాయి.

తాగు నీరు[మార్చు]

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది.

పారిశుధ్యం[మార్చు]

మురుగునీరు బహిరంగ కాలువల ద్వారా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా కూడా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామం సంపూర్ణ పారిశుధ్య పథకం కిందకు రావట్లేదు. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు[మార్చు]

పెరవలిలో సబ్ పోస్టాఫీసు సౌకర్యం ఉంది. పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు గ్రామానికి 5 నుండి 10 కి.మీ. దూరంలో ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామానికి 5 నుండి 10 కి.మీ. దూరంలో ఉన్నాయి. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. ప్రైవేటు బస్సు సౌకర్యం, రైల్వే స్టేషన్, ట్రాక్టరు సౌకర్యం మొదలైనవి గ్రామానికి 5 నుండి 10 కి.మీ. దూరంలో ఉన్నాయి. జిల్లా రహదారి గ్రామం నుండి 5 నుండి 10 కి.మీ. దూరంలో ఉంది. జాతీయ రహదారి, రాష్ట్ర రహదారి, ప్రధాన జిల్లా రహదారి గ్రామం నుండి 10 కి.మీ.కి పైబడిన దూరంలో ఉన్నాయి. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.

మార్కెటింగు, బ్యాంకింగు[మార్చు]

గ్రామంలో వాణిజ్య బ్యాంకు, వ్యవసాయ పరపతి సంఘం ఉన్నాయి. గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. ఏటీఎమ్, సహకార బ్యాంకు గ్రామం నుండి 5 నుండి 10 కి.మీ. దూరంలో ఉన్నాయి. రోజువారీ మార్కెట్, వారం వారం సంత గ్రామం నుండి 5 నుండి 10 కి.మీ. దూరంలో ఉన్నాయి. వ్యవసాయ మార్కెటింగ్ సొసైటీ గ్రామం నుండి 10 కి.మీ.కి పైబడిన దూరంలో ఉంది.

ఆరోగ్యం, పోషణ, వినోద సౌకర్యాలు[మార్చు]

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో పబ్లిక్ రీడింగ్ రూం ఉంది. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ స్టేషన్, జనన మరణాల నమోదు కార్యాలయం ఉన్నాయి. గ్రంథాలయం గ్రామం నుండి 5 కి.మీ.లోపు దూరంలో ఉంది. ఆటల మైదానం గ్రామం నుండి 5 నుండి 10 కి.మీ. దూరంలో ఉంది. సినిమా హాలు గ్రామం నుండి 10 కి.మీ.కి పైబడిన దూరంలో ఉంది.

విద్యుత్తు[మార్చు]

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 6 గంటల పాటు వ్యవసాయానికి, 12 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం[మార్చు]

పెరవలిలో భూ వినియోగం కింది విధంగా ఉంది:

  • వ్యవసాయేతర వినియోగంలో ఉన్న భూమి: 104 హెక్టార్లు
  • వ్యవసాయం సాగని, బంజరు భూమి: 5 హెక్టార్లు
  • తోటలు మొదలైనవి సాగవుతున్న భూమి: 399 హెక్టార్లు
  • వ్యవసాయం చేయదగ్గ బంజరు భూమి: 589 హెక్టార్లు
  • నికరంగా విత్తిన భూమి: 754 హెక్టార్లు
  • నీటి సౌకర్యం లేని భూమి: 5 హెక్టార్లు
  • వివిధ వనరుల నుండి సాగునీరు లభిస్తున్న భూమి: 748 హెక్టార్లు

నీటిపారుదల సౌకర్యాలు[మార్చు]

పెరవలిలో వ్యవసాయానికి నీటి సరఫరా కింది వనరుల ద్వారా జరుగుతోంది.

  • కాలువలు: 748 హెక్టార్లు

గ్రామములోని మౌలిక సదుపాయాలు[మార్చు]

బ్యాంకులు[మార్చు]

ఆంధ్రా బ్యాంకు. ఫోన్ నం.08644/257223.

త్రాగునీటి సౌకర్యo[మార్చు]

ఈ గ్రామములో ఉత్తర భాగం మూడు వంతులు, దక్షిణ భాగం ఒక వంతు మంచి నీరు ఉంది.

గ్రామ పంచాయతీ[మార్చు]

దాది వెంకట లక్ష్మి రాజ్యం గారు సర్పంచ్గా 2007 - 2011 వరకు పనిచేసారు. 2013 జూలైలో ఈ గ్రామ పంచాయతీకి జరిగిన ఎన్నికలలో శ్రీమతి లంకపల్లి వేణమ్మ, సర్పంచిగా ఏకగ్రీవంగా ఎన్నికైనారు. [4]

గ్రామములోని దర్శనీయ ప్రదేశములు/దేవాలయములు[మార్చు]

పెరవలి గ్రామ ప్రత్యేకతలు[మార్చు]

పెరవలి పంచవాలి క్షేత్రాలలో ఒకటిగా చరిత్రకారుల అభిప్రాయం. ఎందుకనగా పంచావళి గ్రామములో పెరవలి కూడా ఉంది. పంచావళి గ్రామములు 1.మున్నంగి,2.జంపని,3.పెరవలి,4.గూడవల్లి,5.ఈదురపల్లి.

శ్రీ భ్రమరాంబా సమేత శ్రీమల్లేశ్వరస్వామివారి ఆలయం (శివాలయం)[మార్చు]

ఈ ఆలయంలో ప్రతి సంవత్సరం, మహాశివరాత్రి ఉత్సవాలు వైభవంగా నిర్వహించెదరు. [7]

శ్రీ భూ సమేత శ్రీ కేశవ మాధవ స్వామి ఆలయం[మార్చు]

ఈ ఆలయం వెయ్యి సంవత్సరాల క్రితం నిర్మించారు. ఈ ఆలయం నాలుగు సంవత్సరాల క్రితమే దుస్థితికి చేరడంతో, అక్కడ ధూప,దీప, నైవేద్యాలు నిలుపుచేసారు. రెండేళ్ళనుండి ప్రాంగణంలో బాలాలయం నిర్మించి, అక్కడ పూజలు చేస్తున్నారు. ఇప్పుడు స్థానికులు దేవాదాయ శాఖ అధికారులను సంప్రదించి, ఆలయ పునర్నిర్మాణానికి పూనుకున్నారు. దేవాలయం, కళ్యాణమండపం, ప్రహరీ వగైరాలు కలిపి, ఒక కోటి రూపాయల నిధులు అవసరమని అంచనా వేసినారు. [5] ఈ ఆలయ సంప్రోక్షణ, దేవతామూర్తుల విగ్రహాల స్థాపన కార్యక్రమాన్ని, 2017,మార్చి-14వతేదీ సోమవారంనాడు ఘనంగా నిర్వహించారు. వేదపండితుల మంత్రోచ్ఛారణల మధ్య ధ్వజస్తంభాన్నీ మరియు స్వామివారి విగ్రహాన్నీ ప్రతిష్ఠించారు. ఈ కార్యక్రమానికి వందలాదిమంది భక్తులు విచ్చేసి, విశేషపూజలు చేసి, తీర్థ ప్రసాదాలు స్వీకరించారు. [8]

శ్రీ అంకమ్మ తల్లి ఆలయం[మార్చు]

ఈ ఆలయంలో 2015,జూన్-6వ తేదీ శనివారంనాడు, అమ్మవారి జాతరను వైభవంగా నిర్వహించారు. స్థానికులు ఉదయంనుండియే, ఆలయానికి చేరుకొని, అమ్మవారికి విశేషపూజలు నిర్వహించి, పొంగళ్ళువండి, నైవేద్యాలు సమర్పించారు, మొక్కులు తీర్చుకునారు. ఆలయం ముందు మేళతాళాలతో సాంస్కృతిక కార్యక్రమాలు నిర్వహించారు. [6]

గ్రామంలో ప్రధాన పంటలు[మార్చు]

పెరవలి గ్రామమములో అన్ని రకముల పంటలు పండును. ముఖ్యముగా వరి, మినుము, మొక్కజొన్న పంటలను సాగు చేస్తారు.

గ్రామంలో ప్రధాన వృత్తులు[మార్చు]

వ్యవసాయం, వ్యవసాయాధారిత వృత్తులు

గ్రామ ప్రముఖులు[మార్చు]

  • ఆంధ్ర విశ్వవిద్యాలయం ఉపకులపతి (వైస్ ఛాన్సలర్)గా పనిచేసిన లంకపల్లి బుల్లయ్య ఈ గ్రామములో జన్మించారు. భారతదేశంలోనే మొట్టమొదట దళిత ఉపకులపతిగా నియమించ బడ్డారు.
  • శ్రీ లంకపల్లి బుల్లయ్యగారి సతీమణి శ్రీమతి సంయుక్త, ఎం.ఎల్.సి. గానూ, గృహనిర్మాణ సంస్థ ఛైర్మనుగానూ పనిచేశారు. ఈమె తన 86వ ఏట, హైదరాబాదులోని తమ స్వగృహంలో డిసెంబరు-24,2013న, పరమపదించారు. [3]
  • హైకోర్ట్ మాజీ చీఫ్ జడ్జి ఆవుల సాంబశివరావు పెరవలి గ్రామములో చదువుకున్నారు.
  • పెరవలి గ్రామములో, మాజీముఖ్యమంత్రి కొణిజేటి రోశయ్య గారు, చెరువు బుచ్చిరామయ్య జిల్లా ఉన్నత పాఠశాలలో చదివారు.
  • ఈ గ్రామమునకు చెందిన దాది వెంకట లక్ష్మిరాజ్యం గారు, వేమూరు మండల పరిషత్ అధ్యక్షురాలిగా పనిచేసారు.
  • జొన్నకూటి ఆదినారాయణ గారు, చాలకాలం గ్రామ సర్పంచుగా మరియు అమర్తులూరు సమితి అధ్యక్షులుగా పనిచేసారు.
  • లంకపల్లి రాఘవయ్య గారు, అమర్తులూరు సమితి అధ్యక్షులుగా పనిచేసారు.
  • వేదాంతం సీతారామచార్యులు గారు, ఆంధ్రప్రదేశ్ వెయిట్ లిఫ్ట్ అసోసియేషన్ ప్రేసిడంట్ గా పనిచేసారు.
  • వేదాంతం దశరథరాము, లిమ్కా బుక్ అఫ్ రికార్డులో పేరు నమోదు చేసారు.
  • అడుసుమల్లి రాధాకృష్ణశాస్త్రి పద్మభూషణ్ గ్రహీత
  • బ్రహ్మశ్రీ తాడేపల్లి వేంకట సుబ్రహ్మణ్య శాస్త్రి గారు, ఆధ్యాత్మిక వేత్త, శ్రీ లలితా సహస్ర నామాలపై - ఒక్కొక్క నామం పైన ఒక్కొక్క శాస్త్రీయ సంగీత సంకీర్తనని రచించి, "శ్రీ లలితా రహస్య నామాకృతులు" విరచించి, వైవిధ్యమైన రాగాలతో స్వరరచనాసృష్టిని కావించిన మహానుభావులు. శ్రీ మాతాశ్రీ సాహిత్య సంగీత సామ్రాట్టుగా పేరుపొందిన బ్రహ్మశ్రీ తాడేపల్లి వేంకట సుబ్రహ్మణ్య శాస్త్రి గారు, ఈ "శ్రీ లలితా రహస్యనామాకృతులు" వీరి జ్యేష్ఠ పుత్రులు, శాస్త్రీయ సంగీత విద్వాంసులు డా.తాడేపల్లి లోకనాథ శర్మ గారు మరియు వీరి సోదరులు తాడేపల్లి రామదాసు గారు ఈ సహస్రనామ సంకీర్తనలను సంగీత ఆధ్యయనం, శిక్షణ, సభల ద్వారా స్వీయంగా గానంచేసి, వర్తమానకాలపు సంగీతశిక్షణ ద్వారా పలు ప్రవర్థమాన గాయకులకు అందజేస్తున్నారు.

• శ్రీమతి సింగంశెట్టి శివనాగేశ్వరమ్మ తన "వ్యవసాయ సంబంధిత హస్తకళా" ప్రతిభతో 'తెలుగు బుక్ ఆఫ్ రికార్డు' లో పేరు నమోదు చేశారు.

గణాంకాలు[మార్చు]

  • 2001 వ.సంవత్సరం జనాభా లెక్కల ప్రకారం గ్రామ జనాభా=3857. ఇందులో పురుషుల సంఖ్య =1920; మహిళల సంఖ్య=1937.,గ్రామంలో నివాసగ్రుహాలు1054 ఉన్నాయి. గ్రామ విస్తీర్ణం=1852 హెక్టారులు.
  • 100 సంవత్సరాల క్రితం గ్రామ జనాభా=400.
  • 2001 జనాభా లెక్కల ప్రకారం గ్రామ జనాభా 3857 గా ఉంది. వీరిలో పురుషుల సంఖ్య 1920 కాగా స్త్రీల సంఖ్య 1937 మంది ఉన్నారు. ఈ సంఖ్య ఇప్పుడు 4300 వరకు ఉండవచ్ఛు. గృహముల సంఖ్య 1054 గా ఉంది. గ్రామములోని వయొజనుల సంఖ్య 2011 జనవరి 1 ప్రకారం 2839 గా ఉంది. *వీరిలో పురుషుల సంఖ్య 1376 కాగా స్త్రీల సంఖ్య 1463 మంది ఉన్నారు.
జనాభా (2011) - మొత్తం 3,663 - పురుషుల సంఖ్య 1,814 - స్త్రీల సంఖ్య 1,849 - గృహాల సంఖ్య 1,144

మూలాలు[మార్చు]

  1. "Office of the Registrar General & Census Commissioner, India - Village amenities of 2011".
  2. భారత ప్రభుత్వం నిర్వహించిన 2011 గణాంకాల జాలగూడు భారత ప్రభుత్వం నిర్వహించిన 2011 గణాంకాల జాలగూడు]
  3. http://crda.ap.gov.in/APCRDA/Userinterface/ADMIN/DynamicHorizantalGovTab.aspx