పిడుగురాళ్ల

పిడుగురాళ్ల
పట్టణం
పిడుగురాళ్ల
Coordinates: 16.48°N 79.9°E / 16.48; 79.9
దేశం	భారతదేశం
రాష్ట్రం	ఆంధ్రప్రదేశ్
జిల్లా	పల్నాడు జిల్లా
మండలం	పిడుగురాళ్ళ మండలం
Area
• మొత్తం	31.63 km2 (12.21 sq mi)
Population  (2011)
• మొత్తం	63,103
• Density	2,000/km2 (5,200/sq mi)
జనగణాంకాలు
• లింగ నిష్పత్తి	1003
Area code	+91 ( 08649  )
పిన్(PIN)	522 413
Website

పిడుగురాళ్ల, పల్నాడు జిల్లా చెందిన పట్టణం, పిడుగురాళ్ల మండల కేంద్రం.

భౌగోళికం

జిల్లా కేంద్రమైన నరసరావుపేట నుండి వాయవ్య దిశలో 35 కి.మీ దూరంలో వుంది.

జనగణన గణాంకాలు

2001 వ.సంవత్సరం జనాభా లెక్కల ప్రకారం గ్రామ జనాభా 50,127. ఇందులో పురుషుల సంఖ్య 25,546, స్త్రీల సంఖ్య 24,581, గ్రామంలో నివాస గృహాలు 11,222 ఉన్నాయి. పట్టణ విస్తీర్ణము 3,149 హెక్టారులు.

రవాణా సౌకర్యాలు

పిడుగురాళ్ల, పలు జాతీయ రహదారుల కూడలి. జాతీయ రహదారి 167A (భారతదేశం), నార్కెట్‌పల్లి - అద్దంకి - మేదరమెట్ల రహదారి ఇక్కడ కలుస్తాయి. గుంటూరు-నడికుడి - మాచర్ల రైలు మార్గం, హైదరాబాదు - నడికుడి - గుంటూరు రైలు మార్గం ఇక్కడ కలుస్తాయి. పగిడిపల్లి -నల్లపాడు విభాగంలోకి ఈ రైలు నిలయం వస్తుంది. ఇక్కడ కొత్త పిడుగురాళ్ల జంక్షన్ నుండి నడికుడి- శ్రీకాళహస్తి మార్గంలో శావల్యాపురం వరకు 46 కి.మీ. దూరం కొత్త రైలుమార్గం పనులు పూర్తయ్యాయి.

విద్యా సౌకర్యాలు

మన్నెం పుల్లారెడ్డి జిల్లా పరిషత్తు ఉన్నత పాఠశాల: రాష్ట్రంలోనే విద్యార్థుల సంఖ్య ఎక్కువగా ఉన్న ప్రభుత్వ పాఠశాలలలో ఇది మూడవది. ఇక్కడ 1583 మంది విద్యార్థులు ఉన్నారు.

ఎస్.పి.బాలసుబ్రహ్మణ్యం మ్యూజిక్ ఎకాడమీ

పిడుగురాళ్ళలోని ఏ.బి.సి.విద్యాసంస్థల నిర్వాహకులు ఏ.కె.అయ్యంగార్‌కు సంగీతం అంటే ప్రాణం. వీరు హైదరాబాదులోని యూసఫ్‌గూడాలో ఒక రికార్డింగ్ స్టూడియో నిర్మించాడు. ఈ స్టూడియోని ప్రముఖ గాయకులు ఎస్.ప్.బాలసుబ్రహ్మణ్యం ప్రారంభించాడు. పిడుగురాళ్ళలో బాలుగారి అనుమతితో అయ్యంగార్, "శ్రీ బాలసుబ్రహ్మణ్యం మ్యూజిక్ అకాడమీ" ని రిజిస్టర్ చేయించి, తద్వారా పిల్లలకు సంగీతం, నాట్యం, సాహిత్యం, చిత్రలేఖనం నేర్పించుచున్నాడు.

దర్శనీయ ప్రదేశాలు/దేవాలయాలు

• శ్రీ భోగలింగేశ్వర స్వామివారి ఆలయం: ఈ ఆలయం ఐదు శతాబ్దాల కాలం నాటిదని చారిత్రిక ఆధారాల ద్వారా తెలియుచున్నది. శివపరివార దేవతలతో అందంగా ఆహ్లాదకరంగా ఉన్న ఈ ఆలయ శోభ విశిస్టమైనది. ప్రతి సోమవారం విశేష పర్వదినాలలో ప్రత్యేక పూజలు విశేషంగా జరుగును.
• శ్రీ కనకదుర్గ అమ్మవారి ఆలయం
• శ్రీ దేవీ భూదేవీ సమేత శ్రీవేంకటేశ్వరస్వామివారి ఆలయం
• శ్రీ సరస్వతీ అమ్మవారి ఆలయం: ఈ ఆలయం, పిడుగురాళ్ళలోని నాగులగుగుడిలో ఉంది.
• శ్రీ సువర్చలా సమేత శ్రీ ప్రసన్నాంజనేయస్వామివారి ఆలయం: పిడుగురాళ్ళ పట్టణంలోని ప్రజాశక్తినగర్ లో ఉన్న ఈ ఆలయంలో, 2016,జనవరి-28వ తేదీ గురువారంనాడు, స్వామివారి కళ్యాణం వైభవంగా నిర్వహించారు.
• శ్రీ అయ్యప్ప స్వామి దేవస్థానం అయ్యప్ప

నగర్ పిడుగురాళ్ల ఈ దేవాలయం 
పిడుగురాళ్ల నుంచి అద్దంకి నార్కెట్పల్లి 
హైవే నందు ఉన్నది ఈ దేవస్థానము 
నందు ప్రతి సంవత్సరం 5000 మందికి 
మాలాధారణ జరుగుతుంది స్వామివారికి 
అభిషేకాలు ప్రత్యేకము ఈ దేవస్థానంలో 
నవంబర్ 16 నుండి డిసెంబర్ 26 వరకు 
భారీగా అన్నదాన కార్యక్రమం జరుగుతుంది 
భక్తులు వేల సంఖ్యలో పాల్గొంటారు 
ప్రతి సంవత్సరం
పడిపూజ మహోత్సవం జరుగు తేదీలు
1, జూన్15 దేవస్థానం ప్రతిష్టాదిన 
మహోత్సవం
2, నవంబర్ 16 మండల కాలం ప్రారంభం 
3, డిసెంబర్ 26 మండల కాలంముగింపు
4, జనవరి 1 నూతన సంవత్సరం
5, జనవరి 14 మకర సంక్రాంతి మరియు 
జ్యోతి ప్రజ్వలన
ప్రతిరోజు మహాగణపతి హోమం 
జరుగుతుంది.