ఇంగ్లీష్ అండ్ ఫారిన్ లాంగ్వేజెస్ యూనివర్సిటీ
 EFL యూనివర్సిటీ క్యాంపస్ | |
పూర్వపు నామము | సెంట్రల్ ఇన్స్టిట్యూట్ ఆఫ్ ఇంగ్లీష్ అండ్ ఫారిన్ లాంగ్వేజెస్ |
|---|---|
ఆంగ్లంలో నినాదం | వర్డ్స్ ఇల్యూమిన్ ది వరల్డ్[1] |
| రకం | ప్రభుత్వ విశ్వవిద్యాలయం |
| స్థాపితం | 1958a |
| అనుబంధ సంస్థ | యుజిసి |
| స్థానం | హైదరాబాదు, భారతదేశం |
| కాంపస్ | పట్టణీయ, 32 acres (13 ha) |
a Became a central university in 2006. | |
ఇంగ్లీష్ అండ్ ఫారిన్ లాంగ్వేజెస్ యూనివర్సిటీ (EFLU) ఇంగ్లీషు, విదేశీ భాషల కోసం హైదరాబాద్‌లో ఏర్పాటు చేసిన కేంద్రీయ విశ్వవిద్యాలయం. [2] దక్షిణాసియాలో భాషలకే ప్రత్యేకించిన ఏకైక విశ్వవిద్యాలయం ఇది. [3] [4]
ఉపాధ్యాయ విద్య, సాహిత్యం, భాషాశాస్త్రం, ఇంటర్ డిసిప్లినరీ, కల్చరల్ స్టడీస్ రంగాలలో ఇంగ్లీషు, అరబిక్, చైనీస్, ఫ్రెంచ్, జర్మన్, స్పానిష్, ఇటాలియన్, రష్యన్, జపనీస్, కొరియన్, పర్షియన్, టర్కిష్ వంటి విదేశీ భాషల అధ్యయనాన్ని విశ్వవిద్యాలయం అందిస్తుంది. [2]
చరిత్ర[మార్చు]
EFLU ను 1958లో సెంట్రల్ ఇన్స్టిట్యూట్ ఆఫ్ ఇంగ్లీష్ అనే పేరుతో భారతదేశ మొదటి ప్రధానమంత్రి పండిట్ జవహర్‌లాల్ నెహ్రూ హైదరాబాదులో స్థాపించాడు. [5] సెంట్రల్ ఇన్స్టిట్యూట్ ఆఫ్ ఇంగ్లీష్, 1958 నవంబరు 17 న ఉనికి లోకి వచ్చింది. [6] జర్మన్, రష్యన్, ఫ్రెంచ్ అనే మూడు ప్రధాన విదేశీ భాషలను కలిపి 1972లో సెంట్రల్ ఇన్స్టిట్యూట్ ఆఫ్ ఇంగ్లీష్ అండ్ ఫారిన్ లాంగ్వేజెస్ (CIEFL) గా దీని పేరు మార్చారు. [5] 1984లో CIEFLలో ఎడ్యుకేషనల్ మీడియా రీసెర్చ్ సెంటర్ (EMMRC) ను స్థాపించారు. 2006లో, పార్లమెంటు చట్టం ద్వారా CIEFL కు కేంద్రీయ విశ్వవిద్యాలయ హోదాను ఇస్తూ, ఆంగ్లం విదేశీ భాషల విశ్వవిద్యాలయం (EFLU)గా పేరు మార్చారు. [5]
క్యాంపస్[మార్చు]
EFLU హైదరాబాద్ క్యాంపస్[మార్చు]
తెలంగాణ రాష్ట్ర రాజధాని హైదరాబాద్ నడిబొడ్డున ఉన్న దీని క్యాంపస్ ఉంది. యూనివర్సిటీ క్యాంపస్‌లలో ఇది పురాతనమైనది. క్యాంపస్‌లో 26 విభాగాలతో 7 పాఠశాలలు ఉన్నాయి. గ్రాడ్యుయేట్, పోస్ట్ గ్రాడ్యుయేట్, పరిశోధన కార్యక్రమాలతో పాటు, EFLU పోస్ట్ గ్రాడ్యుయేట్ డిప్లొమాలు, దూర విద్య, పార్ట్-టైమ్ కోర్సులను కూడా అందిస్తుంది.
హాస్టల్స్[మార్చు]
క్యాంపస్‌లో పురుషులకు రెండు, మహిళలకు మూడు హాస్టళ్లు ఉన్నాయి.
- బషీర్ పురుషుల హాస్టల్
- ఠాగూర్ ఇంటర్నేషనల్ మెన్స్ హాస్టల్
- మహ్లాకా బాయి చందా ఉమెన్స్ హాస్టల్
- అక్క మహాదేవి ఉమెన్స్ హాస్టల్
- అమృతా ప్రీతమ్ ఇంటర్నేషనల్ ఉమెన్స్ హాస్టల్
ప్రాంతీయ క్యాంపస్‌లు[మార్చు]
యూనివర్సిటీకి ప్రధాన క్యాంపస్ హైదరాబాద్‌లో ఉండగా, షిల్లాంగ్ (1973), లక్నో (1979) ల్లో రెండు ప్రాంతీయ కేంద్రాలు ఉన్నాయి. అక్కడ కూడా సొంత లైబ్రరీలు, హాస్టల్ సౌకర్యాలు ఉన్నాయి. [7]
EFLU షిల్లాంగ్ క్యాంపస్[మార్చు]
ఇంగ్లీష్ అండ్ ఫారిన్ లాంగ్వేజెస్ యూనివర్శిటీ (EFLU) షిల్లాంగ్ క్యాంపస్ 1973లో షిల్లాంగ్‌లో సెంట్రల్ ఇన్స్టిట్యూట్ ఆఫ్ ఇంగ్లీష్ అండ్ ఫారిన్ లాంగ్వేజెస్ (CIEFL) నార్త్-ఈస్ట్ క్యాంపస్‌గా స్థాపించబడింది. మేఘాలయ, రాష్ట్ర హోదా సాధించిన ఒక సంవత్సరం తర్వాత దీన్ని ఏర్పాటు చేసారు. ఈ క్యాంపస్‌ను స్థాపించడం లోని లక్ష్యం, ఈ ప్రాంతపు భాషా పరిశోధన అవసరాలను తీర్చడంతోపాటు ఉపాధ్యాయులకు నాణ్యమైన శిక్షణను అందించడం. [7]
ఈ క్యాంపస్‌లో అందించే కోర్సుల జాబితా ఇక్కడ ఉంది.
- BA ఇంగ్లీష్/మాస్ కమ్యూనికేషన్, జర్నలిజం
- ఆంగ్లం/భాషాశాస్త్రం/మాస్ కమ్యూనికేషన్, జర్నలిజం/ఇంగ్లీష్ సాహిత్యంలో MA,
- భాషాశాస్త్రంతో పాటు ఆంగ్ల సాహిత్యం, ఆంగ్ల భాషా విద్యలో M.Phil, PhD కోర్సులు.
- ఫ్రెంచ్, జర్మన్, స్పానిష్, రష్యన్ భాషలలో సర్టిఫికేట్, డిప్లొమా, అడ్వాన్స్‌డ్ డిప్లొమా కోర్సులు. [7]
EFLU లక్నో క్యాంపస్[మార్చు]
లక్నోలో గోమతి ఒడ్డున ఉన్న లక్నో క్యాంపస్, రాణాప్రతాప్ మార్గ్ లోని మోతీ మహల్ క్యాంపస్‌లో ఉంది. [7]
లక్నోలోని EFL యూనివర్సిటీ క్యాంపస్ 1979లో ఉత్తర భారతదేశంలోని ఇంగ్లీషు విశ్వవిద్యాలయం/కళాశాల ఉపాధ్యాయులకు శిక్షణను అందించడానికి ప్రారంభించారు. అయితే ఇది మెల్లమెల్లగా ఆంగ్ల బోధన, డిగ్రీ, పరిశోధన కార్యక్రమాలలో PG డిప్లొమాను అందించే పూర్తి స్థాయి కేంద్రంగా ఉద్భవించింది. క్యాంపస్ విశ్వవిద్యాలయం, కళాశాల ఉపాధ్యాయుల కోసం రిఫ్రెషర్ కోర్సులు, విస్తృతమైన అభ్యాసకుల కోసం నైపుణ్యం గల కోర్సులు, ఆంగ్ల బోధనలో పోస్ట్ గ్రాడ్యుయేట్ సర్టిఫికేట్ కోర్సులో పాల్గొనేవారి కోసం సంప్రదింపు కార్యక్రమాలను నిర్వహించడం వంటి కార్యకలాపాలు నిర్వహిస్తోంది. ఇక్కడ పోస్ట్ గ్రాడ్యుయేట్ డిప్లొమా ఇన్ కమ్యూనికేషన్‌ని కూడా అందిస్తారు. క్యాంపస్ లో నిర్వహించే ప్రోగ్రాములన్నీ ముఖాముఖిగానే ఉంటాయి. దూరవిద్యా కార్యక్రమాలు లేవు. క్యాంపస్‌కు దాని స్వంత లైబ్రరీ, హాస్టల్ ఉన్నాయి. [7]
అధికారిక పత్రిక[మార్చు]
EFLU, కాంటెక్స్చర్స్: ఎ జర్నల్ ఆఫ్ లిటరేచర్ అండ్ కల్చర్ అనే పత్రికను ద్వై-వార్షికంగా ప్రచురిస్తుంది. [8] సాహిత్యంలోని అనేక విభాగాలను ఏకతాటిపైకి తీసుకురావడం ద్వారా వైవిధ్య దృక్కోణాల నుండి సాహిత్య, సాంస్కృతిక పద్ధతులపై చర్చలకు దోహదం చేయడం దీని లక్ష్యం.
ఇవి కూడా చూడండి[మార్చు]
మూలాలు[మార్చు]
- ↑ "Annual Report 2018-2019" (PDF). www.efluniversity.ac.in (in హిందీ). p. 378. Archived (PDF) from the original on 8 January 2022. Retrieved 14 February 2022.
Our motto "Words Illumine the World", is ancient and eternal, and it shall light our future.
- ↑ 2.0 2.1 "EFL University About". www.efluniversity.ac.in. Archived from the original on 21 November 2016. Retrieved 30 September 2016. ఉల్లేఖన లోపం: చెల్లని
<ref>ట్యాగు; ":0" అనే పేరును విభిన్న కంటెంటుతో అనేక సార్లు నిర్వచించారు - ↑ "EFLU gets record number of applications". The Hindu. 9 February 2018.
- ↑ "EFLU to offer its specialised services to all". The Hindu. 26 September 2017.
- ↑ 5.0 5.1 5.2 "EFL University History". www.efluniversity.ac.in. Archived from the original on 21 November 2016. Retrieved 30 September 2016.
- ↑ "Lok Sabha Debates - Central Institute of English, Hyderabad" (PDF). eparlib.nic.in. p. 479. Retrieved 5 March 2021.
page number 479 of the document, but page 33 in the PDF
- ↑ 7.0 7.1 7.2 7.3 7.4 "EFL University Campuses". www.efluniversity.ac.in. Archived from the original on 21 November 2016. Retrieved 30 September 2016. ఉల్లేఖన లోపం: చెల్లని
<ref>ట్యాగు; ":2" అనే పేరును విభిన్న కంటెంటుతో అనేక సార్లు నిర్వచించారు - ↑ "Journals". www.efluniversity.ac.in. Archived from the original on 30 June 2013. Retrieved 14 September 2013.