Coordinates: 16°10′48″N 80°39′42″E / 16.179891°N 80.661734°E / 16.179891; 80.661734

కూచిపూడి (అమృతలూరు)

వికీపీడియా నుండి
Jump to navigation Jump to search
కూచిపూడి
—  రెవెన్యూ గ్రామం  —
కూచిపూడి is located in Andhra Pradesh
కూచిపూడి
కూచిపూడి
ఆంధ్రప్రదేశ్ పటంలో గ్రామ స్థానం
అక్షాంశరేఖాంశాలు: 16°10′48″N 80°39′42″E / 16.179891°N 80.661734°E / 16.179891; 80.661734
రాష్ట్రం ఆంధ్రప్రదేశ్
జిల్లా బాపట్ల
మండలం అమృతలూరు
ప్రభుత్వం
 - సర్పంచి శ్రీ యలవర్తి బ్రహ్మానందం
జనాభా (2011)
 - మొత్తం 6,788
 - పురుషుల సంఖ్య 3,299
 - స్త్రీల సంఖ్య 3,489
 - గృహాల సంఖ్య 1,903
పిన్ కోడ్ 522313
ఎస్.టి.డి కోడ్ 08644

కూచిపూడి, బాపట్ల జిల్లా, అమృతలూరు మండలానికి చెందిన గ్రామం.ఇది మండల కేంద్రమైన అమృతలూరు నుండి 13 కి. మీ. దూరం లోను, సమీప పట్టణమైన తెనాలి నుండి 14 కి. మీ. దూరంలోనూ ఉంది. 2011 భారత జనగణన గణాంకాల ప్రకారం ఈ గ్రామం 1903 ఇళ్లతో, 6788 జనాభాతో 1075 హెక్టార్లలో విస్తరించి ఉంది. గ్రామంలో మగవారి సంఖ్య 3299, ఆడవారి సంఖ్య 3489. షెడ్యూల్డ్ కులాల సంఖ్య 2320 కాగా షెడ్యూల్డ్ తెగల సంఖ్య 246. గ్రామ జనగణన లొకేషన్ కోడ్ 590386[1].పిన్ కోడ్: 522313. ఎస్.టి.డి.కోడ్ = 08644.

గ్రామ చరిత్ర[మార్చు]

ఆంధ్ర ప్రదేశ్ రాజధాని ప్రాంత అభివృద్ధి ప్రాధికార సంస్థ (సీఆర్‌డీఏ) పరిధిలోకి వస్తున్న మండలాలు, గ్రామాలను ప్రభుత్వం విడిగా గుర్తిస్తూ ఉత్తర్వులు జారీచేసింది. ప్రస్తుతం గుర్తించిన వాటిలోని చాలా గ్రామాలు వీజీటీఎం పరిధిలో ఉన్నాయి. గతంలో వీజీటీఎం పరిధిలో ఉన్న వాటితోపాటుగా ఇప్పుడు మరిన్ని కొన్ని గ్రామాలు చేరాయి. సీఆర్‌డీఏ పరిధిలోకి వచ్చే గుంటూరు, కృష్ణా జిల్లాల్లోని మండలాలు, గ్రామాలను గుర్తిస్తూ పురపాలక శాఖ ముఖ్య కార్యదర్శి ఉత్తర్వులు జారీ చేశారు.[2]

గుంటూరు జిల్లా పరిధిలోని మండలాలు[మార్చు]

తాడేపల్లి, మంగళగిరి, తుళ్లూరు, దుగ్గిరాల, తెనాలి, తాడికొండ, గుంటూరు మండలం, చేబ్రోలు, మేడికొండూరు, పెదకాకాని, వట్టిచెరుకూరు, అమరావతి, కొల్లిపర, వేమూరు, కొల్లూరు, అమృతలూరు, చుండూరు మండలాలతో పాటు ఆయా మండలాల పట్టణ ప్రాంతం కూడా సీఆర్‌డీఏ పరిధిలోకి వస్తుంది.

గ్రామ భౌగోళికం[మార్చు]

కూచిపూడి గ్రామం, తెనాలికి 7 కి.మీ. దూరములో ఉంది.

సమీప గ్రామాలు[మార్చు]

ఈ గ్రామానికి సమీపంలో మండూరు, పెదరావూరు, యడవూరు, మూల్పూరు, ఆలపాడు గ్రామాలు ఉన్నాయి.

విద్యా సౌకర్యాలు[మార్చు]

గ్రామంలో ఒక ప్రైవేటు బాలబడి ఉంది. ప్రభుత్వ ప్రాథమిక పాఠశాలలు ఐదు, ప్రైవేటు ప్రాథమిక పాఠశాల ఒకటి, ప్రభుత్వ ప్రాథమికోన్నత పాఠశాల ఒకటి, ప్రైవేటు ప్రాథమికోన్నత పాఠశాల ఒకటి, ప్రభుత్వ మాధ్యమిక పాఠశాల ఒకటి, ప్రైవేటు మాధ్యమిక పాఠశాల ఒకటి ఉన్నాయి. ఒక ప్రైవేటు వృత్తి విద్యా శిక్షణ పాఠశాల ఉంది. సమీప జూనియర్ కళాశాల, ప్రభుత్వ ఆర్ట్స్ / సైన్స్ డిగ్రీ కళాశాల, ఇంజనీరింగ్ కళాశాల తెనాలిలో ఉన్నాయి. సమీప వైద్య కళాశాల గుంటూరులోను, పాలీటెక్నిక్‌ పొన్నూరులోను, మేనేజిమెంటు కళాశాల తెనాలిలోనూ ఉన్నాయి. సమీప అనియత విద్యా కేంద్రం తెనాలిలోను, దివ్యాంగుల ప్రత్యేక పాఠశాల గుంటూరులోనూ ఉన్నాయి.

వైద్య సౌకర్యం[మార్చు]

ప్రభుత్వ వైద్య సౌకర్యం[మార్చు]

కూచిపూడిలో ఉన్న రెండు ప్రాథమిక ఆరోగ్య ఉప కేంద్రాల్లో డాక్టర్లు లేరు. ఇద్దరు పారామెడికల్ సిబ్బంది ఉన్నారు. ఒక డిస్పెన్సరీలో ఒక డాక్టరు, ముగ్గురు పారామెడికల్ సిబ్బందీ ఉన్నారు. ఒక పశు వైద్యశాలలో ఒక డాక్టరు, ఒకరు పారామెడికల్ సిబ్బందీ ఉన్నారు. సమీప ప్రాథమిక ఆరోగ్య కేంద్రం గ్రామం నుండి 5 కి.మీ. లోపు దూరంలో ఉంది. సంచార వైద్య శాల గ్రామం నుండి 5 కి.మీ. లోపు దూరంలో ఉంది. అలోపతి ఆసుపత్రి గ్రామం నుండి 5 నుండి 10 కి.మీ. దూరంలో ఉంది. సమీప సామాజిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. ప్రత్యామ్నాయ ఔషధ ఆసుపత్రి, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం[మార్చు]

గ్రామంలో5 ప్రైవేటు వైద్య సౌకర్యాలున్నాయి. ఎమ్బీబీయెస్ కాకుండా ఇతర డిగ్రీలు చదివిన డాక్టర్లు ఇద్దరు, డిగ్రీ లేని డాక్టర్లు ముగ్గురు ఉన్నారు. ఒక మందుల దుకాణం ఉంది.

తాగు నీరు[మార్చు]

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. బావుల నీరు కూడా అందుబాటులో ఉంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది. బోరుబావుల ద్వారా కూడా ఏడాది పొడుగునా నీరు అందుతుంది.

పారిశుధ్యం[మార్చు]

గ్రామంలో మురుగునీటి పారుదల వ్యవస్థ లేదు. మురుగునీటిని నేరుగా జలవనరుల్లోకి వదులుతున్నారు. గ్రామం సంపూర్ణ పారిశుధ్య పథకం కిందకు రావట్లేదు. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు[మార్చు]

కూచిపూడిలో సబ్ పోస్టాఫీసు సౌకర్యం ఉంది. పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు గ్రామం నుండి 10 కి.మీ.కి పైబడిన దూరంలో ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామం నుండి 10 కి.మీ.కి పైబడిన దూరంలో ఉన్నాయి. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. రైల్వే స్టేషన్ గ్రామానికి 5 నుండి 10 కి.మీ. దూరంలో ఉంది. ప్రైవేటు బస్సు సౌకర్యం గ్రామం నుండి 10 కి.మీ.కి పైబడిన దూరంలో ఉంది. ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. రాష్ట్ర రహదారి గ్రామం నుండి 5 నుండి 10 కి.మీ. దూరంలో ఉంది. జాతీయ రహదారి గ్రామం నుండి 10 కి.మీ.కి పైబడిన దూరంలో ఉంది. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.

మార్కెటింగు, బ్యాంకింగు[మార్చు]

గ్రామంలో వాణిజ్య బ్యాంకు, వ్యవసాయ పరపతి సంఘం ఉన్నాయి. గ్రామంలో స్వయం సహాయక బృందం, పౌర సరఫరాల కేంద్రం, వారం వారం సంత ఉన్నాయి. ఏటీఎమ్, సహకార బ్యాంకు గ్రామం నుండి 5 నుండి 10 కి.మీ. దూరంలో ఉన్నాయి. వ్యవసాయ మార్కెటింగ్ సొసైటీ గ్రామం నుండి 5 నుండి 10 కి.మీ. దూరంలో ఉంది. రోజువారీ మార్కెట్ గ్రామం నుండి 10 కి.మీ.కి పైబడిన దూరంలో ఉంది.

ఆరోగ్యం, పోషణ, వినోద సౌకర్యాలు[మార్చు]

గ్రామంలో అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో గ్రంథాలయం, పబ్లిక్ రీడింగ్ రూం ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి. సినిమా హాలు గ్రామం నుండి 5 నుండి 10 కి.మీ. దూరంలో ఉంది. సమీకృత బాలల అభివృద్ధి పథకం, ఆటల మైదానం గ్రామం నుండి 10 కి.మీ.కి పైబడిన దూరంలో ఉన్నాయి.

విద్యుత్తు[మార్చు]

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 10 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం[మార్చు]

కూచిపూడిలో భూ వినియోగం కింది విధంగా ఉంది:

  • వ్యవసాయేతర వినియోగంలో ఉన్న భూమి: 81 హెక్టార్లు
  • వ్యవసాయం సాగని, బంజరు భూమి: 52 హెక్టార్లు
  • తోటలు మొదలైనవి సాగవుతున్న భూమి: 19 హెక్టార్లు
  • నికరంగా విత్తిన భూమి: 923 హెక్టార్లు
  • వివిధ వనరుల నుండి సాగునీరు లభిస్తున్న భూమి: 923 హెక్టార్లు

నీటిపారుదల సౌకర్యాలు[మార్చు]

కూచిపూడిలో వ్యవసాయానికి నీటి సరఫరా కింది వనరుల ద్వారా జరుగుతోంది.

  • కాలువలు: 815 హెక్టార్లు
  • బావులు/బోరు బావులు: 108 హెక్టార్లు

ఉత్పత్తి[మార్చు]

కూచిపూడిలో ఈ కింది వస్తువులు ఉత్పత్తి అవుతున్నాయి.

ప్రధాన పంటలు[మార్చు]

వరి, మొక్కజొన్న, మినుము

గ్రామంలో విద్యా సౌకర్యాలు[మార్చు]

కోగంటివారి జిల్లా పరిషత్తు ఉన్నత పాఠశాల[మార్చు]

ఈ పాఠశాలకి చుట్టుపక్కల గ్రామాలలో బాగా పేరు ఉంది. ఈ పాఠశాలలో 1944 నుండి 2014 వరకు చదువుకున్న పూర్వ విదార్ధులు, 2015, జనవరి-15వ తేదీనాడు ఇక్కడ సమావేశం నిర్వహించబోవుచున్నారు. [5]

ఎల్.ఈ.ప్రాధమిక పాఠశాల[మార్చు]

ఐ.టి.ఐ[మార్చు]

ఇక్కడ వున్న ఐ.టి.ఐకి కూడా బాగా పేరు ఉంది.

గ్రంథాలయం[మార్చు]

కూచిపూడి గ్రామంలోని గ్రంథాలయం, శత వసంతాలు పూర్తిచేసుకున్నది. ఈ గ్రంథాలయం 101 సంవత్సరాలు పూర్తి చేసుకొని 102వ సంవత్సరంలోనికి అడుగు పెట్టినది. 1913లో దాత శ్రీ రావెళ్ళ తిరుపతిరాయుడు, స్థలాన్ని సమకూర్చి పెంకుటి భవనంలో, "సరస్వతీ నిలయం" పేరుతో ఒక పుస్తక భండాగారాన్ని ప్రారంభించారు. దేవనాగరి లిపి గ్రంథాల నుండి వేయిపడగలు, నాటి చంద్రుని కథలు మొదలు, నేటి చంద్రయాన్ వరకు పలురకాల పుస్తకాలు, పాఠకులకు అందుబాటులో ఉన్నాయి. ఆదునికతను సంతరించుకొని కాలానుగుణంగా దినదినాభివృద్ధి చెందుచూ, నాటి సరస్వతీ నిలయం నేటి శాఖా గ్రంథాలయంగా రూపాంతరం చెందినది. ఈ గ్రంథాలయాన్ని 1970లో ప్రభుత్వం తీసుకొన్నది. ఈ గ్రంథాలయంలో చదువుకొనేటందుకు తెలుగు, హిందీ, ఆంగ్ల భాషలలో, నవలలు, కథలు, చరిత్ర, వాస్తు, జ్యోతిషం, రాజనీతి శాస్త్రం, విఙానశాస్త్ర పుస్తకాలు, పోటీపరీక్షల సమాచారం, మొదలగు వాటికి సంబంధించిన మొత్తం 13,650 పుస్తకాలు, ఇక్కడ నెలవై ఉన్నాయి. ఇకడ అందుబాటులో ఉన్న విఙానాన్ని పిల్లలు, విద్యార్థులు, నిరుద్యోగులు వినియోగించుకుంటే ఎంతో ఉపయుక్తంగా ఉంటుంది. [3]&[7]

గ్రామంలోని మౌలిక సదుపాయాలు[మార్చు]

ఆయుర్వేద వైద్యశాల[మార్చు]

బ్యాంకులు[మార్చు]

ఆంధ్రా బ్యాంకు.

గ్రామానికి సాగు/త్రాగునీటి సౌకర్యం[మార్చు]

గ్రామ పంచాయతీ[మార్చు]

  1. 2013 జూలైలో ఈ గ్రామ పంచాయతీకి జరిగిన ఎన్నికలలో, శ్రీ యలవర్తి బ్రహ్మానందం, సర్పంచిగా ఎన్నికైనారు. [4]
  2. ఈ గ్రామం 2014-15 ఆర్థిక సంవత్సరానికి, నూరుశాతం పన్ను వసూలు సాధించింది. క్రిందటి సంవత్సరం బకాయిలు 87వేల రూపాయలతో కలిసి, మొత్తం రు. 5.59 లక్షల నగదు వసూలు చేసారు. [6]
  3. ఈ గ్రామ సర్పంచి శ్రీ యలవర్తి బ్రహ్మానందం, 2016-17 సంవత్సరానికిగాను ఉత్తమ సర్పంచ్ పురస్కారానికి ఎంపికైనారు. గ్రామాభివృద్ధి కార్యాచరణలో సమర్ధంగా వ్యవహరించినందుకు, ఏర్పాటుచేసిన కార్యక్రమంలో సమర్ధంగా వ్యవహరించినందుకు, సమస్యల పరిష్కారానికి సకాలంలో చర్యలు తీసుకున్నందుకు, ఉపాధిపనుల గుర్తింపు, ఆమోదం, పనులు జరిగేలా చేయడంలో చొరవ తీసుకున్నందుకు, వీరిని ఈ పురస్కారానికి ఎంపిక చేసారు. వీరు ఈ పురస్కారాన్ని 2017,ఏప్రిల్-22న పంచాయతీరాజ్ దినోత్సవం సందర్భంగా నిర్వహించిన వేడుకలలో భాగం, రాష్ట్ర మంత్రి శ్రీ నక్కా ఆనంద్‌బాబు, జిల్లా పరిషత్తు ఛైర్‌పర్సన్ శ్రీమతి జానీమూన్ చేతులమీదుగా ఈ పురస్కారాన్ని అందుకున్నారు. ఈ గ్రామ కార్యదర్శి శ్రీ బొల్లు అనిల్‌కుమార్ గూడా, ఈ గ్రామ పంచాయతీలో 100% పన్నులు వసూలు చేసినందుకుగాను, అదే రోజున పురస్కారాన్ని అందుకున్నారు. [8]

దర్శనీయ ప్రదేశాలు/దేవాలయాలు[మార్చు]

  1. వాసిరెడ్డి వేంకటాద్రి నాయుడు ఇచట కట్టించిన శ్రీ రామలింగేశ్వర స్వామివారి ఆలయం (శివాలయo) గోపురం చాల ఎత్తైనది.
  2. శ్రీ వేణుగోపాలస్వామివారి ఆలయం.
  3. ఈ గ్రామంలో ఆర్యసమాజమందిరం, పండిత గోపదేవ్ విఙాన కేంద్రం, నిర్మాణానికి, 2013 నవంబరు 17 ఆదివారం కార్తీక పౌర్ణమి రోజున, శంకుస్థాపన జరిగింది. ఈ గ్రామంలో పండిత గోపదేవ్ శాస్త్రి ఆర్యసమాజం ప్రారంభించి, వేదాలను ప్రజల చెంతకు చేర్చారు. వీరు కొన్ని రచనలు గూడా చేశారు.

గ్రామంలో ప్రధాన పంటలు[మార్చు]

వరి, అపరాలు, కూరగాయలు

గ్రామంలో ప్రధాన వృత్తులు[మార్చు]

వ్యవసాయం వ్యవసాయాధారిత వృత్తులు

గ్రామ ప్రముఖులు[మార్చు]

గణాంకాలు[మార్చు]

2001 వ.సంవత్సరం జనాభా లెక్కల ప్రకారం గ్రామ జనాభా 6537. ఇందులో పురుషుల సంఖ్య 3200, స్త్రీల సంఖ్య 3337,గ్రామంలో నివాసగృహాలు 1693 ఉన్నాయి.గ్రామ విస్తీర్ణం 1075 హెక్టారులు.

మూలాలు[మార్చు]

  1. "Office of the Registrar General & Census Commissioner, India - Village amenities of 2011".
  2. "ఆర్కైవ్ నకలు". Archived from the original on 2016-08-18. Retrieved 2016-08-19.