పరశురామ్ (దర్శకుడు)

వికీపీడియా నుండి
Jump to navigation Jump to search
పరశురామ్ నాయుడు పెట్ల
Parasuram Director.jpg
జననం
జాతీయతభారతీయుడు
విద్యాసంస్థఆంధ్ర విశ్వవిద్యాలయం, విశాఖపట్నం, ఆంధ్రప్రదేశ్
వృత్తిస్క్రీన్ ప్లే రచయిత, దర్శకుడు
క్రియాశీల సంవత్సరాలు2003–ప్రస్తుతం
భాగస్వామిఅర్చన
పిల్లలుఅభి, రుషి

పరశురామ్ (బుజ్జి) తెలుగు సినిమా స్క్రీన్ ప్లే రచయిత, దర్శకుడు.[1] 2008లో వచ్చిన యువత సినిమా ద్వారా దర్శకుడిగా మారిన పరశురామ్, ఆంజనేయులు, సోలో, గీత గోవిందం సినిమాలకు దర్శకత్వం వహించాడు.

జీవిత విషయాలు[మార్చు]

పరశురామ్ డిసెంబరు 25న విశాఖపట్నం జిల్లా చర్లోపాలెంలో జన్మించాడు. ఆంధ్ర విశ్వవిద్యాలయంలో ఎంబిఏ పూర్తిచేసాడు.

సినిమారంగం[మార్చు]

2002లో ఎంబిఏ పూర్తిచేసిన పరశురామ్, తన బంధువు పూరి జగన్నాథ్ దగ్గర ఇట్లు శ్రావణి సుబ్రహ్మణ్యం, ఆంధ్రావాలా, 143 సినిమాలకు సహాయ దర్శకుడిగా పనిచేశాడు. తరువాత 2008లో పరుగు సినిమాకు భాస్కర్ దగ్గర అసోసియేట్ డైరెక్టరుగా పనిచేశాడు.

2008లో నిఖిల్ సిద్దార్థ్ హీరోగా యువత సినిమాకు తొలిసారిగా దర్శకత్వం వహించాడు. ఈ సినిమా సినీ విమర్శకుల ప్రశంసలు అందుకోవడమేకాకుండా బాక్సాఫీస్ వద్ద విజయం సాధించింది.[2] 2009లో రవితేజ హీరోగా పరశురామ్ దర్శకత్వం వహించిన ఆంజనేయులు సినిమా కూడా సినీ విమర్శకుల నుండి అనుకూల స్పందనలతోపాటు బాక్సాఫీస్ వద్ద విజయం సాధించింది.[3]

2011లో నారా రోహిత్ హీరోగా వచ్చిన సోలో సినిమా కూడా విజయవంతమై, సినీ విమర్శకుల ప్రశంసలు అందుకుంది.[4] 2012లో రవితేజ హీరోగా వచ్చిన సారొచ్చారు సినిమా సినీ విమర్శకుల ప్రతికూల స్పందనలను అందుకోవడంతోపాటు[5] బాక్సాఫీస్ వద్ద పరాజయం పొందింది.[6]

2018లో విజయ్ దేవరకొండ, రష్మిక మందణ్ణా జంటగా నటించిన గీత గోవిందం సినిమా సినీ విమర్శకుల నుండి అనుకూల స్పందనలను అందుకోవడంతోపాటు ఆ సంవత్సరం విజయవంతమైన చిత్రాలలో ఒకటిగా నిలిచింది.[7]

ప్రస్తుతం మహేష్ బాబు నటిస్తున్న సర్కారు వారి పాట సినిమాకు దర్శకత్వం వహిస్తున్నాడు.

సినిమాల జాబితా[మార్చు]

దర్శకుడిగా

క్రమసంఖ్య సినిమాపేరు సంవత్సరం దర్శకుడు స్క్రీన్ ప్లే ఇతర వివరాలు
1 యువత 2008 అవును అవును తొలిచిత్రం
2 ఆంజనేయులు 2009 అవును అవును
3 సోలో 2011 అవును అవును
4 సారొచ్చారు 2012 అవును అవును
5 శ్రీరస్తు శుభమస్తు 2016 అవును అవును
6 గీత గోవిందం 2018 అవును అవును
7 సర్కారు వారి పాట 2021 అవును అవును

సంగీత దర్శకుడిగా

  1. ఫైవ్ స్టార్ (2002)

మూలాలు[మార్చు]

  1. "Parasuram". nettv4u. nettv4u. Archived from the original on 14 జూలై 2019. Retrieved 31 May 2020. CS1 maint: discouraged parameter (link)
  2. "Yuvatha - Review". Filmbeat. Archived from the original on 14 జూలై 2019. Retrieved 31 May 2020. CS1 maint: discouraged parameter (link)
  3. "Anjaneyulu". The Times of India. Retrieved 31 May 2020. CS1 maint: discouraged parameter (link)
  4. "Solo". The Times of India. Retrieved 31 May 2020. CS1 maint: discouraged parameter (link)
  5. "Sarocharu". The Times of India. Retrieved 31 May 2020. CS1 maint: discouraged parameter (link)
  6. "Ravi Teja Hits and Flops list". Michi9. Archived from the original on 14 జూలై 2019. Retrieved 31 May 2020. CS1 maint: discouraged parameter (link)
  7. "Geetha Govindam box office collection: Vijay Deverakonda-Rashmika Mandanna starrer storms box-office, enters 100 crore club". The Times of India. Retrieved 31 May 2020. CS1 maint: discouraged parameter (link)

ఇతర లంకెలు[మార్చు]