చెన్నుపాటి విద్య

వికీపీడియా నుండి
Jump to navigation Jump to search
చెన్నుపాటి విద్య
చెన్నుపాటి విద్య

చెన్నుపాటి విద్య


పదవీ కాలం
1980 - 1984 and 1989 - 1991
ముందు గోడే మురహరి
తరువాత వడ్డే శోభనాద్రీశ్వరరావు
నియోజకవర్గం విజయవాడ

వ్యక్తిగత వివరాలు

జననం (1934-06-05)1934 జూన్ 5
విజయనగరం, ఆంధ్రప్రదేశ్
మరణం 2018 ఆగస్టు 18(2018-08-18) (వయసు 84)
విజయవాడ
రాజకీయ పార్టీ భారత జాతీయ కాంగ్రెసు
జీవిత భాగస్వామి చెన్నుపాటి శేషగిరిరావు
సంతానం 1 కుమారుడు; 3 కుమార్తెలు

చెన్నుపాటి విద్య (Chennupati Vidya) భారత పార్లమెంటు సభ్యురాలు, [1] సంఘ సేవిక.

ఈమె ప్రముఖ హేతువాది గోపరాజు రామచంద్రరావు; గోరా కుమార్తె. ఈమె విజయనగరంలో 1934 జూన్ 5 తేదీన జన్మించింది. ఈమె ఆంధ్ర విశ్వవిద్యాలయంలో చదువుకున్నది. ఈమె చెన్నుపాటి శేషగిరి రావు గారిని 1950 లో వివాహం చేసుకున్నది. వీరికి ఒక కుమారుడు, ముగ్గురు కుమార్తెలు.

రాజకీయ రంగప్రవేశం[మార్చు]

1974లో విజయవాడ తూర్పు నియోజకవర్గం నుండి శాసనసభకు కాంగ్రేస్ పార్టీ తరఫున పోటీ చేయటానికి విద్య అభ్యర్థిత్వం ఖరారయింది. కానీ అప్లికేషన్లో కులం, మతం అనే కాలమ్‌లో "నిల్" అని పెట్టడంతో కాంగ్రెస్ టికెట్టు రాలేదు. దీనిపై ఆగ్రహించి, ఈ విషయాన్ని ఇందిరా గాంధీ దృష్టికి తీసుకెళుతూ "కులాలు, మతాలు అవసరం లేని రోజున, ఓ కాంగ్రెస్ కార్యకర్తగా నా సేవలు కావాల్సినపుడు, నన్ను పిలవండి.. అంతవరకూ నేను ఏ పదవి కోసం, టిక్కేట్టు కోసం దరఖాస్తు చేయను" అని ఖరాఖండిగా లేఖ వ్రాయగా ఆ లేఖ ఇందిరా గాంధీపై బలమైన ముద్ర వేసింది. అలా మాటకు కట్టుబడి ఏ అభ్యర్థిత్వానికి దరఖాస్తు పెట్టలేదు. అయితే 1979లో ఓ రాత్రి అకస్మాత్తుగా ఇందిరా గాంధీ స్వయానా ఫోన్ చేసి "విజయవాడ ఎంపీ టికెట్ నీకు ఇచ్చాను విద్య... గెట్‌రెడీ" అని చెప్పగా "మేడం ఎంపీగా నేను ఫిట్ అవుతానా?" అని సందేహం వెలుబుచ్చింది. "ఐ థింక్ యూ ఆర్ ది బెస్ట్ ఛాయిస్" అన్న ఇందిరా గాంధీ భరోసాతో పోటీచేసి జనతా పార్టీ అభ్యర్థి కె.ఎల్.రావు పై లక్షపైచిలుకుల ఆధిక్యతతో గెలుపొందింది.[2]

ఈమె విజయవాడ లోక్‌సభ నియోజకవర్గం నుండి 1980లో మొదటిసారిగా భారత జాతీయ కాంగ్రెసు సభ్యురాలిగా 7వ లోక్‌సభకు ఎన్నుకోబడింది. తర్వాత మరళ 1989 లో రెండవసారి అదే నియోజకవర్గం నుండి 9వ లోక్‌సభకు ఎన్నుకోబడింది.

ఈమె ఆంధ్ర ప్రదేశ్ ఖోఖో సమాఖ్య ప్రెసిడెంట్ గా పదవీ బాధ్యతలను నిర్వహించారు.

మరణం[మార్చు]

2018 ఆగస్టు 18 న విజయవాడలో మరణించారు.

మూలాలు[మార్చు]

  1. "Biodata of Chennupati Vidya at Parliament of India". Archived from the original on 2016-03-04. Retrieved 2013-03-06.
  2. అలనాటి రాజకీయం...కులమతాలకు అతీతం - వెబ్‌దునియాలో చెన్నుపాటి విద్య ఇంటర్వ్యూ