కొండవీడు

వికీపీడియా నుండి
Jump to navigation Jump to search
కొండవీడు
—  రెవిన్యూ గ్రామం  —
కొండవీడు దుర్గం 1804లో చిత్రించిన దృశ్యం
కొండవీడు దుర్గం 1804లో చిత్రించిన దృశ్యం
రాష్ట్రం ఆంధ్ర ప్రదేశ్
జిల్లా గుంటూరు జిల్లా
మండలం యడ్లపాడు
ప్రభుత్వము
 - సర్పంచి
జనాభా (2011)
 - మొత్తం 7,407
 - పురుషుల సంఖ్య 3,755
 - స్త్రీల సంఖ్య 3,652
 - గృహాల సంఖ్య 1,963
పిన్ కోడ్ 522529
ఎస్.టి.డి కోడ్
కొండవీడు కోట

కొండవీడు, గుంటూరు జిల్లా, యడ్లపాడు మండలానికి చెందిన గ్రామము.

విషయ సూచిక

గ్రామ చరిత్ర[మార్చు]

ఇది మండల కేంద్రమైన యడ్లపాడు నుండి 17 కి. మీ. దూరం లోను, సమీప పట్టణమైన చిలకలూరిపేట నుండి 29 కి. మీ. దూరంలోనూ ఉంది. 2011 భారత జనగణన గణాంకాల ప్రకారం ఈ గ్రామం 1963 ఇళ్లతో, 7407 జనాభాతో 1725 హెక్టార్లలో విస్తరించి ఉంది. గ్రామంలో మగవారి సంఖ్య 3755, ఆడవారి సంఖ్య 3652. షెడ్యూల్డ్ కులాల సంఖ్య 1402 కాగా షెడ్యూల్డ్ తెగల సంఖ్య 618. గ్రామం యొక్క జనగణన లొకేషన్ కోడ్ 590198

సి.అర్.డి.ఎ.పరిదిలో చేరిక[మార్చు]

ఈ గ్రామం గ్రామ పంచాయితీ పరిధిగా ఉంది. నూతనంగా ఏర్పాటైన ఆంధ్ర ప్రదేశ్ రాజధాని ప్రాంత అభివృద్ధి ప్రాధికార సంస్థ (సీఆర్‌డీఏ) ఈ గ్రామ పరిధిలోని పూర్తి విస్తీర్నము (1725 హెక్టార్లు) ను ఆంధ్రప్రదేశ్ రాజధాని నగర (అమరావతి) ప్రాంత పరిధిలోకి 2014 డిశెంబరు 30 వ తేది నుండి చేరినట్లుగా అమలులోకి తెస్తూ ప్రభుత్వం ఉత్తర్వులు జారీ చేసింది. [1] 

గ్రామం పేరు వెనుక చరిత్ర[మార్చు]

గ్రామ భౌగోళికం[మార్చు]

సమీప గ్రామాలు[మార్చు]

రేపూడి 4 కి.మీ, ఫిరంగిపురం 5 కి.మీ, సొలస 6 కి.మీ, కండ్రిక 6 కి.మీ, చౌడవరం 6 కి.మీ.

సమీప మండలాలు[మార్చు]

ఉత్తరాన మేడికొండూరు మండలం, దక్షణాన యడ్లపాడు మండలం, దక్షణాన నాదెండ్ల మండలం, దక్షణాన ప్రత్తిపాడు మండలం.

స్వంత మండలంలోని గ్రామాలు[మార్చు]

యడ్లపాడు మండలంలోని ఉన్నవ, కరుచోల, కొండవీడు, జాలాది, తిమ్మాపురం, మర్రిపాలెం, మైదవోలు, యడ్లపాడు, వంకాయలపాడు, సొలస మరియు విశ్వనాథుని కండ్రిగ గ్రామాలు ఉన్నాయి.

గ్రామ పంచాయితీ[మార్చు]

గ్రామ ప్రాశస్త్యము[మార్చు]

కొండవీడు కోట[మార్చు]

కొండవీడు, గుంటూరు జిల్లా, యడ్లపాడు మండలానికి సమీప గ్రామము. ఇక్కడ ఒక పురాతన కోట ఉంది. కోటకు వెళ్లేందుకు రెండువైపుల నుంచి నేలమెట్లు ఉన్నాయి. కొండ మీద మూడు చెరువులున్నాయి. ఒకటి నిండగానే నీరు వృథా కాకుండా, రెండు చెరువులోకి వెళ్లే సౌకర్యం ఉంది. కొండకింద ఉన్న కత్తుల బావి (వేణునాథస్వామి దేవాలయం), శ్రీకృష్ణదేవరాయలు ప్రతిష్ఠించిన ధ్వజస్తంభం, ఆలయం లోపల, బయట గోడల మీద అపరూప శిల్ప సంపదలున్నాయి. కొండమీద చారిత్రక ఆనవాళ్లుగా నిలచిన అనేక కట్టడాలు, 44 కోట బురుజులు, 32 మైళ్ల ప్రాకారాలు, రెండు ధాన్యాగారాలు, 5 దేవాలయాలు, గుర్రపు శాలలు, ఆయుధశాల, నేటికొట్టు, మసీదు, ఖజానా, వంటి చారిత్ర సంపద ఉంది. కొండవీడు కోటను ఆంధ్రప్రదేశ్ రాష్ట్ర రక్షిత కట్టడంగా గుర్తించింది.[2]

కోటకు వెళ్లేందుకు రెండువైపుల నుంచి నేలమెట్లు ఉన్నాయి. సరాసరి కొండమీదకు వెళ్లేవారి కోసం నిర్మించాల్సిన ఘాట్‌రోడ్డుకు సర్వే పూర్తి కావస్తోంది. కొండమీద మూడు చెరువులున్నాయి. ఒకటి నిండగానే నీరు వృథా కాకుండా, రెండు చెరువులోకి వెళ్లే సౌకర్యం ఉంది. కొండకింద ఉన్న కత్తుల బావి (వేణునాథస్వామి దేవాలయం), శ్రీకృష్ణదేవరాయలు ప్రతిష్ఠించిన ధ్వజస్తంభం, ఆలయం లోపల, బయట గోడల మీద అపరూప శిల్ప సంపదలున్నాయి. కొండమీద ఉపయోగించుకునే అవకాశం ఉన్న భూమి విస్తీర్ణం అయిదు చదరపు కిలోమీటర్లు.కొండమీద చారిత్రక ఆనవాళ్లుగా నిలచిన అనేక కట్టడాలు, 44 కోట బురుజులు, 32 మైళ్ల ప్రాకారాలు, రెండు ధాన్యాగారాలు, 5 దేవాలయాలు, గుర్రపు శాలలు, ఆయుధశాల, నేటికొట్టు, మసీదు, ఖజానా, వంటి చారిత్ర సంపద ఉంది.ఘాట్‌రోడ్డు కొత్తపాలెం వైపు నుంచి, అయిదో నెంబరు జాతీయ రహదారికి సమీపంలో గల కోట, కొండవీడు గ్రామాల వైపు నుంచి అభివృద్ధి చేసుకుంటూ వస్తూ మెరుగైన రవాణా సౌకర్యాలు అందుబాటులోకి వస్తాయి. కొండవీడు కోటను రాష్ట్ర ప్రభుత్వం రక్షిత కట్టడంగా గుర్తించింది.కొండవీడు కోటను పురావస్తు శాఖ రక్షిత కట్టడంగా జి.ఒ.1535 తేదీ 2-11-1966న నిర్ణయించారు. ఇక్కడో కందకం (అగడ్త)ఉండేది. 37 ఎకరాల విస్తీర్ణం గల ఈకందకానికి చారిత్రక కొండవీటికొండ మీద నుంచి వర్షాకాలంలో నీరు జాలువారుతుంది. కందకంలోకి చేరిన నీటిని కొండవీడు పరిసరాల్లోని ఐదు గ్రామాల భూముల రైతులు సాగునీరుకు వినియోగించు కుంటున్నారు. చాలా కాలంగా సరైన మరమ్మతులు లేకపోవటంతో కందకం అడవి మాదిరిగా తయారైంది. భూగర్భ జలాల పెరుగుదలకు ఉపయోగపడుతుందని అధికారులు నివేదికలు రూపొందించారు.20 సెంట్ల కందకం ప్రాంతాన్ని పూర్తిగా ఆక్రమించి రూపురేఖలు మార్చారు.ఎనిమిది అడుగుల లోతు గల కందకాన్ని పెద్ద పెద్ద బండరాళ్లు, మట్టితో పూడ్చి వేసి చదునుచేశారు. కందకం పరిధిలో ఒకటి రెండు చోట్ల ఇళ్ల నిర్మాణం చేపట్టారు.

కొండవీడు దుర్గంలో బౌద్ధం ఆనవాళ్ళు[మార్చు]

ఇప్పటి వరకూ దుర్గం రెడ్డిరాజుల కోటగానే గుర్తింపు ఉంది. ఐతే, ప్రస్తుతం వారి పరిపాలనకు ముందు సుమారు రెండు వేల సంవత్సరాల క్రితమే అక్కడ బౌద్ధనాగరికత ఉందన్న వాదనలు వినిపిస్తున్నాయి. గుంటూరు సర్కిల్‌ అటవీశాఖ అధికారి అనూప్‌సింగ్‌ సతీమణి రుచిసింగ్‌, కేంద్రీయ విశ్వవిద్యాలయ ప్రొఫెసర్‌ కె.వి.రావుతో కలసి ఇక్కడ ఈ మధ్య నిధుల కోసం తవ్వకాలు జరిపిన శివాలయం పరిసరాల్లో బౌద్ధ స్థూపాన్ని గుర్తించారు. స్థూపం సుమారు 12 అడుగుల వ్యాసార్థంతో ఉంది. నిర్మాణానికి లేత ఆకుపచ్చ, నాపరాళ్లు, నలుపు రంగు రాళ్లు వాడారు.స్థూపం పైన శివాలయం నిర్మించారని తేల్చారు.

కొండవీడు కొండల మీద టెర్రాస్‌ స్థూపాలు కన్పిస్తున్నాయి. ఈ స్థూపాలు వేదికలాగా ఉంటాయి. ఇవి శాతవాహనుల కాలం నాటి పెద్దపెద్ద ఇటుకలతో నిర్మితమయ్యాయి. అలాగే బౌద్ధ విహారాల పైకప్పుల కోసం ఉపయోగించుకొనే పెంకులు, మట్టిపాత్రల శకలాలు కూడా ఇక్కడ దొరికాయి. కొండవీడు కొండలు సముద్ర మట్టానికి పదిహేడు వందల ముఫ్పై అయిదు అడుగుల ఎత్తులో ఉన్నాయి.శాతవాహనులు క్రీస్తు పూర్వం 1, 2 శతాబ్దాల నాటికి ధాన్యకటకాన్ని ముఖ్య పట్టణంగా చేసుకొని పరిపాలించారు.కొండవీడు కొండల మీద కూడా శాతవాహనుల కాలంలోనే బౌద్ధం వ్యాపించిందన్నందుకు ఆధారాలు దొరికాయి. ఈ కొండల మీద కాలిబాటకు రెండు వైపులా పైభాగంలో కూడా బౌద్ధ స్థూపాలను నిర్మించిన ఆధారాలు దొరికాయి. ఎత్తయిన కొండల మీద ఏటవాలుగా ఉన్న ప్రదేశాల్లో వేదికల మీద నిర్మించిన స్థూపాలను టెర్రాస్‌ స్థూపాలని అంటారు. గుంటూరు జిల్లాలోని అమరావతి, భట్టిప్రోలు, మల్లెపాడు (తెనాలి) లాంటి ప్రాచీన బౌద్ధక్షేత్రాల దగ్గర మాత్రమే అతి పెద్ద పరిమాణంలో యాభై ఎనిమిది సెంటీమీటర్ల పొడవు, ముప్ఫయి సెంటీమీటర్ల వెడల్పు, పది సెంటీమీటర్ల మందం కలిగిన పెద్ద ఇటుకలు దొరికాయి. అలాగే కొండవీడు కొండపైన చైనా దేశానికి చెందిన సెల్‌డన్‌వేర్‌గా పేరున్న కొన్ని పింగాణీ పాత్రలకు చెందిన ముక్కలు కూడా లభించాయి.[3]

మౌలిక వసతులు[మార్చు]

విద్యా సౌకర్యాలు[మార్చు]

గ్రామంలో ప్రభుత్వ ప్రాథమిక పాఠశాలలు ఐదు, ప్రైవేటు ప్రాథమిక పాఠశాల ఒకటి, ప్రభుత్వ ప్రాథమికోన్నత పాఠశాలలు రెండు, ప్రైవేటు ప్రాథమికోన్నత పాఠశాల ఒకటి ఉన్నాయి.

బాలబడి యడ్లపాడులోను, మాధ్యమిక పాఠశాల సొలసలోనూ ఉన్నాయి. సమీప జూనియర్ కళాశాల యడ్లపాడులోను, ప్రభుత్వ ఆర్ట్స్ / సైన్స్ డిగ్రీ కళాశాల చిలకలూరిపేటలోనూ ఉన్నాయి. సమీప మేనేజిమెంటు కళాశాల ఫిరంగిపురంలోను, వైద్య కళాశాల, పాలీటెక్నిక్‌లు గుంటూరులోనూ ఉన్నాయి.

సమీప వృత్తి విద్యా శిక్షణ పాఠశాల, అనియత విద్యా కేంద్రం చిలకలూరిపేటలోను, దివ్యాంగుల ప్రత్యేక పాఠశాల గుంటూరు లోనూ ఉన్నాయి.

వైద్య సౌకర్యం[మార్చు]

ప్రభుత్వ వైద్య సౌకర్యం[మార్చు]

కొండవీడులో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఒకరు పారామెడికల్ సిబ్బంది ఉన్నారు.

పశు వైద్యశాల, సంచార వైద్య శాల గ్రామం నుండి 5 నుండి 10 కి.మీ. దూరంలో ఉన్నాయి. సమీప సామాజిక ఆరోగ్య కేంద్రం, ప్రాథమిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం[మార్చు]

గ్రామంలో2 ప్రైవేటు వైద్య సౌకర్యాలున్నాయి. డిగ్రీ లేని డాక్టరు ఒకరు, ఒక నాటు వైద్యుడు ఉన్నారు. ఒక మందుల దుకాణం ఉంది.

తాగు నీరు[మార్చు]

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది.

పారిశుధ్యం[మార్చు]

గ్రామంలో మురుగునీటి పారుదల వ్యవస్థ లేదు. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు[మార్చు]

కొండవీడులో సబ్ పోస్టాఫీసు సౌకర్యం ఉంది. పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు గ్రామం నుండి 10 కి.మీ.కి పైబడిన దూరంలో ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామం నుండి 10 కి.మీ.కి పైబడిన దూరంలో ఉన్నాయి.

గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. ప్రైవేటు బస్సు సౌకర్యం గ్రామానికి 5 నుండి 10 కి.మీ. దూరంలో ఉంది. రైల్వే స్టేషన్ గ్రామం నుండి 10 కి.మీ.కి పైబడిన దూరంలో ఉంది.

జిల్లా రహదారి గ్రామం గుండా పోతోంది. జాతీయ రహదారి, రాష్ట్ర రహదారి, ప్రధాన జిల్లా రహదారి గ్రామం నుండి 5 నుండి 10 కి.మీ. దూరంలో ఉన్నాయి. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.

మార్కెటింగు, బ్యాంకింగు[మార్చు]

గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. ఏటీఎమ్, వాణిజ్య బ్యాంకు, సహకార బ్యాంకు, వ్యవసాయ పరపతి సంఘం గ్రామం నుండి 5 నుండి 10 కి.మీ. దూరంలో ఉన్నాయి. రోజువారీ మార్కెట్, వారం వారం సంత, వ్యవసాయ మార్కెటింగ్ సొసైటీ గ్రామం నుండి 10 కి.మీ.కి పైబడిన దూరంలో ఉన్నాయి.

ఆరోగ్యం, పోషణ, వినోద సౌకర్యాలు[మార్చు]

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో గ్రంథాలయం, పబ్లిక్ రీడింగ్ రూం ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ స్టేషన్, జనన మరణాల నమోదు కార్యాలయం ఉన్నాయి. సినిమా హాలు గ్రామం నుండి 5 నుండి 10 కి.మీ. దూరంలో ఉంది. ఆటల మైదానం గ్రామం నుండి 10 కి.మీ.కి పైబడిన దూరంలో ఉంది.

విద్యుత్తు[మార్చు]

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 8 గంటల పాటు వ్యవసాయానికి, 8 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం[మార్చు]

కొండవీడులో భూ వినియోగం కింది విధంగా ఉంది:

  • అడవి: 1150 హెక్టార్లు
  • వ్యవసాయేతర వినియోగంలో ఉన్న భూమి: 61 హెక్టార్లు
  • సాగులో లేని భూముల్లో బీడు భూములు కానివి: 70 హెక్టార్లు
  • బంజరు భూమి: 443 హెక్టార్లు
  • నీటి సౌకర్యం లేని భూమి: 324 హెక్టార్లు
  • వివిధ వనరుల నుండి సాగునీరు లభిస్తున్న భూమి: 188 హెక్టార్లు

నీటిపారుదల సౌకర్యాలు[మార్చు]

కొండవీడులో వ్యవసాయానికి నీటి సరఫరా కింది వనరుల ద్వారా జరుగుతోంది.

  • కాలువలు: 60 హెక్టార్లు
  • బావులు/బోరు బావులు: 127 హెక్టార్లు

ఉత్పత్తి[మార్చు]

కొండవీడులో ఈ కింది వస్తువులు ఉత్పత్తి అవుతున్నాయి.

ప్రధాన పంటలు[మార్చు]

వరి, ప్రత్తి, మిరప

గ్రామానికి వ్యవసాయం మరియు సాగునీటి సౌకర్యం[మార్చు]

ఆకాశం నుండి జాలువారే ప్రతి నీటి చుక్కా, చెరువులలో చేరేలాగా అప్పటి రాజులు చూపించిన నైపుణ్యం, నేటితరం ఇంజనీరులను సైతం అబ్బురపరచుచున్నది. అందుకు సజీవసాక్ష్యాలుగా కొండవీడుపైన ఉన్న ఈ మూడు చెరువులూఇప్పటికీ నిలిచి ఉన్నవి:-

1.ముత్యాలమ్మ చెరువు, 2.పుట్టాలమ్మ చెరువు, 3,వెదుళ్ళ చెరువు.

కొండలపై పడిన వర్షపు నీరు, ఒకదాని తరువాత మరొక చెరువు నిండేలాగా చేసిన ఈ మూడు చెరువుల రూపకల్పన అద్భుతం. ఈ చెరువులు ఇప్పటికీ వేసవిలో గూడా జలకళతో కనువిందు చేయుచున్నవి. [4]

గ్రామంలోని దర్శనీయ ప్రదేశములు/దేవాలయాలు[మార్చు]

వెన్నముద్దల వేణుగోపాలస్వామి విగ్రహం[మార్చు]

మరెక్కడా లేని విగ్రహం. [4] చేత వెన్నముద్ద, చెంగల్వ పూదండ, మెడలో పులిగోరుతో సాధారణ బాలుడిగా చిన్ని కృష్ణుడు విగ్రహం ప్రపంచంలో మరెక్కడా లేదు. కొండకిందనే ఛంఘీస్‌ఖాన్‌ పేటలో కృష్ణుని దేవాలయం ఉంది. అక్కడ వెన్నముద్దను చేతపట్టుకుని ఉండే బాలకృష్ణుని విగ్రహం ఉంది.కొండవీడులో నీరు, గాలి, వాతావరణం అనుకూలంగా ఉంటుందని ప్రపంచంలో ఎక్కడా కనిపించని వెన్నముద్దల వేణుగోపాలస్వామి విగ్రహం ఉన్న చెంఘీజ్‌ఖాన్‌పేట దేవాలయం ప్రాంతాన్ని రూ.150 కోట్లతో విశ్వవిఖ్యాత పర్యాటక కేంద్రంగా తీర్చిదిద్దుతామని అంతర్జాతీయ కృష్ణ చైతన్య సంఘం (ఇస్కాన్‌) తెలిపింది.

గ్రామ విశేషాలు[మార్చు]

ఇస్కాన్‌ పధకాలు[మార్చు]

150 ఎకరాల్లో రూ.150 కోట్లతో ప్రపంచ పర్యాటక కేంద్రంగా కొండవీడును తీర్చిదిద్దుతామని ఇస్కాన్‌ అంటోంది:

  • దేవాలయం:150 ఎకరాల్లో నిర్మించే వాటిలో అతి పెద్ద దేవాలయం నిర్మాణానికే ప్రాధాన్యం. శ్రీ కృష్ణుని లీలా వినోదాలు కళ్ళకు కట్టేలా అందర్జాతీయ స్థాయి నమూనాతో రూపొందించే దేవాలయం
  • అంతర్జాతీయ పాఠశాల:- కోట, కొండవీడు, చెంఘీజ్‌ఖాన్‌పేట ఈ మూడు గ్రామాల పరిధిలో ఏర్పాటు చేస్తారు.
  • వైద్యశాల: ఉచిత వైద్య సౌకర్యాన్ని అందించే వైద్యశాల నిర్మిస్తారు.
  • థీమ్‌ పార్కు: కోట, కొండవీడు, చెంఘీజ్‌ఖాన్‌పేట గ్రామాల పరిధిలో థీమ్‌పార్కు ఏర్పాటు చేస్తారు.జలాశయాలు, నీటి ఫౌంటేన్లు ఆకర్షణీయంగా రూపొందిస్తారు.
  • ప్రదర్శనశాలలు: 2 ప్రదర్శన శాలలు నిర్మిస్తారు. ఆధునిక, డిజిటల్‌ సౌకర్యాలతో కళ్ళు మిరుమిట్లు గొలిపే విద్యుత్తు కాంతుల మధ్య ప్రదర్శనలకు భారీ ఏర్పాట్లు చేస్తారు.ఆడిటోరియం నిర్మిస్తారు.
  • ఆహారం: ప్రపంచ పర్యాటక కేంద్రంగా రూపొందించే కార్యక్రమానికి అనువుగా ఆహారశాలలు ఏర్పాటు చేస్తారు.చిన్నారులకు, విద్యార్థులకు మధ్యాహ్న భోజన పథకం నిర్వహిస్తారు. వీధి బాలల కోసం గురుకులం నిర్మించి ఉచితంగా విద్య అందిస్తారు.
  • గ్రామాల దత్తత: కొన్ని గ్రామాలను దత్తత తీసుకుని తీర్చిదిద్దుతుంది.
  • కోటలో మ్యూజియం:కొండవీడును పరిపాలించిన అనేక మంది రాజుల వివరాలు ఆధ్యాత్మిక భావనలు, కళా సాంస్కృతిక రంగాల ఆదరణ వివరించే విధంగా కోట గ్రామంలో భారీ మ్యూజియం ఏర్పాటు చేస్తారు.
  • నల్లనయ్యకు పెద్ద కోవెల : వెన్నముద్దతో ముద్దులొలికే బాల గోపాలుని విగ్రహం ప్రపంచంలో మరెక్కడా లేదని నిర్ధారించుకున్న ఇస్కాన్‌ చెంఘీజ్‌ఖాన్‌పేటలో గల ఈ విగ్రహం ఉన్న ప్రస్తుత దేవాలయాన్ని ప్రపంచస్థాయి అద్భుత కళానైపుణ్యంతో నిర్మించేందుకు ఈ పథకం రెండో దశలో మూడు గ్రామాలను కలుపుతూ అనేక పధకాలు రూపొందించింది. చెంఘీజ్‌ఖాన్‌పేటలో ప్రస్తుతం దేవాలయం ఉన్నచోట 50 ఎకరాల విస్తీర్ణంలో తమిళనాడులోని వెల్లూరులోగల స్వర్ణదేవాలయం నమూనాతో వేణుగోపాలస్వామికి ఆలయం నిర్మిస్తుంది. దీంతోపాటు వేద పాఠశాల వైదిక పారాయణ, ఉపాధ్యాయులకు నివాస గృహాలు కూడా ఏర్పాటు చేస్తారు. రామాయణం, మహాభారతం ఇతివృత్తాలను ఆకర్షణీయంగా ప్రతిరోజూ ప్రదర్శించేలా ఏర్పాట్లు చేస్తారు.

కత్తులబావి[మార్చు]

కొండవీడు కోట పరిధిలో అత్యంత గుర్తింపు కలిగిన ప్రాంతం కత్తులబావి. దీన్నే గోపీనాథ దేవాలయం అని కూడా అంటారు. ప్రస్తుతం ఈ ఆలయంలో కూల్చివేతలు కొనసాగుతున్నాయి.రాజుల హయాంలో అక్కడ మణులు, మాణిక్యాలు, బంగారం తదితర విలువైన లోహాలను భద్రపరచి ఉంటారనే అంచనాలతో చారిత్రక నిర్మాణాల తొలగింపునకు పాల్పడుతున్నారు. ఇప్పటికే మొదటి మండపం కప్పునకు ఉన్న పెద్ద రాళ్లను తొలగించేశారు. అంతరాలయంలో ఉత్తర మండపానికి పక్కనున్న కుంభాకార స్తంభాన్ని కూడా తొలగించారు. కుంభాకార స్తంభం పునాదిని తవ్వుతున్నారు. అక్కడ ఏమైనా విలువైన వస్తువులు ఉండవచ్చనే దురాశతోనే అలా చేస్తున్నారని తెలుస్తోంది. అంతరాలయం పైకప్పును తొలగించారు. గర్భగుడినే కత్తులబావిగా భావించి విలువైన లోహాల కోసం విచ్చలవిడిగా తవ్వకాలను కొనసాగిస్తున్నారు.కత్తులబావిలో తవ్వకాల గురించి తెలుసుకున్న చంఘిజ్‌ఖాన్‌పేట, కోట, కొత్తపాలెం, హౌస్‌గణేష్‌ వాసులు అప్రమత్తులయ్యారు.కోటలో అభివృద్ధి పనులు ప్రారంభమై, ఒక కొలిక్కి వచ్చేంతవరకు రక్షించుకోవాల్సిన బాధ్యత ఉంది.

కొండవీడు దర్గా[మార్చు]

కొండవీడులో సయ్యద్‌ ఖుదాదే ఫకిర్‌ షాఔలియా (దాదాపీర్‌) బాబా ఉరుసు జరుగుతుంది. వివిధప్రాంతాల నుంచి భక్తులు తరలివస్తారు. కొండవీడు నుంచి బాబా గంధ మహోత్సవం ఊరేగింపుగా బయల్దేరి తెల్లవారుజామున దర్గా వద్దకు చేరుతుంది.

వారసత్వ ప్రదర్శనశాల[మార్చు]

ఈ గ్రామములో పర్యాటకులకోసం, ప్రైవేటు భాగస్వామ్యంతో, 4 కోట్ల రూపాయల అంచనా వ్యయంతో త్వరలో ఒక వారసత్వ ప్రదర్శనశాల (మ్యూజియం) ఏర్పాటుకు ప్రభుత్వం అనుమతి మంజూరుచేసింది. ఫిరంగిపురం-హౌస్ గణేష్ గ్రామాల మధ్యలో, ఒక ఎకరం విస్తీర్ణంలో, దీని నిర్మాణానికి, 2016,ఫిబ్రవరి-28న శంకుస్థాపన నిర్వహించెదరు. ఒక ఏడాదిలో ప్రారంభం చేసెదరు. ఇక్కడ కొండవీడు చరిత్ర, రెడ్డిరాజుల రాజ్య విస్తరణ, నాటి అవశేషాలను ప్రదర్శించెదరు. 4 గ్యాలరీల ఏర్పాటు, పచ్చదనం, రాతిశిల్పాలు, ప్రాచీన గ్రంథాలు, చారిత్రిక విశేషాలను తెలియజేసే డిజిటల్ గ్రంథాలయం, పరిశోధకులకు ఉపయోగపడే మరికొన్ని అంశాలను ప్రదర్శించెదరు. పరిశోధకులకు, విద్యార్థులకు, బాలబాలికలను గూడా ఆకట్టుకునేలాగా దీనిని నిర్మించెదరు. పిల్లలకోసం ప్రత్యేకంగా మినీ పార్క్, సాంస్కృతిక ప్రదర్శనలు నిర్వహించుటకు ప్రత్యేకంగా ఒక వేదికను గూడా నిర్మించెదరు. మన జాతి గొప్పదనం దశదిశలా వ్యాప్తిచెందేలాగా, భావి తరలాకు తెలిసేలాగా దీనిని నిర్మించుచున్నారు. [3]

గ్రామంలో ప్రధాన పంటలు[మార్చు]

గ్రామంలో ప్రధాన వృత్తులు[మార్చు]

గ్రామ ప్రముఖులు[మార్చు]

గణాంకాలు[మార్చు]

  • 2001 వ.సంవత్సరం జనాభా లెక్కల ప్రకారం
  • జనాభా 6600
  • పురుషుల సంఖ్య 3353
  • మహిళలు 3247
  • నివాసగృహాలు 1649
  • విస్తీర్ణం 1725 హెక్టారులు
  • ప్రాంతీయ భాష తెలుగు
జనాభా (2011) - మొత్తం 7,407 - పురుషుల సంఖ్య 3,755 - స్త్రీల సంఖ్య 3,652 - గృహాల సంఖ్య 1,963

మూలాలు[మార్చు]

  1. https://andhranation.wordpress.com/2015/09/23/here-is-the-full-list-of-mandals-and-villages-coming-under-ap-capital-city-and-ap-capital-region/
  2. . http://telugu.nativeplanet.com/travel-guide/visit-forts-palaces-andhra-pradesh-telangana-000595.html#slide5495 http://telugu.nativeplanet.com/travel-guide/visit-forts-palaces-andhra-pradesh-telangana-000595.html#slide5495. Retrieved 26 October 2016.  Missing or empty |title= (help); External link in |publisher= (help)
  3. జూలై 16, 2010 ఈనాడు గుంటూరు జిల్లా అనుబంధం
  4. ఫిబ్రవరి 21, 2010 ఈనాడు గుంటూరు జిల్లా అనుబంధం

వెలుపలి లింకులు[మార్చు]

[3] ఈనాడు గుంటూరు సిటీ; 2016,ఫిబ్రవరి-6; 20వపేజీ. [4] ఈనాడు గుంటూరు రూరల్; 2017,మే-22; 13వపేజీ.

"https://te.wikipedia.org/w/index.php?title=కొండవీడు&oldid=2321191" నుండి వెలికితీశారు