సుధా శివపురి
సుధా శివపురి | |
|---|---|
 | |
| జననం | 1937 జూలై 14 ఇండోర్, ఇండోర్ రాష్ట్రం, బ్రిటిష్ ఇండియా |
| మరణం | 2015 మే 20 (వయసు 77) |
| ఇతర పేర్లు | మీటూ అంబా |
| క్రియాశీల సంవత్సరాలు | 1964–2015 |
| జీవిత భాగస్వామి | |
| పిల్లలు | రీతు శివపురి వినీత్ శివపురి |
సుధా శివపురి (1937 జూలై 14 - 2015 మే 20) హిందీ టీవీ సీరియల్ క్యుంకీ సాస్ భీ కభీ బహు థీ (2000-2008)లో బా పాత్రలో అత్యంత ప్రసిద్ధి చెందిన భారతీయ నటి.
ప్రారంభ జీవితం
[మార్చు]రాజస్థాన్‌లో పెరిగిన సుధా శివపురి పాఠశాలలో ఎనిమిదో తరగతి చదువుతున్నప్పుడే తన వృత్తిని ప్రారంభించింది. ఆమె తండ్రి చనిపోయాడు, తల్లి అనారోగ్యం పాలైంది, కాబట్టి కుటుంబాన్ని పోషించే బాధ్యత ఆమెపై పడింది.
కెరీర్
[మార్చు]ఆమె నేషనల్ స్కూల్ ఆఫ్ డ్రామా పూర్వ విద్యార్థి. ఆమె 1963లో ఓం శివపురితో కలిసి పట్టభద్రురాలైంది. వారు తరువాత 1968లో వివాహం చేసుకున్నారు.[1] వారు ఢిల్లీ థియేటర్‌లో పని కొనసాగించారు. ఆ తరువాత, తమ స్వంత థియేటర్ కంపెనీ దిశాంతర్ ని స్థాపించారు.[2] ఇది ఆధే అధురే, తుగ్లక్, విజయ్ టెండూల్కర్ ఖామోష్‌తో సహా అనేక ప్రజాదరణ పొందిన సమకాలీన నాటకాలను నిర్మించింది. అదాలత్ జరీ హైలో ఆమె ప్రధాన పాత్ర పోషించింది, అన్నింటినీ ఓం శివపురి దర్శకత్వం వహించాడు.
1974లో, తన భర్తకు హిందీ సినిమాల్లో ఆఫర్లు రావడంతో ముంబైకి షిఫ్ట్ అయింది.[3]
ఆమె 1977లో బసు ఛటర్జీ స్వామి చిత్రంతో సినీ రంగ ప్రవేశం చేసింది. ఇన్సాఫ్ కా తారాజు, హమారీ బహు అల్కా, హమ్ దోనో (1985), సావన్ కో ఆనే దో, సన్ మేరీ లైలా, ది బర్నింగ్ ట్రైన్, విధాత, మాయా మెంసాబ్ (1993) వంటి విజయవంతమైన చిత్రాలలో నటించింది.
ఆ తర్వాత ఆమె చలనచిత్రాల నుండి కొంత విరామం తీసుకుని టెలివిజన్‌కి మారింది, అక్కడ ఆమె ఆ బెయిల్ ముజే మార్, రజనీ (1985) వంటి కొన్ని సీరియల్స్‌లో నటించింది, ఇందులో ఆమె ప్రియా టెండూల్కర్ అత్తగా నటించింది.
1990లో తన భర్త మరణించిన తర్వాత, ఆమె మళ్లీ నటించడం ప్రారంభించింది. మిస్సింగ్, రిష్టే, సర్హదీన్, బంధన్ వంటి అనేక టీవీ సీరియల్స్ చేసింది. టెలివిజన్‌లో ఆమెకు కెరీర్ లో పెద్ద బ్రేక్ 2000లో వచ్చింది, క్యుంకీ సాస్ భీ కభీ బహు థీ అనే టీవీ సీరియల్‌లో అత్తగారైన 'బా' పాత్రను పోషించింది.
ఆమె షీషే కా ఘర్, వక్త్ కా దరియా, దమన్, సంతోషి మా, యే ఘర్, కసమ్ సే, కిస్ దేశ్ మే హై మేరా దిల్ వంటి అనేక ఇతర టెలివిజన్ షోలను చేసింది. ఈ అన్ని ధారావాహికలలో, ఆమె 'బా' పాత్ర చాలా ప్రసిద్ధి చెందింది. పబ్లిక్‌గా 'బా'గా కొత్త గుర్తింపు తెచ్చుకుంది ఆమె.
2003లో ఆమె అమృతా ప్రీతమ్ ప్రసిద్ధ భారత విభజన నవల ఆధారంగా హిందీ చిత్రం పింజార్‌లో నటించింది.
ఆమె 2009లో థియేటర్‌లో తన కృషికి గాను సంగీత నాటక అకాడమీ అవార్డుకు ఎన్నికైంది. దీనిని కేంద్ర సంగీత నాటక అకాడమీ, నేషనల్ అకాడమీ ఆఫ్ మ్యూజిక్, డ్యాన్స్ & డ్రామా ఆమెకు అందించింది.[4]
వ్యక్తిగత జీవితం
[మార్చు]సుధా శివపురి ప్రముఖ నటుడు ఓం శివపురి భార్య. ఈ దంపతులకు ఇద్దరు పిల్లలు, ఒక కుమారుడు వినీత్ శివపురి, ఒక కుమార్తె రీతు శివపురి, ఆమె కూడా సినీ నటి.[5] సుధా శివపురి 2014లో గుండెపోటుకు గురై కొంతకాలం ఆరోగ్యం బాగోలేదు.[6] ఆమె బహుళ అవయవ వైఫల్యంతో 2015 మే 20న ముంబైలో మరణించింది.[7]
పురస్కారాలు
[మార్చు]- 2009లో, ఆమె సంగీత నాటక అకాడమీ అవార్డును అందుకుంది.
సూచనలు
[మార్చు]- ↑ "Sudha Shivpuri Biography In Hindi". newstrend.news. Newstrend. Retrieved 15 April 2020.
- ↑ "glamsham.com". mumbaitheatreguide.com.
- ↑ Anil Wanvari. "Indian Television Dot Com - "We don't bitch and backbite about each other. In many other serials artistes just do that"". indiantelevision.com.
- ↑ "SNA: List of Akademi Awardees". Sangeet Natak Akademi Official website. Archived from the original on 30 May 2015.
- ↑ "You will be missed Baa: Actors mourn Sudha Shivpuri's death". India Today. 20 May 2015. Retrieved 21 May 2015.
- ↑ "Funeral of Sudha Shivpuri held at Oshiwara crematorium in Mumbai". news.biharprabha.com. 21 May 2015. Retrieved 21 May 2015.
- ↑ "'Baa' of 'Kyunki', Sudha Shivpuri, passes away". The Economic Times. 20 May 2015. Retrieved 21 May 2015.