చనుబండ

వికీపీడియా నుండి
Jump to navigation Jump to search
చనుబండ
—  రెవిన్యూ గ్రామం  —
రాష్ట్రం ఆంధ్ర ప్రదేశ్
జిల్లా కృష్ణా జిల్లా
మండలం చాట్రాయి
ప్రభుత్వము
 - సర్పంచి మోరంపూడి అనసూయ
జనాభా (2011)
 - మొత్తం 8,907
 - పురుషుల సంఖ్య 4,459
 - స్త్రీల సంఖ్య 4,448
 - గృహాల సంఖ్య 2,503
పిన్ కోడ్ 521214
ఎస్.టి.డి కోడ్ 08598

చనుబండ కృష్ణా జిల్లా, చాట్రాయి మండలంలోని గ్రామం. ఇది మండల కేంద్రమైన చాట్రాయి నుండి 11 కి. మీ. దూరం లోను, సమీప పట్టణమైన నూజివీడు నుండి 30 కి. మీ. దూరంలోనూ ఉంది. 2011 భారత జనగణన గణాంకాల ప్రకారం ఈ గ్రామం 2503 ఇళ్లతో, 8907 జనాభాతో 3445 హెక్టార్లలో విస్తరించి ఉంది. గ్రామంలో మగవారి సంఖ్య 4459, ఆడవారి సంఖ్య 4448. షెడ్యూల్డ్ కులాల సంఖ్య 3142 కాగా షెడ్యూల్డ్ తెగల సంఖ్య 103. గ్రామం యొక్క జనగణన లొకేషన్ కోడ్ 589016[1].పిన్ కోడ్: 521214, ఎస్.టి.డి.కోడ్ = 08673.

విషయ సూచిక

గ్రామ భౌగోళిక స్థితి[మార్చు]

[2] సముద్రమట్టానికి 28 మీ.ఎత్తు

  • గ్రామం ప్రధాన కూడలి నాలుగు దిక్కులా నాలుగు దారులతొ ఉంది. ఒకటి విజయవాడకు, ఒకటి సత్తుపల్లికి, ఒకటి తిరువూరుకి, వేరొకటి చింతలపూడికి దారితీస్తాయి.
  • చనుబండ, భౌగోళికంగా 17°04′ఉత్తర 80°81′తూర్పు అక్షాంశరేఖాంశాలలో ఉన్న చాట్రాయి మండలానికి చెందిన రెండవ పెద్ద గ్రామం. గ్రామానికి 100 సంవత్సరాలు పైబడిన చరిత్ర ఉంది.
  • చనుబండ గ్రామం, కృష్ణా జిల్లా సరిహద్దులో కృష్ణా మరియు ఖమ్మం జిల్లాల మద్యలో ఉంది.
  • గ్రామానికి తూర్పున నరసింహరావు పాలెం, ఉత్తరాన సూరంపాలెం, పడమటీన కొర్లమండ, దక్షిణాన క్రిషణారావు పాలెం ఉన్నాయి.

సమీప గ్రామాలు[మార్చు]

ఈ గ్రామానికి సమీపంలో బూరుగుగూడెం, చాట్రాయి, నరసాపురం, జానలగడ్డ, చిన్నంపేట గ్రామాలు ఉన్నాయి.

సమీప మoడలాలు[మార్చు]

విస్సన్నపేట, లింగపాలెం, చింతలపాడు, సత్తుపల్లి

సమాచార, రవాణా సౌకర్యాలు[మార్చు]

చానుబండలో పోస్టాఫీసు సౌకర్యం ఉంది. సబ్ పోస్టాఫీసు సౌకర్యం గ్రామానికి 5 నుండి 10 కి.మీ. దూరంలో ఉంది. పోస్ట్ అండ్ టెలిగ్రాఫ్ ఆఫీసు గ్రామం నుండి 10 కి.మీ.కి పైబడిన దూరంలో ఉంది. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామం నుండి 10 కి.మీ.కి పైబడిన దూరంలో ఉన్నాయి. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. ప్రైవేటు బస్సు సౌకర్యం, రైల్వే స్టేషన్ మొదలైనవి గ్రామం నుండి 10 కి.మీ.కి పైబడిన దూరంలో ఉన్నాయి. ప్రధాన జిల్లా రహదారి గ్రామం నుండి 5 నుండి 10 కి.మీ. దూరంలో ఉంది. జాతీయ రహదారి, రాష్ట్ర రహదారి, జిల్లా రహదారి గ్రామం నుండి 10 కి.మీ.కి పైబడిన దూరంలో ఉన్నాయి. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి. మర్లపాడు, రాఘవాపురం నుండి రోడ్దురవాణా సౌకర్యం ఉంది. రైల్వేస్టేషన్: విజయవాడ 68 కి.మీ దూరంలో ఉంది.

విద్యా సౌకర్యాలు[మార్చు]

గ్రామంలో ప్రభుత్వ ప్రాథమిక పాఠశాలలు 9, ప్రైవేటు ప్రాథమిక పాఠశాలలు 10, ప్రభుత్వ ప్రాథమికోన్నత పాఠశాలలు రెండు , ప్రభుత్వ మాధ్యమిక పాఠశాలలు రెండు ఉన్నాయి. సమీప బాలబడి చాట్రాయిలో ఉంది. సమీప జూనియర్ కళాశాల, ప్రభుత్వ ఆర్ట్స్ / సైన్స్ డిగ్రీ కళాశాల విస్సన్నపేటలోను, ఇంజనీరింగ్ కళాశాల నూజివీడులోనూ ఉన్నాయి. సమీప వైద్య కళాశాల, మేనేజిమెంటు కళాశాల విజయవాడలోను, పాలీటెక్నిక్ విస్సన్నపేటలోనూ ఉన్నాయి. సమీప వృత్తి విద్యా శిక్షణ పాఠశాల నూజివీడులోను, అనియత విద్యా కేంద్రం, దివ్యాంగుల ప్రత్యేక పాఠశాల‌లు విజయవాడలోనూ ఉన్నాయి.

  1. జిల్లా పరిషత్తు ఉన్నత పాఠశాల.
  2. ప్రభుత్వ ప్రాథమికోన్నత పాఠశాల కొందరు పెద్దల చొరవతో శ్రీ కొత్తగుండ్ల విశ్వనాథం భూమి విరాళంతో 1964 లో గ్రామంలో తొలిసారిగా ఏర్పాటు చేయబడింది.
  3. గ్రామంలో రెండు ప్రాథమిక పాఠశాలలు ఉన్నాయి.
  4. గ్రంధాలయం.

గ్రామములో మౌలిక వసతులు[మార్చు]

తపాలా కార్యాలయం[మార్చు]

మండలానికి చెందిన ప్రధాన తపాలా కార్యాలయం ఇక్కడనే ఉంది.

బ్యాంకులు[మార్చు]

ఇండియన్ బ్యాంక్. ఫోన్ నం. 08673/255226.

పశువైద్యశాల[మార్చు]

చనుబండ, సూరంపాలెం, నరసింహారావుపాలెం, సి.గుడిపాడు, కృష్ణారావుపాలెం గ్రామాలకు చెందిన పశువులకు ఇక్కడ వైద్యం చేస్తున్నారు.

పారిశుధ్యం[మార్చు]

మురుగునీరు బహిరంగ కాలువల ద్వారా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా కూడా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

వైద్య సౌకర్యం[మార్చు]

ప్రభుత్వ వైద్య సౌకర్యం[మార్చు]

చానుబండలో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఒకరు పారామెడికల్ సిబ్బంది ఉన్నారు. ఒక డిస్పెన్సరీలో ఒక డాక్టరు, ముగ్గురు పారామెడికల్ సిబ్బందీ ఉన్నారు. ఒక పశు వైద్యశాలలో ఒక డాక్టరు, ఒకరు పారామెడికల్ సిబ్బందీ ఉన్నారు. సమీప సామాజిక ఆరోగ్య కేంద్రం, ప్రాథమిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, సంచార వైద్య శాల, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం[మార్చు]

గ్రామంలో0 ప్రైవేటు వైద్య సౌకర్యాలున్నాయి. ఎమ్బీబీయెస్ డాక్టర్లు ఇద్దరు, డిగ్రీ లేని డాక్టర్లు ఐదుగురు ఉన్నారు. రెండు మందుల దుకాణాలు ఉన్నాయి.

గ్రామానికి వ్యయసాయం మరియు సాగునీటి సౌకర్యం[మార్చు]

కావలసిన సాగునీటి వనరులు, ప్రధానంగా గ్రామంలో కల మూడు చెరువుల ద్వారా లభ్యమవుతాయి.

పెద్ద చెరువు:- మత్స్యకారులకు జీవనోపాధి కల్పించేటందుకు, రాష్ట్ర ప్రభుత్వం ఉపాది పథకం నిధులతో, 10 లక్షల రూపాయలు వెచ్చించి, ఈ చెరువులో చేప పిల్లల పెంపకానికై, ఏర్పాట్లు చేసినారు. [8]

తాగు నీరు[మార్చు]

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. కుళాయిల ద్వారా శుద్ధి చేయని నీరు కూడా సరఫరా అవుతోంది. బావుల నీరు కూడా అందుబాటులో ఉంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది. బోరుబావుల ద్వారా కూడా ఏడాది పొడుగునా నీరు అందుతుంది.

గ్రామ పంచాయతీ[మార్చు]

2013,జులైలో ఈ గ్రామ పంచాయతీకి నిర్వహించిన ఎన్నికలలో, శ్రీ తీర్ధాల అద్భుతరావు ఉపసర్పంచిగా ఎన్నికైనారు. [10]

గ్రామంలోని దర్శనీయ ప్రదేశములు/దేవాలయాలు[మార్చు]

గ్రామంలో అన్ని ప్రధాన మతాల వారికి చెందిన మందిరాలు ఉన్నాయి.

  1. శ్రీ కోదండ రామాలయం:- భద్రాచలంలో శ్రీ సీతారాముల కళ్యాణం చూడలేనివారు, ఈ ఆలయంలో చూసినయెడల, అదే పుణ్యం లభించునని నానుడి. అందువలన ఈ ఆలయానికి, అపర భద్రాద్రి అని పేరు. గ్రామంలోని ఈ దేవాలయనికి 400 సంవత్సరాల చరిత్ర ఉంది. ఇపుడు వున్న ఆలయం 1627లో నిర్మించగా, ఆలయ గోపురాన్ని భద్రాచలం ఆలయ గోపురం మాదిరిగా నిర్మించారు. భద్రాచలం వలెనే ఏటా ఇక్కడి రామాలయంలో కూడా స్వామి వారి కళ్యాణం వేడుకగా జరుగుతుంది. శ్రీరామ నవమి సందర్భంగా ఇక్కడ తిరునాళ్ళు, కబడ్డి పొటీలు కూడా జరుగుతాయి. శ్రీరామనవమి అయిన మరుసటిరోజున శ్రీరామ పట్టాభిషేక మహోత్సవం వైభవంగా నిర్వహించెదరు. [3]&[7]
  2. ‍శ్రీ సత్యనారాయణస్వామివారి దేవాలయం:- ఈ ఆలయం నిర్మించి మూడు సంవత్సరాలు అయిన సదర్భంగా, ఆలయంలో బ్రహ్మొత్సవాలు నిర్వహించుచున్నారు. ఈ సందర్భంగా 2017, మార్చి-1వతేదీ బుధవారంనాడు, స్వామివారి కళ్యాణం అంగరంగ వైభవంగా నిర్వహించారు. [5]
  3. శ్రీ ఎల్లమ్మ తల్లి ఆలయం:- ఈ ఆలయాన్ని 2016లో ప్రతిష్ఠించినారు. ఈ ఆలయంలో 2017,జులై-11వతేదీ మంగళవారంనాడు, వివిధప్రాంతాల నుండి మహిళలు తరలి వచ్చి అమ్మవారికి బోనాలు సమర్పించినారు. [9]
  4. మసీదు.
  5. చర్చి.
  6. పెంతుకొస్తు చర్చి.

మార్కెటింగు, బ్యాంకింగు[మార్చు]

గ్రామంలో వాణిజ్య బ్యాంకు, సహకార బ్యాంకు, వ్యవసాయ పరపతి సంఘం ఉన్నాయి. గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. వ్యవసాయ మార్కెటింగ్ సొసైటీ గ్రామం నుండి 5 నుండి 10 కి.మీ. దూరంలో ఉంది. ఏటీఎమ్ గ్రామం నుండి 10 కి.మీ.కి పైబడిన దూరంలో ఉంది. రోజువారీ మార్కెట్, వారం వారం సంత గ్రామం నుండి 10 కి.మీ.కి పైబడిన దూరంలో ఉన్నాయి.

ఆరోగ్యం, పోషణ, వినోద సౌకర్యాలు[మార్చు]

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో సినిమా హాలు, గ్రంథాలయం, పబ్లిక్ రీడింగ్ రూం ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ స్టేషన్, జనన మరణాల నమోదు కార్యాలయం ఉన్నాయి. ఆటల మైదానం గ్రామం నుండి 10 కి.మీ.కి పైబడిన దూరంలో ఉంది.

విద్యుత్తు[మార్చు]

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 15 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం[మార్చు]

చానుబండలో భూ వినియోగం కింది విధంగా ఉంది:

  • వ్యవసాయేతర వినియోగంలో ఉన్న భూమి: 501 హెక్టార్లు
  • వ్యవసాయం సాగని, బంజరు భూమి: 108 హెక్టార్లు
  • శాశ్వత పచ్చిక ప్రాంతాలు, ఇతర మేత భూమి: 38 హెక్టార్లు
  • తోటలు మొదలైనవి సాగవుతున్న భూమి: 42 హెక్టార్లు
  • వ్యవసాయం చేయదగ్గ బంజరు భూమి: 604 హెక్టార్లు
  • సాగులో లేని భూముల్లో బీడు భూములు కానివి: 47 హెక్టార్లు
  • బంజరు భూమి: 523 హెక్టార్లు
  • నికరంగా విత్తిన భూమి: 1579 హెక్టార్లు
  • నీటి సౌకర్యం లేని భూమి: 1742 హెక్టార్లు
  • వివిధ వనరుల నుండి సాగునీరు లభిస్తున్న భూమి: 408 హెక్టార్లు

నీటిపారుదల సౌకర్యాలు[మార్చు]

చానుబండలో వ్యవసాయానికి నీటి సరఫరా కింది వనరుల ద్వారా జరుగుతోంది.

  • బావులు/బోరు బావులు: 65 హెక్టార్లు
  • చెరువులు: 232 హెక్టార్లు
  • ఇతర వనరుల ద్వారా: 111 హెక్టార్లు

ఉత్పత్తి[మార్చు]

చానుబండలో ఈ కింది వస్తువులు ఉత్పత్తి అవుతున్నాయి.

పారిశ్రామిక ఉత్పత్తులు[మార్చు]

బియ్యం

ప్రధాన పంటలు[మార్చు]

వరి, మామిడి ప్రధాన వ్యవసాయ ఉత్పత్తులు. చుట్టుపక్కల గ్రామాలకి ఇది ప్రధాన వాణిజ్య కూడలిగా ఉంది.

ప్రధాన వృత్తులు[మార్చు]

ఇక్కడి ప్రజల ప్రధాన వృత్తి వ్యవసాయం.

గ్రామ విశేషాలు[మార్చు]

విస్సన్నపేట మండలం కొర్లమండ గ్రామానికి చెందిన శ్రీ దొబ్బిగడ్ల సత్యనారాయణ, చనుబండ గ్రామంలో 80 సెంట్ల భూమిని కౌలుకు తీసికొని, ఈ సంవత్సరం ఖరీఫ్ లో "బాస్మతి" వరి సాగు చేపట్టినారు. ఈ సంవత్సరం వర్షాభావ పరిస్థితి తలెత్తినా గానీ, పైరు ఏపుగా పెరిగి, దిగుబడులపై నమ్మకాన్ని పెంచింది. మెట్ట ప్రాంతంలో ఈ వరి, సాగుకు అనుకూలం కాదని పలువురు చెప్పినా, ప్రయోగాత్మకంగా చేపట్టినట్లు ఈ రైతు చెబుచున్నారు. ప్రస్తుతం ఈ పంట ఒక వారం రోజులలో కోతకు వచ్చేటట్లున్నది. [2]

ఈ గ్రామానికి చెందిన శ్రీ కొక్కెరపాటి రాజారావు కుమారుడు శ్రీ ఫణివిక్రమకుమార్, ఝార్ఖండ్ రాష్ట్రంలోని రాంచీలో కంప్యూటర్ ఇంజనీరింగ్ పట్టభద్రుడు. అనంతరం ఐ.ఐ.ఎం.కలకత్తాలో విద్యనభ్యసించారు. ఈయన గత సంవత్సరం, ఈయన ఐ.ఐ.ఎం. విద్యార్థిగా ఉన్నప్పుడు "ది స్టోరీ ఆఫ్ ఇండియన్ బ్రాండ్ కమర్షియల్ ఓవర్ డికేడ్స్" అను ఒక పుస్తకం సమర్పించారు. ఈ పుస్తకంలోని అంశాలను గుర్తించి, వీరికి ఐ.ఐ.ఎం.కలకత్తాలో ఒక అంతర్జాతీయ సదస్సులో పాల్గొనుటకు అవకాశం లభించింది. 2015, నవంబరు-14,15 తేదీలలో, ఐ.ఐ.ఎం.ఎస్. కలకత్తాలో, "గ్లోబల్ ఎలయన్స్ ఫర్ మేనేజ్ మెంట్ యూరోపియన్ స్కూల్" అధ్వర్యంలో ఒక సదస్సు నిర్వహించుచున్నారు. ఈ సెమినార్ లో శ్రీ ఫణివిక్రమరావు, "నేటీ వ్యాపారరంగంలో బ్రాండ్ పరిణామాలు" ఆవశ్యకతపై మాట్లాడనున్నారు. [4]

ఈ గ్రామానికి చెందిన పగుట్ల తేజస్వి, ఒక వారంరోజుల వ్యవధిలో, ఐదుచోట్ల ఉద్యోగాలను సంపాదించి రికార్డులకెక్కినది. ఈమె తండ్రి శ్రీ పగుట్ల ప్రసాదు, కృష్ణా జిల్లా విస్సన్నపేట మండలం, కొర్లమండ గ్రామ శివారు గ్రామమయిన షేపూరివారిపాలెం గ్రామములోని ఆర్.సి.ఎం.పాఠశాలలో ప్రధానోపాధ్యాయులుగా పనిచేస్తున్నారు. తల్లి కుమారి గృహిణిగా ఉన్నారు. [6]

గణాంకాలు[మార్చు]

జనాభా (2011) - మొత్తం 8,907 - పురుషుల సంఖ్య 4,459 - స్త్రీల సంఖ్య 4,448 - గృహాల సంఖ్య 2,503;

2001 వ.సంవత్సరం జనాభా లెక్కల ప్రకారం గ్రామ జనాభా 8902.[3] ఇందులో పురుషుల సంఖ్య 4514, స్త్రీల సంఖ్య 4388, గ్రామంలో నివాసగృహాలు 2154 ఉన్నాయి. గ్రామ విస్తీర్ణం 3445 హెక్టారులు.

మూలాలు[మార్చు]

  1. "Office of the Registrar General & Census Commissioner, India - Village amenities of 2011".
  2. "చనుబండ". Retrieved 21 June 2016.
  3. భారత ప్రభుత్వం నిర్వహించిన 2011 గణాంకాల జాలగూడు

వెలుపలి లింకులు[మార్చు]

[2] ఈనాడు కృష్ణా; 2014,నవంబరు-8; 9వపేజీ. [3] ఈనాడు కృష్ణా; 2015,మార్చి-27; 6వపేజీ. [4] ఈనాడు అమరావతి; 2015,నవంబరు-11; 3వపేజీ. [5] ఈనాడు అమరావతి/నూజివీడు; 2017,మార్చి-2; 1వపేజీ. [6] ఈనాడు అమరావతి; 2017,ఏప్రిల్-4; 3వపేజీ. [7] ఈనాడు అమరావతి; 2017,ఏప్రిల్-7; 7వపేజీ.[8] ఈనాడు అమరావతి/నూజివీడు; 2017,జూన్-30; 1వపేజీ. [9] ఈనాడు అమరావతి/నూజివీడు; 2017,జులై-12; 1వపేజీ. [10] ఈనాడు అమరావతి/నూజివీడు; కృష్ణా 2017,ఆగష్టు-22; 2వపేజీ.


"https://te.wikipedia.org/w/index.php?title=చనుబండ&oldid=2560550" నుండి వెలికితీశారు