వీరంకి

వికీపీడియా నుండి
Jump to navigation Jump to search
వీరంకి
—  రెవిన్యూ గ్రామం  —
రాష్ట్రం ఆంధ్ర ప్రదేశ్
జిల్లా కృష్ణా జిల్లా
మండలం పమిడిముక్కల
ప్రభుత్వము
 - సర్పంచి
జనాభా (2011)
 - మొత్తం 1,322
 - పురుషుల సంఖ్య 628
 - స్త్రీల సంఖ్య 694
 - గృహాల సంఖ్య 375
పిన్ కోడ్ 521250
ఎస్.టి.డి కోడ్ 08676

వీరంకి, కృష్ణా జిల్లా, పమిడిముక్కల మండలానికి చెందిన గ్రామము. పిన్ కోడ్: 521 250., ఎస్.టి.డి.కోడ్ = 08676.

విషయ సూచిక

గ్రామ చరిత్ర[మార్చు]

ఆంధ్ర ప్రదేశ్ రాజధాని ప్రాంత అభివృద్ధి ప్రాధికార సంస్థ (సీఆర్‌డీఏ) పరిధిలోకి వస్తున్న మండలాలు, గ్రామాలను ప్రభుత్వం విడిగా గుర్తిస్తూ ఉత్తర్వులు జారీచేసింది. ప్రస్తుతం గుర్తించిన వాటిలోని చాలా గ్రామాలు వీజీటీఎం పరిధిలో ఉన్నాయి. గతంలో వీజీటీఎం పరిధిలో ఉన్న వాటితోపాటుగా ఇప్పుడు మరిన్ని కొన్ని గ్రామాలు చేరాయి. సీఆర్‌డీఏ పరిధిలోకి వచ్చే గుంటూరు, కృష్ణా జిల్లాల్లోని మండలాలు, గ్రామాలను గుర్తిస్తూ పురపాలక శాఖ ముఖ్య కార్యదర్శి ద్వారా ఉత్తర్వులు జారీ అయ్యాయి.[1]

కృష్ణా జిల్లాలోని మండలాలు, గ్రామాలు[మార్చు]

విజయవాడ రూరల్ మండలం పరిధితో పాటు, పట్టణ పరిధిలోకి వచ్చే ప్రాంతం. విజయవాడ అర్బన్ మండలం పరిధిలోని మండలం మొత్తంతో పాటు అర్బన్ ఏరియా కూడా. ఇబ్రహీంపట్నం మండలం మొత్తంతో పాటు అర్బన్ ప్రాంతం, పెనమలూరు మండలం పరిధితో పాటు అర్బన్ ఏరియా, గన్నవరం మండలంతో పాటు అర్బన్ ఏరియా, ఉంగుటూరు మండలంతో పాటు అర్బన్ ఏరియా, కంకిపాడుతో పాటు అర్బన్ ఏరియా, ఉయ్యూరుతో పాటు అర్బన్ ఏరియా, జి.కొండూరు మండలంతో పాటు అర్బన్ ఏరియా, కంచికచర్ల మండలంతో పాటు అర్బన్ ఏరియా, వీరుళ్లపాడు మండలంతో పాటు అర్బన్ ఏరియా, పెనుగంచిప్రోలు మండల పరిధిలోని కొంతభాగంతో పాటు శనగపాడు గ్రామం ఉన్నాయి.

పమిడిముక్కల మండలం[మార్చు]

పమిడిముక్కల మండలం మొత్తం ప్రాంతంతో పాటు, పట్టణ ప్రాంతం కూడా ఉంది.

గ్రామం పేరు వెనుక చరిత్ర[మార్చు]

గ్రామ భౌగోళికం[మార్చు]

[2] సముద్రమట్టానికి 9 మీ.ఎత్తు

సమీప గ్రామాలు[మార్చు]

పమిడిముక్కల 2 కి.మీ, హనుమంతపురం 3 కి.మీ, కపిలేశ్వరపురం 3 కి.మీ, కనకవల్లి 3 కి.మీ, ముల్లపూడి 4 కి.మీ

సమీప మండలాలు[మార్చు]

వుయ్యూరు, కొల్లిపర, పామర్రు, తోట్లవల్లూరు

గ్రామానికి రవాణా సౌకర్యాలు[మార్చు]

ఈ గ్రామములో బందరు కాలువ వంతెనపై రు. 1.1 కోట్లతో నిర్మించతలపెట్టిన వంతేన పనులను, 2015, మే నెల-10వ తేదీనాడు ప్రారంబించారు. [2]

గ్రామంలో విద్యా సౌకర్యాలు[మార్చు]

మండల పరిషత్ ప్రాథమిక పాఠశాల, వీరంకి

గ్రామములోని మౌలిక సదుపాయాలు[మార్చు]

పాల శీతలీకరణ కేంద్రం[మార్చు]

1967లో అప్పటి వ్యవసాయశాఖా మంత్రి శ్రీ కాకాని వెంతటరత్నంగారి సహకారంతో, నీటిపారుదలశాఖకు చెందిన 1,35 ఎకరాల విస్తీర్ణంలో, ఈ పాలశీతలీకరణ కేంద్ర భవనం, ఉద్యోగుల వసతిగృహాలు నిర్మించారు. ఇందులో 80 ఆశ్వికశక్తి గల విద్యుత్తు యంత్రాలు, కంప్రెసర్లు, 40కె.వి.యే. సామర్ధ్యం గల విద్యుత్తు ట్రాన్స్ ఫార్మరు వంటి సర్వ హంగులు ఏర్పాటుచేసారు. ఇక్కడ గంటకు 4వేల లీటర్ల పాలను శీతలీకరణ చేసేవారు. 20వేల లీటర్ల పాలను నిలువ చేసే సామర్ధ్యంగల ఒక ట్యాంకును ఏర్పాటుచేసారు. సుమారు 150 గ్రామాలనుండి 60 పాలసేకరణ కేంద్రాలద్వారా సేకరించిన పాలు ఇక్కడికి చేరేవి. ఈ పాలను శీతలీకరించి విజయవాడలోని పాలపొడి కర్మాగారానికి తరలించేవారు. ఈ పనులకు 40 మంది సిబ్బంది పనిచేసేవారు. 1992-93 ఆర్థిక సంవత్సరంలో అత్యధికంగా 47.96 లక్షల లీటర్ల (రోజుకు సరాసరి 13,139 లీటర్ల) పాలను సేకరించి వీరంకిలాకు గ్రామానికే ప్రత్యేక గుర్తింపు తెచ్చారు. ఇప్పుడు ఈ కేంద్రంలో పాలసేకరణ సామర్ధ్యం 27.77 లక్షల లీటర్లకు పడిపోయింది. [3]

బ్యాంకులు[మార్చు]

ది కృష్ణా జిల్లా కేంద్ర సహకార బ్యాంక్ లిమిటెడ్. ఫోన్ నం. 9949688345.

శిరీషా (వికలాంగుల) పునరావాస కేంద్రం[మార్చు]

వ్యవస్థాపకులు = శ్రీ మన్నే సోమేశ్వరరావు.

ప్రాధమిక ఆరోగ్య కేంద్రం[మార్చు]

గ్రామములో 1.18 కోట్ల రూపాయలతో నూతనంగా నిర్మించనున్న ఈ కేంద్రం భవనానికి రాష్ట్ర ఆరోగ్యశాఖా మంత్రి శ్రీ కామినేని శ్రీనివాసరావు శంకుస్థాపన నిర్వహించారు. [8]

గ్రామానికి సాగు/త్రాగునీటి సౌకర్యం[మార్చు]

గ్రామ పంచాయతీ[మార్చు]

2013 జూలైలో ఈ గ్రామ పంచాయతీకి నిర్వహించిన ఎన్నికలలో, శ్రీమతి దారం కుమారి సర్పంచిగా ఎన్నికైనారు. [6]

గ్రామములోని దర్శనీయ ప్రదేశములు/దేవాలయాలు[మార్చు]

  1. శివాలయం.
  2. శ్రీ సీతారామస్వామివారి ఆలయం:- వీరంకిలాకులోని ఈ ఆలయంలో, ప్రథమ వార్షికోత్సవం సందర్భంగా, 2014, మే-21 బుధవారం నాడు, స్వామివారి శాంతి కళ్యాణం వైభవంగా నిర్వహించారు. [1]
  3. శ్రీ సంతాన సాయిబాబా ఆలయం:- వీరంకిలాకులో ఈ ఆలయం నిర్మించి, 18 సంవత్సరాలు పూర్తి అయి, 19 సంవత్సరంలోనికి ప్రవేశించిన సందర్భంగా, 2015, ఆగష్టు-28వ తేదీ శుక్రవారంనాడు, ఆలయంలో, స్వామివారికి ప్రత్యేకపూజలు నిర్వహించారు. అఖండనామ సప్తాహం నిర్వహించారు. ఈ సందర్భంగా, విచ్చేసిన భక్తులకు అన్నదానం నిర్వహించారు. [5]

గ్రామంలో ప్రధాన పంటలు[మార్చు]

గ్రామంలో ప్రధాన వృత్తులు[మార్చు]

గ్రామ ప్రముఖులు[మార్చు]

గ్రామ విశేషాలు[మార్చు]

వీరంకిలాకు గ్రామములో ఆయుష్ ఆర్గానిక్ ప్రోడక్ట్స్ సంస్థ ఆవరణలో నెడ్ క్యాప్ సంస్థ సహకారంతో ఒక బయో గ్యాస్ విద్యుదుత్పాదక కేంద్రాన్ని నిర్మించుచున్నారు. అక్కడి గోశాలలో పేడను వృధాకానీయకుండా, ఈ ప్రక్రియను చేపట్టినారు. ఈ కేంద్రం నిర్మాణానికి 20 లక్షల రూపాయలు వ్యయం అవగా, అందులో 8 లక్షల రూపాయలను నెడ్క్యాప్ సంస్థ రాయితీగా ఇచ్చింది. ఈ ఉత్పాదన కారణంగా ఈ సంస్థకు ప్రస్తుతం అవుచున్న విద్యుత్తు ఖర్చు, భారీగా తగ్గడంతోపాటు, ఇందుకు పెట్టిన పెట్టుబడిని రెండు సంవత్సరాలలో తిరిగి పొందెదరు. [2]

ఇక్కడ ఒక కొబ్బరి మొక్కల నర్సరీ ఉంది. 1962 లో అప్పటి వ్యవసాయ మంత్రి శ్రీ కాకాని వెంకటరత్నంగారి కృషితో ప్రారంభమైనది. మొదట్లో ఇక్కడ మొలకెత్తించిన మేలుజాతి కొబ్బరి మొక్కలను వివిధ జిల్లాలకూ సరఫరా చేసేవారు. 2000 సంవత్సరం నుండి ఇది నిరుపయోగా ఉంది. దీనిని పునఃప్రారంభించడానికి ప్రయత్నాలు జరుగుచున్నవి. [4] ఈ గ్రామానికి చెందిన రైతు శ్రీ కోగంటి ప్రసాద్, సేంద్రియ ఎరువులస్థానే వంటనూనెలతో పంటలు పండించుచున్నారు. ఎకరాకు కేవలం ఒక వేయి రూపాయల ఖర్చుతో 50 బస్తాల దిగుబడి సాధించవచ్చునని వీరి అభిప్రాయం. ఈయన కలుపు నివారణకు నూనెలను పొలంలో పారించడంద్వారా వివిధ చీడపీడలను, కలుపు మొక్కలను నివారించడం విశేషం. [7]

గ్రామ జనాభా (2011)[మార్చు]

మొత్తం = 1,322; పురుషుల సంఖ్య = 628; స్త్రీల సంఖ్య = 694; గృహాల సంఖ్య = 375.

జనాభా (2001 -మొత్తం 1360 -పురుషులు 676 -స్త్రీలు 684 -గృహాలు 373 -హెక్టార్లు 278

మూలాలు[మార్చు]

  1. http://crda.ap.gov.in/APCRDA/Userinterface/ADMIN/DynamicHorizantalGovTab.aspx
  2. "http://www.onefivenine.com/india/villages/Krishna/Pamidimukkala/Veeranki". Retrieved 24 June 2016. External link in |title= (help)

వెలుపలి లింకులు[మార్చు]

[1] [2] ఈనాడు అమరావతి; 2015, మే-11; 38వపేజీ. [3] ఈనాడు అమరావతి; 2015, జూలై-15; 39వపేజీ. [4] ఈనాడు అమరావతి; 2015, ఆగష్టు-18; 23వపేజీ. [5] ఈనాడు అమరావతి; 2015, ఆగష్టు-29; 24వపేజీ. [6] ఈనాడు అమరావతి; 2015, అక్టోబరు-28; 24వపేజీ. [7] ఈనాడు అమరావతి; 2015, డిసెంబరు-9; 10వపేజీ. [8] ఈనాడు అమరావతి/పామర్రు; 2017, జూన్-7; 1వపేజీ.

"https://te.wikipedia.org/w/index.php?title=వీరంకి&oldid=2562949" నుండి వెలికితీశారు