హలో బ్రదర్

తెలుగు సినిమా*వేదిక

‌హలో బ్రదర్
దర్శకత్వం	ఇ.వి.వి. సత్యనారాయణ
రచన	ఎల్. బి. శ్రీరామ్ (మాటలు)
నిర్మాత	కె. ఎల్. నారాయణ
తారాగణం	అక్కినేని నాగార్జున , సౌందర్య , రమ్యకృష్ణ
ఛాయాగ్రహణం	ఎస్. గోపాల రెడ్డి
కూర్పు	కె. రవీంద్రబాబు
సంగీతం	రాజ్ - కోటి
నిర్మాణ సంస్థ	శ్రీ దుర్గా ఆర్ట్స్
విడుదల తేదీ	1994
భాష	తెలుగు

హలో బ్రదర్ 1994లో ఇ.వి.వి. సత్యనారాయణ దర్శకత్వంలో నాగార్జున ద్విపాత్రాభినయం చేయగా రమ్యకృష్ణ, సౌందర్య జంటగా నటించి మంచి ప్రజాదరణ పొందిన సినిమా ఇది.

కథ

ఎస్.పి. చక్రవర్తి మిశ్రో అనే బందిపోటు దొంగను నిర్భందిస్తాడు. తప్పించుకోవడం కోసం మిశ్రో తనను తానే కాల్చుకోవడంతో పోలీసులు అతన్ని చికిత్స కోసం ఆసుపత్రికి తీసుకుని వస్తారు. అదే సమయానికి చక్రవర్తి భార్య ఇద్దరు కవల పిల్లలకు జన్మనిస్తుంది. ఆ పిల్లలిద్దరూ దగ్గర్లో ఉంటే అసంకల్పితంగా ఒకరినొకరు అనుకరిస్తారని వైద్యులు చెబుతారు. మిశ్రో చక్రవర్తి భార్త గీతను గాయపరిచి వారిలో ఒక పిల్లాడిని తీసుకుని పారిపోతాడు. చక్రవర్తి అతణ్ణి వెంబడిస్తుంటే మిశ్రో ఆ పిల్లాడిని రైలు పట్టాలపై పడుకోబెట్టేస్తాడు. చక్రవర్తి అతన్ని కాల్చి చంపుతాడు. రైలు పట్టాలపై ఉన్న బిడ్డను వేరే దంపతులు చేరదీస్తారు.

తారాగణం

• దేవా/రవివర్మ గా నాగార్జున ద్విపాత్రాభినయం
• మంగ గా రమ్యకృష్ణ
• ఊహ గా సౌందర్య
• చక్రవర్తి గా శరత్ బాబు
• చక్రవర్తి భార్య గీత గా సంగీత
• మిత్రా గా నెపోలియన్
• మిశ్రో గా చరణ్ రాజ్
• రాజనాల
• అక్కమాంబ గా అన్నపూర్ణ
• మంగ తండ్రి గా గిరిబాబు
• కాశీ గా బ్రహ్మానందం
• సత్తి పండు గా బాబుమోహన్
• తాడి మట్టయ్య గా కోట శ్రీనివాసరావు
• చిట్టి గా మల్లికార్జున రావు
• ఆలీ
• శ్రీహరి

పాటలు

• ప్రియరాగాలే గుండె లోన పొంగుతున్న ఈ వేళ , రచన: భువన చంద్ర,గానం.ఎస్ పి బాలసుబ్రహ్మణ్యం కె ఎస్ చిత్ర
• కన్నెపిట్టరో కన్ను కొట్టరో, రచన: భువన చంద్ర, గానం. ఎస్ పి బాలసుబ్రహ్మణ్యం
• అబ్బా ఏందెబ్బా , రచన: వేటూరి సుందర రామమూర్తి,గానం. ఎస్ పి బాలసుబ్రహ్మణ్యం, కె ఎస్ చిత్ర
• ఎక్కండయ్యా బాబు వచ్ఛిందయ్యా బండి , రచన: వెన్నెలకంటి రాజేశ్వర ప్రసాద్, గానం. ఎస్ పి బాలసుబ్రహ్మణ్యం, కె ఎస్ చిత్ర
• మనసిచ్చీ ఇచ్చీ బరువాయే , రచన:వేటూరి సుందర రామమూర్తి,గానం. ఎస్ పి బాలసుబ్రహ్మణ్యం, కె ఎస్ చిత్ర
• చుక్కేసి పక్కేసి , రచన:వేటూరి సుందర రామమూర్తి గానం .ఎస్ పి బాలసుబ్రహ్మణ్యం, కె ఎస్ చిత్ర.

ఇతర వివరాలు

1. ఈ సినిమాలో ఇద్దరు నాగార్జునలు ఉండే సన్నివేశాల్లో నాగార్జునకి డూప్ గా నటుడు శ్రీకాంత్ నటించాడు..1994లో విడుదలైన ‘హలో బ్రదర్‌’ సినిమా 70 కేంద్రాల్లో 50 రోజులు, 24 కేంద్రాల్లో వంద రోజులు ఆడింది.