పాలెం (బిజినపల్లి)

వికీపీడియా నుండి
Jump to navigation Jump to search
పాలెం
—  రెవిన్యూ గ్రామం  —
రాష్ట్రం తెలంగాణ
జిల్లా నాగర్‌కర్నూల్ జిల్లా
మండలం బిజినపల్లి
ప్రభుత్వము
 - సర్పంచి
జనాభా (2011)
 - మొత్తం 4,511
 - పురుషుల సంఖ్య 2,294
 - స్త్రీల సంఖ్య 2,217
 - గృహాల సంఖ్య 1,035
పిన్ కోడ్ 509215
ఎస్.టి.డి కోడ్

పాలెం, తెలంగాణ రాష్ట్రం, నాగర్‌కర్నూల్ జిల్లా, బిజినేపల్లి మండలంలోని గ్రామం.[1]

ఇది మండల కేంద్రమైన బిజినపల్లి నుండి 3 కి. మీ. దూరం లోను, సమీప పట్టణమైన వనపర్తి నుండి 33 కి. మీ. దూరంలోనూ ఉంది. ఈ గ్రామాన్ని "దేవుడి పాలెం"గా కూడా పిలుస్తారు.1981లో ఇది మేజర్ గ్రామ పంచాయతి హోదా పొందింది.ఈ గ్రామానికి ఎలాంటి రాజకీయ పదవులు ఆశించక సుబ్రహ్మణ్య శర్మ పాలెం అభివృద్ధికి విశేషకృషి చేసాడు.

గణాంకాలు[మార్చు]

2011 భారత జనగణన గణాంకాల ప్రకారం ఈ గ్రామం 1035 ఇళ్లతో, 4511 జనాభాతో 450 హెక్టార్లలో విస్తరించి ఉంది. గ్రామంలో మగవారి సంఖ్య 2294, ఆడవారి సంఖ్య 2217. షెడ్యూల్డ్ కులాల సంఖ్య 920 కాగా షెడ్యూల్డ్ తెగల సంఖ్య 65. గ్రామం యొక్క జనగణన లొకేషన్ కోడ్ 575754[2].పిన్ కోడ్: 509203.

2001 లెక్కల ప్రకారం గ్రామ జనాభా 5172. ఇందులో పురుషుల సంఖ్య 2867, స్త్రీల సంఖ్య 2305. గృహాల సంఖ్య 967.

విశేషాలు[మార్చు]

  • పూర్వపు మహబూబ్ నగర్ జిల్లాలోనే తొలిసారిగా పౌల్ట్రీ పరిశ్రమ పాలెంలోనే ప్రారంభమైంది.
  • ఇక్కడ ప్రాంతీయ వ్యవసాయ పరిశోధనా కేంద్రం ఉంది.
  • మరో ప్రత్యేక మైన విశేషం 1979 సంవత్సరంలో సంపూర్ణ సూర్య గ్రహణం[3] లో ఈ గ్రామం సూర్య కదలికలకు ప్రఖ్యాత శాస్త్రవేత్తలు సుమారు 130 దేశాలనుంచి పరిశీలించినడా నికి వచ్చారు .

దేవాలయాలు[మార్చు]

శ్రీ వేంకటేశ్వర స్వామి దేవాలయం[మార్చు]

పాలెం శ్రీవేంకటేశ్వరస్వామి ఆలయం

ఈ ఆలయాన్ని మనుసాని నీలకంఠయ్య కుమారులు అయిన రామలింగయ్య, బాలలింగయ్యలు కట్టించారు. 1961 వ సంవత్సరములో శంకుస్థాపన జరిగింది. అప్పటి జిల్లా పరిషత్ అధ్యక్షుడు కె.రామచంద్రా రెడ్డి దీనికి శంకుస్థాపన చేసాడు. ఆరు నెలలు కాలంలో ఆలయం నిర్మించబడి, 1962, మే 14 నాడు స్వామి వారి ప్రతిష్ఠ ఘనంగా జరిగింది.

స్వామి వారి ప్రతిష్ఠానంతరం 1964, సెప్టెంబర్ 21 నాడు ఆలయం కట్టించిన వారే పద్మావతీ దేవి విగ్రహాన్ని కూడా ప్రతిష్ఠించారు. ఈ ఆలయానికి ముందు విశాలమైన మంటపము ఉంది. దానిలో ఒక భాగాన్ని 1977 వ సంవత్సరములో మనుసాని శంకరయ్య కుమారుడు రాములు ఆళ్వారు ప్రతిష్ఠ చేయించాడు. ఈ ఆలయానికి అనుభందంగా అన్నసత్రం కూడా నిర్వహించబడుతుంది.ప్రతి ఏటా మాఘ మాసంలో ఇక్కడ బ్రహ్మోత్సవాలు జరుగుతాయి.

శివాలయం[మార్చు]

ఇక్కడ ఒక శివాలయం కూడా స్థాపించబడింది. దాన్ని 1981, ఫిబ్రవరి 9 నాడు రామ బ్రహ్మేశ్వరాలయం పేరిట మనుసాని శంకరయ్య కుమారులు రాములు కట్టించి శివ ప్రతిష్ఠ చేయించాడు. అదే ఏట జూన్ 14 నాడు మనుసాని శంకరయ్య నవగ్రహ ప్రతిష్ఠ చేయించాడు. ఈ ఆలయాలు వెంకటేశ్వరాలయానికి ఎడమ వైపున ఉన్నాయి.

విద్యా సౌకర్యాలు[మార్చు]

గ్రామంలో ప్రభుత్వ జూనియర్ కళాశాల (స్థాపన: 1969-70), శ్రీ వెంకటేశ్వర ప్రభుత్వ డిగ్రీ కళాశాల. ఉన్నాయి.గ్రామంలో ఒక ప్రైవేటు బాలబడి ఉంది. ప్రభుత్వ ప్రాథమిక పాఠశాలలు ఏడు, ప్రైవేటు ప్రాథమిక పాఠశాలలు మూడు, ప్రభుత్వ ప్రాథమికోన్నత పాఠశాలలు ఐదు , ప్రైవేటు ప్రాథమికోన్నత పాఠశాలలు రెండు, ప్రభుత్వ మాధ్యమిక పాఠశాలలు నాలుగు, ప్రైవేటు మాధ్యమిక పాఠశాలలు రెండు ఉన్నాయి. ఒక ప్రభుత్వ జూనియర్ కళాశాల2 ప్రభుత్వ ఆర్ట్స్ / సైన్స్ డిగ్రీ కళాశాలలు ఉన్నాయి.సమీప ఇంజనీరింగ్ కళాశాల నాగర్‌కర్నూల్లో ఉంది. సమీప వైద్య కళాశాల మహబూబ్ నగర్లోను, పాలీటెక్నిక్‌ వనపర్తిలోను, మేనేజిమెంటు కళాశాల నాగర్‌కర్నూల్లోనూ ఉన్నాయి. సమీప వృత్తి విద్యా శిక్షణ పాఠశాల, అనియత విద్యా కేంద్రం నాగర్‌కర్నూల్లోను, దివ్యాంగుల ప్రత్యేక పాఠశాల మహబూబ్ నగర్ లోనూ ఉన్నాయి.

వైద్య సౌకర్యం[మార్చు]

ప్రభుత్వ వైద్య సౌకర్యం[మార్చు]

పాలెంలో ఉన్న ఒక సామాజిక ఆరోగ్య కేంద్రంలో ముగ్గురు డాక్టర్లు , 9 మంది పారామెడికల్ సిబ్బందీ ఉన్నారు. ఒకప్రాథమిక ఆరోగ్య కేంద్రంలో ఇద్దరు డాక్టర్లు , ఆరుగురు పారామెడికల్ సిబ్బందీ ఉన్నారు. ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఇద్దరు పారామెడికల్ సిబ్బంది ఉన్నారు. ఒక పశు వైద్యశాలలో ఒక డాక్టరు, ఒకరు పారామెడికల్ సిబ్బందీ ఉన్నారు. ఒక కుటుంబ సంక్షేమ కేంద్రంలో ఒక డాక్టరు, ఇద్దరు పారామెడికల్ సిబ్బందీ ఉన్నారు. సంచార వైద్య శాల గ్రామం నుండి 5 కి.మీ. లోపు దూరంలో ఉంది. మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం[మార్చు]

గ్రామంలో3 ప్రైవేటు వైద్య సౌకర్యాలున్నాయి. డిగ్రీ లేని డాక్టర్లు ముగ్గురు ఉన్నారు. ఒక మందుల దుకాణం ఉంది.

తాగు నీరు[మార్చు]

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది. బోరుబావుల ద్వారా కూడా ఏడాది పొడుగునా నీరు అందుతుంది. చెరువు ద్వారా గ్రామానికి తాగునీరు లభిస్తుంది.

పారిశుధ్యం[మార్చు]

గ్రామంలో భూగర్భ మురుగునీటి వ్యవస్థ ఉంది. మురుగునీరు బహిరంగ కాలువల ద్వారా కూడా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు[మార్చు]

పాలెంలో పోస్టాఫీసు సౌకర్యం ఉంది. సబ్ పోస్టాఫీసు సౌకర్యం గ్రామానికి 5 కి.మీ. లోపు దూరంలో ఉంది. పోస్ట్ అండ్ టెలిగ్రాఫ్ ఆఫీసు గ్రామం నుండి 10 కి.మీ.కి పైబడిన దూరంలో ఉంది. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామానికి 5 కి.మీ. లోపు దూరంలో ఉన్నాయి.

గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులుప్రైవేటు బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. రైల్వే స్టేషన్ గ్రామం నుండి 10 కి.మీ.కి పైబడిన దూరంలో ఉంది.

రాష్ట్ర రహదారి, ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. జాతీయ రహదారి గ్రామం నుండి 10 కి.మీ.కి పైబడిన దూరంలో ఉంది. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.

మార్కెటింగు, బ్యాంకింగు[మార్చు]

గ్రామంలో ఏటీఎమ్, యూనియన్ బ్యాంక్ ఆఫ్ ఇండియాకు చెందిన బ్యాంకు ఉన్నాయి. గ్రామంలో స్వయం సహాయక బృందం, పౌర సరఫరాల కేంద్రం, వారం వారం సంత ఉన్నాయి. సహకార బ్యాంకు, వ్యవసాయ పరపతి సంఘం గ్రామం నుండి 5 కి.మీ. లోపు దూరంలో ఉన్నాయి. రోజువారీ మార్కెట్, వ్యవసాయ మార్కెటింగ్ సొసైటీ గ్రామం నుండి 5 కి.మీ. లోపు దూరంలో ఉన్నాయి.

ఆరోగ్యం, పోషణ, వినోద సౌకర్యాలు[మార్చు]

గ్రామంలో అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో ఆటల మైదానం, సినిమా హాలు, గ్రంథాలయం, పబ్లిక్ రీడింగ్ రూం ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ స్టేషన్, జనన మరణాల నమోదు కార్యాలయం ఉన్నాయి. సమీకృత బాలల అభివృద్ధి పథకం గ్రామం నుండి 5 కి.మీ. లోపు దూరంలో ఉంది.

విద్యుత్తు[మార్చు]

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 10 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం[మార్చు]

పాలెంలో భూ వినియోగం కింది విధంగా ఉంది:

  • వ్యవసాయేతర వినియోగంలో ఉన్న భూమి: 9 హెక్టార్లు
  • వ్యవసాయం సాగని, బంజరు భూమి: 42 హెక్టార్లు
  • వ్యవసాయం చేయదగ్గ బంజరు భూమి: 37 హెక్టార్లు
  • సాగులో లేని భూముల్లో బీడు భూములు కానివి: 17 హెక్టార్లు
  • బంజరు భూమి: 25 హెక్టార్లు
  • నికరంగా విత్తిన భూమి: 320 హెక్టార్లు
  • నీటి సౌకర్యం లేని భూమి: 283 హెక్టార్లు
  • వివిధ వనరుల నుండి సాగునీరు లభిస్తున్న భూమి: 79 హెక్టార్లు

నీటిపారుదల సౌకర్యాలు[మార్చు]

పాలెంలో వ్యవసాయానికి నీటి సరఫరా కింది వనరుల ద్వారా జరుగుతోంది.

  • బావులు/బోరు బావులు: 9 హెక్టార్లు* చెరువులు: 70 హెక్టార్లు

ఉత్పత్తి[మార్చు]

పాలెంలో ఈ కింది వస్తువులు ఉత్పత్తి అవుతున్నాయి.

ప్రధాన పంటలు[మార్చు]

వరి, జొన్న

ఇవి కూడా చూడండి[మార్చు]

మూలాలు[మార్చు]

  1. తెలంగాణ ప్రభుత్వ ఉత్తర్వులు GO. Ms. No. 243, Revenue (DA-CMRF) Department, Date: 11.10.2016  
  2. "Office of the Registrar General & Census Commissioner, India - Village amenities of 2011".
  3. "Total Solar Eclipse on February 26, 1979". www.timeanddate.com (in ఆంగ్లం). Archived from the original on 2019-07-05. Retrieved 2020-07-14.

వెలుపలి లింకులు[మార్చు]