1801

1801 గ్రెగోరియన్‌ కాలెండరు యొక్క మామూలు సంవత్సరము.

సంఘటనలు

• జనవరి 1: గిసెప్పి పియాజ్జీ మరుగుజ్జు గ్రహం సెరెస్‌ను కనుగొన్నాడు. దీనికి రోమన్ దేవత పేరును పెట్టాడు
• జనవరి 1: ఐర్లండు రాజ్యం గ్రేట్ బ్రిటనుతో కలిసిపోయి యునైటెడ్ కింగ్‌డమ్ ఆవిర్భవించింది.
• మార్చి 10: గ్రేట్ బ్రిటనులో తొలి జనగణన జరిగింది. గ్రేట్ బ్రిటను జనాభా 89 లక్షలని తేలింది. అందులో లండను జనాభా 8,60,035.
• ఏప్రిల్ 21: వైశాఖి పండుగ నాడు రంజిత్ సింగ్ తనను తాను పంజాబ్ మహారాజాగా ప్రకటించుకున్నాడు.
• జూన్: హస్తినాపురంలోని శ్రీ దిగంబర జైన మందిరాన్ని లాలా జైకుమార్ మాల్ పర్యవేక్షణలో రాజా హర్‌షుక్ రాయ్ నిర్మించాడు
• ఆగస్టు 1: అమెరికా ట్రిపోలి, అల్జీర్స్, ట్యునిస్, మొరాకోలపై మొదటి బార్బరీ యుద్ధం మొదలుపెట్టింది. ఈ దేశాలకు చెందిన సముద్రపు దొంగలు అమెరికా నౌకలను పట్టుకుని, వాటిని విడిచేందుకు డబ్బులు డిమాండు చేసేవారు.
• అక్టోబరు 24: స్వాతంత్ర్య సమర యోధులైన మరుదు సోదరులను బ్రిటిషు వారు శివగంగై జిల్లా లోని తిరుపత్తూరులో ఉన్న శిథిలమైన కోటలో ఉరితీసారు.
• నవంబరు 10: సైన్య సహకర ఒప్పందం కింద బ్రిటిషు వారికి చెల్లించాల్సిన రుణానికి బదులుగా నవాబు సాదత్ అలి ఖాన్, రోహిల్‌ఖండును 1801 నవంబరు 10 ఒప్పందం తరువాత ఈస్టిండియా కంపెనీకి స్వాధీనం చేసాడు.
• నవంబరు 19: సిద్ధి వినాయక దేవాలయం,ముంబై
• డిసెంబరు 24: రోడ్డుపై నడిచే స్టీము లోకోమోటివ్ ఇంజను ఆవిష్కరణ
• తేదీ తెలియదు: బొబ్బిలి సంస్థాన ప్రభువు చిన్న రంగారావుతో బ్రిటిషువారు శాశ్వత సంధి ఒడంబడిక కుదుర్చుకున్నారు
• తేదీ తెలియదు: అవధ్ నవాబు బ్రిటిషు వారితో సైన్య సహకార ఒప్పందం కుదుర్చుకున్నాడు. ఇందులో భాగంగా నవాబు, తన భూభాగంలో సగాన్ని కంపెనీకి ఇచ్చుకోవలసి వచ్చింది.
• తేదీ తెలియదు: మద్రాసులో సుప్రీమ్ కోర్టు స్థాపించారు
• తేదీ తెలియదు: జాన్ విల్‌హెల్మ్ రిట్టర్ అల్ట్రా వయొలెట్ రేడియేషన్ను కనుగొన్నాడు

1801లో ఐరోపా

జననాలు

• తేదీ తెలియదు: జాన్ ఎలియట్ డ్రింక్‌వాటర్ బెథూన్, విద్యావేత్త, గణిత శాస్త్రజ్ఞుడు, బహుభాషావేత్త. (మ. 1851)
• అక్టోబరు 14: జోసెఫ్ ప్లాటూ, బెల్జియన్ భౌతిక శాస్త్రవేత్త, గణిత శాస్త్రవేత్త. (మ. 1883)